لأصــحـاب البــاتـرول

[ابو شجاع]

السلام عليكم ورحمة الله وبـركاته:


كيف حالكم ادرى انى مبطى عن بعض الأخوان و المنتدى العــزيــز.....


لاكن اليــوم جايــب لـكـم موظوع عن صيانة الباترول خصوصا أو الـدفـع الربـاعي عموما واجهتنى مشكلة في سيارتى باترول تهريب مويه من خرطوش صعب اوصله رحت للصناعـية القديـمة ومريت على محل صيانة اديترات وكان فية شاب سعودى ودلنى على ورشة خلف ترايستار تخصص دفع ربـاعي توجهت للورشة ودخلتها
وتفاجئة:confused: ان اللي استقبلني كذلك شاب سعودى لابس الفرهول وابتسامته الي اخجلتنى واستقباله اللي مايحتاج
وكان فى الورشة كذا شاب سعودى مستفرد بسيارة:good: وهذا ماشجعنى انى اصلح سيارتى عندهم والسبب
ان ابو صالح يوم يستقبلنى قالى خل السيارة وانا ادق عليك علشان يفحصها زين ما زين وبعدها يعلمنى بالعطل
مهوب زى بعض الايدى العاملة فى الورش او الوكالات اللي تسرقنا ولاتقدر تحاجهم على شغلهم والاهم من هذا كله سمننا فى دقيقنا وتشجيع لاخوننا الشباب اللى فيهم الامانة والصدق ويجب علينا دعمهم:)ولا ماتأيدون كلامى
وبعد هذى القصة قررت انى ما اتعامل الا مع شبابنا لأمانتهم:good: وصدقهم


عموما انصحكم بالورشة:
ورشة الــتـركـي
وابي رايكم بالتأييد او عدمه

[ابن عكاش]

الله يوفقنا وياهم ويرزقنا وياهم وكلامك عين الصواب وجزاك الله خير على فعلك الطيب وان شاء الله يكونون عند حسن الظن

[قناص متقاعد]

والله صار لي معهم موقف .

لكن ما اقول الله يوفقهم

[1000 طين]

الله يوفقهم

حتى لو كانوا أغلا من الاجانب فهم يستاهلون أكثر

تعطيهم ولا تعطي البقالي

[ابوسعودد]

الله يوفقهم ويخليهم لنا حقيقي والله انه قمة الفخر

[مقلع الرمث]

ياناس خلهم اغلاء منهم ولا فلوسنا تطلع براء العبو فينا لعب سنويا مليارات بالخارج والله مصيبه مالكم الاتقاطعون الاجانب وخلكم بعربيا افضل

[شاهين تميم]

نعم وهم أكفأ من العمالة بمراحل ومنصحين لك

[دفي الوقت]

انا صار لي موقف معهم اذا تقصد ابو صالح اللي يصلح المراوح الكهرب لايهمك

[abdulrahmanfd]

ابو شجاع مثل ما تفضلت وبدون ما اتعصب لفئة او ضد فئة لكن السعودي ومهما كان اولى من غيره ، وورشة التركي معروفة والشباب فيها اجاويد ويفيدونك بكل شيء من ناحية صيانة او تعديل او غيره ، وتعليقاً على الاخ دفى الوقت كان لي ملاحظة على شغل الخطيب بالمراوح من قبل لكن لما رجعت له وبينت له ضبط شغله من جديد وصار احسن ، هذا اللي يميز اللي يشتغل بطيب خاطر وبال وسيع وبارك الله فيكم وفيهم.

[ابو شجاع]

وعليكم السلام ورحمة الله وبركاتة:

1_ ابن عكــاش مشكور على مرورك وتشجيعك:good:

2_قناص متقاعد ياهلا وسهلا ودى اذا ماكان فية احراج تذكر لنا الوقف واذا هم عوضوك فية او لا
ترى كل بنى ادم يغلط وهذولى عيال ديرتك محتاجينك وبين لهم خطاهم علشان مايعيدونه مو عيب والله يجزاك خير على كلامك الطيب.........

3_1000الطين الله لايحرمهم ولايحرمنا بس عيال ديرتك اولى مشكور على مرورك

4_ابوسعودد مــشـكور على الكلمات الطيبة صحيح هم الفخر

5_مقلع الرمث كلام جميل (ياناس خلهم اغلاء منهم ولا فلوسنا تطلع براء )

6_شاهين تمام صدقت بكلامك وانا اخوك ومستعد احلفلكم

7_دفي الوقت كلمة لايهمك ترى وانا اخوك (......)اســف على هذا الرد ارجو منك اتخذت رد اخوك
(قنـــاص متــقاعد)

8_abdulrahmanfd الف 1000 شكر على مرورك وصدقت يكفى انه اولى من (غيرهـ) واشكرك على تعليـقــك لأخوى دفي الوقت


وسعدت بمشاركتكم

[دانكن]

كان الاجنبي اخبر والله ما احط موتري عند السعوديين ..

..

:)

[دفي الوقت]

الى اخواني الاعزاء

اخوي ابو شجاع كلمه لايهمك تعني اقل مايمكن يقال عن شخص انا تعاملت معه والظاهر الشخص اللي تعاملت يعني تخيل انك تجي من حي الحمراء لصناعيه الخرج كل يوم بليموزين وترجع وشغلتك ماخلصت والمشكله مايرد على جواله علشان تسأله سيارتك خلصت والا لا

وهو يركب مراوح ويقاله ابوصالح انا ماسبيت الرجال قلت لايهمك يعني شغله اما هو احترمه كأنسان اعزه الله بكل شي ولكن بالعمل لايهمك

[altheeeb79]

حقيقه أنا أرى إن الشباب السعودي أفضل من العماله0 ومن يخالفني الرآى يجرب الشباب السعودي ومن ثم يحكم0 على الاقل هذا إبن بلدك ولغة الحوار معه متواصله وتجيب نتيجه ونادرا ماتجد مثل هؤلاء الشباب من يستغلك 0

[دفي الوقت]

والله العظيم اني من اكثر مشجعي الشباب السعودي وشي يثلج الصدر وبالعكس احيانا تساعدهم انت بالشغل ولكن مو معناته سعودي خلاص والنعم فيهم بأي مجال

اخواني حتى الطبيب السعودي ترتاح له اكثر من الاجنبي على الاقل يكون صادق معك


اتمنى لجميع السعوديين الموهوبين التوجه لمثل هذه الاعمال والله انها منجم ذهب ومع الاسف الاجانب اكلونا ويحولون ملايين لبلدانهم من ورا ظهورنا واللي عنده موهبه في السيارات او اي مجال ثاني لايترك لهم فرصه
ليس من باب الحسد ولكن من باب اننا احق بثروات هذا البلد الطيب من الاجنبي


والله يوفق الجميع

[أبو درويش]

الشاب السعودي ما اشتغل هالشغله الا انه خبير بها ومحترف
علشان كذا صلح سيارتك عنده واضمن

[سيف الظفير]

انا مع الفاهم في السيارات حتى لو هو يهودي

ابي اللي يضبط الخلل بالسيارة وبخصوص الدعم المعنوي ياخذونة من ربعهم والمادي ينتظرون الدولة

[ابو شجاع]

يامــرحـبــــا:

دانكن: كل واحد له وجهة نظر ولولا اختلاف الأراء لبارة السلع

دفى الوقت: هلا بك ياخوى انا ماقول انك تسب او سبيت الرجال موظوعى كله علشان الشباب السعودى ودعمهم
وارجو منك مأزرتهم وعدم التقليل من همتهم مهما جراء منهم ومع الوقت يتلافون خطأهم (والله انها منجم ذهب ومع الاسف الاجانب اكلونا ويحولون ملايين لبلدانهم من ورا ظهورنا واللي عنده موهبه في السيارات او اي مجال ثاني لايترك لهم فرصه) ويكفى منك هالجمله:good:
وارجو انك ماتزعل منى

altheeeb79: شكرا على الكلمة الطيبة وتشرفة بمرورك

ابو درويش: والله انك صدقت وما ازود على كلامك

سيف الظفير: كلنا ندور الخبرة والافضل لاكن ابحث عن الدعم للشباب السعودى

[ابو ريان 2008]

انا مع الفاهم في السيارات حتى لو هو يهودي

ابي اللي يضبط الخلل بالسيارة وبخصوص الدعم المعنوي ياخذونة من ربعهم والمادي ينتظرون الدولة
هلا اخوي سيف ظفير نحن اردنا رفع معنويات الشباب السعودي وانت لوتشتغل في الصناعية ماقلت كلام هالكبر جزاك الله خيرا وردك الى بصيرتك وعافاك من كل شر

[ابو شجاع]

ابو ريان: مشكور على مرورك وهذى زبدة الموظوع فى دعم الايدي السعودية الشــابـه

[الجيب الريو]

ياناس خلهم اغلاء منهم ولا فلوسنا تطلع براء العبو فينا لعب سنويا مليارات بالخارج والله مصيبه مالكم الاتقاطعون الاجانب وخلكم بعربيا افضل
للعلم حوالات الاجانب تبلغ نصف ميزانية المملكه سنوياً
والله لو القى ورشة سعوديه 100% عندهم ذمه واخلاص بالعمل لا اصلح عندهم ولو بزيادة 50% عن السوق
مشكوووووور

[بريشيع]

كان الاجنبي اخبر والله ما احط موتري عند السعوديين ..

..

:)
الزميل هذا مسوي دعاية مجانيه لشركة اجنبية هي اولى بالمقاطعة من شبابنا او حتى من تجارنا..

والله من وراء القصد,,

[ابو شجاع]

هلا بك اخوى


الصحن الحيدرى: اخونا دانكن لايبحث عن دعاية وانما يبحث عن عمل جيد ومضمون من بعد الله ولهذا السبب نقولكم ادعمو الشـبـاب وبعدها يكسبون الخبرة وينافسون الصناع او المصانع والشركات ودائما (الشيء يبداء من صغير ومن ثم يكبر )بالعمل والجد والاجتهاد



الجيب الريو: كلامك سليم لاكن خلونا نتكلم عن اللى جاي وننسى مافات ونبداء بيد واحده عن الشبـاب السعودى


حتى ولو كانت بتنظيم حملة بأســم
(لشـباب الوطن ) او( ادعمو يدي ):good: بدل من (خــلوها تصـدى);) ومنها نحن


من يستفيد وابناء جلدتنا

[شمالات نجد]

انا مع الفاهم في السيارات حتى لو هو يهودي

ابي اللي يضبط الخلل بالسيارة وبخصوص الدعم المعنوي ياخذونة من ربعهم والمادي ينتظرون الدولة


نفس الكلام أهم شيء اللي يضبط الشغل

---------------------------------


بعدين الحين الشباب ماخذين مقلب في السعودي إذا اشتغل

كلها سنه سنتين بالكثير ويجيب عمال بنغاليه بعد ما يكسب زباين وهو يجلس في مكتب الورشه (الحساب والاشراف فقط) وبعدها شوي شوي ويأجر الورشه للبنغالي

صارت قبل كثير وبتصير مستقبلاً أكثر ما دام المجتمع متعود على الأجانب

والعلم عند الله

سلام

[جب هآت ود عط]

:) آبو ريــان معك حق ولا تعبت 0~00 اخوي سيف الضفير ؟؟؟؟؟؟؟؟؟ علا العموم مهما كان الامر شبابنا يحتاجون تشجيع وما بكم قصورر ~~~ كلن بأســمه بدآل هالدوجه بنصاص الليل والفرفره :) يدورله شغله تمشي امووره وعلى قولت اخواننا
عز الله انكم صدقتو هالاجانب وش زودهم عن الشباب السعودي

وقبل فتره زرت مطعم يقاله هرفي والله كم شاب سعودي موضفين في نفس المطعم

وطحت في واحد الله يخليه لأمه الله يشهد انه ما قصر معي ويعاملك احسن معامله

وارجو مساعده شباب المستقبل

ما قلنا ساعد وجامل من فوق خشمك :D

كلن ونفسيته


مشكوور يا صاحب الموضوع وسامحونه على الاطاله


تر ما قال الا عين ــآلصـوآآب :j

[ابو شجاع]

غرشوووووب111: اشكرك على مرورك ومثل ماقلت (ارجو مساعدة شباب المستقبل)

شمالات نجد: انا مااوفقك ولانيب موافقك على كلامك ارجو من الله ان يهيدك ثم انك تعيد النظر فيما كتبت عن شبابنا.......