عضو جديد ، واضيفوني برابطة ملاك التاهو <<< جحد الجموس واليوكون

[abo shoq]

السلام عليكم

مشارك جديد يا أخواني وامل من الله ثم منكم <<< بدت الشحاذة

مساعدتي وإفادتي بكل شيء زين اقدر ارهمه بالسيارة

السيارة تاهو مرتبتين 2001 وانا رجال لي في البر شوي والمدينة شويات وحاب اني ازبط فيه

لذا عطوني الاقتراحات وعندي كم استفسار

1. البوصلة الالكترونية الموجودة في المراية هل اقدر اعربها ؟؟
2. كيف اضيف وسائل ترفيه دي في دي واجهزة اخرى بدون ما اكثر حوسه وبيني وبينكم ما يصلح لي دي في دي راكب على طول لان السيارة وقفتها برى دائماً يعني ابجمع الحرامية تقل مجمع قطاوه على سمكه :D
3. التلغيمات والتجهيزات والخزان والعدد ومحولات الكهرب و... إلخ الخاصة بالبر تكلمو عنها بإسهاب
4. متى يصلح التطعيس وخصوصاً بالأمريكي وهل اذا مديته بالطعوس يخرب او تكثر خراباته ؟؟؟ لانه يهمني اعرف تحمله في البر وبالنفود (مطناج ، حفرة ، سيف ، إلخ)

5. هناك مكان ما فهمت وش فائدته والظاهر انه ديكور ( الصور ادناه) هل اقدر استفيد منه بالأضافة إلى وجود 3 فتحات ولاعة (يعني حط راكب بالنص وكلكم اشحنو جوالاتكم بنفس الوقت :D)
http://up.arabseyes.com/upfiles/czi02628.jpg (http://up.arabseyes.com/)
تحميل صور (http://up.arabseyes.com/)
http://up.arabseyes.com/upfiles/kgg02599.jpg (http://up.arabseyes.com/)
تحميل صور (http://up.arabseyes.com/)


6. والاخير وش الأكسسوارات اللي اقدر استفيد منها داخل الغمارة <<< عايش على ايام ام عزيز

[abo shoq]

افا وش السالفة لا يكون اكتب في شعيب ثاني وما دخلت المنتدى زين

وين الشباب؟؟

[ابو نايف 111]

السلام عليكم
مرحبا اخوي فيه رابطه في اول الصفح
التاهو اليوكن راح تحصل مرادك فيها

[abo shoq]

الله يحييك

يعني اشيل موضوعي واروح لمهم ؟؟

[المارينز]

مالك الا الصبر .. ويش وداك له


روح يابعدي للرابطة

[abo shoq]

يا رجال بكل الحالتي محد رد علي

شف كتابتي بالصفحة 24 ولا احد رد علي برابطتهم <<< شكلي ببيعه واشوف راعين الحوض

وموضوعي جالس لحالي هنا

[المارينز]

اجل دام الدعوة كذا خلني ابتفلسف عليك

وانت خذ وخل من كلامي

1- البوصلة اذا كنت تقصد اللي تطلع حروف ( E - W - N - S ) ماعمري شفتها بالعربي .. فلذلك انا ارى والراي لك .. انها ما تتعرب .. بس اذا تبيني اترجم لك ماعندي مانع

2 - بالنسبة للشاشة .. رح للغرابي وبتحصل شاشات على مزاجك تشغل كلش دي في دي وام بي ثري و تشبك عليها البلاي ستيشن ...

وفيه منها نوعين اللي تركب بالسقف .. واللي على المراتب ... انا ارشح اللي على المراتب لانها ماتحتاج تخريم وحوسه وركب وامش

واسعارها من الف ومتين وحولها

3 - التلغيمات ووو مادري عنها .. اسمع انهم يركبون بطارية احتياط << يسمع بالتلغيم

4- في التطعيس مادري عنه بس يمدحونه

5 - المكان اللي في الديكور شكله والله العالم اني مدري وشهو..

والله يعطيه خيره ويكفيك شره

[abo shoq]

جزااااااااااك الله خير يا الماريز

يكفي ونستني بموضوعي ، <<< مستاحش لحالي


ومنكم الفائدة يخوي

[اسير الغضا]

هلابك ياخلفهم ابو شوق بمنتداك مكشات
طبعا بخصوص تركيب محولات والتظبيط
عندك الرابط به اشياء مشتركه بجميع السيارات بس موترك امريكي يعني ما يصلح تعلكه بالبر وتخليه تقل باترول
على العموم هذا رابط تجهيزات وبوسط الموضوع فيه روابط وصور http://www.mekshat.com/vb/showthread.php?t=159190

[طرد الهوى]

ابو شوق

ابي افيدك باللي اعرفه . العزم خذ عزم ما تجيبه الربعات

الموتر ما عليه يستحمل بس الله الله اي شي ينكد عن اللزوم لا بد يطلب

وعشانك يابعد حيي اهديك هالمقطع من تصويري هو المقطع لليوكن بس تراه نفس

قوة المكينه والقوه . وبعد مرقاه ما تجيبه الربعات

تحياتي لك


http://www.×××××××.com/watch?v=s6tPP5IufIo&eurl=http://www.t63ys.com/vb/t99941.html

[طرد الهوى]

http://www.×××××××.com/watch?v=s6tPP5IufIo&eurl=http://www.t63ys.com/vb/t99941.html

[abo shoq]

هلابك ياخلفهم ابو شوق بمنتداك مكشات
طبعا بخصوص تركيب محولات والتظبيط
عندك الرابط به اشياء مشتركه بجميع السيارات بس موترك امريكي يعني ما يصلح تعلكه بالبر وتخليه تقل باترول
على العموم هذا رابط تجهيزات وبوسط الموضوع فيه روابط وصور http://www.mekshat.com/vb/showthread.php?t=159190


تسلم على مرورك الكريم والإفادة ،،،


ابشوفه

[abo shoq]

ابو شوق

ابي افيدك باللي اعرفه . العزم خذ عزم ما تجيبه الربعات

الموتر ما عليه يستحمل بس الله الله اي شي ينكد عن اللزوم لا بد يطلب

وعشانك يابعد حيي اهديك هالمقطع من تصويري هو المقطع لليوكن بس تراه نفس

قوة المكينه والقوه . وبعد مرقاه ما تجيبه الربعات

تحياتي لك


http://www.×××××××.com/watch?v=s6tPP5IufIo&eurl=http://www.t63ys.com/vb/t99941.html


والله انك صادق جربته ما يبغاله هاك الدعس اللي يطلع المكينة مع الشكمان :D

المشكلة الرابط مارضى يفتح الله يهديهم الشباب يشفرون :confused: