المساعد الشخصي الرقمي

مشاهدة النسخة كاملة : سؤال الى اهل الباترول.....؟؟


a.m.t
16/03/2009, 09:59 PM
السلام عليكم ورحمة الله وبركاته
انا عندي باترول(فتك) موديل2008قير عادي وفيه مشكله مزعجتني مع العلم ان الموتر ممشاه قليل..
وهي اني اذا غيرت من الثالث الى الرابع وانا مسرع عليه(شاد العزم) يطلع صوت قرة :confused: ...اما اذا امشي
بشويش(ممشا عادي) مايطلع صوت القره .......فأرجو من اصحاب الباترول او الي عندهم خبره يفيدوني...
الثويرات
16/03/2009, 10:31 PM
اذا كان قصدك لقلقه

انصحك تفحص ضغط البنزين
a.m.t
16/03/2009, 11:43 PM
لا اخوي الشماسيه ما اقصد لقلقه اقصد قره.....
ومشكور على الرد...
ناوي نيه
16/03/2009, 11:54 PM
زي ماقلت اثنين من اخوياي عندهم نفس المشكله طبيعي
sharrrar
17/03/2009, 12:00 AM
هاذي المشكلة دائما ما تطلع في القير العادي من 2004 الى حد الان وهي عبارة
عن كسر في سنة القير من الترس الرابع
وانا اعرف اثنين من الربع كانت عندهم نفس المشكلة و منهم اخوي

والحل

اذا كان الموتر على الضمان روح الوكاله وقلهم نفس الكلام الي فوق وخل يطلع معاك الميكانيكي وان شاء الله ما يقصرون بس عاد هل القطعة عندهم ولا طلبية ..........

واما اذا الموتر بدون ضمان شوف لك ورشة معتمدة .......
وبعد ما يتغير الترس الرابع يروح الصوت ....... و شكرا
ابوسعودد
17/03/2009, 12:05 AM
هل تضغط على الكلتش زين تأكد من ذلك ؟
واللي انا اعرفه ومتاكد من واقع تجربه طويله ان الباترول من 98 وفوق فيه المشكله وانا معي الحين سوبر سفاري 98 وفيه القره هذي
فيه ناس كثير يسالوني عن القره هذي واقول لهم انها عاديه .
خب النقع
17/03/2009, 12:18 AM
انا نفس الطريقه باترول 2003 اذا غيرت نمره وانت مسرع يعني rpm على 5 او 6 يطلع صوت قره خاصه من الثالث الى الرابع او من الثاني الى الثالث مدري امكن عشان انا
رافع الموتر وما نزلت القير

لاكن عندي سوال يا راصاحب الموضوع انت رافع موترك
راعي الطلعات
17/03/2009, 12:21 AM
عادي يالغالي هذي المشكله طالعه من 98 وزايده او واضحه من موديلات 2002 لكن على حسب ما سمت من شخص مجرب يقول اذا جيت اعشق اميل القير شوي يمين ويلقم من الثالث الى الرابع

بالتوفيق
أبوفهد 031
17/03/2009, 12:29 AM
الحل كاالتالي :
1/ ارفع دعست الكلتش عند اقرب مكانيكي
2/ غير زيت القير وحط زيت اصلي

وباذن الله راحت تروح القره (نصيحه مجرب) المصدر أبو عبدالله الصمعاني بتشليح بريده
ابو نواف المطرفي
17/03/2009, 12:32 AM
اتوقع 90% ان المشكلة بالنحاسات << تروس القير التعشيقة رقم ثلاثة

والله علم
a.m.t
17/03/2009, 12:55 AM
مشكورين اخواني على الردود الطيبه وجزاكم الله خير.....
وبالنسبه لسؤال اخوي (خب النقع) الموتر على حطت الوكاله ما غيرت فيه شيء....
a.m.t
17/03/2009, 12:58 AM
سؤال الى الاخ(ابوفهد031)موترك كم موديله؟؟
أبوفهد 031
17/03/2009, 01:07 AM
الى الاخ الي يسأ ل كم موديل موتري 2004 فتك ربع