الوحش

[خطار]

السلام عليكم و رحمة الله وبركاته

http://hah1.com/up/uploads/97247c0ea1.jpg



http://hah1.com/up/uploads/289e884f04.jpg


الطير حمر صافي ادهم
قرناس وحش
السن بكر
افك له حمام منتف
عررضه 16,50 في 50

صاحب الطير
0503457061

[ابوعقرب]

ماشاء الله تبارك الله
اللهيعطيك خيره

[فهد الميموني]

سيم يا الغالي ولا لا وش علومه مع راعيه

[ALGBAWY]

ماشاء الله تبارك الله

[العتل]

ماشاء الله تبارك الله

سيم

أو لك حد معين

[قنيص غبر]

الله يباركلك فالطير .. بس اخوي عندي استفسار .. حمر صافي ادهم !! مايصير وانا اخوك يعني يا حمر يا ادهم .. كلمة ادهم بعيده عنه واسمحلي .. ماقيه اي ريحة من الدهم .. اما حمر صافي فانا اشك بعد .. وياليت الاخوان يفيدونا فاللون

[تمياط]

كم حدك يالغالي؟؟

[ALGBAWY]

قنيص غير

لون الطير / حمر مجاهيم ..............
والطير قطعته طيبه وبارك الله فيه

[NAWAFQ8]

السلام عليكم
فيه صيحه الطير او يكوش او ينقل ان مافيه من العذاريب شي
1500 ريال
:) وهاذا سوق لاتزعل وانت عارف وقة الربطه

[طير الهقاوي]

لا افا عليك سومتك هذي مايسومها الى واحد يبي يرفع ضغط راعي الطير انا ارتفع ضغطي والطير مهوب طير حتى اصغر الوكارا مهيب بهل قيمه الله يجزاك الف خير اعدل سومك
ودر وخبر انك تسوملك حر ووحش يعني الله يبي من يتقيه في سلعة الناس

[mkmk_b]

اخوي خطار الطير راكد؟
فيه شي من الصيحه الحقلان على العلف؟
الطول 15.5 صحيح؟
وشلون طياره يوم هديته على الحمام فيه سبق, يصمل ولا لا؟
هل هو طرح السعودية؟
آسف ياخوي على كثر السؤال لاكن تبيان وترغيب لي وللجميع بالطير.

والله يوفقك.

[فرخ وحش]

والله يوفق الجميع

[خطار]

السلام عليكم ورحمه الله وبركاته الطير ما يكوش ولا يصيح وصالمل في طرده ولا فيه من العذاريب شي ولا أعلم هل هو طرح السعوديه أولا والطير الضاهر أنه شمالي والله العالم وعرضه ست عشر ونص راهي والطير مسيوم خارج المنتدى سته الاف وخمس مائه وسلامتكم

[NAWAFQ8]

السلام عليكم ورحمة الله وبركاته
اول شي ياطير الهقاوي لو اسوم بريال ماهي عيب لان هااذا سوق وهو عنده حلاله وانا عندي حلالي
ومحد جابره انه يبيع بالقيمه الي سمة فيها مع ان السومه ماتزعل دام الرجال ماحد الطير بالسعر الي يبيه

[المرعضي]

الله يبارك لك بطيركـ يالغالي ويرزقك بالبيعه الطيبه والزبون الصامل ..

ويالربع فكونا من هالسالفه .. كل ماواحد نزل سلعته جاي .. صارت هوشه وأخذ ورد على السومات .. كلن

يسوم باللي يجوز وصاحب السلعه مهوب مجبور على البيع .. واتقوا الله وأعطوا السلعه حقها .. امل أن تكون

الردود في اطار الموضوع .. مع دعائي لصاحب الطير بالتوفيق .. وأنا أشهد أنه طير ينصفط .. عسى الله

يبارك له .. .. وسلامتكم ..

[خطار]

السلام عليكم ورحمه الله وربركاته مشكورين يالربع على المرور ولا تبخس السلعه ياnawaf ووقفوا الجدال وسلامتكم

[taag1]

مرحبابك اخوي خطار موقع الطير وين لاهنت وكم طوله بالضبط الله يباركلك فيه.,.,

[فهد الميموني]

اسوم الطير 4000 ريال وتراني صامل شرط فحص المستشفى.وخالي من العذاريب المعروفه.

[الــفــيــصــــل]

[quote=المرعضي;2557563]
الله يبارك لك بطيركـ يالغالي ويرزقك بالبيعه الطيبه والزبون الصامل ..



ويالربع فكونا من هالسالفه .. كل ماواحد نزل سلعته جاي .. صارت هوشه وأخذ ورد على السومات .. كلن


يسوم باللي يجوز وصاحب السلعه مهوب مجبور على البيع .. واتقوا الله وأعطوا السلعه حقها .. امل أن تكون


الردود في اطار الموضوع .. مع دعائي لصاحب الطير بالتوفيق .. وأنا أشهد أنه طير ينصفط .. عسى الله



يبارك له .. .. وسلامتكم ..


صح لسانك فعلا هذى الي صاير

[صاحب الطير]

4500يا خطار ...

[لوقه]

شف كراوين ولاماشاف

[خطار]

جزاكم الله خير وما قصرتو ولاكن لاحضت أن الي موجودين في سوق مكشات مهوب صاملين بس يستطلعون ويبخسون السلعه ولاكن الطير بيع وسلامتكم ومشكور أخوي الفيصل

[صاحب الطير]

اهلا وسهلا يا خطار..يوم دقيت عليك قلت لي مسيوم 6500...طيب وراك ما بعت من أول على السوم الخارجي..إلا اللي مثلك وشرواك ما هم صملين على البيع

تحياتي

[خطار]

وراء ما تدق ثاي مره أبيك يا صاحب الطير

[راعي الجرودي]

الله وفقه الشراي الصامل