ياهلا وسهلا بكل مكشاتي وزائر(ارجو الدخول)

[F_454]

بسم الله الرحمن الرحيم
وصلى الله على نبينا محمد عليه افضل الصلاة والتسليم
كيف حال اهل المكشات
لا اخفيكم بانني اذا اردت ان اعرف اي شي عن السيارات وكل مايتعلق بها اقول انا ما لها بعد الله سبحانه إلا المكشات فجزاكم الله خيرا للجميع ووفقكم الله دنيا وآخره
موضوعي سلمكم الله بأنني تعرضت لحادث كفاني الله وإياكم شرها والمسلمين جميعا
سيارتي هي كابرس 89 بتقولون وين الصدمه
الصدمه اتت في مكان حساس وهو بين البابين الراكب والسمكه من تحت و الفاصل بين البابين ضارب المرتبه
يعني الدنيا داخله لداخل بس الحمد لله الشاص سلم والمتضرر البدي الخارجي
المطلوب منكم عافاكم الله فضل لا امر ابغى ورشة ممتازة للسمكرة
لانكم عارفين الورش هل الايام صلح وخذه عجبك ماعجبك كيفك اخاف يصر فضاوه في البيبان وتنسيم وقصص طويله
والسلام عليكم
والمعذرة على الاطالة

[كبسولة2]

أشرط عليهم إذا ماعرفتوا تصلحون السيارة ما تخذوووون ولا ريال !!!!

وأنتهينا لأن الورش كثيرة جداً وعليك بالورشة المشهورة حتى وأن زاد عليك السعر

وأشرط عليهم يكون المعجون خفيف وأصلي قيمة العلبة 60 ريال تقريباً

قل لهم أجيبها لكم بنفسي حتى تضمن شغلك ويطلع موترك صح

[جزاء الشمري]

أنصحك بأن تروح للتشليح وتشري البيبان بشرط ماجاهن لاتعديل ولا صدم ولاسمكرة . ماعليك ألا أن ترشهن بويه جديده حسب لون سيارتك .

[راكان المطيري]

الحمدلله على سلامتك وبالحديد ولا بالعبيد
انصحك بورشة الحسون بعنيزة
مع العلم ان السيارة راح تتأخر عندهم واسعارهم شوي غالية
لاكن شغلهم تمام

[ابو نواف المطرفي]

اشترح من التشليح >>> سمكة بشرط ماتكون مسمكرة

وانتبه تقول لراعي التشليح ان موديل سيارتك 89 عشان مايرفع عليك السعر

حسب علمي انها نفس سمكة موديل 82 واسأل السمكري اللي تبي تصلحها عنده

[تناهيت]

الحمد لله على سلامتك اخوي .......والحديد يعوض .........اشتر من التشليح كانك تبي شغل مضبوط ..........تحياتي

[F_454]

بين الله وجيهكم وجزاكم الله الف خير