المساعد الشخصي الرقمي

مشاهدة النسخة كاملة : ربــــــــــــــــــــــ نــيــســا ن ـــــــــــــــع


عاشق G M C
17/03/2009, 02:43 PM
يا اخوان ابي اسل هل يوجد ربع نيسان تماتيك وهل هو نشيط ولا لا

وله انواع ولا نوع وحد
NissaN 1990
17/03/2009, 03:55 PM
نعم أخوي يجي تماتيك في الفل كامل وأما عن النشاط فهو نشيط وقوي ولكن ماهو أنشط وأقوى واصبر من القير عايدي ،،،،،
المميـز
17/03/2009, 07:13 PM
مثل ماتفضل اخوي NissaN 1990

يجي بالفل كامل بس

ولكن عزمه ثقييييل جدا جدا

لان القير عادي اقل مواصفات وهو المنتشر الان بين العالم

مايمدحون عزمه

والاغلبيه اشوفهم يركبون له هدرز ومروحة كهرب


هذي المعلومات اللي عندي

ويمكن يفيدك احد اكثر مني :)
راعي السيل
17/03/2009, 07:19 PM
الله يهديك
فيه احد يشتري جيب قير توماتيكي؟
انا اعرف شخصين ، الاول شرى جيب لاندكروز جي اكس ار 2001 جديد توماتيك وخرب عليه القير في عام 2007 تقريبا وغيره من عند الوكاله ب 16 الف ريال وحتى الان لازال القير يكتم وفيه مشاكل وترك السيارة في البيت وما طلعها من ذاك اليوم.
والثاني أعرفه(نسيبي) عنده باث 2002 توماتيك دائما يخرب عليه والمشكلة تكون من القير ، المسكين ماخذه اقساط ومتوهق به الحين بسبب القير التوماتيك وكل ما بغى يبيعه تولع عليه لمبه الفحص !

الظاهر لازم نسوي حملة ضد القير التوماتيك في الجيوب :d
بحر القصيد
17/03/2009, 08:18 PM
النيسان في القير تماتيك إذا تبي تاخذ اخد من موديل ال2002 وطالع

اما القديمه من 88 و89 وطال ما انصحك بها اببببببببببببببد

يكون فيها حرااااااااااااااااااره مهيب طبيعيه

وهذا نتيجة تجربه والسبب للحراره هو

بلوك المكينه يكون رهيف يعني خفيف(البلوك هو القطعه الكبيره اللي تركب فيها البساتن)

والشي الثاني زيت القير ماله كولر مستقل عشان كذا الزيت يدخل للديتر ويرجع للجير

وهذا اللي يرفع حرارة الرديتر وبعده ترتفع حرارة المكينه بسرعه

وشي أخير (حرارة التماتيك مافيها خربطه على طول ..ينشعر الراس)

وانا مجرب توبه من التماتيك


لكن تبي نصيحه اغلب سيارات التماتيك ماجاها الكرف اللي جا القير عادي

خذلك تماتيك ونصيحه (غير القير والمكينه والرديتر)وبعدها بتدعي لي

طبعا ً كل هذا ماياخذ عليك شي لأنك بتعطيهم اغراض سيارتك



تحيتي
طرطوس79
17/03/2009, 08:36 PM
معي نيسان تماتيك 91 ربع _ لياااااا دعستله لصاجه ما يمشي ألا 160
أما من ناحية نشيط فهو نشيط يقووم مع التيوتا الكروزر
بس أستخدامي له قليل لييييييييييييييييييه ؟؟؟
القير صار يعلق على نمره والحراره ترتفع والرديتر يبيلك تصييخه
والراس يبي مسح والكبليتر يبي أصلاح ولا تغيير

نصيحتي لك ... ابعد عن التماتيك.. وخذلك عادي (( لكششششششش )) خخخخ

:)
عاشق G M C
19/03/2009, 11:22 AM
يعطيكم العافيه جميع ومشكورين على الردود بس انا قصدي موديل 2009 مهب 88 على العموم مشكورين جميع وياليت يزد الردود
NissaN 1990
19/03/2009, 12:53 PM
الموديل الجديد أكيد ممتاز وقوي ويتحمل الجور والضغط ومصممينه للظروف الصعبه وفيه ناس أعرفهم يقنصون الرمله ومعهم جيوب نياسين قير تماتيك وقويه في السحب وفي الجور لأنه يجي تماتيك عايدي ولكن وبأختصار شديد مستحيل يكون أصبر أو أقوى من القير العايدي مع العلم بأنه قوي ويتحمل ،،،
عاشق G M C
28/04/2009, 08:54 PM
مشكورين ويليت تزيد الردود