المساعد الشخصي الرقمي

مشاهدة النسخة كاملة : أبو حوض بحالة ممتازة


ورّاد
05/05/2004, 01:15 PM
يالربع 00 السلام عليكم ورحمة الله وبركاته,,,
ودي يالربع آخذ رأي أصحاب الخبرة قبل ما أشتري حوض بحالة ممتازة جداً جداً جداً جداً جداً00رغم إنه موديل 93 لكن عيبه إنه خزان واحد 0
السؤال اللي يهمني الإجابة عليه - جزاكم الله خير - هل من الممكن تركيب خزان ثاني له ؟ وهل في نفس المكان اللي عادة يكون في أبو خزانين ؟وإذا يركب في مكان آخر ؟ وودي والله لو يكون واحد مركب خزان ثاني ومجربه عملياً ويدلني على الورشه اللى تركبه والسعر إن امكن ؟ وما أفضل الموجود من الخزانات ؟

وصلى الله على نبينا محمد وعلى آله وصحبه وسلم,,,
جــدار الطيـن
05/05/2004, 01:43 PM
لنساعدك أخي وراد

ما نوع السيارة ؟

دفع رباعي؟ تويوتا لاند؟ باترول؟ استبنه تحت أو فوق؟
مهيلان
05/05/2004, 01:55 PM
اخوي وراد
السلام عليكم


بالنسبه لموترك

فاكيد ان مكان التانكي الثاني فاضي

انصحك تشتري تانكي ثاني من التشليح

وهذي انسب طريقه

والسلام
ورّاد
12/05/2004, 10:19 AM
أخوي جدار الطين حيّاك الله يالحبيب وشاكر لك مرورك ونوع السيارة ياأخي العزيز لاند كروزر - دفع رباعي -إسبير تحت000
أخوي مهيلان أقولك ( يامال المهلا يامهيلان ) وحيّاك الله 000 المشكلة وأنا أخوك ماهيب في مشترى التانكي 0 المشكلة في الشغلات اللي غير التانكي 00 التوصيلات والتحويلات وغيرها 0وسمعت عند واحد من الربع إنه ما يركب إلا بقص جزء من البدي مكان السبير000 ولا أدري ؟؟؟؟؟
تحياتي للجميع ,,,
جــدار الطيـن
12/05/2004, 11:04 AM
بيني وبينك إذا بتشتغل صح يبيلها غثا واجد والله يعينك
يبيلك تانكي من التشليح
ويبيلك عوامه
ويبيلك مكينة سحب (قسام كهربائي) اللي يحول من تانكي لتانكي
ويبيلك مكينة للراجع برضه كهربائية
ويبيلك تركيب وقص بالبدي عشان فتحة تعبية التانكي
وفي النهاية بتطلع شغلات ماحسبتلها ولاهو صاير مثل شد البلد

الزبده: كان موترك ما هنا نظافه وانت هاوي تلفيق وفاضي توكل على الله
وان كان موترك زين وبيجيب قيمه بعه ودور لك خليجي أريح وأصرف
ورّاد
12/05/2004, 11:20 AM
مشكور أخوي جدار الطين 00وأظنه هو الرأي المبارك وعلى ما قالوا الأولين ( قا ل عالجها وتبرا قال قصها تبرا )0مهما سوينا ماهوب جاي مثل شّد بلا ده0
و السلام عليكم ورحمة الله وبركاته,,,