مشكله في الجيب الاندكروزر

[ولد القرينه]

السلام عليكم ورحمته الله وبركاته
انا عندي مشكله في السياره وهي صوت طقه في القير عند التعشيق بعض الاحيان يكون صوت الطقه قوي
والمشكله الثانيه فيه رجه في السياره وصوت يطلع من عمود الكردان اذ مشيت من 40 وطالع ورحت كم ورشه واحد يقول غير عمود كردان والثاني يقول عندك مشكله في قاعده دودة الدركسون واخر واحد يقول رصص الكفارات
وسويت ترصيص ومانفع الترصيص
نوع السياره جيب Vxr موديل السياره 2005
اتمنا اني اجد عندكم الحل
وجزاكم الله خير

[ساري 111]

الطقه اذا جيت تعشق عط الموتر مرونه شوي
يعني اذا جيت تعشق لاتغط الفرامل بقوه .. خله يتحرك شي بسيط

[mohd26]

بس عيب واحد ياهي عيوب كثيره في اللاندكروزر

[عاشق اكس2]

السلام عليكم ورحمته الله وبركاته
انا عندي مشكله في السياره وهي صوت طقه في القير عند التعشيق بعض الاحيان يكون صوت الطقه قوي
والمشكله الثانيه فيه رجه في السياره وصوت يطلع من عمود الكردان اذ مشيت من 40 وطالع ورحت كم ورشه واحد يقول غير عمود كردان والثاني يقول عندك مشكله في قاعده دودة الدركسون واخر واحد يقول رصص الكفارات
وسويت ترصيص ومانفع الترصيص
نوع السياره جيب Vxr موديل السياره 2005
اتمنا اني اجد عندكم الحل
وجزاكم الله خير
وعليكم السلام
اولا ما ذكرة نوع التعشيق (قير عادي او تمتاتيك)ولا كم ماشي.........
اذا كان تماتيك يجب تغير زيت مع الفلتر القير كل 40000 كيلو
رجة العامود(عامود الكردان) غالبا تكون بسبب عدم التشحيم مما يسبب تاكل الرمان بلي الموجود بالصليبات
او ان العامود جاية ضربة او انك معدل شي بارتفاع السيارة
عامو الدبل الصغير كثير الاعطال وخصوصا اذا كانك راعي نفود
انصحك بان تمر على راعي مخرطة اعمده ( مخرطة وحيد بالصناعية القديمة) بفيدك اكثر
بالنسبة لدودة الدركسون بامكانك تعرفها بنفسك وهي عبارة عن تاكل جلد القاعده وهو تفك الصاجة الامامية ويقوم واحد بتحريك الطارة يمن ويسار وانت تناظر الدودة فوق الكمر اذا كانت الجلد تالفه بتحصل الدودة تتحرك من عند القواعد وهذي شغلتها بسيطة عند المركز العالمي للهيدروليك بالصناعية القديمة يصلها 200 ريال عند بدر السوداني يركب بلاستيك الماني بالخرطة وشغلة مضبوط بالحيل (وبتفرق معاك خفت الدركسون او اذا كان فية صوت عند الفة او ارتجاج الدركسون عندما تاكل حفره- وياكثرها عندنا ههههههههههههههههههه)
وانتبة من وزنيت الطارة بعد الاصلاح خلية يضبطها لك
ويمكن تحتاج الى وزن اذرعة
وبالتوفيق يمكن اني افدتك.......

[ولد القرينه]

جزاكم الله خير على النصائح المهمه
والموتر ماشي 230 الف كيلو وقير تماتيك

[ناصر العدواني]

هلا اخوي
بالنسبه للطقه عند التعشيق لا تدقق
كل اهل الفكسار يشتكون منها
ولا تضر السياره
الرجه من العمود والله اعلم
انزل تحت السياره بنفسك
اذا رحت للورش لا تكشخ
خذ ملابس ابو مشي حالك
وانزل وشوف وهز العمود
وبتلاقيه فيه طقه
ياتصلحه ياتغيره
وبالنسبه للصليبات توضح معاك لمن تلف العمود
اذا تحتاج تغيير غيرها
ولا تنسى التشحيم مثل ماقال الاخوان
لازم تشحم بين كل فتره وفتره
والله يوفقك

[العتل]

الطقه عادي معي نفس الموديل وفيه نفس الطقه تجي وتروح لا تخاف منها