المساعد الشخصي الرقمي

مشاهدة النسخة كاملة : ادخل وعطنا رايك بالكفر؟؟؟


مجالس الرجال
18/03/2009, 07:20 PM
السلام عليكم ... مساء الخير
ياليت اللي جرب الكفر هذا يعطينا رايه فيه
وهل هو مخصص لشي معين مثلا الرمل او الحصى
او انه يصلح لبر وديره وخط وهل فيه صوت او لا ؟؟؟
مقاس الكفر (16-75-285 )
شاكرا لكم ...

صوره للكفر

http://up.arab-x.com/pic/Mxe93023.jpg
كبسولة2
18/03/2009, 07:33 PM
الرابط رابط فيرووووووووس أحذروا منه يا أخوان
راف
18/03/2009, 07:47 PM
لا فيروس ولا شي الصورة :

http://www.mekshat.com/pix/upload03/images103/mk7768_mxe93023.jpg
مجالس الرجال
18/03/2009, 07:51 PM
الرابط رابط فيرووووووووس أحذروا منه يا أخوان

وووووووووووووووووووووووووووووووووووين

تاكد الله يجزاك خير ولاتحوس علينا الموضوع
مجالس الرجال
19/03/2009, 01:20 AM
up
up
up
up
إمرؤا القيس
19/03/2009, 01:29 AM
حياك أخوي

هالكفر هذا يصلح للمناطق الجبلية ويصلح كذلك للأرض القوية وكذلك يصلح لمناطق الشمال بحكم طبيعة الأرض هناك .

ولكن في النفوذ ما علية لأن النفوذ يبي له كفرات باللون وذلك حسب تجربتي .

تحياتي
مجالس الرجال
19/03/2009, 01:58 AM
شكرا للجميع
لكن البالون ناعم ولايصلح للرمل ابد
السارحي
19/03/2009, 04:04 AM
شكرا للجميع
لكن البالون ناعم ولايصلح للرمل ابد

؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟

طيب اخوي ممكن تعلمنا اذا البالون مايصلح للرمل وين يصلح

من عرفنا المواتر والبالون هو الاختيار الاول للمناطق الرمليه واذا حبيت تشوف الفرق رح للربع الخالي وشف كفرات مواترهم حتى الوايتات بوالين
قليط
19/03/2009, 06:07 AM
اذا انت عايف الكرونه ركبه يعني الدفرنــــــــــــــــــش

السبب:لائنه ثقيل وميصلح بالاخص القار والله اعلم
بو خليفه
19/03/2009, 06:36 AM
هذا الكفر غير صالح لهذا الجيب لأن الكفرات كبيرة على الجيب وهذه الكفرات غير صالحة للرمال فقط تستفيد في سحب والجر فقط لأنهم فيهم المسك و الالتصاق وهذه الكفرات صالح Gmc وفئاته
خيال النعام
19/03/2009, 06:38 AM
أخي / مجالس الرجال
من أجل أخذ الشور الطيب من الرجال (الأعضاء)
يلزم أن تخبرنا باسم الكفر وصناعته .....
المقاسات مالها علاقه بجودة الكفر...
تبغى للمناطق الجبيلة خذ برجستون ..
وعندك دنلوب طيب وميشلان الفرنسي قمة

والكفرات الجيدة و الأصلية ..غالية الأيام هذي
الدبل الثقيل
19/03/2009, 09:38 AM
وعليكم السلام ورحمة الله وبركاته ....

الظاهر هذا الكفر غير موجود بالسعودية ... ويجي على السيارات الأمريكية المستوردة ... وما أنصحك فيه لأنه كبير ... ويمكن تبلش ماتحصل زيه اذا احتجت تغير بنشر ..
اسير الغضا
19/03/2009, 09:42 AM
مخخص للرمل واذا لفيت يطلع صوت تفحيط
جب هآت ود عط
19/03/2009, 10:41 AM
الكفر زوين وانا اخوك ورزته كيذا ينفع للمطامر عساه يبيض وجهك يا الغالي
ابو ريان 2008
19/03/2009, 10:52 AM
الرابط رابط فيرووووووووس أحذروا منه يا أخوان


صدقت رابط فيروووووس ياكبسولة وانتم اصبرو وتشوفون كيف الوضع في اجهزتكم
صباح القايله
19/03/2009, 01:23 PM
السلام عليكم اخوي ان من زمان ادور مثل الكفر هذا يليت تخبرنا عن سعره ومكان بيعه واسف على كثر الاسئله وشكرا
مجالس الرجال
19/03/2009, 01:26 PM
ياجماعة الكفر موجود عند وكيل ماكسس ببريدة
تايوان وسعر الكفر 460 ريال
وسالفة البالون اقصد انه للحجره والحصيان ولو موترك فيه انظمة ثبات
إدخل النفود بدون دبل وشف وشلون الانظمه كلها بتشتغل على إن الموتر يزلق
وشف إذا مشيت على السيف وشلون يزلق على طول
شاكر للجميع
والكفر اللي معروض في الاعلى نفس ارتفاع البالون 900
ابو نواف المطرفي
19/03/2009, 01:32 PM
حلو للمناطق الجبلية
مطعوس
19/03/2009, 02:52 PM
اذا كان رابط فيروس عندي مكافح فيروسات بــ40 ريال يقتل الفيروس باذن الله
بانكر
19/03/2009, 07:10 PM
السلام عليكم يااخواني

هذا الكفر اسمة ماكسس

اليوم انا ركبت مثلها من الغرابي

اسم وكيلها باوزير في الغرابي مقابل البنك الاهلي

بس انا اللي اخذتها مقاس مره كبير 305/70/16 ركبتة علي

جمس غمارة و نص مره رايقة بس سعر شوي غالي 700ريال

بس بالنسبة للكفرات الامريكية مثل بي اف قودريتش سعر الكفر 1100 ريال

دمتم بحفظ الله اخواني
مجالس الرجال
20/03/2009, 02:34 PM
السلام عليكم يااخواني



هذا الكفر اسمة ماكسس


اليوم انا ركبت مثلها من الغرابي


اسم وكيلها باوزير في الغرابي مقابل البنك الاهلي


بس انا اللي اخذتها مقاس مره كبير 305/70/16 ركبتة علي


جمس غمارة و نص مره رايقة بس سعر شوي غالي 700ريال


بس بالنسبة للكفرات الامريكية مثل بي اف قودريتش سعر الكفر 1100 ريال



دمتم بحفظ الله اخواني

شكرا لك يالغالي لكن اللي ركبت نفس النقشه المعروضه في الموضوع
وهل فيه صوت
بالنسبه للسعر حصلت في الغرابي مقاس 16-75-285 امريكي سعره 680 ريال ونقشته انعم بكثير من الموجود في الموضوع
مجالس الرجال
22/03/2009, 12:17 AM
للرفــــــــــــــــع
رجل كريم
22/03/2009, 05:39 AM
السلام عليكم ورحمة الله وبركاته

اخوي هذا الكفر مخصص للمناطق الصخرية والحصى ومقبول اداءه في الرمال ومزعج على الاسفلت . وقاسي في المطبات ..
اما البالون فيسمى الاطار الرملي Sand wheel وهو صمم خصيصا للرمال والحصى الردميات .

انا انصحك تأخذ الميشلان وراح يطربك في البر والديرة وقبلها الاستخارة.

بالتوفيق ان شاء الله .
حمد2000
22/03/2009, 05:49 AM
اخوي مجالس الرجال اذا انت عايف موترك ركبهن انا مجربهن يتعبن بالحيل وتروح وطي الكارونه والدفرنس وانواع السحكيه لاكن فيهن شي طيب انهن ما ينعدمن بسرعه لاكن انا انسلخ معي واعدم الرفرف علي
abdulrahmanfd
22/03/2009, 07:43 AM
الظاهر كثير من الشباب يشوف دعستها يقول خلاص صخرية وما يدري انها بالرمل ممتازة عن نفسي مركب مثل هالكفرات لكن مقاس 275/70/16 وجداً مناسب لكل أرض رمل والا صخر اللهم انه بالخطوط مزعج شوي وخذ الشور لا تركب 285 إلا إذا كان من الغاليات بف قودريتش لان النوعية الغالية وزنها خفيف ولينه واذا كنت بتركب مثل هالكفرات يبالك جنوط عرضها 8 إنش وفوق والله يوفقك.
عاشق z71
22/03/2009, 08:19 AM
الكفر هذا اسمه ماكسس

مقاسه مثل ماذكرت انت

وزنه يتعدا 30 كيلو ثقيل ثقيل ثقيل لابعد الحدود

يصدر صوت من يوم ماتتعدا سرعة 70 كيلو وكل ماسرعت صار الصوت مزعج جدا

قيمة الكفر الواحد تبدا من 580 الى 650 ريال

وخذ العلم مني
no fear 78
22/03/2009, 09:28 AM
زين للمناطق الجبليه بس حق الرمل ما ينفع يحفر و حق المدينه يون في الشارع كنه همر حق الجيش