وش أقرب مكان لصيد السمك في الرياض

[" الصرصخ "]

السلام عليكم ورحمة الله وبركاته :
وش أقرب مكان لصيد السمك في الرياض غير الحائر وزي ما تعرفون الحائر كلها مجاري
أعزكم الله السمك فيها مضر ،،،
والشي الثاني أبي أستفسر عن سمك الوديان وش هو وهل طعمه زين ووين يوجد بالظبط ؟



والله يعطيكم العافية؛؛؛

[" الصرصخ "]

:confused:

[ابو ســــاره]

والله ما خبرت محل فيه سمك في بالرياض الا سوق السمك .
عموماُ الله يقويك والله لا يشغلك الله بطاعته .
صح ذكرت خابرن لك سد نمار شفت فلبينيين مره يصيدون به سمك .

[" الصرصخ "]

:hot:
السلام عليكم ورحمة الله وبركاته :
الله يعطيك العافية أخوي أبو ساره ومشكور على ها المعلومه وإن شاءالله
أبروح لسد نمار أبشوف إن كان الأوضاع زينه ولا حولها ولا فيها مجاري
الله يكرمكم صدنا منها ولا مالنا إلا سمك بلطي إلى في برك المزارع ...
:confused: بس وش نوع سمك سد نمار ؟؟؟

[ابن الصحراء]

اخوي يمدحون سمك الدهناء

ياخوك وين الرياض وين السمك .;) :p :p

[" الصرصخ "]

الله يخلف علينا إظاهر ما لنا إلا الدجاج واللحم والصيد مالنا إلا الضبان والجرابيع
تسمع بالسنارة :(

[*القبطان*]

يمدحون الحايرررررررررررررررررررررررر سمك على كيف كيفك

[سلاح]

أخوي الصرصخ

لديك بعض الوديان التي تحتوي على الماء

عندك مثلا في وادي والدخل المحدود مليان ماء
وأشوف في ناس أحيانأ تنزل وتصيد هناك

وشوف باقي الوديان إلي أنت أخبر بها إذا فيها مويه سبحان الله تلاقي فيها سمك بإذنه تعالى ومو كل السمك في الوديان بلطي

في سمك يوصل طوله 30سم أو 40سم موجوده في الوديان هذه من تجربتي الشخصيه

وبالتوفيق

[ربيع الكشته]

بسم الله الرحمن الرحيم.
هذه اول مشاركه لي
1: مطاعم عموا حمزه
:D
2:ثلاجات السوبر ماركتات :p
3:اتجه شرق 500 كم وبالهناء والعافيه:good:

[الرماي]

الله لايهينك
تبي سمك
حمس دقايق من بيتك للجمعيه واخذلك احلى السمك ولا مصاريف الرحلات



وتذكر انت بالرياض


اما عندنا بالكويت ابعد بحر خمس دقايق بالسياره وان على اليال وتحدق

[الستانس]

مالك إلا وادي نمار
صح انه مجاري بس أنها معالجه
والسمك الي فيها
قرموط بلطي وكم نوع يمكن أربعه ولا خمسه
تبي نصيحتي لا تاكل شي منها
صد وذب ولا تسوي زي الاندنوسيه صد وكل

[بوداحم]

سمك بالرياض؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
اذا تبي تصيد من جدك
الله لا يهينك دق السياره سلف اوتعال العقير ولا الدمام
سمك على كيف كيفك
اما وادي نمار السمك الي هناك ما تدري شفييه من هالمجاري اوهالوصخ
تخاف تاكله وتمرض
تقبل مروري

[احمدوعبود]

ياشباب ترى الرجال سأل السؤال في
6-5-2004 وابشركم نقل الشرقية وشرى لنش وصار مدرب غوص خلاص انسو الموضوع
25-8-2007

[باترول 82]

والله من جدك (احمد وعبود) طلع غبار من الموضوع هههههههههه

[الصياد 1]

تصدقون انا قمت اضحك من قريت الموضوع ههههههههههههه
بس ياليت هذي تكون بداية لموضوع عن النكت البحرية

[سندباد الخليج]

مساك الله بالخير الصرصخ

يمدحون الثمامه ههههههههههههههههههههههه