:: عندي مشكلتين بالباثفندر ::

[أبوغيث 2003]

السلام عليكم ورحمة الله وبركاته

إخواني عندي مشكلتين بموتري

باثفندر 2003 تماتيك

المشكلة الأولى:

إذا دخلت النفود على طول ترتفع الحرارة

واذا طلعت من النفود ورحت للزفلت على طول تنزل ويصير ما به إلا العافيه

ما أدري ليه

فيه واحد معه باثفندر 2005 قال لي غير الرديتر

بس ودي أسمع رايكم وش الحل ؟؟


المشكلة الثانيه

هذي العلامة طلعت لي من قريب

وش معناه؟؟

http://up2.m5zn.com/photo/2009/3/19/03/7xfggau8l.jpg/jpg




http://up2.m5zn.com/photo/2009/3/19/03/hmhmhikct.jpg/jpg


والله يعطيكم العافية

[أبوعُمر]

حياك الله أخوي أبوغيث

أما الحرارة فهي مشهورة عن التماتيك خصوصاً في النفود و مع السرعة و المكيف ايام الصيف .

المهم

أولى الخطوات

التشييك على الرديتر من تصييخ و غيره قبل تغيره فقد تتلاشى المشكلة بسهولة .
و يجتاج إلى وزن بلف الحرارة الخلفي , و أصحاب المحلات أبخص .


أما ما يخص العلامة

فقد يكون هناك خلل و قد لا يكون ، و أذكر أن الوكالة تطفئها بـ150 ريال عن طريق جهاز كمبيوتر ، و أظن أصحاب الورش المتقدمة أقتنوا هذا الجهاز .





أتنمى لك التوفيق

[بن نقا]

أبو غيث تنصح بالباثفندر ولا لا بكل أمانة لأني ناوي أشري واحد

[أبوغيث 2003]

يعطيك العافيه أبوعمر

بس العلامة وراه تشتغل هل فيه خلل بالمكينة مثلاً؟؟

::::::::::::::::

بن نقا

والله أنصحك بموديل 2004 - 2005 لان 2003 به مشكلة حساس المكينه

بس ترى الباثفندر قطع غياره نااااااااااار

ويصرف بنزين

وهو يصلح للعاقل

مايصلح للغشيم واللي يحب يراقي واجد

واحرص اذا جيت تشري باثفندر دور واحد نظيف مره

لان واحد من أقاربي اشترى باثفندر وبهذله كله خربات

اتنمى إني أكون افدتك واسأل غيري واستخر ربك

وان شاء الله ما يكتب لك ربنا إلا الخير

[أبوعُمر]

مثل ما قلت لك أخوي أحياناً يصير خلل ، و أحياناً ما يكون ، ترى يمكن يكون سلك مجروح أو أي شيء بسيط .

مر الوكالة