مروحة بلد+مراوح كهرب+حراره ...تفظلوا

[بحر القصيد]

السلام عليكم ورحمة الله وبركاته

مساء الخير

بسم الله وعلى بركة الله


الكثير منا يشتكي من سيارته بسبب ثقل او حنة او حراره .

وبالنسبة لمروحة المحرك .

الأغلبيه من وجهة نظري يرشحون مراوح الكهرب ..مع العلم انا عندي حساسيه منها ههههه:cool: ((إلا في بعض الأحوال))

راح أتطرق في هذا الموضوع للنوعين من المراوح الكهرباء والبلد وبعدها نتطرق للحراره وثقل السياره

اولا ًالكهرب : المراوح الكهربائية ثابتة السرعه . وهذا يضر بسيارتك لأن اثناء حاجة الرديتر لكمية هواء اكبر المراوح الكهربائية لاتفي بالغرض.

لأنك في بعض المرات تدعس للسياره وراح يحتاج الرديتر لكمية هواء اكبر (والمراوح الكهربائيه سرعتها واحده وخفيفه لاتعطي الرديتر الكمية المطلوبة)

اما مروحة الشركة (الأساسية) فــ تتكيف مع حاجة الرديتر للهواء (مثال : اذا احترت السياره شبكت المروحه ويبين لها حنه وبذالك تزيد كمية دفع الهواء للرديتر.. واذا السياره حرارتها طبيعيه ولاهي محتره ماسمعت لها صوت)

المراوح الكهربائيه : ممكن تفصل عليك في مقطعه وبذالك تحط نفسك في ورطه كبيره .

ولكن مروحة الشركة(الأساسيه) ماينخاف منها ابد لعملها مع المحرك.

وعلى فكره ترى مروحة البلد اذا (الكلتش) حقها فيه مشكله ممكن يسبب حراره حتى ولو كان يحن على طول

او بمعنى اصح شابك على طول ممكن يجيب حراره لأنه يكثر استهلاك الدوران وهذا يجعل المحرك في عطاء متواصل للمروحه إلى ان ترتفع الحراره.


والحين نجي للكلام اللي يبونه أكثر الأخوان :


نصائح للأخوة اللي حرارة سياراتهم ترتفع .

من ناحيتي لو تبون نصيحتي في المروحه المناسبه

ارشح وبقوه مروحة البلد(الأصلية) ولكن..اهم شيء ( العازل البلاستيكي حق المروحه مهم جداااااااااااااااااا) لأنه يجمع الهواء وتدفعه المروحه للرديتر وبذالك تكون كمية الهواء المدفوعه مركزه على الرديتر ..بعكس لو ان المروحه بدون عازل .

مثال : بسيط على أهمية العازل .

لو ان سيارتك بدون عازل مروحه ... ودست على البنزين وانت على ارض ترابيه بتشوف التراب(في وجه العدو) بتحرك من تحت السياره . بينما لو انها بعازل ماراح يصير هذا الشيء

و لو ان مروحة سيارتك بدون عازل ...بتلاحظ لو فتحت غطاء المحرك ان كمية الهواء المنبعة من المحرك كبيره .بينما لو ان المروحه بعازل لما احسست بهذا الهواء ((لأنه يذهب في الإتجاه الصحيح))


نجي الآن للحراره في السياره..ليست في كل الأحوال
من المراوح او الرديتر!!كما يعتقد الأغلبية!!

هناك عدة عوامل لإرتفاع حرارة السيارة

منها : الصبابات(البلوف) -الديلكو- الكوع(الترمستات)-طرمة الماء(الوتر بمب)
راس المكينة (الهد)-امور كهربائية مثل التماس


نصحتي لكم مهما كانت سيارتك حرارتها طبيعيه حاول تشيك عليها من فتره لفتره
لأن حرارة مره وحده كفيلة بأنها تخليك تكره السياره ..وذالك بسبب الأعطال اللي راح تجي سيارتك بسبب حرارة مره وحده.


هذي نصائح بسيطه للحراره وناااااااااافعه بإذن الله ...

1- تبديل غطاء الرديتر .
2 - تسييخ الرديتر .
3 - تبديل(كلتش المروحه) تماتيك المروحه +العازل البلاستيكي اللي يركب على الرديتر وتدور المروحه فيه.
4 - وزن الديلكو ...ملاحظه : يتم وزنه بالمسدس وتجربة الوزنية اللتي تلائم سيارتك .
لأن السياره بلد لها وزنه ولكن مع تغير حالة المحرك يحب اختيار وزنية تلائمة
وجرب اكثر من مره إلى ان تجد الوزنية الملائمة لسيارتك(اللي مايكون فيها غره ولاحراره).
5- وزنية البلوف(الصبابت) . مع مراعاة عدم الشد عليها كثيرا ً او ارخائها كثيرا ً
6 - طرمبة الماء .

نصائح جانبية ومهمة في نفس الوقت :

اذا في سيارتك غره(صوت ديلكو) ولا راح مع وزنية الديلكو

قم بفك الديلكو واخراجه بالكامل و يكون فيه ريش زي اللي فالصوره من الأسفل
http://static.summitracing.com/global/images/prod/large/msd-85551.jpg

الريش هي اللي باللون الأسود طبعا ً هذي حقت سباقات وليست بلد
البلد تختلف ريشها تكون اكبر شوي.. الريش اذا فيها كسور
مع الدعس للسيارة ((يطلع صوت غره))غرغره
يكون السبب اما وزنية ديلكو وإذا مانفعت الوزنية تكون الريش مكسره
عليك استبدالها او تغيير ديلكو.

وفي إمكانك تغير الكوع(الترمستات) وتركب كوع محرك ديزل زي محرك سيارتك(للتيوتا+النيسان)
ويفظل أصلي من الوكيل ((وذالك)) مع مراعاة عدم ترك المحرك بدون كوع(ترمستات)
وستجد الفرق وااااااااضح في نزول الحراره .



تحيتي للجميع ولايحرمونا من دعواتهم الطيبة
اخي المسلم الموضوع إجتهاد شخصي ..يرجى ذكر المصدر عند نقلة
وتمنياتي للجميع بدوام الصحة والعافيه

[لن أمل من العطاء]

حياك الله اخوي وموضوع جدير بالاهتمام خاصة اننا مقبلون على فصل رومنسي (الصيف)

موضوعك لا يشق له غبار

ولكن فيه نقطتين

وجهة نظر
المرواح الميكانيكية تزيد سرعتها مع سرعة دوران المحرك اتفقنا
900 دورة في الدقيقة للمروحه
1200 دورة
2000
2500 دورة في الدقيقة بعدها لن تحتاج للمروحه

لانك ماسك خط سريع ويقوم الكلتش بموازنة دوران المحر ك مع سرعة الهواء الي يصطدم في السيارة

في بعض الاحيان عندما تسخن بعض السيارات بقوم السائق بالدعس على البنزين لزيادة دوران المروحة لسرعة التبريد

ولكن في المروحة الكهربائية فان المروحة تدور باعلى سرعة واعتقد انها تتعدى 1500 دورة بالدقيقة وبعدها اذا مسكت الخط لا تعمل المراوح وانما يعتمد في التبريد على الهواء المصطدم بالسيارة

من ناحية عدم الامان وقد تتعطل في اي مكان وخاصة البر بعكس الميكانيكية
فانه يوجد سيارات لها ثلاث مرواح او اربع او اثنتين وبعضها واحده على سرعتين
ومن الغريب تعطل كلتنا المروحتين ومروحة واحده كفيله باخراجك من المأزق واذا مسكت الخط انتفى دورها للوصول الى اقرب مركز صيانه


تأتي الان للاستفسار

ذكرت (الكوع) واعتقد انك تقصد به الثرموستات او بلف ماء الرديتور
السؤال لماذا فضلت كوع محرك الديزل عن البنزين ارجو التوضيح


اخيرا
اشكرك من اعماق قلبي على رالموضوع وعلى المعلومات القيمة جدا

اخوك

لن امل من العطاء

[هويدي]

وعليكم السلام ورحمه الله وبركاته

بموضوعك هذا لخصت خبره وتجارب سنين ووفرت على اخوانك الخسائر والتعب الله يجزاك خير

لاني مريت بتجربه خطيره ولله الحمد ربك ستر

صار عندي التماس بتسليك كهرب المرواح ونا على خط وبدون سابق انذار اشوف نور السياره يضعف شوي الا ريحه البلاستك والكهرب دخلت علي بالغماره وقفت على طول وطفيت السياره الا ودخان كثيف يخرج من الكبوت فتحته ولقيت الاسلاك مجمره حمدت الله على السلامه وقطعت الاسلاك وشرطنتها واعدت تسليكها من جديد فيما بعد


وحبيت استفسر منك اخي الكريم عن الغرغره

هل تقصد بها الصوت اللي مثل صوت علبه الدركسون لا صار مافيها زيت ؟

لاني اسمعها بموتر من تالي وكنت شاك ببكرات السيور علما بأن الموتر باترل 2001 كلبليتر

[عـبـود 911]

الله يعطيك العافيه على المعلومات يالغااالي


السؤال لماذا فضلت كوع محرك الديزل عن البنزين ارجو التوضيح

اتوقع لان الديزل يفتح بدري مثلا 70 عكس البنزين يفتح على 80 وهذا يساعد على نزول الحرارة

[بدوي جنوبي]

من مميزات المراوح الكهربائيه

http://www.mekshat.com/pix/upload03/images103/mk32037_fanfinal2.jpg
انها تقلل من امتصاص عزم السيارة لان
عملها مستقل تماما عن المحرك وتعتمد علي كهرباء السيارة


عكس المراوح الميكانيكيه التي تعتمد اعتماد كلي علي اخذ حركتها من
عمود الكرنك ،، وهذا يجهد المحرك
http://www.mekshat.com/pix/upload03/images103/mk32037_cooling_system_water_pump.jpg

فعندما يقوم شخص بأستبدال مراوح مكيانيكه بأخرى كهربائيه
يلاحظ فرق كبير في عزم المحرك ،، حيث استفاد من الجهد الذي كانت تمتصه
المروحه المكيانيكيه .

وايضا من مميزات الكهربائيه في فصل الصيف خاصة اثناء الوقوف الطويل
ان تبريدها افضل بكثير من الميكانيكيه ،،، لانها تعمل بأقصى دوران

عكس الميكانيه فيُلاحظ عند الوقوف الطويل بأرتفاع درجة حرارة المحرك
وعند المسير تنخفض ،،
(لا ينصح بالانتظار الطويل والمحرك يعمل في كل الاحوال):hot:

من عيوب الكهربائيه استهلاك عالي للبطارية
وغالبا يؤدي الي تلف الدينمو
http://www.mekshat.com/pix/upload03/images103/mk32037_12-automobile_alternator.jpg
بعد فترة قصيرة اذا كان من النوع التجاري

وايضا صوتها المرتفع ،،


هذا بأختصار

شكرا لك ع الموضوع


http://www.mekshat.com/vb/images/rating/rating_5.gif

تحياتي لك :good:

[بحر القصيد]

حياك الله اخوي وموضوع جدير بالاهتمام خاصة اننا مقبلون على فصل رومنسي (الصيف)

موضوعك لا يشق له غبار

ولكن فيه نقطتين

وجهة نظر
المرواح الميكانيكية تزيد سرعتها مع سرعة دوران المحرك اتفقنا
900 دورة في الدقيقة للمروحه
1200 دورة
2000
2500 دورة في الدقيقة بعدها لن تحتاج للمروحه

لانك ماسك خط سريع ويقوم الكلتش بموازنة دوران المحر ك مع سرعة الهواء الي يصطدم في السيارة

في بعض الاحيان عندما تسخن بعض السيارات بقوم السائق بالدعس على البنزين لزيادة دوران المروحة لسرعة التبريد

ولكن في المروحة الكهربائية فان المروحة تدور باعلى سرعة واعتقد انها تتعدى 1500 دورة بالدقيقة وبعدها اذا مسكت الخط لا تعمل المراوح وانما يعتمد في التبريد على الهواء المصطدم بالسيارة

من ناحية عدم الامان وقد تتعطل في اي مكان وخاصة البر بعكس الميكانيكية
فانه يوجد سيارات لها ثلاث مرواح او اربع او اثنتين وبعضها واحده على سرعتين
ومن الغريب تعطل كلتنا المروحتين ومروحة واحده كفيله باخراجك من المأزق واذا مسكت الخط انتفى دورها للوصول الى اقرب مركز صيانه


تأتي الان للاستفسار

ذكرت (الكوع) واعتقد انك تقصد به الثرموستات او بلف ماء الرديتور
السؤال لماذا فضلت كوع محرك الديزل عن البنزين ارجو التوضيح


اخيرا
اشكرك من اعماق قلبي على رالموضوع وعلى المعلومات القيمة جدا

اخوك

لن امل من العطاء


اخوي المراوح الكهربائيه ليست بكفاءة المروحة الأصلية للسياره

المروحة الكهربائيه تدور على كل حزه ..بعكس الأصليه تدور كلما احتاج الرديتر للبروده فقط

واكبر غلط ان السياره إذا احترت تدعس لها لأن المحرك في هذه الحاله يريد بروده وراحه ولايريد زيادة دوران

ينتج عنها زيادة حرارة الزيت وبذالك ترتفع الحرارة

ولاحظ اي عطل في المراوح الكهربائيه

ينتج عنه قطع وصول الكهرباء للمراوح نفسها وبذالك تتعطل المراوح جميعها والسبب:- وجود فيوز للأمان

بحيث في حالة أحدها يفصل الكهرباء عنها الفيوز دايكت ومن ناحيتي انا مابعد شفت اي واحد مركب مراوح لكل

مروحه خط مستقل وكتاوت مستقل وفيوز مستقل...لأن هذا راح يستهلك كمية اكبر من الكهرب مما يحمل الدينمو

فوق طاقته والله اعلم


من ناحية الثرموستات:- حق الديزل فهو ألين من العادي لأنه يتيح مجال لخروج اكبر كمية للماء لتدخل راس

المكينة وبذالك يعطي رأس المكينة كمية كافيه من الماء لتفادي ارتفاع الحراره

ومن ناحيتي أنا صار له على سيارتي قرابة السنتين (VX-R ثمانية سلندر)ولا اشتكى من شيء ولله الحمد

وانزلت الحراره من تحت النص بشوي لغاية الربع وثابته حتى مع السرعه في الخطوط اللي تتعدى 500كيلوتر

تحيتي وشاكر لك مرورك العطر

[لن أمل من العطاء]

حياك الله اخوي

واختلاف الرأي لا يفسد للود قضيه


طيب سؤالي
الثرموستات للي انت مركبه حق اي سيارة والا حق الجيب الديزل ومن اين ؟

لني ويت اغير عندي جمس 454 موديل 99

شاكر ومقدر لك

[بحر القصيد]

وعليكم السلام ورحمه الله وبركاته

بموضوعك هذا لخصت خبره وتجارب سنين ووفرت على اخوانك الخسائر والتعب الله يجزاك خير

لاني مريت بتجربه خطيره ولله الحمد ربك ستر

صار عندي التماس بتسليك كهرب المرواح ونا على خط وبدون سابق انذار اشوف نور السياره يضعف شوي الا ريحه البلاستك والكهرب دخلت علي بالغماره وقفت على طول وطفيت السياره الا ودخان كثيف يخرج من الكبوت فتحته ولقيت الاسلاك مجمره حمدت الله على السلامه وقطعت الاسلاك وشرطنتها واعدت تسليكها من جديد فيما بعد


وحبيت استفسر منك اخي الكريم عن الغرغره

هل تقصد بها الصوت اللي مثل صوت علبه الدركسون لا صار مافيها زيت ؟

لاني اسمعها بموتر من تالي وكنت شاك ببكرات السيور علما بأن الموتر باترل 2001 كلبليتر

مرحبابك ومسهلا اخوي هويدي


الحمد لله على سلامتك يالغالي وبالفعل الإلتماس في الكهرب كثير يحصل والله يستر


ومن ناحية الغرغره اللي اقصدها هي مع ممشى السياره تكبس لها اخذر الدعسه يطلع صوت مثل (الـ لقلقه)زي صوت البلوف يعني متواصل ورى بعض لين تشل رجلك من البنزين تروح هذا اللي اقصده

انت ممكن الصوت اللي تقصده صوت طرمبة الماء صوتها يكون قريب للصوت اللي تقصده


تحيتي ولاهنت على تواصلك

[بحر القصيد]

الله يعطيك العافيه على المعلومات يالغااالي



اتوقع لان الديزل يفتح بدري مثلا 70 عكس البنزين يفتح على 80 وهذا يساعد على نزول الحرارة

لاهنت اخوي عبود

والله يعافيك ولايهينك

بالفعل ترموستات(كوع) محرك الديزل يفتح اكثر من ترموستات(كوع) محرك البنزين


تحيتي

[راعي بيشة]

يا هووووووووه


موضوع مررررة مجنون


الحقيقة يفخر مكشات بمثلك أخي بحر القصيد فلا تتركنا وفيه برضه كم واحد خبرة زي الأخ3adil

سوبر فتك وآخرين

تقبل تحياتي وتقديري بحر القصيد

[shaheenshah]

المروحة الكهربائيه تدور على كل حزه ..بعكس الأصليه تدور كلما احتاج الرديتر للبروده فقط


حياك الله يا بحر ويعطيك العافية على هالمعلومات الحلوة

واسمح لي اخالفك على النقطة هذي لان المراوح الأصلية تدور على كل حزه بعكس المراوح الكهربائية تدور فقط كلما احتاج الراديتر للبروده فقط

[الاحور]

اخوي الحبيب طيب اللي يبي يحط مراوح كهرب مع المروحه الاساسيه ( شد البلد) يصلح والا لا ؟ وجعلك تسلم يالغالي

[ابو نواف المطرفي]

انا انصح بتركيب مراوح سوباروا للباترول وحده تشتغل دايركت مع السلف والثانية مع المكيف وبإمكانك تركيب قسام للثانية اذا احتجتها بدون مكيف
وبالنسبة للصوت (( لكلكه )) يفضل وزن الديلكو << مسدس ليزر تقريبا بـ 150 ريال


ملاحظة : الاحتفاظ بمروحة شد البلد مع بالسيارة لحالات الطوارئ لاسمح الله << تركيبها سهل جدا

[بحر القصيد]

السلام عليكم ورحمة الله وبركاته

مساء الخير للجميع

وشاااااااااااااكر لكل من تجاوب وشارك معنا ((وما هذا الموضوع إلا لعرض وجهات النظر وتبادل الخبرات والتجارب))

اخي الغالي : بدوي ... اسمح لي بالمداخله على كلامك والرد على كل نقطة :-




عكس المراوح الميكانيكيه التي تعتمد اعتماد كلي علي اخذ حركتها من
عمود الكرنك ،، وهذا يجهد المحرك


ج((لا من قالك انه يجهد المحرك!! بالعس المحرك داير داير بها وبلياها اخوي))



فعندما يقوم شخص بأستبدال مراوح مكيانيكه بأخرى كهربائيه
يلاحظ فرق كبير في عزم المحرك ،، حيث استفاد من الجهد الذي كانت تمتصه
المروحه المكيانيكيه .


ج((ملاحظه : اخوي بدوي العزم مش كبير لهذي الدرجه فرق بسيط يكاد لايلاحظه الشخص))


وايضا من مميزات الكهربائيه في فصل الصيف خاصة اثناء الوقوف الطويل
ان تبريدها افضل بكثير من الميكانيكيه ،،، لانها تعمل بأقصى دوران
عكس الميكانيه فيُلاحظ عند الوقوف الطويل بأرتفاع درجة حرارة المحرك
وعند المسير تنخفض ،،


ج((اخوي بدوي إذا كانت السياره يرتفع بنزينها وينزل مع حركة اشتغال كمبرسر المكيف فـ إنسى تقوم الحراره))
بعكس الكهربائيه اللي دورانها محدد بسرعه واحده والفرق بين المراوح الكهربائيه والبلد
الكهربائية مصممه لمحركات ((4سلندر)) والبلد والسيارت اللي نتكلم عنها اللي تحمل محركات بــ((6 او8 سلندر))
وتحتاج مراوح أكبر وهذا تجده في مروحة البلد لأن ريشها تكون اكبر بكثييييييير من المراوح الكهربائيه.


تحيتي لك

[بحر القصيد]

حياك الله اخوي

واختلاف الرأي لا يفسد للود قضيه
طيب سؤالي
الثرموستات للي انت مركبه حق اي سيارة والا حق الجيب الديزل ومن اين ؟
لني ويت اغير عندي جمس 454 موديل 99
شاكر ومقدر لك
اخوي لن امل من العطاء

الثرموستات اللي انا مركبه حق جيب ديزل وتلقاه في الوكاله ومحلات القطع غيار

اما من ناحية الجمس ماعندي خبر هل له كوع ديزل او مافيه منه ديزل بس إسأل عنه في الوكاله

خذ اللي على سيارتك وإسأل في الوكاله قل ابي مثله حق ديزل عشان تعرف المقاس إذا مطابق تشتريه

واذا مافيه مثل مقاسه فـ أنصحك تركب ثرموستات رياضي

وهذا تجده في محلات الترهيم والتزويد

تحيتي لك

[بحر القصيد]

يا هووووووووه
موضوع مررررة مجنون
الحقيقة يفخر مكشات بمثلك أخي بحر القصيد فلا تتركنا وفيه برضه كم واحد خبرة زي الأخ3adil
سوبر فتك وآخرين
تقبل تحياتي وتقديري بحر القصيد

ارحب يا اخوي راعي بيشة

انا اللي افتخر طال عمرك بمرور اللي مثلك وشرواك على موضوعي المتواضع

والشباب فيهم الخير والبركه والموضوع تبادل خبرات واللي عنده شور لايبخل علينا به

منهم نتعلم ونستفيد ومن تجاربهم نستنير حياهم الله جميع والموضوع

لكل الأخوان سواء جدد على الشغلات ذي والا معاصرين وفاهمين<<حلوه معاصرين ^_^

الله لايهينك ويبيض وجهك على مرورك اللي اسعدتني به والشهادة لله

تحيتي لك

[بحر القصيد]

حياك الله يا بحر ويعطيك العافية على هالمعلومات الحلوة

واسمح لي اخالفك على النقطة هذي لان المراوح الأصلية تدور على كل حزه بعكس المراوح الكهربائية تدور فقط كلما احتاج الراديتر للبروده فقط

يامرحبا ومسهلا اخوي وإسمح لي اسمك مايجوز وياليت تغيره

لأن (shaheenshah) تعني (ملك الملوك)

ولأن ملك الملوك هو(الله عز وجل) لايجوز الإستماء بأسماء الله اخي.

ومن ناحية مداخلتك ارحب بك وبها المراوح الأصلية لو كلتشها سليم ماتدور الا في حالة احتاج الرديتر للهواء وتسمعها اذا شبكت وتسمعها اذا فصلت عكس المراوح الكهربائية اللي يحتر كتاوتها وفيوزها وتحترق بسرعه.

[بحر القصيد]

اخوي الحبيب طيب اللي يبي يحط مراوح كهرب مع المروحه الاساسيه ( شد البلد) يصلح والا لا ؟ وجعلك تسلم يالغالي

يامرحبا اخوي الغالي الأحور

اكيد يصلح يالغالي تحط المراوح الكهرب من الخارج يعني بين الشبك والاديتر

لكن احرص قبل ماتركب مراوح الكهرب ان تكون حرارة موترك جيده بالأساس

يعني شيك على الإطار البلاستيكي لمروحة البلد لأنه اكثر اهميه ويغفل عنه الكثيرين

والكوع بدله من الأصلي وركب محله حق ديزل(باترول ديزل)

وبعدها بإذن الله ماتحتاج لمراوح كهرب


تحيتي لك

[mo7taj]

أخوي الكريم

انا كان معاي سوبارو 99 اوت باك

دفع رباعي مستمر

شد بلد 2 مروحة كهرب

والحرارة ما شاء الله على النص ليل نهار مع المكيف او بدونه

والله اني نسيت اطالع الحرارة من كثر مافي ثابتة

والله انها نعم السيارة ونعم المراوح

لك تحياتي

[بحر القصيد]

انا انصح بتركيب مراوح سوباروا للباترول وحده تشتغل دايركت مع السلف والثانية مع المكيف وبإمكانك تركيب قسام للثانية اذا احتجتها بدون مكيف

وبالنسبة للصوت (( لكلكه )) يفضل وزن الديلكو << مسدس ليزر تقريبا بـ 150 ريال




ملاحظة : الاحتفاظ بمروحة شد البلد مع بالسيارة لحالات الطوارئ لاسمح الله << تركيبها سهل جدا


وجهة نظر احترمها اخوي ابو نواف المطرفي

ولكن : رجعت وقلت (ملاحظة : الاحتفاظ بمروحة شد البلد مع بالسيارة لحالات الطوارئ )

انا اقول : لو يتعب الواحد على حرارة سيارته ويصفيها من الحراره ماراح يسمع
صوت المروحه ابد وراح يمشي وهو مرتاح باله لا يخاف يحترق كتاوت ولا يخاف يلتمس سلك الأهم من المراوح (الحراره)إذا ظمنت حراره ماترتفع ظمنت أداء عالي وعمر افتراضي اطول للسياره بدون اللجوء لترهيم مراوح كهرباء

[karate4m]

شكرا على الموضوع الأكثر من رائع .. جعله الله فى ميزان حسناتكم
لى استفسار ..
هلى المروحه الميكانيكيه تعمل فى اتجاه عكس المروحه الكهربيه ؟؟.. وما فائدة ذلك ؟؟
وعندي بالسياره كلما اشتغلت الكهربيه أحس ان الميكانيكيه تخف جدا لدرجة أني استطيع ان اوقفها بيدى
فهل هذا طبيعي ؟؟

[ولد التسرير]

السلام عليكم يا اخوان انا عندي سياره نيسان ددسن موديل 98 الحراره ترتفع وما لقيت العله غيرة طبات المويه والقسام والخراطيش وتسيخ الرديتر والمروحه شغاله وما لقيت العله والموتر فيه صوت تعليق مروحه ما تفصل والعزم ميت الرجاء الرد بسرعه لاني متوهق مع الحر ولكم مني اطيب تحياتي ولد التسرير 0551453438
:( :( :( :( :mad: :mad: :mad: :mad:

[بـلـيـهـان 1]

أشكرك اخي بحر القصيد على هذا الموضوع الرائع و الذي شرح أهم أسباب لإرتفاع الحراره و مدى الفرق بين المراوح الكهربائية الميكانيكيه
تحياتي

[karate4m]

لو تسمحو يا شباب أحد يرد علينا
والله تعبنا من الميكانيكيه والكهربائيه

[Gm Bas Gm]

(( اسئل مجرب ولا تسئل طبيب ))



بعض السيارات تناسبها مرواح الكهرباء وبعض السيارات ما تناسبها



بالنسبه لي معاي باث من قبل ما اشتكلي من الحراره ولله الحمد


ركبت مراوح كهرباء سوباور في بداية الصيف الوضع حلو وطبيعي بس مع الايام هذي وارتفاع درجات الحراره معد تصلح الضهر صارت ترتفع معاي الحراره
رجعت ركب الميكانيكية والحمد لله رجعت الحرارة الى وضعها الطبيعي الظهريه



المختصر المفيد الوكالة ومصنعين السياره اخبر لو السياره تناسبها الكهربائية كان ركبوها


وبالنسبة للعزم وصرفية البنزين

بالنسبة لي والله ما لاحظة اي فرق بعد وقبل المرواح
الى صوت المروحه الميكانيكية الضهريه صوتها القوي شوي

[ابوفرايديز]

والله ان كلامكم كافي ووافي جزاكم الله خير الجزاء

[أبو إبراهيم !!]

الله يعطيك العافيه وما قصرت

[راعي الفروه]

موضوع جميل وشكرا لك ياصاحب الموضوع والاخوه الذي اثروه بما لديهم من معلومات
اخواني عندي كابر موديل 93 كان مايعرف الحراره ابد واما السنه هذه اتعبني الاديرتر جديد والبلف فاكه والديلكو وزنته ولازالت الحراره فوق النص ويضعف عزمه مره مره عندما تاصل الحراره النص افيدونا عن المشكله الله يعطيكم الصحه والعافيه

[HAS5SAN]

نسيت أهم نقطة
مروحة الكلتش = تبريد المكينة وليس الراديتر لأن دفعها جهة المكينة
وليس العكس بارك الله فيك

[بدوي جنوبي]

تم تثبيت الموضوع http://www.mekshat.com/vb/images/misc/sticky.gif

بالتوفيق

[ابوياسمين]

السلام عليكم يا اخوان انا عندي سياره نيسان ددسن موديل 98 الحراره ترتفع وما لقيت العله غيرة طبات المويه والقسام والخراطيش وتسيخ الرديتر والمروحه شغاله وما لقيت العله والموتر فيه صوت تعليق مروحه ما تفصل والعزم ميت الرجاء الرد بسرعه لاني متوهق مع الحر ولكم مني اطيب تحياتي ولد التسرير 0551453438
:( :( :( :( :mad: :mad: :mad: :mad:
أحيانا التسسيخ مايكفي يكون الرديتر ودع تشوفه نظيف بس خلاص ماعاد ينفع يلزم التغيير
وعندك كلتش المروحه 90% من المشاكل منها ووين الشاطر الي يطلع أنه خربان؟؟
يبيلك واحد ميكانيكي فاهم يجزم لك أن الكلتش خربان
وترى بعض السيارات أن شلت البلف زادت حرارتها وبعضهن أن حطيته أرتفعت
هذي تجاربي الخاصه
ولابد من الخساير الله لايخسر مسلم
أنت أبدأ بفحص الكلتش وأن لقيته جيد تلقاء بلاك من الرديتر حتى لو شكله حلو لايغرك ولو أنه نظيف من داخل
تقبل تحياتي

[قطب 999]

مشكور على الموضوع ومتابعة النقاش ولدي مداخله بسيطه لمن تعب من الحراره وغير وبدل وماخلى شي الا سواه وما فيه فايده
من احد الاسباب العين
فان كانت من احد معارفك او اصحابك الامر بسيط
انما اذا من شخص غير معروف لديك فاعانك الله
والحافظ بعد الله المداومة على اذكار الصباح والمساء الصحيحه عن رسول الله
تحفظ بها نفسك واهلك ومالك ودابتك

[karate4m]

ياشاباب الله لا يهينكم أحد يفيدنى دوران المروحه الميكانيكيه وانا بالسياره يكون جهة اليمين ولا اليسار
يعني دوران الكهربيه عكس الميكانيكيه ولا فى نفس الاتجاه
شاكرا لكم

[H5N1]

السلام عليكم ورحمة الله وبركاته
بالنسبة إلى إتجاه الهواء الذي يبرد الرايتر والمكينة فهو يأتي من أمام شبك السيارة ثم إلى الراديتر ثم إلى المروحة ثم إلى المكينة .
ولو ركبت مراوح كهربائية وتم توصيلها بالغلط فسيتم عكس اتجاه دوران المروحة الكهربائية وبالتالي ستبرد السيارة في حالة الوقوف فقط وإذا بدأت السير فسيصطدم الهواء المدفوع من المروحة بالهواء الخارجي الداخل من أمام شبك السيارة مما يؤدي إلى توقف عملية تبريد المحرك وترتفع الحرارة.

وبالنسبة إلى تحديد اتجاه دوران المروحة الميكانيكية والكهربائية فانظر إلى درجة ميل ريشة المروحة فالجزء القريب من الراديتر هو الذي يسحب الهواء وبذلك يكون اتجاه الحركة من الجزء البعيد من الريشة إلى الجزء القريب هذا في حالة ما إذا كانت المروحة داخلية ( بين الراديتر والمكينة ) فهي مروحة سحب للهواء إلى الداخل أما المروحة الخارجية الكهربائية فعلى العكس في اتجاه الحركة لأنها مروحة دفع .
وليس المهم تحديد اتجاه الدوران بقدر ماهو مهم معرفة دفع الهواء أم سحبه فبعض المراوح يمكن أن تركب على المحرك الخاص بها بالمقلوب بمعنى يمكن تحويلها من دفع إلى سحب وبالعكس .
أكيد بعض الشباب يبي يقول لي المروحة هي هي حتى لو قلبت المروحة مارايح يتغير اتجاهها فأنا ذكرت هذا المثال فقط للتوضيح .

آمل أن أكون قد وفقت في التعليق وآسف على الإطالة .

[هويدي]

مرحبابك ومسهلا اخوي هويدي




الحمد لله على سلامتك يالغالي وبالفعل الإلتماس في الكهرب كثير يحصل والله يستر



ومن ناحية الغرغره اللي اقصدها هي مع ممشى السياره تكبس لها اخذر الدعسه يطلع صوت مثل (الـ لقلقه)زي صوت البلوف يعني متواصل ورى بعض لين تشل رجلك من البنزين تروح هذا اللي اقصده


انت ممكن الصوت اللي تقصده صوت طرمبة الماء صوتها يكون قريب للصوت اللي تقصده



تحيتي ولاهنت على تواصلك





الله يسلمك اخي بحر القصيد وآسف على التأخير توي اشوف ردك



ماشاء الله عليك جبتها بالملي الصوت اللي كان عندي فعلا طلع صوت طرمبه الماء بسبب البرد ويوم جا الصيف اختفى الصوت ولله الحمد




وشاكرلك توضيح ماهيه الغرغره وصلت بيض الله وجهك :good:

[ابويارا1001]

السلام عليكم ورحمة الله

يا اخوان لي تجربة مع الباترول موديل 90 كانت عندي الحرارة من اوقف بالمكيف شوي ترتفع وتتعدى النص الىين اطفي المكيف او امشي

غيرت كل شي في نظام تبريد المكينة
رديتر....خراطيش.....كلتش مروحة.....مروحة....وزن الديلكو......وزن بلوف....ركبت مراوح مكسيما مروحتين وكل وحدة سرعتين

دخت وكل هاللي فات بدون فايدة

في الاخير طلعت المشكلة من غطاء المروحة البلاستيك اللي يجي حولها واللي يسمونه( الكاور)
هو يجي في النيسان فطعتين الاولى الكبيرة اللي تشوفها مثبته بالرديتر والثانية غطاء صغير يركب على كلبسات

تحت المروحة ولا ينشاف

طلع هو المشكلة وغيرته ب50 ريال

وانتهت المشكلة والحمد لله

انا بغيت اسئلك يا جماعة احد جرب مراوح الفورد الفكتوريا

لانها تجي مروحة وحده كبيرة وسرعتين وتغطي الرديتر كامل
بس تركيبها مع الكاور يجتاج ترهيم وتثبت مضبوط

وفيه شغله مهمه ما يسويها الا كهربائي فاهم

وهي انك تخلي المراوح تشتغل على حساسات الحساس الاول عند مثلا حرارة 80 درجة والثاني عند 95درجة وتركب حساسات مرسيدس لانها متوفرة بدرجات حرارة كثيره
في هالحالة ما راح تشتغل المراوح الا الى احتمى الموتر وعلى الخط راح تطفى

تحياتي للجميع

واشكرك اخي االعزيز على طرح هالموضوع وفي وقته

وعلى ما يقولون ما فيه غيرنا يعرف صيفنا

وتقبل مروري

[BLAZER 93]

السلام عليكم

عندي استفسار عن عدد الريش في مروحة الكلش
أيش الفرق بين الخمس ريش والسبع ريش
واحد قال لي بدل الريش من 5 إلى 7 أفضل
الميكانيكي يقول نحن نبدل من 7 إلى 5 أفضل وهو مختص بالونيتات وأنا سيارتي بليزر وأتوقع المكينة وحده المهم...من اللي عنده العلم اللحين و وين الأفضل

ايضاً أيش الأفضل حق السيارة أن يكون الثرموستات موجود ولا شيلته أبرك

واللديتر وين الأفضل الألمنيوم ولا النحاس أبو 4 صفات

ننتظر آرائكم ونصايحكم الله لايهينكم

[Bader-M]

وعليكم السلام ورحمة الله

راح اعطيك معلومه مهمه جدا وهي ما تحاول شركات السيارات تطبيقة
وهي
كل ما قل الاجزاء المكانكية في السيارة واستبدالها باجزاء كهربائية كلما كان افضل
1- تقليل سعر التكلفه
2- اقل اعطال
3- اسهل اصلاح

خلني اضرب لك مثلا

الكلبليتر
يا كثر ما يخرب عليك و يصرف بنزين وقليل من يستطيع اصلاحه
اما البخاخ
خرب احدى البخاخات غيرة بكل بساطه

هذا ينطبق على المراوح
تمتاز مرواح الكهرباء
1- اقل اجزاء
2- اقل اعطال
3- اكثر فعالية للتبريد
4- اريح للمحرك
5- اقل ضجيج

في المثال يتضح المقال
اذا كانت السيارة واقفه فان عدد لفات مروح السير تكون ثابتة عكس الكهرباء التي تكون موصله بحساس بالرديتر عندما ترتفع درجة الحرارة تشبك المروحه الاخرى (او تتحول الى وضعية السرعة الثانية)
على العموم
لو تلاحظ ان اغلب المديلات الحديثة تم الاستغناء عن المرواح السير و استبدالها بمراوح كهرباء

تحياتي اليك

[النفيظ]

السلام عليكم ورحمة الله
الصراحه موضوع جميل وجاء في وقته في هالحر الله يكفينا وياكم نار جهنم قولوا آمين
عندي سوال بخصوص الحرارة أنا عندي الحرارة ولله الحمد ممتازه ولا عندها خلاف بس لاصرت واقف لمدة تزيد عن الربع ساعة والمكيف شغال ترتفع الحرارة لنصف مأدري هي طبيعية ولا لا السياره جيب صالون تويوتا موديل 94

[عاشق الرفرف]

انا عندي الوانيت 454 والحراره فخوفني وسويتله تنضيف لديتر وشيكت المكينه قلولي موترك مافي شي الحراره علئ النص ومن اشوفها ارتفعت اشوي اوقف الموتر لين تنزل لربع وانا زهقت وابي حل ماعليه الا مروحتين بس ناس قالولي حط مراوح مكسيما بس موتري 8 اسلندر وماضن تصلح وانا ابي واحد مجرب وطلع بنتيجه مابي واحد يقولي ركب وسو وهو مايدري وش النواتج

[عزيزالنفس]

مشكوروالله يعطيك العافية

وتقبل مروري

[faris2006]

السلام عليكم
انا عندي دادسن 2003م دفرنشين(ضعيف العزم)
سمعت ان مروحت الكهربائيه تزيد من عزم المكينه
ركبت مروحين مكسيما وبلف مرسيدس اصلي من الشدادي وسويت لهن ضفيرةولى كل مروحه ضفيرة للمروحة كتاوت وفيورمن البطاريه الى المروحه
وبعد شهر كنت في الثمامه وجاي من طريق مطار الملك خالد(الرياض)حسيت بالسياره قلت عزم وتقطيع ناظر للطبلون والى الحرارة على الاتش طفيت السيارة وشيكت على المراوح الى بلف الحرارة عطلان
صلحت السيارة ورجعت مروحت بلدها
من المشاكل الى حصلتي بعدها
تلف الديمو
تلف الانوار الاماميه وبعض اللمبات
والان ركبت مروحة كهربائية اضافيه مع مروحة شد بلد ووضعت سوتش اذا ابغها تشتغل مع شد بلد (مروحة الكهربائية)او داركت او اطفيها نهائيا
انا اشتغل الان كهربائي في احد الدوائر الحكوميه
عندنا معظم السيارات
مثل الفورد شفر وجمس والنيسان(باترل-دادسن-صني-البصات)وتايوتا(جي-اربع-شواص-والهايسات-تيرسل -كرولا-الباصات)مرسيدس-هوندي
انا ما انصح بتركيب مروحت الفرد الجديدة 2007م الى 2009م دايم تتعطل السرعة الخفيفه(فيه قطعة لتخفيف السرعة(زي المبرد الى يجي على الكويل للسيارات القديمه بس مجوفزي المسوره)
ركب مروحه اضافية بين الشبك ورتيتر اما مروح قوية الدفع او مرسيدس او اى مروحه تجدها تناسب السيارة(المكائن 8سرندر مروحة مرسيدس 500موديل80م الى89م تقريبا\ للسيارات 6او4 سرندر(فيه مروحة المرسيدس300او380 اومروحة الجموس ) يوجد مراوح كثير ممتازه لايحضرني اسماء
عند تركيب المروحة ضع لها ضفيرة خاص لتفادي الالتماسات او اتلاف الكمبيوتر او قطع اكترونية0
((((((((((اذا وقفت وارفع الحراره :- تاكد من الرتيتر ممكن يكون مسدود من الاوساخ او اوراق الشجر الى اخره)))))))))))من الخارج
شيك اذا موجود ؟ اذا غسلت السيارة كلم صاحب المغسلة ينظف الرتيتر من الداخل من المكينه ومن عند الشبك.
انصح الجميع الرجوع للكتيب الصيانه

[wewe150]

يعطيك العافيه على الموضوع القيم

عندي سؤال حول الموضوع ادور جواب اكيد عليه

عندي هايلكس 2002 موية الاديتر تنقص لكن ما فيه تهريب ابد

بحيث اني ادوام على تعبئتها كل اسبوعين تقريبا بمعدل 1.5 ليتر تقريبا

ما ادري وش المشكله ممكن ترشدنا من تكمن المشكله او تتوقع وين ولا يهونون باقي الاعضاء

[faris2006]

wewe150
اذا كان في الشتاء(اذاكان الجو بارد) ماينقص فتاكد من الغطاء

[ابرااااهام]

مشكوروالله يعطيك العافية

[بحر القصيد]

أخوي الكريم



انا كان معاي سوبارو 99 اوت باك


دفع رباعي مستمر


شد بلد 2 مروحة كهرب


والحرارة ما شاء الله على النص ليل نهار مع المكيف او بدونه


والله اني نسيت اطالع الحرارة من كثر مافي ثابتة


والله انها نعم السيارة ونعم المراوح



لك تحياتي


يامرحبا ومسهلا اخوي mo7taj
صحيح اخوي السيارات اللي منها سيارتك اذا ماخاب ظني مكينتها بالعرض مش طول وهذي

اجباري يركب لها مراوح كهرب ........... ناهيك على البلوك(السلندر) المصنوع من الألمنيوم او من مواد أخرى لاتحتفظ بالحراره كثيرا ً
يساعد كثيرا ً في برودة المحرك

تحيتي لك ولاهنت على مرورك العطر

[بحر القصيد]

شكرا على الموضوع الأكثر من رائع .. جعله الله فى ميزان حسناتكم
لى استفسار ..
هلى المروحه الميكانيكيه تعمل فى اتجاه عكس المروحه الكهربيه ؟؟.. وما فائدة ذلك ؟؟
وعندي بالسياره كلما اشتغلت الكهربيه أحس ان الميكانيكيه تخف جدا لدرجة أني استطيع ان اوقفها بيدى
فهل هذا طبيعي ؟؟


اخوي karate4m

العفو يالغالي والله يرحم شيبانك على مرورك الأكثر من رائع

لا يالغالي كل المروحتين( الميكانيكيه والكهربائيه) يؤدون نفس الوظيفه

يعني يسحبون الهواء من مقدمة السياره عشان يمر على الرديتر وبعده على المكينه

ومن ناحية ان الميكانيكيه تخف هذا طبيعي (لأن المحرك لم يطلب تبريد زياده)

يوجد حساس يستشعر متى تكون السياره في حاجة التبريد فتعمل المروحه للتبريد

وإذا كانت الحرارة المحرك معتدله تفصل المروحه الميكانيكيه لتقلل الضغط على المحرك

تحية اخوك

[بحر القصيد]

السلام عليكم يا اخوان انا عندي سياره نيسان ددسن موديل 98 الحراره ترتفع وما لقيت العله غيرة طبات المويه والقسام والخراطيش وتسيخ الرديتر والمروحه شغاله وما لقيت العله والموتر فيه صوت تعليق مروحه ما تفصل والعزم ميت الرجاء الرد بسرعه لاني متوهق مع الحر ولكم مني اطيب تحياتي ولد التسرير 0551453438
:( :( :( :( :mad: :mad: :mad: :mad:

أول شغله تسويها لما تكون سيارتك تحتر بدل غطاء الرديتر لأنه ارخص شيء

ثاني شغله انت تقول المروحه ماتفصل

( قبل ماتشغل السياره لاصارت بارده فر الفروحه بيدك اذا أفترت معك بشوي شوي معناه المروحه سليمه)

شوف لك شي ثاني مثل الكوع إذا كنت شاله ركب واحد جديد حق(ددسن ديزل) تلقاه بالوكاله

وش وش يطلع معك وعطنا تفاصيل اكثر

وتقبل تحية اخوك

[بحر القصيد]

أشكرك اخي بحر القصيد على هذا الموضوع الرائع و الذي شرح أهم أسباب لإرتفاع الحراره و مدى الفرق بين المراوح الكهربائية الميكانيكيه
تحياتي

ارحب يابليهان


لاشكر على واجب ياذيبان ومرورك نوماس يالغالي

[بحر القصيد]

(( اسئل مجرب ولا تسئل طبيب ))




بعض السيارات تناسبها مرواح الكهرباء وبعض السيارات ما تناسبها



بالنسبه لي معاي باث من قبل ما اشتكلي من الحراره ولله الحمد


ركبت مراوح كهرباء سوباور في بداية الصيف الوضع حلو وطبيعي بس مع الايام هذي وارتفاع درجات الحراره معد تصلح الضهر صارت ترتفع معاي الحراره
رجعت ركب الميكانيكية والحمد لله رجعت الحرارة الى وضعها الطبيعي الظهريه



المختصر المفيد الوكالة ومصنعين السياره اخبر لو السياره تناسبها الكهربائية كان ركبوها



وبالنسبة للعزم وصرفية البنزين


بالنسبة لي والله ما لاحظة اي فرق بعد وقبل المرواح

الى صوت المروحه الميكانيكية الضهريه صوتها القوي شوي



كلام سليم اخوي ماكل سياره تمشي معها

لاهنت على مرورك العطر

[بحر القصيد]

والله ان كلامكم كافي ووافي جزاكم الله خير الجزاء


الله يرحم والديك ولايهينك على مرورك الطيب ومنطوقك الطيب

[بحر القصيد]

الله يعطيك العافيه وما قصرت

الله يعافيك ولاهينك يا بسام تحيتي لك

[بحر القصيد]

موضوع جميل وشكرا لك ياصاحب الموضوع والاخوه الذي اثروه بما لديهم من معلومات
اخواني عندي كابر موديل 93 كان مايعرف الحراره ابد واما السنه هذه اتعبني الاديرتر جديد والبلف فاكه والديلكو وزنته ولازالت الحراره فوق النص ويضعف عزمه مره مره عندما تاصل الحراره النص افيدونا عن المشكله الله يعطيكم الصحه والعافيه

مرحبابك اخوي راعي الفروه

أخوي الكابرس والسيارات التماتيك يكون لها (كولر) لتبريد زيت القير (أفحصه لأنه هو اللي يساعد في ارتفاع الحراره) لأن القير له مجرى زيت يدخل للرديتر وإذا الكولر مابرد الزين يدخل للرديتر وهو حار مما يساعد في ارتفاع حرارة الرديتر ومنها حرارة المحرك

وياليت تفحص الأشياء البسيطه مثل غطاء الرديتر وطرمبة الماء والأشياء البديهيه

ولاتنسى بعد ماتضبط حرارة سيارتك ترجع الكوع (لأنه ظروري جدا ً) استبدل الأصلي بحق سيارة ديزل او كوع رياضي او اي كوع يفتح اسرع من الأصلي

تحيتي لك

[بحر القصيد]

نسيت أهم نقطة
مروحة الكلتش = تبريد المكينة وليس الراديتر لأن دفعها جهة المكينة
وليس العكس بارك الله فيك


اخوي محد قال ان المروحه الميكانيكيه تدفع الهواء بإتجاه الرديتر هذي نقطه .

والنقطه الثانيه ( لما تدفع الهواء للمكينه الهواء هذا أصلا ً من وين جابته المروحه؟؟؟) جابته من مقدمة السياره يعني ان الهواء يبرد على الرديتر ويخرج من الرديتر للمكينه .

لاتحرمنا تواصلك اخوي الله لايحرمك الجنه

[بحر القصيد]

تم تثبيت الموضوع http://www.mekshat.com/vb/images/misc/sticky.gif

بالتوفيق


اخوي بدوي جنوبي أبيض وجه يالغالي

والله يوفقنا وإياك لما يحب ويرضى تحيتي لك

[حرنابك]

اخوي بحر القصيد السلام عليكم :انا عندي جمس موديل 2001 كل ماوقفت ارتفعت درجة الحرارة ردلي تكفى

[حرنابك]

مشكور جدا يابحر القصيد

[ابولين]

والله ياخوي بحر أنا ماأوافقك الراي

انا عندي موتري وشلت عنها مروحة بلد وركبت لها مروحتين سوبارو سرعتين
السرعة الأولى خليتها مع الحساس والسرعه الثانيه على مع المكيف بالإضافه لفاصل يشبك بدون المكيف
أما من ناحية الفائدة وللعلم صار لي مركب هالمراوح اكثر من ثلاث سنوات:
المروحه الميكانيكيه في الصيف دائمه العمل وتجهد المكينه وتقلل العزم اذا كانت تعمل
عزم السيارة يفرق مع المراوح الكهربائيه وأنا فرقت شي كثير بسيارتي خاصة عندما أحتاج للقسوة عليها أحيانا
المراوح اذا كانت مشبوكه على طول على السلف طبيعي راح تشفط البطاريه
لذلك نصيحه خليها على حساس " أنا مركب حساس 70" وكلها ثلاث دقايق والمراوح تفصل عن العمل حتى لو السيارة كانت واقفه
الطريقه السابقه نفس طريقة البلف لكن لتوصيل الكهرباء مع الحساس لدرجة حراره معينه عندها تعمل المراوح

على العموم كلن ينام على الجنب الي يريحه مع إني من أكثر من ثلاث سنين ماواجهت أي مشكله مع هالمراوح
وتقبل تحياتي

[بحر القصيد]

أحيانا التسسيخ مايكفي يكون الرديتر ودع تشوفه نظيف بس خلاص ماعاد ينفع يلزم التغيير
وعندك كلتش المروحه 90% من المشاكل منها ووين الشاطر الي يطلع أنه خربان؟؟
يبيلك واحد ميكانيكي فاهم يجزم لك أن الكلتش خربان
وترى بعض السيارات أن شلت البلف زادت حرارتها وبعضهن أن حطيته أرتفعت
هذي تجاربي الخاصه
ولابد من الخساير الله لايخسر مسلم
أنت أبدأ بفحص الكلتش وأن لقيته جيد تلقاء بلاك من الرديتر حتى لو شكله حلو لايغرك ولو أنه نظيف من داخل
تقبل تحياتي
اخوي ابو ياسمين

الله يجزاك خير يالغالي على تفاعلك مع اخوانك وجعله الله في ميزان حسناتك

كلامك عين العقل لكن مسألة الحراره لها اسباب كثير تبدأ بغطاء الرديتر ولاتنتهي ابدا ً

والرابح اللي الله وفقه وانتهت مشكلته

تحيتي لك اخوك بحر

[بحر القصيد]

مشكور على الموضوع ومتابعة النقاش ولدي مداخله بسيطه لمن تعب من الحراره وغير وبدل وماخلى شي الا سواه وما فيه فايده
من احد الاسباب العين
فان كانت من احد معارفك او اصحابك الامر بسيط
انما اذا من شخص غير معروف لديك فاعانك الله
والحافظ بعد الله المداومة على اذكار الصباح والمساء الصحيحه عن رسول الله
تحفظ بها نفسك واهلك ومالك ودابتك

جزاك الله خير اخي قطب

العين حق كما قال (الرسول عليه الصلاة والسلام)

كفانا الله واياكم شر العين والحسد وحمانا من جميع المصائب اجمعين ..
قال الرسول صلى الله عليه وسلم ((لو أن شيء سابق القدر لسبقته العين ))
فهذا دليل على أن العين سريعة الوقوع ولا يمكن لاحد أن يسلم من العين الا من حفظه الله ومن حافظ على قراءة ورده في الليل والنهار ...
فأنصحكم أحبتي بقراءة الأذكار اليوميه لانها تحفظ المسلم من كل شي باذن الله سبحانه وتعالى ...

[بحر القصيد]

ياشاباب الله لا يهينكم أحد يفيدنى دوران المروحه الميكانيكيه وانا بالسياره يكون جهة اليمين ولا اليسار
يعني دوران الكهربيه عكس الميكانيكيه ولا فى نفس الاتجاه
شاكرا لكم


دوران المروحة الميكانيكيه يكون وانت في السياره لجهة اليمين

وتكون وظعية الريش بحالة السحب يعني تسحب الهواء من مقدمة السياره

والكهربائيه نفس طريقة العمل إلا اذا كانت مركبه بين الرديتر وشبك السياره تكون في وضعية الدفع

يعني لو تجي قدام السياره وتقرب من الشبك وينشفط ثوبك هذي والوضعيه الصحيحه للمروحه

اتمنى ان اكون وفقت بالرد عليك واسمح لي على التأخير

تحيتي لك وتقديري

[بحر القصيد]

السلام عليكم ورحمة الله وبركاته
بالنسبة إلى إتجاه الهواء الذي يبرد الرايتر والمكينة فهو يأتي من أمام شبك السيارة ثم إلى الراديتر ثم إلى المروحة ثم إلى المكينة .
ولو ركبت مراوح كهربائية وتم توصيلها بالغلط فسيتم عكس اتجاه دوران المروحة الكهربائية وبالتالي ستبرد السيارة في حالة الوقوف فقط وإذا بدأت السير فسيصطدم الهواء المدفوع من المروحة بالهواء الخارجي الداخل من أمام شبك السيارة مما يؤدي إلى توقف عملية تبريد المحرك وترتفع الحرارة.

وبالنسبة إلى تحديد اتجاه دوران المروحة الميكانيكية والكهربائية فانظر إلى درجة ميل ريشة المروحة فالجزء القريب من الراديتر هو الذي يسحب الهواء وبذلك يكون اتجاه الحركة من الجزء البعيد من الريشة إلى الجزء القريب هذا في حالة ما إذا كانت المروحة داخلية ( بين الراديتر والمكينة ) فهي مروحة سحب للهواء إلى الداخل أما المروحة الخارجية الكهربائية فعلى العكس في اتجاه الحركة لأنها مروحة دفع .
وليس المهم تحديد اتجاه الدوران بقدر ماهو مهم معرفة دفع الهواء أم سحبه فبعض المراوح يمكن أن تركب على المحرك الخاص بها بالمقلوب بمعنى يمكن تحويلها من دفع إلى سحب وبالعكس .
أكيد بعض الشباب يبي يقول لي المروحة هي هي حتى لو قلبت المروحة مارايح يتغير اتجاهها فأنا ذكرت هذا المثال فقط للتوضيح .

آمل أن أكون قد وفقت في التعليق وآسف على الإطالة .


اخوي : H5N1

جزاك الله خير جزاء ووفقك لما يحب ويرضى شاكر لك مداخلاتك الأكثر من مميزه

وتفاعلك مع اخوانك من طيب معدنك وحصرك على ان تعم الفائدة

تحيتي وتقديري لك

[بحر القصيد]

مرحبابك ومسهلا اخوي هويدي







الله يسلمك اخي بحر القصيد وآسف على التأخير توي اشوف ردك



ماشاء الله عليك جبتها بالملي الصوت اللي كان عندي فعلا طلع صوت طرمبه الماء بسبب البرد ويوم جا الصيف اختفى الصوت ولله الحمد





وشاكرلك توضيح ماهيه الغرغره وصلت بيض الله وجهك :good:



كل الشكر لك اخوي هويدي وحياك الله دوم معنا للإفادة والإستفاده
ومادام الله عاننا وإنتهت مشكلة سيارتك لاتبخل علينا بصادق دعائك
إن اصبت فمن الله وان اخطات فمن نفسى والشيطان

تحيتي لك

[بحر القصيد]

السلام عليكم ورحمة الله



يا اخوان لي تجربة مع الباترول موديل 90 كانت عندي الحرارة من اوقف بالمكيف شوي ترتفع وتتعدى النص الىين اطفي المكيف او امشي


غيرت كل شي في نظام تبريد المكينة
رديتر....خراطيش.....كلتش مروحة.....مروحة....وزن الديلكو......وزن بلوف....ركبت مراوح مكسيما مروحتين وكل وحدة سرعتين


دخت وكل هاللي فات بدون فايدة


في الاخير طلعت المشكلة من غطاء المروحة البلاستيك اللي يجي حولها واللي يسمونه( الكاور)
هو يجي في النيسان فطعتين الاولى الكبيرة اللي تشوفها مثبته بالرديتر والثانية غطاء صغير يركب على كلبسات


تحت المروحة ولا ينشاف


طلع هو المشكلة وغيرته ب50 ريال


وانتهت المشكلة والحمد لله


انا بغيت اسئلك يا جماعة احد جرب مراوح الفورد الفكتوريا


لانها تجي مروحة وحده كبيرة وسرعتين وتغطي الرديتر كامل
بس تركيبها مع الكاور يجتاج ترهيم وتثبت مضبوط


وفيه شغله مهمه ما يسويها الا كهربائي فاهم


وهي انك تخلي المراوح تشتغل على حساسات الحساس الاول عند مثلا حرارة 80 درجة والثاني عند 95درجة وتركب حساسات مرسيدس لانها متوفرة بدرجات حرارة كثيره
في هالحالة ما راح تشتغل المراوح الا الى احتمى الموتر وعلى الخط راح تطفى


تحياتي للجميع


واشكرك اخي االعزيز على طرح هالموضوع وفي وقته


وعلى ما يقولون ما فيه غيرنا يعرف صيفنا



وتقبل مروري



يامرحبا اخوي ابو يارا


حياك الله

وبالفعل الكاور مهم جــــــــــــــدا ً وذكرته في بداية موضوعي

لأنه يخلي الهواء مركز بإتجاه المحرك أما اذا كان الكاور مشيول او مكسر فـ لن يكون في دفع الهواء تركيز

مما يشتت الهواء في جميع الأنحاء وبذالك لايعطي المحرك الكمية المطلوبه للتبريد

ومن ناحية مراوح الكراون فكتوريا ماقد سمعت احد ركبها

تحيتي لك وجزاك الله خير على تواجدك المفيد

[بحر القصيد]

السلام عليكم

عندي استفسار عن عدد الريش في مروحة الكلش
أيش الفرق بين الخمس ريش والسبع ريش
واحد قال لي بدل الريش من 5 إلى 7 أفضل
الميكانيكي يقول نحن نبدل من 7 إلى 5 أفضل وهو مختص بالونيتات وأنا سيارتي بليزر وأتوقع المكينة وحده المهم...من اللي عنده العلم اللحين و وين الأفضل

ايضاً أيش الأفضل حق السيارة أن يكون الثرموستات موجود ولا شيلته أبرك

واللديتر وين الأفضل الألمنيوم ولا النحاس أبو 4 صفات

ننتظر آرائكم ونصايحكم الله لايهينكم


مرحبا ومسهلا اخوي بليزر


نصيحة أولى اخوي بليزر(لك وللجميع) قبل ارد على استفساراتك

شوف دايم السيارات التماتيك (حرارتها ترتفع اكثر من القير عادي) ليش ؟

لأن زيت القير يمر من خلال الرديتر وإذا مر زيت القير للرديتر وهو لم يتم تبريده لاتتوقع ان الحراره تنزل ابد
فــ لذالك افحص اول شيء (مبرد قير التماتيك) الكولر وإذا كان قديم من معدن حديد او نحاس شوف لك اي محل
يستبدله بـ إلمنيوم (من التشليح) لأنه يساعد بالتبريد كثييييييييير ((هذه اهم نقطه للسيارات ذات القير التماتيك))


من ناحية المروحه : اعتقد والله أعلم ان كل مازاد عدد الريش زاد سحب الهواء

وممكن لايفظلها الميكانيكيين لأنها تطلب عزم أكبر من المحرك ولهذا لايفظلها الميكانيكيين لأنها من الممكن

ان تساعد في ارتفاع درجة حرارة المحرك (بسبب استهلاقها عزم اكبر من ذات الريش الأقل)

الثيرموستات : مهم جدا ً

لأنه يعمل كنترول للماء يعني يخرج الماء من الرديتر ويقفل ليتم تبريد الماء الموجود في الرديتر
وبعد ذالك يفتح ويخرج الماء البارد للمحرك ويستقبل الماء الحار ويقفل ويبرده وهكذا
لو ان الثيرموستات مشيول تكون دورة الماء متواصله من الرديتر للمحرك للرديتر للمحرك
وتبدأ الحراره في الصعود تدريجيا ً إلا ان تصل لأعلى مستوى
لذالك الثيرموستات مهم جدااااااااااااااااااااااااااااااااااا اخي الكريم

ومن ناحية الرديتر (الألمنيوم أحسن شيء لأن معدنه أقل إحتفاض بالحراره .. من النحاس )


تحيتي وتقديري

[بحر القصيد]

وعليكم السلام ورحمة الله

راح اعطيك معلومه مهمه جدا وهي ما تحاول شركات السيارات تطبيقة
وهي
كل ما قل الاجزاء المكانكية في السيارة واستبدالها باجزاء كهربائية كلما كان افضل
1- تقليل سعر التكلفه
2- اقل اعطال
3- اسهل اصلاح

خلني اضرب لك مثلا

الكلبليتر
يا كثر ما يخرب عليك و يصرف بنزين وقليل من يستطيع اصلاحه
اما البخاخ
خرب احدى البخاخات غيرة بكل بساطه

هذا ينطبق على المراوح
تمتاز مرواح الكهرباء
1- اقل اجزاء
2- اقل اعطال
3- اكثر فعالية للتبريد
4- اريح للمحرك
5- اقل ضجيج

في المثال يتضح المقال
اذا كانت السيارة واقفه فان عدد لفات مروح السير تكون ثابتة عكس الكهرباء التي تكون موصله بحساس بالرديتر عندما ترتفع درجة الحرارة تشبك المروحه الاخرى (او تتحول الى وضعية السرعة الثانية)
على العموم
لو تلاحظ ان اغلب المديلات الحديثة تم الاستغناء عن المرواح السير و استبدالها بمراوح كهرباء
تحياتي اليك



اخوي انت تتكلم عن سيارات تعمل بـ كومبيوتر وحساسات لكل شيء وهذي مصيبتها لو اختربت مصيبه

انت تتكلم عن سيارات محركاتها من معادن لاااااااااااااااااااتحتفض بالحراره مثل الألمنيوم وغيره

انت تتكلم في الإستغناء عن المراوح الميكانيكيه (انا اقولك استغنوا عنها في السيارات التي يكون محركها بالعرض لأنهم لايستطيعون وضع مروحة ميكانيكيه والمحرك بالعرض)

ولكن ما اشوفهم استغنوا عنها في السيارات اللي تكون بمحرك طولي مثل الجمس والجيب والنيسان

لاتخلي السيارات ذات المحرك اللي بالعرض مثال (لأن جميع السيارات ذات المحرك الطبيعي الطولي) إلى الآن بمروحة ميكانيكيه

المروحة الكهربائيه ( إطارها صغيره جدا ً بالنسبة لإطارا المروحة الميكانيكيه) وهذا أهم شيء لأن دفعية المروحة الميكانيكيه تكون مررررررركزة على المحرك ودفعية المروحة الكهربائية سوف تتشتت ولن تعطي المحرك حاجته من هواء

ومن ناحية أخرى شوف اخوي : السياره اذا فصلت مروحتها الميكانيكيه فهذا لايعني انها لاتدور بالعكس تدور ولكن بشكل لاتلاحظه وإذا شبكت المروحه صارت سريعه بشكل تلاحظه

وكل هذا يعتمد على شيء واحد ( كلتش المروحه يكون اصلي وسليم + تماتيك المكيف يكون شغال 100%)


تحيتي وتقديري

[بحر القصيد]

السلام عليكم ورحمة الله
الصراحه موضوع جميل وجاء في وقته في هالحر الله يكفينا وياكم نار جهنم قولوا آمين
عندي سوال بخصوص الحرارة أنا عندي الحرارة ولله الحمد ممتازه ولا عندها خلاف بس لاصرت واقف لمدة تزيد عن الربع ساعة والمكيف شغال ترتفع الحرارة لنصف مأدري هي طبيعية ولا لا السياره جيب صالون تويوتا موديل 94


عليكم السلام ورحمة الله وبركاته اخوي النفيظ

اخوي ممكن يكون عندك تماتيك المكيف مش شغال حاول تفحصه

وشغله ثانيه فيه مروحه صغيره تابعة للمكيف بين الشبك والرديتر حاول تشوفها ممكن ماتكون شغاله

وثالث شيء (شيل الثيرموستات(الكوع) - وإستبدله بثيرموستات(كوع) حق جيب ديزل) وتلقاه في الوكاله او اي امحل قطع غيار

والله يوفقك

[ابوسنيدي]

اخوي بحر القصيد
سيارتي باث فندر 2004 امريكي مشكلتي وهي انبير الحراره علي النص او تحت النص بشرطه شلت البلف الي تحت الثلاجه وغيرت البلف الي طالع من الاديتر وغيرت الاديتر ولكن لم تنزل الحراره عن النص ياهل تراء وين المشكله مع العلم مريت علي كل المكنيكايين يقلون ان قراة عداد الحراره الامريكي النص هل هذا صحيح ارجو منك الافاده لك مني فائق الاحترام والتقدير

[بحر القصيد]

انا عندي الوانيت 454 والحراره فخوفني وسويتله تنضيف لديتر وشيكت المكينه قلولي موترك مافي شي الحراره علئ النص ومن اشوفها ارتفعت اشوي اوقف الموتر لين تنزل لربع وانا زهقت وابي حل ماعليه الا مروحتين بس ناس قالولي حط مراوح مكسيما بس موتري 8 اسلندر وماضن تصلح وانا ابي واحد مجرب وطلع بنتيجه مابي واحد يقولي ركب وسو وهو مايدري وش النواتج


اخوي عاشق لما ترتفع الحراره افتح الكبوت وامسك (هوز الماء اللي يطلع من الرديتر ويركب فالمكينه)

ورضغط عليه إذا كان محجر فـ موترك فيه حراره وضغط

وإذا كان طبيعي ليييييين فــ ممكن تكون مشكلة كهرب لأنها ترفع العدادات بعض المرات

من ناحية مراوح كهربائيه انساها بالمره (مافيه مراوح كهربائيه تعطي مكينة الـ454 كمية الهواء المطلوب)

لكن شوف الإطار البلاستك اللي حول المروحه حاول يكون كااااااامل من جميع الجهات عشان دفع الهواء يكون مركز على المكينه

وافحص كلتش المروحه والموتر بارد وطافي فر المروحه إذا افترت معك تكون سليمه واذا ما افترت معناها الكلتش خربان غيره

وثاني شي غير غطاء الرديتر (إذا كان قديم)

والله يوفقك

[بحر القصيد]

مشكوروالله يعطيك العافية

وتقبل مروري


لاشكر على واجب يا اخوي عزيز النفس ومرورك بحد ذاته شرف المتصفح

تحيتي لك

[بحر القصيد]

السلام عليكم
انا عندي دادسن 2003م دفرنشين(ضعيف العزم)
سمعت ان مروحت الكهربائيه تزيد من عزم المكينه
ركبت مروحين مكسيما وبلف مرسيدس اصلي من الشدادي وسويت لهن ضفيرةولى كل مروحه ضفيرة للمروحة كتاوت وفيورمن البطاريه الى المروحه
وبعد شهر كنت في الثمامه وجاي من طريق مطار الملك خالد(الرياض)حسيت بالسياره قلت عزم وتقطيع ناظر للطبلون والى الحرارة على الاتش طفيت السيارة وشيكت على المراوح الى بلف الحرارة عطلان
صلحت السيارة ورجعت مروحت بلدها
من المشاكل الى حصلتي بعدها
تلف الديمو
تلف الانوار الاماميه وبعض اللمبات
والان ركبت مروحة كهربائية اضافيه مع مروحة شد بلد ووضعت سوتش اذا ابغها تشتغل مع شد بلد (مروحة الكهربائية)او داركت او اطفيها نهائيا
انا اشتغل الان كهربائي في احد الدوائر الحكوميه
عندنا معظم السيارات
مثل الفورد شفر وجمس والنيسان(باترل-دادسن-صني-البصات)وتايوتا(جي-اربع-شواص-والهايسات-تيرسل -كرولا-الباصات)مرسيدس-هوندي
انا ما انصح بتركيب مروحت الفرد الجديدة 2007م الى 2009م دايم تتعطل السرعة الخفيفه(فيه قطعة لتخفيف السرعة(زي المبرد الى يجي على الكويل للسيارات القديمه بس مجوفزي المسوره)
ركب مروحه اضافية بين الشبك ورتيتر اما مروح قوية الدفع او مرسيدس او اى مروحه تجدها تناسب السيارة(المكائن 8سرندر مروحة مرسيدس 500موديل80م الى89م تقريبا\ للسيارات 6او4 سرندر(فيه مروحة المرسيدس300او380 اومروحة الجموس ) يوجد مراوح كثير ممتازه لايحضرني اسماء
عند تركيب المروحة ضع لها ضفيرة خاص لتفادي الالتماسات او اتلاف الكمبيوتر او قطع اكترونية0
((((((((((اذا وقفت وارفع الحراره :- تاكد من الرتيتر ممكن يكون مسدود من الاوساخ او اوراق الشجر الى اخره)))))))))))من الخارج
شيك اذا موجود ؟ اذا غسلت السيارة كلم صاحب المغسلة ينظف الرتيتر من الداخل من المكينه ومن عند الشبك.
انصح الجميع الرجوع للكتيب الصيانه


الله يوفقك اخوي فارس

وبالفعل هذه من المشاكل اللي يتعرض لها من ركب مراوح كهربائيه

ولكن نتائجها تكون كارثيه وممكن تعطب عليك المحرك كامل بسبب الحراره

لاهنت وماشاء الله عليك الحين مهندس وفاهم الشغل كيف بالتوفيق اخوي

[بحر القصيد]

يعطيك العافيه على الموضوع القيم

عندي سؤال حول الموضوع ادور جواب اكيد عليه

عندي هايلكس 2002 موية الاديتر تنقص لكن ما فيه تهريب ابد

بحيث اني ادوام على تعبئتها كل اسبوعين تقريبا بمعدل 1.5 ليتر تقريبا

ما ادري وش المشكله ممكن ترشدنا من تكمن المشكله او تتوقع وين ولا يهونون باقي الاعضاء

الله يعافيك ويرحم والديك اخوي

اخوي مافيه غير غطاء الرديتر اذا كان فيه تنسيم ولو بسيييييييييييط يخرج منه بخار الماء (اللي هو بالاساس ماء) وبذالك يكون نقص الماء غيره بواحد اصلي وان شاء الله تنتهي مشكلتك

تحيتي لك

[بحر القصيد]

اخوي بحر القصيد
سيارتي باث فندر 2004 امريكي مشكلتي وهي انبير الحراره علي النص او تحت النص بشرطه شلت البلف الي تحت الثلاجه وغيرت البلف الي طالع من الاديتر وغيرت الاديتر ولكن لم تنزل الحراره عن النص ياهل تراء وين المشكله مع العلم مريت علي كل المكنيكايين يقلون ان قراة عداد الحراره الامريكي النص هل هذا صحيح ارجو منك الافاده لك مني فائق الاحترام والتقدير


مرحبابك اخوي

شوف اذا سيارتك بمروحة بلادها يعني مروحة سيور تعرف اذا السياره تحتر من كثر ماتشبك المروحه

واذا كانت فاصله دايم معناها الحراره طبيعيه

وإذا تبي زود اخوي (فيه حساس حراره حاول تغيره وتركب خليجي ممكن ينزل عداد الحراره عندك)

وافحص الهوز تبع الماء بعد ماتجي من مشوار افتح كبوت السياره وامسك هوز الماء الخارج من الرديتر وراكب في المكينه اضغط عليه اذا كان محجر معناه السياره فيها حراره وضغط اذا كان لين معناه السياره مافيها حراره

وسلامتك موفق بإذن الله اخوي تحيتي لك

[بحر القصيد]

wewe150
اذا كان في الشتاء(اذاكان الجو بارد) ماينقص فتاكد من الغطاء


انا مع اخوي فارس

[بحر القصيد]

مشكوروالله يعطيك العافية


الله يعافيك اخوي وماسوينا الا الواجب تحيتي لك

[بحر القصيد]

اخوي بحر القصيد السلام عليكم :انا عندي جمس موديل 2001 كل ماوقفت ارتفعت درجة الحرارة ردلي تكفى


ابشر باللي يرضيك يالغالي ولكن عطنا تفاصيل اكثر وش الموتر قير تماتيك والا عادي

عندك الغطاء اذا ينقص الماء

زعندك المروحه الصغيره اللي تجي بين الشبك والرديتر اذا فاصله ترتفع الحاراه

وعندك التماتيك حق المكيف اللي يخلي بنزين السياره يرتفع وينزل مع المكيف اذا ماكان يشتغل ترتفع الحراره

وعندك كلتش المروحه اذا كان معلق دايم تحن السياره فيها حنه يبي تبديل

واذا العوع (الثيرموستات) خربان تقوم الحراره

لكن عطنا تفاصيل اكثر عشان ننفعك وابشر باللي يرضيك يالغالي

تحيتي لك

[بحر القصيد]

مشكور جدا يابحر القصيد

لاشكر على واجب لاعدمتك

[بحر القصيد]

والله ياخوي بحر أنا ماأوافقك الراي





انا عندي موتري وشلت عنها مروحة بلد وركبت لها مروحتين سوبارو سرعتين
السرعة الأولى خليتها مع الحساس والسرعه الثانيه على مع المكيف بالإضافه لفاصل يشبك بدون المكيف
أما من ناحية الفائدة وللعلم صار لي مركب هالمراوح اكثر من ثلاث سنوات:
المروحه الميكانيكيه في الصيف دائمه العمل وتجهد المكينه وتقلل العزم اذا كانت تعمل
عزم السيارة يفرق مع المراوح الكهربائيه وأنا فرقت شي كثير بسيارتي خاصة عندما أحتاج للقسوة عليها أحيانا
المراوح اذا كانت مشبوكه على طول على السلف طبيعي راح تشفط البطاريه
لذلك نصيحه خليها على حساس " أنا مركب حساس 70" وكلها ثلاث دقايق والمراوح تفصل عن العمل حتى لو السيارة كانت واقفه
الطريقه السابقه نفس طريقة البلف لكن لتوصيل الكهرباء مع الحساس لدرجة حراره معينه عندها تعمل المراوح


على العموم كلن ينام على الجنب الي يريحه مع إني من أكثر من ثلاث سنين ماواجهت أي مشكله مع هالمراوح


وتقبل تحياتي



اخوي ابو لين انا ماعميت طال عمرك

هي مره تصيب ومره تخيب وإذا نجحت معك ممكن ماتنجح مع غيرك وإذا تناسبت مع سيارتك

ممكن ماتتناسب مع السيارات الثانيه لكن كوجهة نظر اتفق معك ولكن (ما تعم الجميع)

ناس استفادت منها ومنهم أنت ولكن فيه الكثير اللي ما استفادوا منها وخير دليل الأخوه اللي سبقوك بالرد

وياليت تشرح لنا الطريقه اللي تم تركيب مراوح سيارتك بها

ماهي السياره اللي ركبت عليها المراوح ؟

وماهي المراوح اللي ركبتها ؟

وماهو الحساس اللي ركبته ؟

وماهي المنظم اللي ركبته ؟

وفي الأخير ياليت تعطينا إسم الورشة اللي تم تركيب المراوح فيها لكي يستفيد منها الأخوه الراغبين

وفي الختام أشكرك جزيل الشكر لإثراء الموضوع بمشاركتك

تحيتي

[khaled99]

اخوي ابو لين انا ماعميت طال عمرك

هي مره تصيب ومره تخيب وإذا نجحت معك ممكن ماتنجح مع غيرك وإذا تناسبت مع سيارتك

ممكن ماتتناسب مع السيارات الثانيه لكن كوجهة نظر اتفق معك ولكن (ما تعم الجميع)

ناس استفادت منها ومنهم أنت ولكن فيه الكثير اللي ما استفادوا منها وخير دليل الأخوه اللي سبقوك بالرد

وياليت تشرح لنا الطريقه اللي تم تركيب مراوح سيارتك بها

ماهي السياره اللي ركبت عليها المراوح ؟

وماهي المراوح اللي ركبتها ؟

وماهو الحساس اللي ركبته ؟

وماهي المنظم اللي ركبته ؟

وفي الأخير ياليت تعطينا إسم الورشة اللي تم تركيب المراوح فيها لكي يستفيد منها الأخوه الراغبين

وفي الختام أشكرك جزيل الشكر لإثراء الموضوع بمشاركتك

تحيتي


انا كذلك مركب مراوح كهربائية بدل الميكانيكية...

السيارة شيروكي اوتو 2001 مروحته شد البلد ما تبرد بالشكل المطلوب غير اني ما ابغى اثقل على المكينة بالمروحة

فركبت مروحتين سوبارو عند الدغيري في الرياض وهو مشهور بتركيب المراوح الكهربائية..

وتسليكها وطريقة تركيبها تقول شغل وكالة ماشاء الله عليه

طبعا شابكها على الحساس وليس على السلف مثل مايسويها بعض الورش قليلة الخبره

وتبريدها ممتاز...

واللي تبريد مروحة الوكالة عنده ممتاز ما يحتاج يركب كهربائية ...ولكن في مثل حالة الشيروكي فالكهربائية افضل من شد البلد

والله يعطيك العافية على الموضوع

بالتوفيق

[الموعد الثاني]

عندي جمس 93 يهرب الاراديتر كل اسبوع اعبيه
واذا وقفت ارتفعت الحراره او في الزحمه
وما ودي الحمه .. ودي اغيره بس ابي اهل المعرفه اش افضل راديتر يخفض الحراره
اسمع في النحاس والالمنيوم ؟؟؟ ولقيت راديتور النحاس عن مصنع السلامه صناعه سعودي
وشكلي رح اركبه وما ادري اش رايكم

وهل اغير معه الطرمبه والبلف احتياطا

وتسلم بحر القصيد على الموضوع الى جا في وقته واستفاد الجميع منه
خاصه في جونا الحااااااااار والضاهر رح نرهم راديتور احتياط من شدة الحررررر ههههههه

انتظر منكم المشوره والفائدة للجميع

[ابوسنيدي]

اخوي بحر القصيد وش قصدك بي حساس الحراره وين موقعه ارجو منك الافاده وحبيت اقولك تراني بعد شايل دبات التسخين ولا فيه فايده هل تعتقد مثل ماقالو ان قراة العداد النص لك شكري

[ابوسنيدي]

وين القي مروحة شد البلاد الاماميه لي ان الامريكي مايجي فيه مرواحه اماميه بين الشبك والرديتر مع العلم اني راحت لم الوكاله قالو لي 1500ريال والله صلخه قيمة مرواحة باث فندر اماميه وكم احصلها مستعمله وين القيها يا الربع دلوني الله لا يهنكم

[بحر القصيد]

انا كذلك مركب مراوح كهربائية بدل الميكانيكية...

السيارة شيروكي اوتو 2001 مروحته شد البلد ما تبرد بالشكل المطلوب غير اني ما ابغى اثقل على المكينة بالمروحة

فركبت مروحتين سوبارو عند الدغيري في الرياض وهو مشهور بتركيب المراوح الكهربائية..

وتسليكها وطريقة تركيبها تقول شغل وكالة ماشاء الله عليه

طبعا شابكها على الحساس وليس على السلف مثل مايسويها بعض الورش قليلة الخبره

وتبريدها ممتاز...

واللي تبريد مروحة الوكالة عنده ممتاز ما يحتاج يركب كهربائية ...ولكن في مثل حالة الشيروكي فالكهربائية افضل من شد البلد

والله يعطيك العافية على الموضوع

بالتوفيق


انا معك اخوي اخالد المراوح الكهربائيه تنفع

ولكن ماتتماشى مع كل السيارات ياخوي فيه سيارات (محركاتها من حديد قوي والحديد يحتفظ بالحراره)

وفيه سيارات ( محركاتها من الألمنيوم ومواد اخرى لاتحتفظ بالحراره )

يعني هل محرك الحديد ومحرك الألمنيوم يحتاجون نفس كمية الهواء؟؟ شي اكيد لا

الألمنيوم يحتاج القليل والحديد يحتاج الكثير والكثير

فالنهاية يالغالي ارجع وأقول : الكهربائيه لها حسنات ولها سيئات


ولو سمحت يا اخوي خالد

ياليت تعطينا وصف المحل وإلا في وين بالضبط عشان يستفيدون منه الأخوه اللي ناوين على الكهربائيه

[بحر القصيد]

عندي جمس 93 يهرب الاراديتر كل اسبوع اعبيه
واذا وقفت ارتفعت الحراره او في الزحمه
وما ودي الحمه .. ودي اغيره بس ابي اهل المعرفه اش افضل راديتر يخفض الحراره
اسمع في النحاس والالمنيوم ؟؟؟ ولقيت راديتور النحاس عن مصنع السلامه صناعه سعودي
وشكلي رح اركبه وما ادري اش رايكم

وهل اغير معه الطرمبه والبلف احتياطا

وتسلم بحر القصيد على الموضوع الى جا في وقته واستفاد الجميع منه
خاصه في جونا الحااااااااار والضاهر رح نرهم راديتور احتياط من شدة الحررررر ههههههه

انتظر منكم المشوره والفائدة للجميع

يامرحبابك اخوي وحياك الله ملايين

اخوي اكيد الرديتر الألمنيوم احسن من النحاس بكثير

لكن بقولك الأشياء اللي تسويها :

أول شيء : غير غطاء الرديتر واستعمل السياره وشف إذا عاد فيها تهريب

شوف الرديتر ينفع يتسيخ والا لا اذا ماينفع غيره بألمنيوم وركب معه كوع يفتح من اسرع

وشوف دوران الماء اذا كان سليم كان بها واذا ماهو سليم غير طرمبة الماء

ولكن قبل لا تغير شيء // اذا ماودك بالخساير

عليك بتسييخ الرديتروتغيير غطاء الرديتر

وبعدها تطبق هذه الخطه ((اللي أفادنا بها اخونا // كبسوله2))
جزاه الله خير جزاء




بسم الله الرحمن الرحيم

الشكر لله أولاً وأخيراً فقد هداني الله لحل مشكلة الحرارة

سيارتي جمس 94 سعودي جميح مقاس 2500

كانت الحرارة مع المكيف ترتفع فوق النص بسرعة 140 وفوق والمكيف مايبرد

وإذا هديت نزلت الحرارة تحت النص وبرد المكيف !!!!!

وإذا وقفت ربع ساعة والمكيف شغال أرتفعت فوق النص والمكيف مايبرد

وإذا مشيت نزلت تحت النص وبرد المكيف !!!!!!

وهكذا لي فترة وأنا محتار في هذه المشكلة

غيرت كلتش المروحة وغيرت طرمبة الماء وغيرت راديتر جديد

أربع رصات شلت بلف الحرارة حطيت ماء راديتر أصلي

كل الحلول جربتها مانفعت أبداً ؟؟؟؟؟

وديته لأكبر مهندسي السيارات في المكيانيكا والكهرباء ماعرفوا العلة

وأغلبهم يقول رأس المكينة يحتاج تغيير ولازم نفك المكينة

يبون يسرقون فلوس على الفاضي بس وإذا فكوا الراس

قالوا تحتاج توضيب نصااااااااااابين

أنتبهوا من نصبهم

لدرجة أني فكرت أبيع السيارة وأتخلص منها طفشتني بالحييييييييل

المهم جلست مع واحد من الشباب وعلمته السالفة

قال الحل عندي وأنا أبو هندي

بكرة العصر عندك شئ مشغول ولا فاضي قلت أبد ماعندي شئ

قال مرني بعد صلاة العصر بوديك لمحل عنده الحل قلت تم مريت الرجال

ركب معي ورحنا لواحد صاحب ورشة لديترات تنظيف وتركيب وتصييخ

عنده جهاز أخضر لغسيل الراديتر ومجاري الماء في المحرك

قال له الرجال هذا عنده مشكلة حرارة بالسيارة ويبي غسيل كامل

للراديتر والمحرك من الداخل قال أبشر وقف السيارة هنا لو سمحت

وجيب لي (علبة فلاش أمريكي ) أو (علبتين زيت فرامل )

أخترت زيت الفرامل وجبتها له قام وفك خرطوش الماء الطالع من المحرك

للراديتر وشبك فيه لي الجهاز وشبك لي ثاني في الراديتر

واحد يدخل الماء والثاني يخرجه وخلط زيت الفرامل مع جالون ماء

وحطها بالجهاز وشغله قام الماء يدور في الراديتر والمحرك ويخرج مرة

ثانية للجهاز وهكذا طلع يا أخوان شئ زي الرمادة أسود وأحمر من المحرك

وبعد كل غسله يصرف الماء ويحط ماء جديد وهكذا تقريباً 7 مرات حتى أصبح

الماء الخارج من الغسيل صافي لا يوجد به شوائب بعدها أفرغ الماء كامل

من الراديتر والمحرك ورجع الليات زي أول وعبيته ماء أخضر أصلي وزدت

عليه 4 علب ماء بطارية مقطر وأغلقنا الراديتر وأعطيته 80 ريال

والأن السيارة لها 5 أشهر يالله لك الحمد الحرارة ماتعدت الربع في أسوء

الأحوال مع المكيف سواء في الخط أو الوقفه

وقال لي هذه الحركة لازم تسويها كل سنتين أو ثلاث سنوات بالكثير

لأن الصدأ يتراكم على مجاري الماء في المحرك مثل جير الأسنان فيمنع الماء

من تبريد جدران المحرك من الداخل فتسخن السيارة

بعدها بأسبوع جبت له كدلك موديل 90 فيه نفس العلة وصار تمام

وجبنا له كرسيدا 95 نفس العلة وصارت تمام

وجبنا له كابرس 2000 نفس العله وصار تمام

هذا ما أحببت أن أوصله لكم قبل الخساير والتكاليف أبدأ بالرخيص قبل الغالي

ملاحظة / هذه الشغلة تكلف من 50 الى 80 ريال

وأي ورشة تنظيف رديترات يمكنها أن تعملها لك بشرط وجود جهاز التنظيف لديها

لونه أخضر صناعة أمريكية يشتغل على الكهرباء أو أي جهاز مماثل له

بالتوفيق للجميع

[بحر القصيد]

اخوي بحر القصيد وش قصدك بي حساس الحراره وين موقعه ارجو منك الافاده وحبيت اقولك تراني بعد شايل دبات التسخين ولا فيه فايده هل تعتقد مثل ماقالو ان قراة العداد النص لك شكري

اخوي ابو سنيدي

الحساس اللي اقصده هو حق العداد الداخلي مثل الفيش صغير (ويركب اعتقد عند مدخل الماء للمحرك)

لكن في الباث مدري وين يركب بالضبط ياليت لو احمد الأخوه يفيدك لأن ماعندي خبره في سيارتك

وده لأي ورشه وبيشوفلك إياه

ملاحظه : تراه رخيص جدا ً أتذكر حق السفاري شاريه بـ20 ريال

[بحر القصيد]

وين القي مروحة شد البلاد الاماميه لي ان الامريكي مايجي فيه مرواحه اماميه بين الشبك والرديتر مع العلم اني راحت لم الوكاله قالو لي 1500ريال والله صلخه قيمة مرواحة باث فندر اماميه وكم احصلها مستعمله وين القيها يا الربع دلوني الله لا يهنكم

اخوي ابو سنيدي : الظاهر دراهمك واجد :D

الوكاله محد يشري منها إلا اشياء ظروريه اما مروحه وانا اخوك مش شرط حقة بلاده

عندك خيارات كثير ولكن سيارتك مافيها مروحة مكيف ؟؟؟!!!!


اذا مافيها شوف رد اخونا خالد99 ذكر له محل يركب مراوح رح له والله يوفقك

تحيتي لك

[العتل]

شكرا على الموضوع الأكثر من رائع .. جعله الله فى ميزان حسناتكم

[ابوسنيدي]

اشكر من كل قلبي يا اخوي بحر القصيد علي ماتقدمه من عطاء لهذا المنتدى الرائع لك مني فائق الاحترام والتقدير اخوك ابوتميم السنيدي

[khaled99]

ورشة الدغيري ادخل مخرج 16 واتجه شرق للسلي... 5 اشارة ديور معها تجيك الورشة داخل محطة على اليمين

ويا اخ بحر القصيد انا ما اقول ان الكهربائية افضل...بل طرحت تجربتي مع المروحة

ولا اقول انها افضل للسيارة الا في حالة الشيروكي...لأني مجرب

بالتوفيق

[بحر القصيد]

شكرا على الموضوع الأكثر من رائع .. جعله الله فى ميزان حسناتكم

لاشكر على واجب اخوي العتل الله يعطيك العافيه ولاهنت على المرور الأكثر من رائع

والله يوفقنا وإياك لما يحب ويرضى

[الموعد الثاني]

سيارتي جمس 93 الارديتر نحاس ومعدوم يهرب من كذا مكان وما ينفع له غير التغيير
دورت وما لقيت غير راديتر سعودي مصنع السلامه ..؟ وما ادري
ولقيت الومنيوم صيني مدحه لي فني راديتورات .؟؟
مين منكم جرب الارديتر الصيني يعطيني خبر
لاني محتار بينه وبين السعودي النحاس
اما الاصلي مااااا لقيته ابد

الحقني يا بحر القصيد لااااااااا عدمنااااااااااك

[راعي العشــه]

اسجل حظوري واعجابي بالموضوع

[المرسومي]

السلام عليكم ورحمة الله وبركاته

موضوع رائع والنقاش ممتاز

أخي الكريم بحر القصيد ولا يهونون الربع

عندي تاهو 2002 ترتفع الحرارة لفوق النص وذاك اليوم وصلت ثلاث ارباع

هذا طبعا والمكيف شغال الظهر والسيارة واقفة وعلى فكرة المدة 15 دقيقة أو أكثر بقليل

وللعلم مركب شبك نفس حق الدنالي فوق الشبك الأصلي هل يأثر على الحرارة

إذا ارتفعت الحرارة ودعست بنزين مدة بسيطة تنزل الحرارة

قالوا لي ركب مروحة إضافية فما رأيك

جزيت الجنة

[faris2006]

الحراره اذا وصلت النصف او اكثر بقليل بعد 10الى20 دقيقة هذا عادي اذا كانت ترتفع بسرعة هذا هو الى مش عادي
اولا -شيك على الرتيتر تهريبات .ماء(الماء يغير بماء ام اخضر(للسيارات القديمه المكائن الحديد) او احمر(للمكائن الجديدةالالمنيوم).عطاء الى اخره
ثانيا_تشيك على بلف الحراره وهذا له مده يجيم مايفتح ولا يغلق يوجد فيه مادة مثل الزابق
ثالثا_افحص الطرنبه ممكن تكون متأكله الريش فما تدفع بقوة
رابعا_شيك على وزنيت البلوف
خامسا_وزن الديلكو (معظم السيارات الجديدة لايوجد)
اذا كان ارتفعت الحرارة من قبل فهذا يكون من الراس
وطبعا درجة الحراره تصل الى 50 درجه


وهذا مادرسناه وما تعلمناه

والله اعلم

[بحر القصيد]

اشكر من كل قلبي يا اخوي بحر القصيد علي ماتقدمه من عطاء لهذا المنتدى الرائع لك مني فائق الاحترام والتقدير اخوك ابوتميم السنيدي

يامرحبا اخوي ابو سنيدي

العفو يالغالي ابو تميم ماسوينا إلا الواجب والله ياكتب لنا ولك التوفيق يارب

لاهنت على تواجدك اللي اثرى الموضوع كثير دمت بحفظ الله

تحية اخوك ناصر الهاجري

[بحر القصيد]

ورشة الدغيري ادخل مخرج 16 واتجه شرق للسلي... 5 اشارة ديور معها تجيك الورشة داخل محطة على اليمين

ويا اخ بحر القصيد انا ما اقول ان الكهربائية افضل...بل طرحت تجربتي مع المروحة

ولا اقول انها افضل للسيارة الا في حالة الشيروكي...لأني مجرب

بالتوفيق

يامرحبا اخوي خالد

وبيض الله وجهك على تواجدك المثمر لاعدمناك

ولاهنت على الوصف المميز ليستفيد منه الأخوه المقبلين على تركيب مراوح كهربائيه

ومن ناحية انها افظل او لا اكيد فيه سيارات تمشي بالكهرب وفيه سيارات مايجيب راسها إلا الروحه العاديه

شاكر لك سعة صدرك ومداخلاتك الثريه بالمعلومات


تحية اخوك

[بحر القصيد]

سيارتي جمس 93 الارديتر نحاس ومعدوم يهرب من كذا مكان وما ينفع له غير التغيير
دورت وما لقيت غير راديتر سعودي مصنع السلامه ..؟ وما ادري
ولقيت الومنيوم صيني مدحه لي فني راديتورات .؟؟
مين منكم جرب الارديتر الصيني يعطيني خبر
لاني محتار بينه وبين السعودي النحاس
اما الاصلي مااااا لقيته ابد

الحقني يا بحر القصيد لااااااااا عدمنااااااااااك

اخوي الموعد الثاني موترك وش قيره (((تماتيك))) والا (((عادي)))

اول شيء الرديتر (الألمنيوم أكيد أحسن بكثير من النحاس) ولكن يجب عليك مراعاة الآتي :

1- يكون نفس الحجم أو أكبر .

2 - أن يكون عليه ظمان .

3- أن يكون مزود بمجاري لدخول زيت القير ولتبريده(هذا للقير تماتيك فقط)

4- وقبل كل اللي ذكرته ( التوكل على الله سبحانه وتعالى)


على العموم هذي ملاحظات تنفعك سواء للموتر القير عادي او للقير اتوماتيك ///

قبل كللللللللللل شيء (غطاء الرديتر غيره بأصلي وجديد)
أأهم شيء ومهم جدا ً (مروحة السياره يجي حواليها // إطار بلاستيكي) اسمه بالعامي او بالإنجليزي (كاور) للمروحه شيك عليه لازم يكون مسكر كامل المساحه حول المروحه يعني يكون عامل مثل الحلقه حواليها واي كسر فيه يأثر على دفعية المروحه للهواء .

وعندك تماتيك المروحه ( كلتش المروحه ) افحصه والسياره بارده (وطافيه) امسك المروحه بيدك وفرها إذا افترت وفيها ثقل خفيف تكون سليمه ولا تحتاج تبديل.


نجي للسيارات التماتيك ///

اول شي شيك على (المبرد حق زيت القيرالتماتيك ) او غيره بألمنيوم حق السيارات الجديده وإيمه بالإنجليزي او عند اصحاب الورش (كولر)

ثاني شيء (رديتر التماتيك يفرق عن القير العادي لوجود مجاري لزيت القير فيه) <<خذ بالك من هالنقطه

لافحصت المبرد وخلصت منه (غير الرديتر بألمنيوم ولكن يكون كبير ) يعني كبر حق بلده او اكبر منه

ولامن غيرت الرديتر(غير الكوع وركب كوع يفتح من درجات حراره أقل ) وتلقاه في محلات القطع غيار

ثالث شيء : فك طرمبة الماء ممكن تكون الريش اللي فيها متواكله يبي لها تغيير فـ غيرها

ملاحظه أشياء مثل كوع ماء (طرمبة ماء) تماتيك مروحه (خذ أصلي) ولاتاخذ تقليد

أما القير العادي فهو مبروك والعلل فيه مهيب كثيره

يعني امش على الكلام اللي فوق ولكن بدون الاشياء اللي ذكرتها للتماتيك مثل المبرد حق القير

تحية أخوك

[بحر القصيد]

اسجل حظوري واعجابي بالموضوع

اخوي راعي عشه : جظورك غالي وإعجابك يشرفني انا وأخوانك المتواجدين

[سالم محمد]

نجي للسيارات التماتيك ///

اول شي شيك على (المبرد حق زيت القيرالتماتيك ) او غيره بألمنيوم حق السيارات الجديده وإيمه بالإنجليزي او عند اصحاب الورش (كولر)




ما فهمت النقطه هذي وياليت تلقي نظره على الرابط التالي لاني محتاج حل
http://www.mekshat.com/vb/showthread.php?t=212637

[بحر القصيد]

رد عاجل :

مرحبا اخوي سالم حياك الله وشاكر لك دعوتي لموضوعك

حطيت لك ردين واحد هنا والثاني على موضوعك على هالرابط
http://www.mekshat.com/vb/showthread.php?t=212637

أخوي مثل ما قالك اخوي اللي سبقني بالرد (قناص خلاوي)

الماء الأصلي يوضع منه نسبه بسيطه مثل ما قال اخوي قناص علبة وحده والباقي ماء مقطر

لاتقول منتم اعرف من الوكاله ياخوي حنا ولله الحمد اعرف منهم والدليل اخطاء المصنع حنا اللي

نصحح عليها ولا جبناها من فراغ يالغالي بالعكس جربنا ومن كثر التجارب طلعنا بأشياء نفعت اكثر الاخوان

الأشياء اللي بقولك عليها طبقها من الأسهل للأصعب

اولا : ماء الرديتر الأخضر او الأحمر يوضع نسبة قليله منه والباقي ماء مقطر

اذا السياره لاوقفت ترتفع حرارتها فهذا ( قل تبريد )

ممكن يكون عندك المروحه الخارجيه (وموقعها بين الشبك والرديتر) ممكن تكون ريشها متكسره او الإطار حقها مش بحالة جيده ممكن يشتت دفع الهواء وهذا يسبب تقليل نسبة الهواء المدفوع منها للرديتر

اما المروحه الداخليه حقت المكينه
ممكن يكون عندك كلتش المروحه خربان (يعني شابك على طول وهذا يجهد المحرك ويرفع حرارته)

طريقة فحص كلتش المروحه او مايسمى(بـ تماتيك المروحه)

تفتح كبوت السياره والسياره تكون باااااااااااارده يعني مثلا ً الصباح بدون لاتشغلها

امسك المروحه بيدك ولفها إذا تحركت معك المروحه بشكل فيه ثقل خفيف فهي سليمه

اما إذا محجره ولاتفتر إلا بقوه شديده او ماتفتر فـ غيرها وسلم على الحراره لأن العيب والله اعلم منها

نجي للبلف او الكوع (روح لأقرب محل قطع غيار تويوتا أصلي ) واطلب منه بلف لاندكروزر ديزل اصلي وركبه على سيارتك وراح تنزل معك الحراره من تحت النص إلى الربع وأقل

وإذا سيارتك أتماتيك

فيه مبرد للقير تماتيك ووظيفته تبريد زيت القير : اسمه كولر
السيارات التماتيك غالبا يكون فيها كولر حق القير تحت السياره من جهة مروحة المكينه او تحت الرديتر او بين الرديتر والشبك .... يعني لاحظ راديتر السياره التماتيك تلاقي فيه مكان يدخل الماي و مكان يطلع الماي .... و يكون على جنب فيه بيب(ماسوره) داخله من فوق و طالعه من تحت من الجهه الثانيه(أو العكس) هذا يكون جاي من القير يدخل الرديتر و يتبرد و يرجع للـ قير ... صح انه يتبرد بماي الراديتر الحار بس هذا يعتبر بارد بالنسبه لـ حرارة زيت القير و مناسب لـ تبريده بـ الدرجه المناسبه له.

إذا كان المبرد او (الكولر ) لايبرد زيت القير فـ من الطبيعي أن حرارة السياره بترتفع لأن زيت القير يدخل في الرديتر وهو حار وبالتالي يرفع الحراره

هذي صورة توضح لك شكل الكولر

http://www.mobileoneinc.com/for%20sale%20pics/images/TRANS%20COOLER.jpg

وهذي صورة الكولر في إحدى السيارات للتوضيخ وليس شرط ان يكون في نفس المكان
ممكن يكون من الأسفل اخوي



http://photos.thedieselstop.com/data/500/24229Tru-Cool_MAX_Transmission_Cooler.JPG


تحية اخوك ولاتنسانا ووالدينا من صادق دعائك

وفقك الله

[ولد الشنانة]

اخوي بحر القصيد
موضوع اكثر من رائع واكيد كل من قراه استفاد منه
عندي استفسار بخصوص حرارة الباترول موديل 98 بخاخ قير عادي
اذا مسكت خط ترتفع الحرارة وتصل قريب النص بعد كذا تنزل الى الربع
وانا بنفس السرعه وعلى طول تكون معي
والله يعطيك العافية ...

[سالم محمد]

مرحبا اخوي سالم حياك الله وشاكر لك دعوتي

حطكيت لك ردين واحد هنا على موضوعك والثاني على موضوعي على هالرابط
http://www.mekshat.com/vb/showthread.php?t=196275&page=7

أخوي مثل ما قالك اخوي اللي سبقني بالرد (قناص خلاوي)

الماء الأصلي يوضع منه نسبه بسيطه مثل ما قال اخوي قناص علبة وحده والباقي ماء مقطر

لاتقول منتم اعرف من الوكاله ياخوي حنا ولله الحمد اعرف منهم والدليل اخطاء المصنع حنا اللي

نصحح عليها ولا جبناها من فراغ يالغالي بالعكس جربنا ومن كثر التجارب طلعنا بأشياء نفعت اكثر الاخوان

الأشياء اللي بقولك عليها طبقها من الأسهل للأصعب

اولا : ماء الرديتر الأخضر او الأحمر يوضع نسبة قليله منه والباقي ماء مقطر

اذا السياره لاوقفت ترتفع حرارتها فهذا ( قل تبريد )

ممكن يكون عندك المروحه الخارجيه (وموقعها بين الشبك والرديتر) ممكن تكون ريشها متكسره او الإطار حقها مش بحالة جيده ممكن يشتت دفع الهواء وهذا يسبب تقليل نسبة الهواء المدفوع منها للرديتر

اما المروحه الداخليه حقت المكينه
ممكن يكون عندك كلتش المروحه خربان (يعني شابك على طول وهذا يجهد المحرك ويرفع حرارته)

طريقة فحص كلتش المروحه او مايسمى(بـ تماتيك المروحه)

تفتح كبوت السياره والسياره تكون باااااااااااارده يعني مثلا ً الصباح بدون لاتشغلها

امسك المروحه بيدك ولفها إذا تحركت معك المروحه بشكل فيه ثقل خفيف فهي سليمه

اما إذا محجره ولاتفتر إلا بقوه شديده او ماتفتر فـ غيرها وسلم على الحراره لأن العيب والله اعلم منها

نجي للبلف او الكوع (روح لأقرب محل قطع غيار تويوتا أصلي ) واطلب منه بلف لاندكروزر ديزل اصلي وركبه على سيارتك وراح تنزل معك الحراره من تحت النص إلى الربع وأقل

وإذا سيارتك أتماتيك

فيه مبرد للقير تماتيك ووظيفته تبريد زيت القير : اسمه كولر
السيارات التماتيك غالبا يكون فيها كولر حق القير تحت السياره من جهة مروحة المكينه او تحت الرديتر او بين الرديتر والشبك .... يعني لاحظ راديتر السياره التماتيك تلاقي فيه مكان يدخل الماي و مكان يطلع الماي .... و يكون على جنب فيه بيب(ماسوره) داخله من فوق و طالعه من تحت من الجهه الثانيه(أو العكس) هذا يكون جاي من القير يدخل الرديتر و يتبرد و يرجع للـ قير ... صح انه يتبرد بماي الراديتر الحار بس هذا يعتبر بارد بالنسبه لـ حرارة زيت القير و مناسب لـ تبريده بـ الدرجه المناسبه له.

إذا كان المبرد او (الكولر ) لايبرد زيت القير فـ من الطبيعي أن حرارة السياره بترتفع لأن زيت القير يدخل في الرديتر وهو حار وبالتالي يرفع الحراره

هذي صورة توضح لك شكل الكولر



وهذي صورة الكولر في إحدى السيارات للتوضيخ وليس شرط ان يكون في نفس المكان
ممكن يكون من الأسفل اخوي




تحية اخوك ولاتنسانا ووالدينا من صادق دعائك

وفقك الله


الله يرحم والديك ويجزاك خير
ما قصرت يابحر القصيد كفيت ووفيت
المشكله صار فيه تنسيم فوق بالاصح تهريب من اعلى الاديتر والظاهر ان السبب المويه الزايده
لان العامل عبا الاديتر الين امتلى ثم عبا القربه حتى وصل خط الماكس اللي هو الحد الاقصى
وبعدين جيت الصباح اليوم ودعست على السياره مسافة 100 كلم وبسرعات بين 120-160 يوم وقفت الا اشوف الما يصبصب من السياره وافتح الكبوت واحصله يهرب من الاعلى
في اعتقادي انه كان فيه تنسيم بسيط من قبل والماء الزايد والدعسه القويه خلته يبين
ما ادري عن رايك وانطباعك الله يبيض وجهك ووجه من شارك بالموضوع

السؤال ؟؟ هل التنسيم بالاديتر يرفع الحراره ؟؟؟؟؟؟؟؟؟

[بحر القصيد]

السلام عليكم ورحمة الله وبركاته



موضوع رائع والنقاش ممتاز


أخي الكريم بحر القصيد ولا يهونون الربع


عندي تاهو 2002 ترتفع الحرارة لفوق النص وذاك اليوم وصلت ثلاث ارباع


هذا طبعا والمكيف شغال الظهر والسيارة واقفة وعلى فكرة المدة 15 دقيقة أو أكثر بقليل


وللعلم مركب شبك نفس حق الدنالي فوق الشبك الأصلي هل يأثر على الحرارة


إذا ارتفعت الحرارة ودعست بنزين مدة بسيطة تنزل الحرارة


قالوا لي ركب مروحة إضافية فما رأيك



جزيت الجنة

عليكم السلام ورحمة الله وبركاته
اخوي المرسومي
حياك الله والله يوفقنا وإياك للي يحبه ويرضاه

لا لاتركب مروحه إظافيه

اخوي أول شيء لازم تفتك من واحد من الشبكين (اما الشبك الأصلي او شبك الدينالي)

لأنك بكذا حجبت الهواء عن المروحه يالغالي والدليل(انك لادست بنزين نزلت الحراره)

معناه ان السياره تبي قوة زايده عشان تجذب الهواء للداخله


1-حاول تشيل واحد من الشبكين
2- افحص مروحة المكيف اللي تكون بين الشبك والرديتر
3-إذا تبي الحراره تنزل كثير ( بدل ثيرموستات الحراره) اللي هو الكوع وحط واحد يفتح على درجة حراره اقل من حق بلده

[بحر القصيد]

الحراره اذا وصلت النصف او اكثر بقليل بعد 10الى20 دقيقة هذا عادي اذا كانت ترتفع بسرعة هذا هو الى مش عادي
اولا -شيك على الرتيتر تهريبات .ماء(الماء يغير بماء ام اخضر(للسيارات القديمه المكائن الحديد) او احمر(للمكائن الجديدةالالمنيوم).عطاء الى اخره
ثانيا_تشيك على بلف الحراره وهذا له مده يجيم مايفتح ولا يغلق يوجد فيه مادة مثل الزابق
ثالثا_افحص الطرنبه ممكن تكون متأكله الريش فما تدفع بقوة
رابعا_شيك على وزنيت البلوف
خامسا_وزن الديلكو (معظم السيارات الجديدة لايوجد)
اذا كان ارتفعت الحرارة من قبل فهذا يكون من الراس
وطبعا درجة الحراره تصل الى 50 درجه


وهذا مادرسناه وما تعلمناه

والله اعلم


لاهنت والله يجزاك خير اخوي فارس على افادة اخوانك


تحيتي

[بحر القصيد]

اخوي بحر القصيد

موضوع اكثر من رائع واكيد كل من قراه استفاد منه
عندي استفسار بخصوص حرارة الباترول موديل 98 بخاخ قير عادي
اذا مسكت خط ترتفع الحرارة وتصل قريب النص بعد كذا تنزل الى الربع
وانا بنفس السرعه وعلى طول تكون معي

والله يعطيك العافية ...



اخوي ولد الشنانه

اخوي السفاريات اللي مثل موترك دايم فيها حراره

لكن يكون أغلب الظن من خبرتي في النيسان :- انه ديلكو او وزنية بلوف

الديلكو اوزنه بمسدس ليزر وتبي شغل مظمون سوه عند اقرب وكيل نيسان وزنية بلوف ووزنية ديلكو

وسلامتك (ولو السياره بدون كوع / ركب لها كوع سفاري ديزل) وتوكل على الله


تحية اخوك

[بحر القصيد]

الله يرحم والديك ويجزاك خير
ما قصرت يابحر القصيد كفيت ووفيت
المشكله صار فيه تنسيم فوق بالاصح تهريب من اعلى الاديتر والظاهر ان السبب المويه الزايده
لان العامل عبا الاديتر الين امتلى ثم عبا القربه حتى وصل خط الماكس اللي هو الحد الاقصى
وبعدين جيت الصباح اليوم ودعست على السياره مسافة 100 كلم وبسرعات بين 120-160 يوم وقفت الا اشوف الما يصبصب من السياره وافتح الكبوت واحصله يهرب من الاعلى
في اعتقادي انه كان فيه تنسيم بسيط من قبل والماء الزايد والدعسه القويه خلته يبين
ما ادري عن رايك وانطباعك الله يبيض وجهك ووجه من شارك بالموضوع

السؤال ؟؟ هل التنسيم بالاديتر يرفع الحراره ؟؟؟؟؟؟؟؟؟


أخوي سالم
// إيه اكيد تقوم الحراره لأن الماء يطلع وينقص وكل مانقص قامت الحراره


(رجَع الاديتر للي سيخه لأن المفروض التسييخ = تسليك مجاري + لحام اي تنسيم)

الرديتر مايفجر منا والطريق إلا اذا فيه ضغط
والضغط مايجي إلا في حالتين

1- إذا وجه راس المكينة محترق
2- إذا راس المكينة مشعور
كيف تعرف النقطتين اللي ذكرتهم

في كل الحالتين لافتحت الاديتر ودست بنزين
تلقى الماء يفور مع فتحة الأديتر هذي علامة
ان السياره فيها (قازقيت اللي هو وجه)
او راس مشعور

وفي النهاية رجع الأديتر يسويه اللي سيخه

والله يوفقك يالغالي

[مغلي]

انا معي يوكن امريكي 2002وهو بدون مراوح كهرب للمكيف .... يعني مكانها فاااااااااااضي تماماوالمروحه الكبيره الميكانيكيه تشتغل تمام والحراره ثابته بالنصف بسلما اكون واقف ومشغل المكيف 10 دقايق ثم ترتفع الحراره الى 3 ارباع يعني قريب من الخطر=الاحمرواضطر اني اطفي المكيف وامشي بالسياره كم كيلو حتى يبردفوش الحل وش اركب له من مراوح كهربحقت جمس - مكسيما - سوباروواين اجدها بالرياضومن افضل كهربائي يركبهاوكم تكلفوهل لو غيرت البلف .... الى بلف حرارته قليله بيتأثر المحرك او مايدري عن شيلأنها بالنصف ... تضيق الصدر

[سالم محمد]

أخوي سالم
// إيه اكيد تقوم الحراره لأن الماء يطلع وينقص وكل مانقص قامت الحراره


(رجَع الاديتر للي سيخه لأن المفروض التسييخ = تسليك مجاري + لحام اي تنسيم)

الرديتر مايفجر منا والطريق إلا اذا فيه ضغط
والضغط مايجي إلا في حالتين

1- إذا وجه راس المكينة محترق
2- إذا راس المكينة مشعور
كيف تعرف النقطتين اللي ذكرتهم

في كل الحالتين لافتحت الاديتر ودست بنزين
تلقى الماء يفور مع فتحة الأديتر هذي علامة
ان السياره فيها (قازقيت اللي هو وجه)
او راس مشعور

وفي النهاية رجع الأديتر يسويه اللي سيخه

والله يوفقك يالغالي

الله يجزاك خير يابحر القصيد رجعنا الاديتر وصار التهريب من الطبه اللي فوق وقمنا باستبدالها ولله الحمد ظبطت الامور .
لكن لاحظت ان الحراره توصل النص اذا شغلت المكيف
وبعد التدقيق في مروحة المكيف اكتشفت انها لما اشغل المكيف تشتغل شوي وبعدين تطفى ثم ترجع تشتغل مره ثانيه ؟؟؟؟
هل آلية عملها بهذه الطريق صحيحه ولا فيها مشكله مع اني اتوقع انها لابد تصير شغاله على طول طالما ان المكيف شغال ؟؟؟؟
واذا صارت طبيعة عملها كذا (تشتغل وتطفى) كيف اقدر اخليها تشتغل على طول مع تشغيل المكيف ولا تطفى الا اذا طفى المكيف ؟؟
كثرت عليك الاسئله تحملنا شوي الله يوفقك .

[Rajah]

اخوي بحر القصيد موضوعك جدا مميز ومفيد جدا
باستشيرك انت و الاعضاء في مشكلتي في الكورلا 2006
في الاسبوعين الاخيره الحرارة ترتفع عن المعتاد بشرطتين وبعد الكشف عليها اتضح ان فيش من افياش المروح مرتخي وتم تصليحه والان المروحه تعمل بسرعتين الاولى والثانيه بدون مشاكل بس لاحظت ((ان المروحه تفصل مع الكمبرسر وتشبك اذا شبك الكمبرسر ))ومستمره على هذهي الحاله . اين الخلل برائيك

وهل حساس حرارة المروحه له دخل في الموضوع اذا انه من المفروض ان المروحه تعمل بستمرار اذا ارتفعت الحراره والحاصل عندي انها تعمل وتقف مع الكمبرسر

اسف على الاطاله

[أصيل حجآ زي]

يــا شـــبــآ ب بــا لــنــــــــســبـة لــكــو ع ا لــحـر آ ر ة


مــا يـحــتــآ ج تـر كــب كــوع د يــز ل


مـُـمــكــن تـر كــب كـو ع بــنــز يــن أ قــل حـر آ رة تــجـآ ر ي مـُـمــتــآ ز


مــثــل حــق ا لــشـفـر أ و ا لـكــآ بــر س يــجــي
ا لـكـو ع ا لـمـُـر كــب بـهـا 195ْ درجـة


و يــجــي ا لــتــجــآ ر ي مـُـمــتــآ ز بــ ْ165 درجـة مـئـو يـة


أ بــحــث عــنــه ُ مــثــلا بــا لــشـر قــيـة يــُـبــآ ع عـنـد
ا لـد و ســر ي بــأ و ل شــآ ر ع مـكـة يـســآ ر ك


عـلـى ا لـيــســآ ر و أ نــت د آ خــل مـن جـهـة مـكـتـبـة
ا لـهـجـرة ( ش الظهرآن) بـعـد ا لأشآرة


""" ا لأ صـيـل الـحـجـآ ز ي """
مـُـهـنـد س صـيـآنة طـآ ئـرآت مـد نـيـة

[البوعينين99]

موضوع ممتاز
قريته حرف حرف
كفيتوا ووفيتوا

[بحر القصيد]

انا معي يوكن امريكي 2002وهو بدون مراوح كهرب للمكيف .... يعني مكانها فاااااااااااضي تماماوالمروحه الكبيره الميكانيكيه تشتغل تمام والحراره ثابته بالنصف بسلما اكون واقف ومشغل المكيف 10 دقايق ثم ترتفع الحراره الى 3 ارباع يعني قريب من الخطر=الاحمرواضطر اني اطفي المكيف وامشي بالسياره كم كيلو حتى يبردفوش الحل وش اركب له من مراوح كهربحقت جمس - مكسيما - سوباروواين اجدها بالرياضومن افضل كهربائي يركبهاوكم تكلفوهل لو غيرت البلف .... الى بلف حرارته قليله بيتأثر المحرك او مايدري عن شيلأنها بالنصف ... تضيق الصدر

مرحبابك اخوي

اخوي مغلي(ارجع قبل صفحتين او ثلاث) فيه رد لأحد الأخوان نكه// خالد99 بالإنجليزي)

مذكور فيه محل فالرياض ممتاز لتركيب المراوح


تحيتي لك

[بحر القصيد]

الله يجزاك خير يابحر القصيد رجعنا الاديتر وصار التهريب من الطبه اللي فوق وقمنا باستبدالها ولله الحمد ظبطت الامور .
لكن لاحظت ان الحراره توصل النص اذا شغلت المكيف
وبعد التدقيق في مروحة المكيف اكتشفت انها لما اشغل المكيف تشتغل شوي وبعدين تطفى ثم ترجع تشتغل مره ثانيه ؟؟؟؟
هل آلية عملها بهذه الطريق صحيحه ولا فيها مشكله مع اني اتوقع انها لابد تصير شغاله على طول طالما ان المكيف شغال ؟؟؟؟
واذا صارت طبيعة عملها كذا (تشتغل وتطفى) كيف اقدر اخليها تشتغل على طول مع تشغيل المكيف ولا تطفى الا اذا طفى المكيف ؟؟
كثرت عليك الاسئله تحملنا شوي الله يوفقك .

لا ابدن مابه تكثير ياخوي مافتحنا الموضوع الا لخدمة اللي مثلك وشرواك اخوي

اولا ً آلية عمل مروحة المكيف كذا تعمل اذا احتاج المحرك بروده وتطفى إذا برد يعني مش على طول تشتغل

وشبك المروحه على طول ما انصحك فيه لأنها تخترب كثير

تقدر تسوي لها زر عندك داخل السياره وتشغلها لاوقفت وتطفيها لامشيت(لأن وظيفتها دفع الهواء لاصارت السياره واقفه)

وبكذا لايحتر الكتاوت ولا الأفياش حقتها ولايطلع فيها مشاكل وتعمر معك

تحيتي لك

[عاشق الرفرف]

اخوي عاشق لما ترتفع الحراره افتح الكبوت وامسك (هوز الماء اللي يطلع من الرديتر ويركب فالمكينه)

ورضغط عليه إذا كان محجر فـ موترك فيه حراره وضغط

وإذا كان طبيعي ليييييين فــ ممكن تكون مشكلة كهرب لأنها ترفع العدادات بعض المرات

من ناحية مراوح كهربائيه انساها بالمره (مافيه مراوح كهربائيه تعطي مكينة الـ454 كمية الهواء المطلوب)

لكن شوف الإطار البلاستك اللي حول المروحه حاول يكون كااااااامل من جميع الجهات عشان دفع الهواء يكون مركز على المكينه

وافحص كلتش المروحه والموتر بارد وطافي فر المروحه إذا افترت معك تكون سليمه واذا ما افترت معناها الكلتش خربان غيره

وثاني شي غير غطاء الرديتر (إذا كان قديم)

والله يوفقك



انا شفت الهوز محجر مثل ماقلت وغيرت غطاء اللديتر ومافي حل الحراره مثل ماهي بس ماتخبرلي محل متخصص اجموس في الاحساء

[بحر القصيد]

اخوي بحر القصيد موضوعك جدا مميز ومفيد جدا
باستشيرك انت و الاعضاء في مشكلتي في الكورلا 2006
في الاسبوعين الاخيره الحرارة ترتفع عن المعتاد بشرطتين وبعد الكشف عليها اتضح ان فيش من افياش المروح مرتخي وتم تصليحه والان المروحه تعمل بسرعتين الاولى والثانيه بدون مشاكل بس لاحظت ((ان المروحه تفصل مع الكمبرسر وتشبك اذا شبك الكمبرسر ))ومستمره على هذهي الحاله . اين الخلل برائيك

وهل حساس حرارة المروحه له دخل في الموضوع اذا انه من المفروض ان المروحه تعمل بستمرار اذا ارتفعت الحراره والحاصل عندي انها تعمل وتقف مع الكمبرسر

اسف على الاطاله

يامرحبا اخوي (Rajah)

ياخوي سيارتك اعتقد من السيارت اللي مكاينها على جنب ومزوده بمراوح كهربائيه

ولكن طريقة عملها مع الكمبرسر المكيف ماجربتها /// ولكن اللي متأكد منه

إن المراوح لاصار المكيف ماهو شغال ماتشتغل (إلا في حالة ارتفاع درجة حرارة السياره) فقط

يعني بغض النظر عن المكيف والكمبرسر (المراوح ماتشتغل إلا اذا ارتفعت درجة الحراره تشتغل تبرد وبعدين تطفى من نفسها )

وتحيتي لك

[بحر القصيد]

يــا شـــبــآ ب بــا لــنــــــــســبـة لــكــو ع ا لــحـر آ ر ة



مــا يـحــتــآ ج تـر كــب كــوع د يــز ل


مـُـمــكــن تـر كــب كـو ع بــنــز يــن أ قــل حـر آ رة تــجـآ ر ي مـُـمــتــآ ز


مــثــل حــق ا لــشـفـر أ و ا لـكــآ بــر س يــجــي
ا لـكـو ع ا لـمـُـر كــب بـهـا 195ْ درجـة


و يــجــي ا لــتــجــآ ر ي مـُـمــتــآ ز بــ ْ165 درجـة مـئـو يـة


أ بــحــث عــنــه ُ مــثــلا بــا لــشـر قــيـة يــُـبــآ ع عـنـد
ا لـد و ســر ي بــأ و ل شــآ ر ع مـكـة يـســآ ر ك


عـلـى ا لـيــســآ ر و أ نــت د آ خــل مـن جـهـة مـكـتـبـة
ا لـهـجـرة ( ش الظهرآن) بـعـد ا لأشآرة


""" ا لأ صـيـل الـحـجـآ ز ي """

مـُـهـنـد س صـيـآنة طـآ ئـرآت مـد نـيـة



الله يعيطك العافيه اخوي

وبالفعل مش لازم يركبون حق ديزل

ولكن سؤال : هل التجاري يعمر وعليه ظمان وإلا ممكن يقفل ولاعاد يفتح؟؟

تحيتي لك

[بحر القصيد]

موضوع ممتاز
قريته حرف حرف
كفيتوا ووفيتوا

اخوي البوعينين حياك الله وشهادتك شرف للموضوع وراعيه

[المنتهي2000]

والكهربائيه نفس طريقة العمل إلا اذا كانت مركبه بين الرديتر وشبك السياره تكون في وضعية الدفع

يعني لو تجي قدام السياره وتقرب من الشبك وينشفط ثوبك هذي والوضعيه الصحيحه للمروحه

اتمنى ان اكون وفقت بالرد عليك واسمح لي على التأخير

تحيتي لك وتقديري[/quote]


هل انت متأكد

[هريدي900]

نشكر كل جهد يبذل في سبيل التوجيه والارشاد والنصح،،،،،،،

[Skyline]

مجهود أكثر من رائع ومتابعة رائعة عزيزي بحر القصيد

وحاب أخذ نصيحتك وأستشارتك :
سيارتي يوكن دينالي 2004 أمريكي وأعاني من أرتفاع الحرارة عند التوقف لمدة تزيد عن العشر دقائق والمكيف شغال ؟؟
فكيف التغلب على هذه المشكلة ، هل أركب مروحة كهربائية تعمل مع المكيف ؟ وأن كان كذلك فأي نوع ترشح لي وماهي ألية عملها هل تعمل مباشرة مع السيارة أو مع المكيف ،،
وهل هناك أضافات يجب تركيبها مع المروحة من أجل السلامة وجودة عملها ؟؟
شاكرين ومقدرين تعاونكم ..

[بحر القصيد]

اخوي منتهي 2000

نعم متأكد وضعية المروحه الخارجيه تكون لدفع الهواء للرديتر يعني للداخل

وآلية عملها تكون في حالة إرتفاع درجة حرارة المحرك تشتغل

وكل المراوح هي او مروحة المحرك الاتوماتيكيه كلها بنفس الوضعيه تمرير الهواء من الشبك

للداخل بالمرور بالراديتر وصولا ً للمحرك للتبريد

وشاكر لك تواجدك


تحية اخوك

[مغلي]

اخي بحر القصيد شكرا لك ... ولو انها متأخره كثير ... بس العذر والسموحه

والشكر موصول للاخ خالد99


[quote=khaled99;2831571]ورشة الدغيري ادخل مخرج 16 واتجه شرق للسلي... 5 اشارة ديور معها تجيك الورشة داخل محطة على اليمين[quote]

[al_gmgom]

السلام عليكم ورحمة الله وبركاته...

انا عندي مشكلة في سيارتي كامري 2002 ارتفاع درجة حرارة السيارة من كم اسبوع الا وهي:

1- اذا مشيت في السيارة سرعة 120كم ما تنزل الحرارة
2- اذا المكيف شغال ما تنزل الحرارة تظل ثابتة ( ثلث تقريبا) علما اذا طفيت المكيف يكون اداء المرواح ممتاز يعني تشغل عند الثلث وتنزل الى الربع.

نرجوا الرد ....

مشكورر على الموضوع الاكثر من رائع... والله يجزاك كل خير

[yukon 2000]

انا معي يوكن امريكي 2002وهو بدون مراوح كهرب للمكيف .... يعني مكانها فاااااااااااضي تماماوالمروحه الكبيره الميكانيكيه تشتغل تمام والحراره ثابته بالنصف بسلما اكون واقف ومشغل المكيف 10 دقايق ثم ترتفع الحراره الى 3 ارباع يعني قريب من الخطر=الاحمرواضطر اني اطفي المكيف وامشي بالسياره كم كيلو حتى يبردفوش الحل وش اركب له من مراوح كهربحقت جمس - مكسيما - سوباروواين اجدها بالرياضومن افضل كهربائي يركبهاوكم تكلفوهل لو غيرت البلف .... الى بلف حرارته قليله بيتأثر المحرك او مايدري عن شيلأنها بالنصف ... تضيق الصدر

بالنسبة لي انا موتري يوكن 2000 وبدون مراوح كهرب لاكن ركبت مروحة كهربائية مابين الشبك والاديتر تخص الجمس السعودي موديل 96 والتكيف سار يحبة قلبك والحرارة في الظهر وزحمة جدة ماتتعدا النص ولله الحمد:good2:

[aah911]

ياخوان اولا احب اقول لكم اسعد الله ايامكم
وثانيا بالنسبه لي عندي همر h2 وطبعا ماطوره ماطور جمس دينالي الفكرة اللي بسويها انه الجموس من 2007 والهمر من 2008 جات مراوح كهرب وحبيت اشتريها من الجميح ولكن للاسف طلع قيمتها 2650 ريال لذا طلبتها من الموقع الشهير ايباي بتكلفه 1300 ريال شامله الشحن اما من ناحيه المنظم راسلت شركه جيقز في امريكا واشترين منهم منظم يغني عن الكتاوتات ويعمل على جميع السيارت والمراوح بقيمه 900 مع الشحن وهذه صورتها

http://www.jegs.com/images/photos/400/400/400-31165.jpg

وهذا فيديو لطريقه تركيبه على اي مروحه بالنسبه للمنظم وصل ولله الحمد وفي انتظار المروحه وبعد ما اركبها بحاول انزل لها تقرير يوضح طريقه التركيب .

http://www.youtube.com/watch?v=DZyAOW9XePI

اما من الناحيه الايجابيه لتركيب مراوح كهرب بعد مراسله اكثر من مصنع هنا افادو بانه في حال الغاء مراوح الميكانيكيه واستبدالها بكهربائيه كالتالي :
1 - زياده قوة الاحصنه من 18 الى 20 حصان .
2 - تبريد المكيف مايتغير بعكس الميكانيكيه عن الوقوف يخف التبريد وعند المشي يضبط .
3 - اعطاء السياره تبريد ثابت بغض النظر ماشيه او واقفه .

هذا اللي عندي والله الموفق

[Rajah]

صراحه موضوع مفيد جداً هذا وقته الان في عز الصيف وفيه اعضاء جـدد يستفيدو من هذا الموضوع

[سفاري959]

يا جماعه من واقع تجربه كان معي باترول حرارته ما ترتفع بس ركبت مراوح سوبارو عشان يخف الموتر وللأسف ندمت اني ركبتها صارت الحراره ترتفع صرت ماعاد اقدر اسرع كل ما ادوس ترتفع زياده واذا صرت في زحمه والمكيف شغال ارتفعت في نظري ما تصلح الا في فصل الشتاء واذا جاء الصيف شلها وسلامتكم

[هوايتي مكشات]

بارك الله فيك يالغالي

[وادي حويره]

وجهة نظر
المرواح الميكانيكية تزيد سرعتها مع سرعة دوران المحرك اتفقنا

لانك ماسك خط سريع ويقوم الكلتش بموازنة دوران المحر ك مع سرعة الهواء الي يصطدم في السيارة

في بعض الاحيان عندما تسخن بعض السيارات بقوم السائق بالدعس على البنزين لزيادة دوران المروحة لسرعة التبريد



اخوك

لن امل من العطاء
اصبت في حل مشكلتي جيث اعاني من ارتفاع في حرارة السياره الى طرف الرسمه يعني ثلاث ارباع الانبير وتثبت فقط الظهروالعصر في الصيف حيث المكيف على على الدقه الثالثه والسرعه على 130 وفي الطلوع ايضا ترتفع وانا ماشي اسمع ونين كأني لفف الدركسون الى اخر شي
واذا هديت الحراره نزلت للنص
من فتره كنت اسمع صوت ونين غريب لما اشغل السياره ولما امشي خفيف وبعد ماوصل من المشاوير البعيده
بس هنا السؤال ايش اغير المروحه نفسها ام تماتيك المروحه او كلتش المروحه
علما السياره قراند ماركيز 97

[sulaiman.fj40]

موضوع شيق واشكر جميع الاخوه ممن شاركوا وابدوا تجاربهم وخبراتهم بموضوع الحراره/حبيت اضيف نقطه مهمه جدا وهي انه يجب التاكد من ان طرف ريش المروحه جهة المكينه طالعه ربع سنتي او على حد داير الحاجز البلاستيكي الراكب على الاديتر من الداخل.لاانه اذا كانت ريش المروحه داخل الحاجز وقريبه من الاديتر تزيد حرارة السياره وكثير من الناس يعتقد ان قرب المروحه من الاديتر يبرد.وفق الله الجميع.

[اخر كلام]

موضوع قيم كمرجع لمن يعاني من مشاكل الحراره

[فهدنت2007]

يا جماعة انا عندي كابرس٩٤ ال تي زد ترتفع الحرارة الظهر مع المكيف عند الوقوف تتعدى النص واذا مشيت تنزل تحت النص واذا طفيت المكيف تنزل الحرارة والسيارة واقفه علما ان المراوح كهرب ومشبوك عل طول
اللي عند خبر عن مراوح الكابرس الكهرب كم سرعه لها
وهل تغييرها بمراوح سوبارو افضل
ومانوعية بلف الحرارة اللي يركب عل الكابرس اقل من حرارة بلف بلدها

[فهدنت2007]

الله يرحمنا برحمته ويكفينا شر نار جهنم

[زيد المحمد]

حبايبي جمس السيرا مراوح كهرب رغم ضخامة المكينه ومع التطعيس ما ترتفع

من يفيدنا ليه

وهل في امكانيه تطبيق الية عمل المروحه فيه علي الباترول الجديد ونفتك من الحرارة علي السرعه العالية