المساعد الشخصي الرقمي

مشاهدة النسخة كاملة : لاهنت اخوي رأيك بها النوع من الكفرات ؟؟


ساري 111
22/03/2009, 09:36 AM
صباح الخير ..

ياالربع شوركم وهدايه الله ..

انا ادور كفر بها المقاس 285/75/16

ودرت السوق حصلت ماكسس 450 بس نقشته خشنه بالحيل

وحصلت كفر امريكي على مااعتقد اسمه (سوفت كرفت) <<تراي منب متأكد من صحه الأسم
نقشته معقوله سرعته 170 وسعره بـ 700 راكب
ويقول وكيله اضمن لك مافيه صوت .. واذا فيه صوت رجعه !!

بس انا منب ارتاح للكفر الأمريكي .. (لكن على قوله المثل يبدو مالك إلا خشمك لو هو عوج)

فيه احد جرب الكفر وينصح فيه ؟؟


واللي يعرف كفر معروف يجي بها المقاس لايبخل علينا



وهذي صوره الكفر
7
7
الأيمن مقاسه 315/75/16
ولأيسر مقاسه 285/75/16


الشكر مقدماً لكل من سدح له رأي في هذه المشورة

http://www.mekshat.com/pix/upload02/images100/mk71774_20090319500000.jpg
مجالس الرجال
22/03/2009, 01:59 PM
السلام عليكم
شاكر لصاحب الموضوع على الصور
احس ان الكفر من نظرتي لنقشته انه ماله صوت او صوته خفيف
لاكن المشكله مثل ماقال صاحب الموضوع انه امريكي
فياليت نسمع من اصحاب التجربه
ساري 111
22/03/2009, 10:47 PM
حيااااك اخوي مجااالس رجااال

صدقت مااستبعد يكون فيه صوت نقشته الجانبيه تذكرني بكفر تويو كد ركبته كان فيه صوت خفيف

ليت الأخوان يعطوننا خبرتهم بنقشه هالكفر فيه صوت او لااا ؟؟
مواسي الطعوس
22/03/2009, 11:01 PM
اخوي بودي اسالك : وش الفائده من ها الحجم ؟؟؟؟؟؟؟؟

** الشركات تبالغ في الصغر وحنا نبالغ في الكبر ؟؟

** اللي اعرفه ان هاالحجم (( اجمل / ارسى )) لكن : اكثر بطناج اكثر صرفيه بنزين لثقله على السياره .
مشعل222
22/03/2009, 11:25 PM
أخوي سااري والله مدري عن الامريكي هذا لكن انصحك بماكسس مجرب على برادو جنط 17 وله الآن سنه و أربع شهور وما فيه ذاك الصوت ومريح بالخط والبطناج وجربته بالنفود والحصيان وما شاء الله تمام ... بس اللي مجربه تايلندي لأني سمعت ان فيه تايواني ....
ساري 111
23/03/2009, 01:09 PM
اخوي بودي اسالك : وش الفائده من ها الحجم ؟؟؟؟؟؟؟؟

** الشركات تبالغ في الصغر وحنا نبالغ في الكبر ؟؟

** اللي اعرفه ان هاالحجم (( اجمل / ارسى )) لكن : اكثر بطناج اكثر صرفيه بنزين لثقله على السياره .


الفائده يعرفونه اهل المطامر بالبر والرادميات ..

وبالعكس كل مازاد ارتفاع الكفر كل ماقل البطناج .. يكون فيه مرونه اكثر بين الأرض والجنط
وبالنسبه لثقله يمكن يبين على ددسن هايلوكس بعض الجيوب اما بالنسبه للمواتر القويه الفرق بسيط ومايهم
Abo Sa3aD
23/03/2009, 01:15 PM
اعتقد والله العالم ان اسمه ماستر كرافت ...

انا ادور كفرات نفس المقاس 16 75 285 بس ما لقيت الا ماكسس سألت زيادة وقالوا لي فيه ماستر كراف و جودريتش 16 70 305 .. للعلم انا موتري همر اتش 3 .. و يا صاحب الموضوع ياليت تعطيني اسم المحل وموقعه والأسعار اذا كان بالرياض الله لا يهينك

شكرا
كبسولة2
23/03/2009, 01:26 PM
فيه كفرات ماكسس مقاس 17 / 70 / 265

صناعة تايلندية ماركتها ألمانية ممتازة بالحيل للرمل وللمدينة وللجلد

بطناجها ما تحس به أبد

وإذا نسمتها على 20 تمشي بدون دبل

وفي الجلد والحصى قوية

وفي الأسفلت مالها صوت مرة

وسعرها 400 ريال مع الترصيص للجنط 17

و375 ريال مع الترصيص للجنط 16

مجربة على جمس دبل وعلى تاهو دبل وعلى ونيت حوض قديم

لمدة سنتين ولم تمسح الى الآن بالتوفيق
أبو وسن
23/03/2009, 01:39 PM
السلام عليكم ورحمة الله

هذا كفر اسمه ماستر كرافت كورسر Mastercraft Courser A/T

انا مركبه في سيارتي جيب كوماندر بمقاس 265/65/17

هذا النوع امريكي من شركة كوبر Cooper وفي نفس مواصفات كفرات الكوبر ويصنع في نفس المصانع.

الكفر يتميز بعرض دعسته (ليس عرض الكفر) بشكل كبير اللي تزيد عن عرض دعسات كفرات اكبر منه.

الكفر جداً ناعم والنعومة هذي جدا مفيده في النفود. لكن له صوت على الاسفلت ,, مو عالي كثير لكن صوت مسموع بسبب عرض الدعسه وخشونتها.

بعض الصور:

http://i247.photobucket.com/albums/gg135/ahmed255/86fde71e.jpg


http://i247.photobucket.com/albums/gg135/ahmed255/Mastercraft%20Trres/5556a209.jpg



جنباً الى جنب مع كفرات لاندكروزر مقاس 275/70/16 دنلوب ,, الماستر كرافت اعرض في الدعسة من الدنلوب بحول 2.5 سم !


وهذا موضوع مفصل لي عن الكفرات هذي ..
http://www.assayyarat.com/forums/showthread.php?p=1616950&mode=linear#post1616950

واتمنى اني افدتك

أبو وسن
ساري 111
23/03/2009, 03:23 PM
مشعل يعطيك ربي العافيه ماقصرت



و يا صاحب الموضوع ياليت تعطيني اسم المحل وموقعه والأسعار اذا كان بالرياض الله لا يهينك
هلابك اخوي الكفر موجود بشارع الغرابي 700
ووكليه الصراحه مااقدر اقولك وين لأني مااعرف هاك المناطق بس ابوصف لك وان شاء الله توصله
شف سلمك الله تعرف البريد اللي حول الغرابي خله يمينك واتجه شرق تجيك اشاره ثلاثيه لف يمين تجيك اشاره اجباري يمين او يسار المسار اللي قدامك اتجاواحد انت رح يسار تمشيي قرابه كيلو او اكثر شوي المهم اول تقاطع كبير يجيك اطلع يمين امش لك شوي تشوفه ع يسارك المحل صغير فتحه وحده مكتوب عليه لوحه تبين انه متخصص بالكفرات الامريكيه ..

معليش الوصف لك عليه شوي لأني مااروح للمنطقه ذي كثير يمكن بحياتي ماطبيته إلا 3 مرات


كبسوله .. مشكور اخوي
ساري 111
23/03/2009, 03:29 PM
ابو وسن .. بيض الله وجهك ماقصرت الله يطول بعمرك

الحقيقه نعم هذا هو الكفر المقصور بشحمه ولحمه (ماستر كرافت) ..
والعتب ع الذاكره عندي


لكن مؤشر السرعه غير واضح مع انه قالي سرعته 170
الأمر الأخر مدى تحمله لدرجه الحراره غير موضح هل هو A ,b؟؟


ومن تجربتك وش رايك بالكفر انا خايف يصلخ (الكفر الأمريكي ماعندي ثقه فيه)
عاد وانت تشوف دعسته وش كبره تسوي كارثه
أبو وسن
24/03/2009, 11:26 AM
ابو وسن .. بيض الله وجهك ماقصرت الله يطول بعمرك

الحقيقه نعم هذا هو الكفر المقصور بشحمه ولحمه (ماستر كرافت) ..
والعتب ع الذاكره عندي


لكن مؤشر السرعه غير واضح مع انه قالي سرعته 170
الأمر الأخر مدى تحمله لدرجه الحراره غير موضح هل هو A ,b؟؟


ومن تجربتك وش رايك بالكفر انا خايف يصلخ (الكفر الأمريكي ماعندي ثقه فيه)
عاد وانت تشوف دعسته وش كبره تسوي كارثه


صحيح السرعة لمقاس الـ 285 170 كم/س ,,, الكفر تبعي 190 كم/س

بالنسبة للحرارة: B

وبالنسبة للتجربة فتجربتي فيه قصيرة (ثلاث شهور) ولا اقدر احكم على الكفر الان
ساري 111
25/03/2009, 09:55 AM
مشكور اخوي ابووسن

ماقصرت ..


على فكرة الكوماندور مالي خلق شكله ..

بس موترك طالع خياااال .. نصبته صح ..
الصاروخ
25/03/2009, 10:09 AM
بنسبه لي انا مجرب مكسس وحلوه ولينه في الخط مركبه على لاند كروزر 265 /75/16


والسعر زين اول السنه ب330 ريال

وقبل شهرين 380 ريال
وسعرها مقول بين اسعار الكفرات


ومريحه
عريدان
25/03/2009, 11:25 AM
الكفرات مهمه جدا وهي في مقدمة المؤثرات على أداء السيارة. لذا من المهم إختيار الكفر المناسب وحسب الميزانية ونوع السيارة والاستعمال.