المساعد الشخصي الرقمي

مشاهدة النسخة كاملة : مشكله في مكينه هايلكس 2006 وطالع


مربط القعاسي
22/03/2009, 12:52 PM
بسم الله اللرحمن الرحيم

في بدايه ا لموضوع انا معي هايلكس 2006 غمارتين دفرنسين عندي البطاريه كنتي استنكرت انها ضعيفه شوي فحصتها وقالو لي ضعيفه لنها حقت الوكاله يعني لها سنتين وبتكمل ثلاث يعني عمرها الافتراضي انتها
المهم شريت بطاريه وفكيت البطاريه القديمه وركبت الجديده بعد التركيب شغلت السيارة الى الضغط المكينه نازل مررررررة كن السيارة بتطفي المهم دعست دعستين كنه ضبط شوي خليته عشر دقايق يشتغل وضبط رجع مثل اول
المشكله ان اذا مشيت وعشقت من واحد الى اثنين يكتم ثم يقبل قالو نظف الفلتر ونظفته ولا فيه فايده وقالو غير البواجي ولا بعد غيرتها المهم قلت بنطرح الموضوع يمكن حد صارت معه ولقاء الحل علمن ان الكتمه ماجت الى بعد تغير البطاريه وواحد يقول ان الكمبيوتر يمكن تغيرة برمجته
لن أمل من العطاء
22/03/2009, 02:41 PM
نفس المشاكل وغيرها الكثير

صوت غير طبيعي بالمحرك
مشكله بالقير وتم تغييره
ضغط المكينه نازل
لا تتعدى سرعة 130 في الخطوط السريعة
مكيف تم اصلاحة بالكامل تم تغيير الكمبروسر 4 مرات وهو الان عطلان

يوم 9-4 جلسة في المحكمة للنظر في القضية

وراهم وراهم
القناص-sniper
22/03/2009, 02:50 PM
اخوي تأكد من البطارية كم امبير وشف افضل انواع البطاريات

تحياتي لك
الفين6
22/03/2009, 03:02 PM
اقتراح
رجع البطاريه الاولى ولا تركب الاصبع الابعد نصف ساعه وجرب لعل وعسى
حمد الأحمد
22/03/2009, 05:44 PM
أخوي نضف منضم الهوى ((حق الدعسه)) وغير بواجي وفلتر بنزين وفلتر هوى

أنا صارت معي يوم غيرت البطارية ومعي هايلكس 2006 غماره سابقا
مكشاتي 2012
22/03/2009, 06:45 PM
طبيعي اذا فكيت الاصبع وركبته مره ثانيه يضعف اشتغال الموتر خله ثلث ساعه شغال ويظبط والكتمه طبيعي انا معي 2008 ونفس الحاله لا يلعبون عليك المكنكيين وكم واحد اعرفه نفس الحاله بس طبيعي
مربط القعاسي
22/03/2009, 09:40 PM
جزاكم الله خير على تفاعلكم معي مع هالمشكله وعلى فكرة انا فكيت اصباع البطاريه وخليتها قراب ساعه وشبكته ونفس المشكله ماتغيرة وفكيته وخليته اليل كله يوم قمت الصبح شبكته ونفس المشكله ماتغير

المهم انا قررت اغير الفلتر حق الهواء والبواجي على ماقال اخوي حمد الاحمد بنجرب وعلى الله التوفيق
مربط القعاسي
22/03/2009, 09:43 PM
طبيعي اذا فكيت الاصبع وركبته مره ثانيه يضعف اشتغال الموتر خله ثلث ساعه شغال ويظبط والكتمه طبيعي انا معي 2008 ونفس الحاله لا يلعبون عليك المكنكيين وكم واحد اعرفه نفس الحاله بس طبيعي
اشكرك على الرد لا كن ماضن انها طبيعيه لن ماجت الكتمة الى بعد تغير البطاريه قبل ماكان فيه شي
والمشكله انه بخاخ وكمبيوتر لو كبريتر كان صلحناه لن الكبريتر تصير فيه اذا تسددت الابر
وعلى الله التوفيق
صايد وفايد
22/03/2009, 10:22 PM
معي 94 والنتعه ذي فيه منذو سنوات ولاتجي الامع الصباح وفي اول القومه يفصل ثم ينتع نتعه مزعجه تخلي النايم يصحصح:D
حيدر الو
22/03/2009, 10:23 PM
انا حصل معي نفس المشكلة 2006 خلصت البطارية وسوينا اشتراك واشتغلت السيارة عشر دقايق وطفت بعدين غيرنا البطارية وشغلنا السيارة الامبير طايح وتدعس للسيارة مايرتفع الانبير كأن الدعاسة مفصولة شحنا السيارة للوكالة وقد تم اعادة برمجة للسيارة حسب كلام الفني مع تغيير احد الفيوزات وبعد مادفعنا ثلاثمائة ريال قيمة البرمجة ومن يومها والسيارة ماشاءالله تبارك الله
مكشاتي 2012
23/03/2009, 12:31 AM
واللع طبيعي
Magellan
23/03/2009, 12:59 AM
بالنسبة للأمبير يطيح فهذي أستغربها من سيارات تويوتا بعد تغيير البطارية
أنا صارت لي نفس مشكلتك أمبير ينزل + السيارة ودها تطفي لو شغلت المكيف
طبعا موتري يختلف وهو بليزر 2006 ، نظفت اللهات ورجع كل شيء مضبوط
ما أدري شيك على الهايلكس يمكن دعسة البنزين كهرب لو كذا راح تحتاج لتنظيف اللهات
ابو نوره 2006
23/03/2009, 03:17 AM
طبيعي خله كم يوم وترجع طبيعي .
.* المثنى *.
23/03/2009, 08:42 AM
هلابك أخوي عنوان الموضوع يدل على أن المشكله عامه ولكن من كلامك أنه مشكله خاصه بك

عموماً يمكن البطاريه ألي أنت مركب ضغير أو شي من هذا القبل لأني أنا غير البطاريه وحطيت 80 أنبير ولا صارت معي أي مشكله والحمد لله
الربذي
23/03/2009, 08:59 AM
يعني وش الحل
انا مافهمت.
مكشاتي فله
23/03/2009, 09:18 AM
الله يعينك اخوي

وان شاءالله تنحل مشكلتك
مربط القعاسي
23/03/2009, 09:19 AM
وادي اباالمياه حياك الله لا كن كيف تصير طبيعيه ونا قبل تغير البطارية كان ولا احلا منه
وبعد تغير البطاريه جت الكتمه يكتم ويفز وعلى فكرة اذا دعست على خفيف وتزيد شوي شوي ماتجي اذا دعس فجأء تجي
بو خليفه
23/03/2009, 09:22 AM
الحل اشتر بطارية نفس في السيارة و اتوقع كل هذه ستنحل المشاكل
ضفنان
23/03/2009, 09:54 AM
اخي الكريم مربط القعاسي الله يعينك على هالمشكله وان شاء الله تلقا حل لها وبالنسبه للاخوان الي قالوا غير البطاريه ببطاريه اعلى امبير مع احترامي لوجه نضرهم لكن المعروف ان البطاريه يتوقف دورها على تغذيه السياره بالكهرب عند بدايه التشغيل فقط وبعد التشغيل لا يبقى لها اي دور ويقوم الدينمو بتغذيه السياره بالكهرب والدليل انك ممكن تشيل البطاريه من السياره بعد التشغيل نهائيا ولا تتأثر السياره اذا كان الدينمو سليم فلذلك زياده امبير البطاريه لن يفيد ويكون تغيير البطاريه في هالحاله خساره بدون فايده وعليك البحث عن سبب اخر لهالمشكله وان شاء الله تلقى حل بأسرع وقت وأقل تكلفه
مربط القعاسي
23/03/2009, 01:16 PM
حياك الله اخوي ضفنان ولا كن عندي ملاحظة يمكن انت ماتعرفها في السيارة الجدد اذا كانت السيارة تشتغل وفصلت سلك الزايد عن البطارة السيارة تطفي موب زس السيارات القديمة وهذا انا مجربه بنفسي هذا والله ااعلم