المساعد الشخصي الرقمي

مشاهدة النسخة كاملة : سوال بخصوص الجيب سوزوكي جيمني الصغير؟؟؟؟


هدااج 2008
23/03/2009, 04:42 PM
السلام عليكم ورحمه الله وبركاته
سوال يالربع بخصوص
الجيب سوزوكي جيمني الصغير
وهل هو ممتاز للاستخدام داخل
الرياض وفي البر والطلعات المختصره
علما ان سعره جديد بـــ 44 الف ريال
طبعا العااادي
ولكم مني جزيل الشكر


http://up111.arabsh.com/s/3wcpcqdfw7.jpg (http://up111.arabsh.com/)
هوى الشرق
16/06/2009, 11:57 AM
انا بصراااحه من المعجبين بالجيب ودورته وما حصلته زين للزحمات
والبر وميزته انه ياباني وصبور واذا تخبر لي مستعمل ارسل لي رساله
على الخاص الله لا يهينك
صقر شمر
07/07/2009, 01:17 PM
هلا

اخوي انا توي شريته مديل 99 دبل وعادي والله ممتاز بالبر والرمل ما يغرز حتى الضغط 40 بالكفرات بس عزمه شوي ضعيف في الطريق وخاصة مع المكيف
سيف الظفير
07/07/2009, 02:02 PM
زوين بس غالي يا الغالي 44.000 اخذ فيها باثفندر
النمر الأشهب
07/07/2009, 02:28 PM
نصيحة لا تأخذ سوزوكي قطع غيار الوكيل غالي جداً
ثاقب
07/07/2009, 02:51 PM
يفتقر للرساوه والعزم
البدر1
07/07/2009, 03:09 PM
اسئل عنها موظفين مصلحة المياة والبلدية هم اكثر من جربوه
مع تحيات ابو بدر
AL must7eeL
07/07/2009, 03:35 PM
اخي الكريم توكل على الله واشتر

أنا معي واحد موديل 2008

طبعا بالوكالة كان سعره مثل ماتفضلت !

لكني رحت معارض الخمرة بجدة(الحراج)

ولقيته عند موزع سوزوكي (الهياس)

وأخذته بـ39000 شامل اللوحة والاستمارة!

والحمدلله ومن فضل الله السيارة أداوم عليها يوميا مسافات طويلة!

ومشيها مثل الصغيرة !

لكن ماانصح بالسرعة في مثل هذي السيارات!

في البر لا تشيل هم بحول الله يبي يطربك!

وأسأل الله أن يكتب لك الخير وييسر امرك ولا تنسى الاستخارة!

واذا حبيت تسأل زود أنا حاضر!

معلومة مهمة**

تانكي البنزين مكتوب في الكتالوج إن حده 240 كيلو متر! يعني صغير مرة !

ولكن من واقع تجربتي الخاصة وجدت انه يمشي اكثر من 300 كيلو متر!

وممكن تزيد حسب الدعسة والمكيف له دور ايضا في الصرفية!

أيضاً!

من الان لازم تعرف إنه مطبه قاسي جدا! لأنه نظام سست مهو يايات! ودفرنسات امامي وخلفي!

واللي ييزيد قساوة التعليق كفرات برجستون اللي تجي معاه شد بلد!

وانا ناوي اغيرها ان شاء الله بنوعية اكثر ليونة!

لأني جربته مع البرجستون والضغط 25 واقل ومازال قاسي ويناقز!

وتقبل مروري
يزيد55
23/09/2010, 09:23 AM
طيب اخوي انا ابي اخذه
ابي اروح عليه الجامعه
تبعد الجامعه عن ديريت تقريبا 40 كيلو
هل تنصحني فيه او لا
وكم السرعه المقترحهه
كما تفضلت السرعه مو زينه على هالسيارات
ولك جزيل الشكر
محرين باالخير
23/09/2010, 09:52 AM
من وجهة نظري السياره جدا ممتازه وافضل من ياخذله الواحد هونداي وإلا من هاالصغار هو افضل وباالنسبه للسعر باالوكاله انا مار عليهم قبل إسبوع الي بطريق خريص قال المكيف قزازعادي 58000الف وماعندهم فل كامل .. وطبعا حسب كلام اخونا انه سست افوله هذا الموديل القديم اما الجديد صار مثل تعليق الجيوب يايات امامي وخلفي