حماية وجه السيارة في السفر " وش الطريقة وافزعوا يالأجاويد "

[المكشات]

السلام عليكم


عندي سفرة عاجلة بكره والموتر جديييييد مامشى خمسة آلاف و الجو مثل ما تشوفون

وش أحسن حل لحماية وجه الموتر من هالغبار ؟

أبي شي أسويه بكره الضحى و على الخط على طووول


جزا الله خيراً كل من رد على موضوعي وزوجه بكراً قبل الحول

[اسير الغضا]

تروح وترجع بالسلامه عزيزي وهذا رابط انشاء الله يفيدك
http://www.mekshat.com/vb/showthread.php?t=192352

[لن أمل من العطاء]

اول شيء

بالنسبة للزوراج
فزوجتي لو شافت موضوعك هذا
احتمال تحرمني من النت ومن الخروج من البيت واحتمال تداوم معي

ثانيا موضوعك سهل

فيه واحد من الاعضاء قبل اسبوعين تقريبا كتب مثل موضوعك هذا وان اتى بفكره حلوه وسهله ومجديه

وهي استخدام غطاء حفظ الطعام نايلون شفاف اللي تغطى به الصحون ولا يوجد له صوت

تاخذه وتمده على السيارة من اليمين الى اليسار ولو بعدة طبقات ونزعه سهل جدا


اخوك
لن امل من العطاء

[المكشات]

king..NISSAN (http://www.mekshat.com/vb/member.php?u=88470) http://www.mekshat.com/vb/images/statusicon/user_online.gif
مكشاتي نشيط
لن أمل من العطاء (http://www.mekshat.com/vb/member.php?u=43653) http://www.mekshat.com/vb/images/statusicon/user_online.gif
مراسل مكشات في الباحة




الله يجزاكم كل خير و يزوجكم و المتزوج منكم خلاص لا يتطلع إلا إلى الحور العين :)

مريت على الموضوع من قبل بس بقى كم شغله مثل فتحات الهواء لأنه يكتم الموتر من قدام ...

هل جربه أحد ؟ ؟

أيضاً وش رايكم بالبرقع المفصل جاهز ؟ من واقع تجربة ..

الله يجزاكم خير يا رجال مكشات اللي ما تتوانون عن المساعدة

[MNH]

زي ماقالوا الشباب ورق حفظ الاطعمه هو الافضل وبالنسبه لسؤالك بسيطه بقلم افتح لك فتحات في شبك الموتر ويتهوا صح

لا تنسى تدعي لي بالعيال

[wrs3975]

ماعندي شي أكثر مما تفضل به الإخوان .... ولكن حبيت أشكرك على دعوتك الطيبة وعسى الله يتقبلها ... تحياتي للجميع

[راعي الهدد 77]

زي ماقالوا الشباب ورق حفظ الاطعمه هو الافضل وبالنسبه لسؤالك بسيطه بقلم افتح لك فتحات في شبك الموتر ويتهوا صح

لا تنسى تدعي لي بالعيال

زي ما قالك اخوي ... اخزقها بالقلم ..

والله يرزقك بالعيال باذن الله ..

[المكشات]

الحمد لله على السلامة رحت وجيت
حطيت تغليفة النايلون لا عادت ههههههههههههههههههه
و الله ما طلعت من الحارة وهي بمحلها
اول ما مشيت وهي ترفرف و كل شوي ينسحب منها طرف
السرعة ما تعدت 60 قلت ما يبي لها وشلون لو أوصل 140 .. و اشيلها
و اصفط عند أقرب محل تغبيرة و ارش الوجه والحمد لله على كل حال

مشت الحال

[hadaj]

السلام عليكم
فيه المادة الشفافه إللي تباع عند ساسكو أو عند محلات الزينه سعرها تقريباً 35ريال للــ 300 مل و60 ريال للـ500مل رشها بعد كذا رح للمغسله ورش تغبيره على نفس المواقع إللي رشيت عليها المادة الشفافه .... جربها وراح تدعي لي

[ابو ســــاره]

انا استخدم التجليدة البيضاء الي على السيارات الجديدة تحصلها عند محلات الزينة في حي السلام اغسل السيارة وركبها عندهم بــ40 ريال واجهة الجيب كاملة صدام وشبك وكبوت ورفارف بس خلها قطعة وحدة لا تخليه يقطعها بعدين تصير تتقشع وشقق محل الشبك واذا رجعت من السفر اقشعها على طول يعني بالكثير 10 ايام عشان ما تنشف . والشمعات الامامية افضل شي الغطاء البلاستيكي يباع عند العليان حامي الشمعات .