المساعد الشخصي الرقمي

مشاهدة النسخة كاملة : قو طي( النيــــــــــــــد و)


ابو شجاع
08/04/2002, 12:38 PM
السلا م عليكم
كيف الحال ياشباب انشاالله طيبين عسى ها الموقف يعجبكم
الموقف صار لي انا وبعض الشباب وحنا كاشتين قريب من الرياض
المهم سواليف وذكريات ومقالب الله يقطع الشيطان وضحك مادريت ان الضحكه ذاك اليوم انا يوم جاء وقت
العشا نزلت الكاتم وقطعت الكشنه وحمسناها المهم حطيت اللحم وطبقة الغطاء واحس ان فيه شيء ناقص
وش صار ؟؟؟
صار البلف عودة على العيال وين البلف يا شبــــــــــاب احسبها مزحه منهم قالو انا ادري عنـــــك قلت روقونا
المهم رضيت بلي صار وشبو علي العيال بعشيكم بعشيكم واخرتها تنكبنا رحة للعزبه ابا سكتهم بقرص جمر
ابصلحه لهم عشان نعدي ذا اليوم على خير فكية العزبه خذة القوطى المعلوم مليان ( بر) ناوي القرص
مير تطن براسي ذيك السالفـــه للوا لد وتذكر القوطي وفضيه من البر وغسله ونكب فيه الرز واللحم جميع
وطبق القوطي حق ( النيــــــــد و) وخفسله خفيس صغير وحطه على الدافور ثلث ساعه بس 0000000
وصحه وعافيه على الي بيجربون ذا الطر يقه:p
شاص
09/04/2002, 12:17 AM
جزيت خيراً وزوجت بكراً للاستزادة من الموضوع :
أرعص هنيا الله لا يهينك (http://www.mekshat.com/vb/showthread.php?s=&threadid=1403)
الصقار10
09/04/2002, 09:13 AM
السلام عليكم ورحمة الله وبركاته ،،،


هل اصبح القدر الكاتم ضروري الى درجه انه لايمكن الطبخ الا بقدر كاتم ؟؟؟

انا استغرب على الاخ / ابو شجاع انه طبخ في قوطي النيدو وعنده قدر ؟؟

يمكن استعمال قدر الكاتم كأي قدر عادي :confused: :confused: :confused:
راعي عنيزة
09/04/2002, 02:19 PM
كفو يابوشجاع اجل انقذت الموقف ;)

والكاتم للي جربه في البر ما يستغي عنه ابد
ربع ساعه وغداك زاين مهب مثل القدر العادي ساعه تنفخ وتطبخ
هواوي
13/04/2002, 07:34 AM
السلام عليكم

انا بعد استغرب ليش الناص يصرون على الكاتم وانا من ناحيتي كان رفيق دربي في البر ولكن اكتشفت ومتاخ ران القدر العايدي احسن والكبسله الذ واذا تبغا الكبسه تجي زي الكاتم كثر الزيت فقط

والقدر العايدي سهل وكل شوي تلقى نضره وتتمتع بكل مراحل الطبخ

والي مصر علىالكاتم فان انصحه بالالماني((المانيا الغربيه ))مكتوب عليه المانيا الغربيه هذاك رهيب من جد ابو يد طويله


ولكن ارجع واكرر العايدي احسن واسهل في البر خصوصا عشان لو نسيت شي تقدر تعوضه باي شي ثاني موزي المكتوم لازم قطح محدده
الضاري
20/04/2002, 03:59 PM
أخوي ........ ابو شجاع
الله يذ كرك بالشهادة يوم ذكرتنا بقوطي النيدو
لي صولات وجولات مع قوطي النيدو ( طبعا مثل باقي الشباب ) مع بنات المذ ن ومع طيور الصيد وبصراحة عز الله انة يعجبك اذا ضبطت بهاراتة زين لكن لا تنسى تحط ثلث القوطي ماء
اما مع طيور الصيد جربتة ...... بقميري وطيور الدخل وطيور الصعو تاكل اصابع يديك
وبالتوفيق.
الجافي
07/05/2002, 01:17 AM
صدقت اخوي الصقار
ليس من الضروري قدر كاتم حتى اعوضه بقوطي ( العيد ينفع بلا حنا) وبعدين القوطي مطلي بدهان ويؤثر على الطبخ عندما يتعرض للحراره

تحياتي .........


البر يبيله ذابل الريق صبار مهوب الى هبت يدور ذراها
الجرودي
14/05/2002, 01:24 AM
ياجماعه جربوا طيور الصيد مع المرقه في القوطي
فهد584
14/03/2009, 02:24 PM
فكره حلوه يا اخوي