مهم لـ أصحاب الهايلوكسات (2006-2007-2008-2009)

[al-wid]

السلام عليكم يا اخوان ...

وشلونكم ان شاء الله بخير...

يا شباب انا موضوعي هو عن الصوت الي يطلع في الهايلوكسات (2006-2007-2008-2009) والي اذا ضغطت الكلتش يروح اذا احد عنده حل له ياليت يفيدنا ولا يبخل علينا ...

فيه ناس قالوا شداد القير الي تحت تربطه على خفيف ...
وناس قالت فحمة الكلتش ...
وناس قالت الربله الي عند الكلتش...

ونبي الحل الله يخليكم ...

دمتم بحفظ المولى عز وجل ...

[صقر البحيرات]

هلابك اخوي
ما لاحظت هذه المشكله ولا احد يعني شكاها
الي اخبره يشتكون من الصفير
اما على الي انت تقوله
غريبه والله
الصوت عند الغيار يعني لا جيت تغير تضغط عليه ويطلع صوت وبعد ما تغير يروح الصوت
يمكن يكون من الدعاسه نفسها
او من الفحمات اخبرها بالددسن
وإذا كان عند الغيار بالثالث يمكن يكون النحاس الي بالقير وانشاء الله ما يكون هو ... و يتعطل احيانا من الحوادث الله يستر علينا وعليك
وانشاء الله يفيدك الأخوان اكثر
كم موديل السياره ؟؟؟
السياره مكدوده

[al-wid]

هلا اخوي صقر المشكله يعاني منها الكثر ولها علاقة بالكلتش يعني اذا ضغطت على الكلتش يروح الصوت

وموديل الموتر 2008 غماره جديد

[مكشاتي2010]

هذاشي عايدي لاصار واقف يطلع صوت طعطعه
ولاشغلت المكيف يقوا شوي :(
بس هاذي مالها علاج :no:
قد زينه واحد من الربع فكو قيره الوكاله ثم قعد شهر وعودت ثانيه
وراح لمهم ثانيه ومطولت معه وخربت ثالثه:D
ويعني من رايي لاتسوي شيء انا معي 2006وفيه هذا الصوت والحمد لله
اتمنى اني افدتك

[al-wid]

ماقصرت يالغلآ

صدقت كثير يطلع معهم بس ماقدر جربت ولا واحد من الحلول الي قلتها في الموضوع ..؟

طيب موترك 2006 الصوت ثابت ماتغير ..؟

[حق الفيتو]

خويي معه 2009 ما مشت 5000 وطلع الصور راح لابو جميل ونزلو القير وغير الفحمة




< طبعا يوم تصير المشكلة والحين ما شاء الله شكلها تعدت المية الف ^_^

[al-wid]

ياهلا اخوي (حق الفيتو) الحين الفحمة الي غيروها فحمت الكلتش..؟

والقير وش سوو فيه بالضبط..؟
وهل انت متاكد ان الصوت ماطلع بعدها ..؟

ياليت توضح ويعطيك الف عافيه

[فكسه]

مادري ياخوان عن فحمته الكلتش بس صارتلي طبعا ماممعي هلي معي جيب هذي يالحبيب من نحاسه القير اذا تبي تعرف انه منه والا لا شف الموتر يلقم النمره والا لا وباي نمره مايلقم ارجو اني افتك وشكرا

[نسناس الجنوب]

السلام عليكم موتري 2008 وطلع عندي نفس الصوت ومريت الوكاله قالو فحمات الكلتش قلت غيروها قالي المهندس حتى لو غيرتها بترجع مره ثانيه انصحك لاتغيرها مامنها ضرر وخليتها بس الله وكيلك من الصوت اشك ان موتري ديزل من الصوت وخاصه مع المكيف

[مربط القعاسي]

بسم الله الرحمن الرحيم
اول ماورد الهايلكس 2006 شريته المهم بعد مامشى الف كيلو مشيت عليه 160 الى الرياض يوم وصلت الى الصوت يروع كنه ديزل واذا ضعطت الكلتش راح قلت خله يولي دامه يروح المهم رجعت ورحت لبريدة للوكاله وخليت الموتر عندهم قالو تمرنا بكرة اتصلت عليهم بالتفون وقالو بنغير لك قير كامل بس مهوب موجود بنطلب من جده وتجي بعد اسبوع تاخذ السيارة وبعد سبوع قالو مهو موجود في جده بنجيبه لك من اليابان والسيارة صناعتها تايلد المهم ماعلينا وقالو تجي بعد شهر تاخذ السيارة ولا تاخذها وتجيبها بعد شهر رحت وخذت السيارة ولا عاد رجعهتا لهم مشى اربعين الف وبعته والصوت فيه وشريت هايلكس دفرنسين 2006 والصوت فيه
(( ملاحظة ))

الصوت مايطلع الى عند ارتفاع الحرارة ومع ا لجلد مسافه طويله عاد انا فكرت اشيل البلف بلف الحرارة على شان تنزل الحرارة ويمكن يروح الصوت نوافيكم بالنتائج بعد فك البلف انشاء الله

اخوووووووووكم مربط القعاسي

[al-wid]

فكسه-نسناس-مربط
ماقصرتم يالغالين وكلنا بانتظار اخونا مربط ويوافينا بالنتائج

[al-wid]

للرفع للرفع للرفع

[al-wid]

للرفع للرفع للرفع

[ابوناصرالبدراني]

السلام عيكم كل الها يلوكسات الجديده فيها الصوت لا كن مافيه ضررر لسياره

[مطحس الشريف]

السلام عليكم ورحمة الله وبركاته

يالربع من يفيدني عندي هايلكس 2008 ويطلع عندي صوت مدري هل الصوت من المرايه او تنسيم من عند الزجاج يالربع افيدوني _ لا هنتم

الشريــــــــف

[لن أمل من العطاء]

انا معي 2006
غملرة واحده صندوق طويل

ووانواع الاصوات
وعطل المكيف
وتكتيم بالسيارة واضح جدا ولا تتعدى السيارة بعض الاحيان سرعة 130

المهم وديته لللوكالة

قالوا نوضب الجيروكس
قلت تتحلمون انتم غيروه
الوا ما نقدر هو بس تغير ترس واحد ومان وتشحمه وننظفه

قلت غيروا
وفعلا غيروه

والمكيف الكمبروسر اللي راكب الحين فيه هو الكمبروسر رقم 4 مركبة الوكالة على الضمان والان هو عطلان

والله ياعندهم مهندسبن مع احترامي للقراء بهايم الا ما ندر

اخيرا رفعت عليهم قضيه بالمحكمه الشرعية

والان هم يتصلون يريدون حل وسط بيني وبينهم

قلت اللي يقول عليه القاضي هو يمشي لو يقول ان مالي شيء قلت سمعا وطاعة

وانا اطالبهم في القضية بتغيير السيارة باخرى سليمه من جميع العيوب وتعويض عن الضرر المادي والمعنوي

والمضحك

انني اشتريت السيارة تقريبا 59 الف اقساط جديده براطبسها سعر مره مغري وضمان 100 الف كيلو

وايضا مضرب عن سداد الاقساط

ندموا اشد الندم على بيع السيارة هذي لي


تحياتي لكم

[al-wid]

للرفع للرفع للرفع

[مربط القعاسي]

لم يحصل فك البلف لبروده الجو اليومين هذي واختفاء الصوت نهائي
واختفاء الصوت بمجرد بروده الجو لن في الشتاء كله ماسمعت الصوت وبمجرد ضهور الصووت بفك البلف وجرب لن انا من الناس الى عانو من الصوت هذا وهو بالنسبه لي مقرف من جد

[al-wid]

للرفع رفع الله قدركم

[زيزو]

فحمة قير وهذا عيب مصنعي في الهايلوكس

غيرها خويي وهو اشي موتره 13 الف فقط

[al-wid]

طيب اخوي زيزو الصوت راح ولا مارااح ..؟