صح ولا خطاء

[الهوى جنوبي]

اسعد الله اوقاتكم جميعاً هذه اول مشاركه لي معكم في استفسار بسيط
وش الصح عند تقويم السياره وبالذات الجيوب يكون انطلاقتها بالنمره رقم1 والا رقم2 :d

[فكسه]

الجيب اوتو ماتك والا عادي

[موادع الشرقيه]

الجيب اوتو ماتك والا عادي
الرجال يقول يقوم 1ولا 2 يعني القير اكيد عادي
بس اهم شي انك حاولت تفيد الرجال جزاك الله خير


بالنسبة لسؤالك يالهوى الجنوبي
اعتقد انه كله واحد ما تفرق
ماعدا إن الثاني يمكن تتطول على دعست الكلتش ويمكن هذا مع الوقت يأثر والله أعلم

وإن شاء الله يفيدونك الشباب

[فكسه]

طيب وش d ذي اذا كان عادي فافضل (1) لانه مايعدم الكلتش

[هدااج 2008]

انا حسب كلام شيبان لي
ان الجيب ماتقومه بــــ 1 لانه دفع رباعي
انا معي الباتروال من يوم شريته اقومه بــــ2
واحس انه الصح لان الواحد قوي مره وقومته قصيره مره
اما اذا قومته بــ 2 احس انه مرتاح مره ويطلب مسافه بعد

هذا علي حسب علمي البسيط
ويمكن يكون صح ويمكن يكون خطاااء
بس ها المنتدي في اشخاااص بعقول دكاتره نتمني منهم الفاااائده
الكبري ولكم مني خالص التحيه

[NOYEB]

الصح بالنمرة الأولى ..والا لماذ وضع 1،2،3،4 ..القومه بالثاني تتعب الكلتش ويقل عزم السيارة .

[البرًي]

تقومة بالثاني وذا كنت تبي تحدى قومه بالاول ( المشكلة بالسيارة بعضه يكون خفيف مايستاهل اللاول وبعضها العكس ) لاكن برمل لازم الاول ؟؟؟

[الهوى جنوبي]

بيض الله وجيهكم جميعاَ لا عدمتكم يالغالين
الجيب عايدي والظاهر اني باخذ كلام اللي قال القومه بالأول ولو اني متعود ما اقومه الا بالثاني
دمتم سالمين غانمين

[شاص1988]

ان سمعت ان تقويمة الثاني تعدم وزنيت البلوف ويقصر عمر الكلتش وطبعن كل ها مع مرور الايام والسنين

[abumohammad99]

اذا كان الموتر جديد وكاله فالافضل تقويمه بالثاني لان الاول ثقيلن بلحيل لانه جديد.

واذا شفت تقويمته بالثاني تنفض الموتر وتبطي راصن الكلتش مع البنزين فالافض بالاول.

تحياتي,,

[الهوى جنوبي]

:d :d اشكر كل اللي تجاوب معي دمتم سالمين:d :d

[راعي طفات]

حسب تجربة سابقة

وبعد احتراق الكلتش للاندكروزر 93 - كنت ما أقومه إلا بالثاني -

أخبرني الميكانيكي - سعودي شايب - أنه لابد من أن يتم تقويم السيارة بالأول

يقول على الاقل الين اتدرج

اما قولة الاول قوي وعوده على الثاني اعتقد انه كلام عامي مثل الي يقول غير الزيت كل 2000 كم

وسلامتكم

[ابو رشيد]

يالنشمي قوم الجيب بالثاني وماعليك خلاف والاول صمم للجيوب علشان لاقومت بطعس ولا بطلعه قويه تتحرك السيارة ولا تتطفى

[سهم VTC]

الصح بالنمرة الأولى ..والا لماذ وضع 1،2،3،4 ..القومه بالثاني تتعب الكلتش ويقل عزم السيارة .

لا ياخوي حاطين الاول علشان الطلعات والرقيات والاشياء الصعبه والحرجه في نفس الوقت...

زي التامتيك ليش حاطين دي ون ورى ماتقوم به...؟

ولا التريلات 12 نمره وكل نمره قصيره مره علشان تحمل اثقال وتحتاج لتروس كبيره علشان تمشي...

ارجوا اني وضحت الصورة للاخوان ...

وشكرا..

[مكشاتي فله]

السلام عليكم

بصراحه . الثاني اشوفه افضل

[R I Y A D]

انا اشوف ان مافيه اختلاف كله واحد
تراه مايضر 1-2

[الهوى جنوبي]

لي فتره وانا ما استخدم الا 2 وتعودة عليه ولو بستخدم النمره1 لازم لي فتره الين اترك العاده الاولى
شكراَ لكل من تجاوب معي

[ارض الحجون]

اخوي ..انا كان عندي جيب 2002 جكسار قير عادي له اربع سنوات عندي ما اقومه الا بنمره 2 طول ها لسنين الاربع ماشفت منه الا كل خير