الدبل .. يا أهل الدبل : دبل كبدي دبل ..!!

[خيال السفاري]

طق
طق
طق
طق
طق

هذا هو صوت البد الآن إذا عشقته .. يزيد الصوت إذا شدت على السيارة .

السيارة : سفاري 99


الفزعة يا شباب تكفون ..

عسى الأمر بسيط و عسى فيه منهدس دكتور دبلات ..

الله لا يهينكم

[قرناس2009]

اخوى اول شى تاكد من الفصلات لامامية اذاكنت مركبها قد تكون مكسورة من الداخل نزلها وجرب واذا ماراح الصوت تا كد من رمانات العكوس الداخلية والخارجية وكذلك الفظاوة في العكس
هذا حسب خبرتي والله اعلم

[عاشق البسمه]

جنزير الدبل يحتاج تغيير ويكلف حول 1200 والسبب وجود تهريب في صوفة الدبل وعدم التنبه إليه ,,,, ارجو اني افدتك

[بوعلي الشرقيه]

الله العالم بس أنا سمعة مثل الشباب ممكن يكون من جنزير الدبل

[shaheenshah]

عكوس أمامية او جنزير الدبل والله أعلم واذا كنت مركب فرارات افصلها وشغل الدبل وتأكد من الصوت

[فكسه]

صباحكم ورد اخوي خيال السفاري العكوس ماله دخل لان السفاري دفرنس وليس فليورات (عكوس)فااكيد جنزير الدبل ارجو اني افتك وبالتوفبق اخوي

[ابوطاقية]

هذا سلمك الله جنزير الدبل ومشكلته يرتخي بين فتره وفتره وخاصه اذا طول الدبل مشبوك + مطاعس حامي
الجمس يجي كذلك جنزير لاكن قوى جدا
التايوتا يجي تروس وهذا الافضل
انصحك اذا غيرته تاخذ ضمان سنه و الافضل دبل يباني مضمون لنه نفس سعر الجنزير

[المكشات]

مابها كلااام

جنزير الدبل

عليك بالأصلي

[خيال السفاري]

اشكركم جميعا شكرا حار

و جزاكم الله خير

اقل ما استفدت منكم ما يلعبوني علي الميكانيكيه ، عرفنا الدعوى حول الجنزير

بالنسبة للفرارات ما اعرفها الا بطاريها

و بالنسبة للتطعيس الحامي فنشوف و نسلم

لكن السيارة القديمة لازم تطلب و الحمد لله على كل حال ..

ما تذكرون يا شباب مهندس فنان ؟؟؟

و جزاكم الله خير

[1988]

المشكله اللي عندك رخاوه بجنزير الدبل بعد الله سبحانه وتعالى 1000000% غير الجنزير اصلي قيمته حوالي 850 ريال وشغله حوالي 250 انا صارلي نفس المشكله وزينته عند ابو صالح التركي

[ابويارا1001]

سلامة كبدك


اذا كان الصوت خفيف شيك الصليبات بالعامود الامامي

واذا كان صوت عالي جدا ويروع ويسمعه اللي على بعد كيلو راح يكون الجنزير
الله يعينك خذ اصلي ومن الوكاله ادفع زود 150 او حولها وانت مرتاح ومتأكد ان القطع اصليه لان الموزعين ما تضمنهم هاليومين وللأسف صار الغش منتشر

وبالتوفيق

[ذيب العارض 20]

هذا جنزير الدبل بسبب السير بالدبل بسرعة كبيرة ما يتحملها الدبل

[خيال السفاري]

بارك الله فيكم

ما قصرتوا ...

من يدلني على مهندس فنان في الرياض ......؟

[غريب الشمال]

طق
طق
طق
طق
طق

هذا هو صوت الدبل الآن إذا عشقته .. يزيد الصوت إذا شدت على السيارة .

السيارة : سفاري 99


الفزعة يا شباب تكفون ..

عسى الأمر بسيط و عسى فيه منهدس دكتور دبلات ..

الله لا يهينكم



حبيب قلبي خيال السفاري أنا موتري أخو موترك (انظر الشكل)وكانت عندي المشكلة وغيرت


كلتش قبل أمس ولما شفت القيروالدبل مفكوكة


قلت للمهندس عندي طقطقة في الدبل شيك عليه دامك فكيته


قال طيب


ثم دق علي بعدها بفترة


قال الدبل ما فيه ولا نقطة زيت وهذا سبب المشكلة


فعبيته بـ 50 ريال وإن شاء الله تنتهي المشكلة


لكني ما جربته إلى الآن


لأنك شايف الجو في الرياض ما شاء الله يساعد على الطلعات..


أتمنى أكون أفدتك ..



تحياتي..


http://www.mekshat.com/pix/upload02/images100/mk44555_img_9192-2.jpg


الله يخليه لي

[خيال السفاري]

بيض الله وجهك انت و الاخوان ما قصرتوا


و ان شاء الله نتأكد من الزيت قبل نسوي اي شئ

[إبراهيم222]

السلام عليكم
وش صار معكم يا شباب لأن معي سفاري 2000
فيه نفس المشكله ولا فيه أحد عرف له
وأنا في الدمام و كل مارحت لورشه قالولي مره عكوس ومره جنزير
مع العلم أن الزيوت كلها تمام
تكفون فزعتكم
والله أني كرهة السياره بسبب المشكله

[احب الحيا]

السلام عليكم
مساكم الله بالخير
اخوي كان عندي مشكله بالجنزير لانه مرتخي لاني مره سحبت واحد خافس بالطين وموتره لاصق للاخر ما طلع الى عقب التنتيل القوي جدا بعدها ارتخى الجنزير
ورحت لواحد هندي بالشعرا يقاله محمد رياض هذا اكبر نصاب بس انه فاهم شخله صح وميت شغلة اليوم ياخذ عليها اسبوع المهم رحتله وقلتله المشكله وقال خلاص بنقص من الجنزير حبه وحده يعني بخليه اقصر من الوكاله بحبه قلتله ما فيه مشكله سو الي تبي طبعا الشغله حقت عصريه ما تطول السياره خذ عليها يومين ومن بعدها والدبل لو تسحب تريله ما عنده مشكله وهالكلام قبل سنتين واى الان والمتر زي الحلاوه
الموتر سفاري 89
وآسف على الاطاله

[أبوحمد 505]

الله يوفقك لكل مايحبة ويرضاة
وأنشاء الله تنحل مشكلة الدبل وترتاح
بس حلوة دبل كبدي ............سلامة كبدك :)

[قروب عسول]

فيه ورشة بالشرقيه بالدمام تصلح جنزير الدبل من غير ماتغيره

اللي يبي اسم الورشه يراسلني

[يريور عيمان]

جنزير الدبل
بدله بواحد جديد اظمن
لان التصليح يمكن تمر فترة و يرجع الصوت

[biin khaled]

فيه ورشة بالشرقيه بالدمام تصلح جنزير الدبل من غير ماتغيره

اللي يبي اسم الورشه يراسلني

اخوي الغالي قرووب عسول بغيت أسألك عن الورشة شلونها بالامريكي 97 مضبوطه...ولو بالإمكان لو تحط اسمها و الجوال في العام أو بعد اذنك ترسله لي على الخاص....خبرك عدد المشاركات قليل


جزاك الله كل خير

[الصويتي]

:good2::good2:
جنزير الدبل يحتاج تغيير ويكلف حول 1200 والسبب وجود تهريب في صوفة الدبل وعدم التنبه إليه ,,,, ارجو اني افدتك


هذا العلم الوكاااد :good2::good2:


الطقطقه لما تشغل الدبل من الجنزيرر

[كديان]

ركب دبل من التشليح استخدام ياباني نظيفات جدا و على الشرط
مع التركيب ببريدة تقريبا ب1000 الى 1200 مع الرجيع
اذا بغيت تعرف خراب الدبل اشبك الثقيل و لف الدركسون و دوس خفيف مهب قوي عشان ما تعدم العكوس طبعا بالزفلت
او اشبكه بالنفود بمكان هيار او تحت نفود واقف يبي يبين على طول اول مايرقا وجه الموتر
جنزير دبل

[(الهدد)]

ترا الموضوع قديم قبل سنه واربع شهور

ترا الموضوع قديم قبل سنه واربع شهور

ترا الموضوع قديم قبل سنه واربع شهور

[كديان]

ترا الموضوع قديم قبل سنه واربع شهور


ترا الموضوع قديم قبل سنه واربع شهور


ترا الموضوع قديم قبل سنه واربع شهور



عسى ما تكلفت على اللون الاحمر مكرر الكتابة 3 مرات
حتى و لو كان قديم يا خلفهم الفائدة للجميع
موفق

[ابو نواف المطرفي]

افادوك الشباب .....الجنزير
... وبالله التوفيق

[biin khaled]

طيب ياشباب ماحد يخبر لنا ورش ممتازة بدبل الامريكي 97 فيه الجنزير مرتخي ويطلع صوت واضح في الدبل الخفيف تقل كأنه واحد يطق بحديده على عمود الكرنك من قوة الصوت ويختفي الصوت في الثقيل.....فالي يعرف ورشة طيبة يعلمنا الله يجزاكم كل خير

[biin khaled]

الاخوان الاعزاء...لو أحد يخبر لي ورشة ممتازة لدبل جمس 97 في الدمام عندي صوت يطلع لما أعشق الخفيف كأنه واحد يطق بحديده على عمود الكرنك...والغربية في الثقيل ماله أي صوت....فاليعرف يعلمني والله يجزاكم كل خير...وبانتظار ردودكم الطيبة

[biin khaled]

000000000000000