موتري جي اكس ار ودي اشيك عليه

[دايم العز22]

ودي اشيك على موتري jxr 2002 تشييك كامل ........................وش راي الاكارم الخبراء عند من ؟ بالرياض ؟؟؟؟؟



يمدحون العضيب واتصلت عليهم وقالوا بمية وخمسين وش رايكم

[دايم العز22]

13 مشاهد ولا منهم واحد خبرة

[الكيان]

سجل رقم 14 مشاهد ولا خبرة

[محمد بن سعيد]

والله العضيب هو بعد الله سبحانه لأن الوكالة زي ما انت عارف غالية لكن العضيب ما ادري عنه لكن يقولون ان شغله زين ولا أدري والعلم عند الله سبحانه وتعالى لكن انت ودها وشف وش يقولون لك واستخر الله قبل كل شيء والله يوفقك دنيا وآخره

[قطب 999]

لا تشيك الا بعد 25 سنه بس بنزين وزيوت وقماشات وكفرات

[بدوي جنوبي]

فر من العضيب كفرارك من الاسد

[بنوتميم]

انحش من العضيب حسبي الله عليه
انا معي جي اكس ار والله انه خربان الى هلحيين
ورجعت لهم 3مرات
وكلها خرااااااط في خراااااط
نصيحه تكف لا تروح لهم لاتروح لهم

[أبو فارس225]

طالما سيارتك ما فيها شي نصيحة لا تكشف ( وإذا فلوسك زايده تصدق بها )

[بحر الموده]

العضيب نصابين تخيل اوديهم سيارتي اقول فيه تفه يقولون غير الدزق والكلتش وشريك في هالكلام

[مرقاب الشرق]

زيوت وتشحيم وبواجي وادعس

[فكسه]

هلابك اخوي دايم التشيك العضيب زينه ترصيص موكل فروعه بس لي بالصناعيه القديمه ثانيا بالنسبه لتشيك المكينه كشف كميوتر وعلى فكره تراه ضحك على الدقون واضربلك مثال رحت كشفت على المكينه كميوتر طلعلي احتمالات 1_طربمبه البنزين0 2_منظم البخاخ قيمته (1350)0 4_حساس الهواء قيمته(1400) سمعت التقيم ماعجبني الكلام اقول طيب بغير اذا واحد واحد لقطعه لي اغيره وتصير سلامه عليك يقولي لا وهذ موكلامي كلام الكميوتر ماعجبني الكلام رحت لورشه ثانيه وفقني ربي بفلبيني وريته السياره قال طربه وغيرته وظبط الموتر فهذي نصيحتي لك لاتصدق اي ورشه ثانيا غير طربمه الماء سير لتيمن بكرات المكينه طربه البنزين السيور صليبات الموتر وغير زيت الدفرنس والقير اصلي واسسف على الاطاله وتقبل مروري وارجو اني افتك وشكرا

[جيبي جايزلي]

لا تقرب العضيب ابد ابد

[VIP-503]

السلام عليكم

انا رحت لم مركز صيانك

موقعهم شارع الشيخ جابر : الدوار الثاني من عند قصر ليله حياتي خذ يسار يجيك على يسارك محطة المركز موجود هناك و انا من سكان الحي أي خدمات ترنا في الخدمة اخوك فواز السبيعي و اسمع لازم تجي تتقهوى عندي هذا رقمي 0504278480 تحياتي

[ساري 111]

فر من العضيب فرارك من الأسد ..
قسم بالله نصابين درجه أولى خصوصاً(اقصد اللي بمخرج 15)
******* بغى يلعب بموتري بس لحقت عليه الحمدلله بغيت اتوطاء ببطنه
تصدق اني قاعد على رأس العامل اعلمه وشلون يفك ويربط !!!

واغلب هالعالم المغفله يحط سيارته ويروح ويخليه مايدري وش يسون به ..
وربي ان عمالته خبرتهم صفر وقاعدين يتعلمون .. انا طلعت ماعطيته ريال واكل تبن مارفع السانه .. قلت اخليك تعلم على موتري وتبي فلوس .. عطني قفاك لايجي علمن ثاني

[دايم العز22]

اخواااااااااااااني المكشاتية الف مليون شكر لكم جميعا على حرصكم ونصائحكم لاخوكم الصغير والله يجزاكم خير ويبيض وجيهكم وما هي غريبة علىيكم وما قصرتوا


انا رحت للعضيب اللي بشارع الامام محمد بن سعود وفحص الموتر بالكمبيوتر والحمد لله انه سليم بس الكمبيوتر اكتشف اني ناسخ مفتاح ثاني للسيارة واكتشف ان الدركسوووون مفتوح

وجزاكم الله خير

واخوي vip-503 ابتقهوى انا واياك بس مو بالبيت نبغاها ابا لصماااااااااااااااااااااااااااااان