المساعد الشخصي الرقمي

مشاهدة النسخة كاملة : مراوح السوبــارو ,,, على الـ... ؟؟!


ذيب طي
25/03/2009, 02:33 PM
السلام عليكم ورحمة الله وبركاته
تكفوون ياجماعة الخير اللي يقدر يفيدنا لايبخل ...
معي ددسن 99 ورحت لواحد يشتغل في تزويد السيارات
واقترح على اركب مراوح سوبارو وكني اقتنعت من كلامه ... تكفون اللي مجرب او له خبره يعطينا رايه .. والسعر المعقول لها ... وجزاكم الله خيرا
بوعلي الشرقيه
25/03/2009, 04:01 PM
يالحبيب أنا راعي ترهيم ها الشغله تزيد في عزم السياره بنسبة 1 في الميه أو أقل لاكن لها فايده وحد أبرد علا السياره واجد لاكن حط في بالك لا أخربة وأنت ما نتبهة لا تروح عليك الماكينةوالله يفوق
صحيح
25/03/2009, 04:29 PM
بوعلي وش غير زيادة العزم للسيارة الصوت للمروحة العادية يروح وخاصة لسيارة النيسان (الحنه) واذا تفيدنا ياليت الله يعطيك عافية معليش أخوي ذيب طي خشيت عرض بس شدني الموضوع لأنه فكرت في نفس الحل للسيارتي هايلكس
محمد بن سعيد
25/03/2009, 05:01 PM
انا ركبتها على ددسن كان معي موديل 99 وبصراحة راحة الحنة وزاد العزم شوي
ابو نواف المطرفي
25/03/2009, 07:15 PM
مراوح السوبارو حلووووة جدا وقيمتها مع التركيب تتراوح من 350 الى 500 كحد اعلى
ذيب طي
25/03/2009, 10:29 PM
الله يجزاكم خير ياجماعة ماقصرتوا .............. ننتظر اراء البقية ";)
جيبي جايزلي
26/03/2009, 01:32 AM
مراوح السوبارو ممتازه انا مركبه على باترول بس مع المده والزمن اكتشفت شي خطير اكتشفت ان المراوح حملها الاساسي على الاديتر اقصد وزن او ثقل المراوح ومع مرور الوقت والمطامر في البران بدا الاديتر كل شوي مهرب مع جهه بسبب ثقل المراوح علي الاديتر
ملاحظه اذا فيه احد بيظبطلك المراوح من غير ما يثبتها في الاديتر ممتاز.......
.......انتبه للمشوره تراها ثمينه
بن حويرب
26/03/2009, 01:42 AM
مراوح السوبارو ممتازه
ذيب طي
26/03/2009, 11:32 AM
انا ركبتها على ددسن كان معي موديل 99 وبصراحة راحة الحنة وزاد العزم شوي
يعني العزم فــرق معك واجد ... اقصد يكون ملحوظ ؟؟

وشكرا
سنافي نجد
26/03/2009, 11:35 AM
..

اسأل مجرب ولا تسأل خبير .. :)

انا جربتها على 3 مواتر .. ددسن 94 .. وهايلوكس 2002 .. وباترول 93

ارييييح للسياره .. وتروح الحنه .. وابرد للسياره .. وتحتمي السياره بسرعه (لأنها ماهي بمشبوكه بالمكينه)

اخوي ركب ولا تشاور .. وبتدعيلي إن شاء الله :D

ارجوا اني افتدك .. وبالتوفيق لك .. :)


..
ذيب طي
27/03/2009, 03:39 PM
مشكورين والله يجزاكم خير جميعا ... ماقصرتوا "
يعني خلاص .. نتوكل على الله ونركبها . ان شاء الله ؟
الربذي
27/03/2009, 05:16 PM
انا معي ددسن ودي اركب بس تخبر مشكلة ممكن تخرب عليه وانت مانتبهت تكلفك مكينه وتوضيب وصجة ولجة ...
ركبتها على الباثفيندر 98 صراحة لم الاحظ قوه ابد ابدا ابد لاحظت ان الصوت خف شوي
وانا اهم شي عندي العزم
صراحة مافادت بالعزم على 6سلندر فكيف تفيد على 4 سلندر
وزميلى ركب بالرياض ب500ريال على سفاري اظن مراوح سوباروا وسالته يقول مافرق العزم ابد ابد
لكن البانزين يفرق شي مايستاهل اظن قال 40 كم بالتناكي حق السفاري ..........................
طبع بالينسبة للباث رجعت وركبت حقت الوكالة وايضا لم الاحظ ضعف بالعزم
بمعنى ماتغير شي بالعزم ......تحس احيانا انها اخف ويمكن شي نفسي فقط
وقد يقاس ولكنه غير ملحوووووووووووووووظ ..............
Abu Saad
27/03/2009, 05:45 PM
صراحة موضوع المراوح هذا من كثر ما اقرا عنه اتعجب كثير!
ناس تؤيد وتؤكد الفرق عن تجربة !.
وناس لاتؤيد وتؤكد عدم وجود الفرق وعن تجربة ايضا!!
وشلون مدري.
ذيب طي
27/03/2009, 06:10 PM
صراحة موضوع المراوح هذا من كثر ما اقرا عنه اتعجب كثير!
ناس تؤيد وتؤكد الفرق عن تجربة !.
وناس لاتؤيد وتؤكد عدم وجود الفرق وعن تجربة ايضا!!
وشلون مدري.
والله ياخوي هذا اللي مخليني اشاور الشباب قبل اسوي شي :(

لكن اهل الخبره مايقصرون ان شاء الله ;)
سنافي 00
28/03/2009, 07:24 PM
والله سبق وان قالولي الشباب ركبها .. بس الى اللحين ماركبتها:d
ذيب طي
30/03/2009, 06:13 PM
up up
سبحان الله وبحمده *** سبحان الله العظيم
محمد بن سعيد
30/03/2009, 07:28 PM
والله ما هوب ذاك الفرق بس تحس أن الموتر تنفس احسن من أول
مشاغب شوي
30/03/2009, 09:26 PM
انا جربتها على ددسن 99 .. ماارتحت ابد

مرات تطفي ومرات ماترضى تشتغل .. طبعا مع الزمن تبد الخرابات غير الكتاوت

والبلا اذا خربت وانت بالبر

على العموم ماانصحك ابد وبالنسبه للي يقول يتغير العزم انا اقولك مايتغير ابد

بس الحنه ترووح .. وانصحك بمروحة البلد
يوكن
31/03/2009, 08:18 AM
انا مركبها على شروكي وراحت الحرارة يوقف باساعات والمكيف شغال ولا تتعد النصف ممتازة جداً لها معي سنة ما اشتكيت منها اما الصوت فهذا صحيح ماعاد تسمع حنة المروحة وتصير السيارة خفيفة اخف من أول وبتلاخض الفرق واضح مع احترامي لليقول مافيه تغير الا فيه تغير وواضح بعد تمنيات لكم توفيق ....
بدوري7
31/03/2009, 10:25 AM
السلام عليكم


والله الموضووع حلووو
بس استفسر مروحة السوبارو كم موديل السوباارو ؟؟


انا والله معاي صالون شفر سوبربان 97 وانا لمن اوقف ترتفع الحراره
والظاهر مالي إلا هالمراوح
واعتقد ان المراوح ما تزيد العزم ممكن تخفف الحراااره
ومثل ما قال زميلي اللي قال عن تركيبها بالاديتر
هذا غلط لانه مثل ما قال يصير ثقل على الاديتر


ويعطيكم العافيه
تركي98
31/03/2009, 12:09 PM
انا مركبها على سفاري 99 من حوالي سنه...راحت الحنه وصار صوت الموتر كنه قراند ماركيز هههههه...ووخف الموتر اكثر من اول (مع احترامي للي يقول مافيه فرق) فيه فرق وملحوظ بعد..والدليل كنت امسك به خط القصيم قبل اركب المراوح يالله يجيب 170..وبد ماركبت المراوح والله ينزل تحت 180...وهو طبلونه 180 والله اني امشي به الى 200 ((وعندي صورة للطبلون للي مايصدق :) ))
والحراره صارت ثابته ماترتفع ابد..العام في شهر شعبان كنا نقنص دخل وانزل من الموتر تحت الشجره واقعد لي حول نص ساعه وهو شغال والمكيف شغال وفي عز الظهر ولا تغير الحراره ماشاء الله..طبعا مراوح شد البلد ترتفع الحراره الى حول النص.لكن هذي علاج.
ومن ناحية الخرابات مافيها شي يخرب اصلا هي كلها كم سلك وكتاوت بس...يعني كل سنه شيك على الكتاوت ولا كانك حريص غيرها وبس..
طولنا عليكم يالربع لكن الزبده ركب وتوكل على الله وبتلاحظ خفة الموتر وثبات حرارته وهدوء صوت المكينه.

تحياتي لكم واسف على الاطاله
ذيب طي
31/03/2009, 09:08 PM
مشـــــــــكورين ياجماعة الخير .. ماقصرتوا........... والله يكتب لي الخير ومافيه :cool:
تميمي 1414
01/04/2009, 12:49 AM
السلام عليكم
تركي 98 وين ركبتها لو تكرمت
ذيب الغداري 1
01/04/2009, 10:54 AM
انا مركبها على سفاري 99 من حوالي سنه...راحت الحنه وصار صوت الموتر كنه قراند ماركيز هههههه...ووخف الموتر اكثر من اول (مع احترامي للي يقول مافيه فرق) فيه فرق وملحوظ بعد..والدليل كنت امسك به خط القصيم قبل اركب المراوح يالله يجيب 170..وبد ماركبت المراوح والله ينزل تحت 180...وهو طبلونه 180 والله اني امشي به الى 200 ((وعندي صورة للطبلون للي مايصدق :) ))
والحراره صارت ثابته ماترتفع ابد..العام في شهر شعبان كنا نقنص دخل وانزل من الموتر تحت الشجره واقعد لي حول نص ساعه وهو شغال والمكيف شغال وفي عز الظهر ولا تغير الحراره ماشاء الله..طبعا مراوح شد البلد ترتفع الحراره الى حول النص.لكن هذي علاج.
ومن ناحية الخرابات مافيها شي يخرب اصلا هي كلها كم سلك وكتاوت بس...يعني كل سنه شيك على الكتاوت ولا كانك حريص غيرها وبس..
طولنا عليكم يالربع لكن الزبده ركب وتوكل على الله وبتلاحظ خفة الموتر وثبات حرارته وهدوء صوت المكينه.

تحياتي لكم واسف على الاطاله

مابعد كلام أخوي تركي كلام
وعن تجربه بعد باثفندر93د
عـبـود 911
01/04/2009, 03:53 PM
طيب اللي ركبها على ددسن 99 وش مقاسها صغيرة ولا كبيرة ؟
وبكم سعرها بدون تركيب

قالي بنقالي 2 صغيرة الوحده 120 وبصراحه ما اقتنعت لنه يقول الكبيرة بـ 100 والصغيره 120


وبالنسبة للقاعدة وين افصلها فيه وهل هي سهله ولالا ..؟
ذيب طي
03/04/2009, 12:10 AM
سبحان الله وبحمده ************ سبحان الله العظيم
برنس القصيم
24/09/2010, 05:00 PM
الله يعطيكم العافيه يا أخوان على المعلومات
كنت محتار على تركيب المراوح
وراح اركب مراوح سوبارو
التعـ King ـديل
24/09/2010, 05:48 PM
افضل مرواح على النيسان مراوح المكسيما

خاصه انها شبه شد بلد وتجي سرعتين مثل السوبارو