وش اللي قلب لون الشاهي ..... شي عجيب والله

[عبدالرحمن الحربي]

تذكرون براد الشاهي المحكووووووور حق مسافر1

اليوم زبطت لي الضحوية الساعة 9 الصبح براد مثله عز الله

وكان لون الشاهي مثل اللي في الكاسة اللي مصورها مسافر1 تماما


http://www.mekshat.com/pix/upload/images29/mk19047_xxxxxxxxx.jpg



المهم جلست أصب من البراد وأشرب وأتصفح لي كتاب في يدي اقراه

حتى تقريبا خلصت أكثر البراد \\\\ براد صغير :D


المهم صبيت لي أخر كاسة ولا شربتها قمت اسوي لي شغلة

عاد يوم رجعت محلي يالربع بعد ساعة من صبتي للكاسة

إنهبلت من لون الكاسه


الشاهي اللي كانت ثقله وسط

وجدته صاير لونه أثقل بشكل ملحوض

طبعا الكاسة مصبوبه من البراد يعني مافيه بالكاسه ورق شاهي يثقل لونه

المهم والله وأنا اترك الكاسة واطلع اصلي الظهر

وأرجع بعد الصلاة يمكن بساعة

قسم بالله إنصدمت ياجماعة

وجدت الكاسة سوداااااااااااااااااااااااااااااااء كأنها ببسي :eek:

طبعا ماهو معقول هالشيء لأن ترا دايم يبقى شاهي في الكاسات في كشتاتنا

وفي اإلإستراحة عمرة ماتغير لون الشاهي إلى أسود زي كذا في ظرف ساعتين :confused:



http://www.mekshat.com/pix/upload03/images106/mk92641_dsc00058.jpg


طبعا الشاهي لبتون أكياس

لم يتم طبخ الشاهي سوا فقط دقيقة واحدة أو أقل

والبراد هو اللي بالصورة

http://www.mekshat.com/pix/upload03/images106/mk92641_dsc00059.jpg

وهو من أروع برارريد الشاهي حقيقة


تتوقعون وش السالفة في تغير اللون ؟؟؟؟

[تايتد]

اذا كنت مصلح الشاهي بموية صحه يتغير

او مصلحه من موية المطبخ مباشره ويكون فيها كلور يتغير برضه000

[عبدالرحمن الحربي]

اذا كنت مصلح الشاهي بموية صحه يتغير

او مصلحه من موية المطبخ مباشره ويكون فيها كلور يتغير برضه000


أصلا لي خمس أو ست سنين مستحيل أسوي شاهي أو قهوة من ماء الحنفية

لو إني ميت على الشاهي أو القهوة لو أيش ما أسويها منها

فقط أسويها من ماء الصحة

رغم هذا عمرة ماشفت لون الشاهي قلب كذا

حتى في البيت عند معروف أهلي دبات الماء 6

خمس للبرادة ووحدة تروح المطبخ لعمل الشاهي والقهوة منها

ماء الحنفية صح نعمة ولله الحمد





لكن عندي ماء الحنفية فقط للغسيل لكن ليس للشرب أبدا :no2:

[سوالف]

بصراحه غريبه يتغير الى هذا اللون الغامق جدا

وخصوص شاي لبتون لانه في الغالب لونه مايتغير من اول صبه الى اخره

إحتمال الماء المستخدم فيه شي والله أعلم

[saadqc]

غريبة صراحة يتغير لونه لا واسود بعد ؟

[عبدالرحمن الحربي]

طيب ياجماعة أنا والله إني شاك في الموية الصحة اللي استخدمتها

لكن ما ودي اقول اسمها

وأشهر في شركة وحلال مسلمين على شكوك

أبي واحد يتبرع

أعلمه اسم الموية اللي استخدمتها على الخاص

ويسوي شاهي منها

ويطبق الطريقة ويجرب

إن تغير لون الشاهي معناته فعلا إنه من نوع الشركة حقت الموية

[mrayman]

والله غريبة تغيرها للون الاسود كذا ؟؟
ان شاء الله تلاقي المشكلة فين

[حرب]

اليبتون لاعتبره شاهي
لملاحظتي عليه ببعض الاشياء
ومنها السواد الذي ذكرت
ومنها لو تلاحظون ان شرب شاي اليبتون على الريق يسبب حرقان اي (حمو)
وتقبلوا مروري00

[شعيب فياض]

إحتمال طريقة تخزين الموية غلط بمعنى تعرضت لأشعت الشمس مباشرة
وهذا يحوس الموية إذا كانت معبأة في جالون اصله بلاستيك
تأكد من ذلك ولا يمنع تسوي براد ثاني من جالون اخر و تحكم على منتجات الشركة ولا تستعجل في الحكم

[التوحيدي]

شكل البلاء في الشاهي
يمكن فيه مواد تفاعلت مع الهواء أو النور وتغير لونه

[أبو غتادة]

يمكن هذا بيبسي.. صابه واحد.. علشان يسوي فيك مغلب...

تحياتي

[عبدالرحمن الحربي]

يسعد مساكم

اليوم العصر كنت رحت أزور عمتي في بيتها

كانت مريضة وتعبانة

وكنت أسولف لولد عمتي وهو يصب لي الشاهي عن هالسالفة

وكانت عمتي تسمع كلامي قالت عمتي وهي يالله تهرج

إذا كان ابريقك ستان ستيل اللي تهرج عنه

فهو دايم يسود و يصير لونه أسود

قلت والله إنه ستان ستيل

قالت ياما شريت منها هالأباريق ورميت أغلبها تسود في الشاهي

لكن إذا تبي إبريق لك يوم تجلس تقهوى في البيت خذ من الأباريق الصيني

والله وأنا أطلع من عندها من الربوة وعلى محل قصر الأواني على خريص وأخذ

هالمزيووون :D

http://www.mekshat.com/pix/upload03/images105/mk92641_dsc00061.jpg



لكن والله ياهو غالي :mad:

سعره 32 ريال

[يحيي بن حمد]

البلاء100%من الكلور الي في المويه

[ع. بن عمار]

السلام عليكم ورحمة الله وبركاته
شف يا الغالى لا تحكم على الإبريق بهل السرعه لانه غير صحيح انه يسود الشاهى انا قبل لا اقراء موضوعك وانا اتقهوى من ابريق كورى نفس شكل الغظار هلى انت اشتريته ولا سود الشاهى ولا شئ(وللمعلوميه ورق الشاهى ما زال فيه)
اتمنى انك تصلح شاهى مره ثانيه وتحط البياله فى مكان مرتفع بحيث محد يقدر يوصله غيرك وان شاء الله تشوف انه ما يقلب لونه
لان لو انه ينقلب لونه كان متنا كل ابونا لان غالبية الناس يستعملون الساتن ستيل في الطبخ والشاهى و و و...الخ
الله يبارك لك فى الغظار هلى اشتريته ولو انك شاريه وارد سعد حباب الجبر كان ازين بس هلى اشتريته زين بعد

[أبشروا بالخير]

متأكد أن اللي في البيالة مهوب بيبسي؟؟؟؟؟؟؟

[محمد الحماد]

من خلال تجربة
لادخل لللإبريق في تغيير لون الشاي بعد ما تصب الشاي في البيالة
اللون الموجود في البيالة بعد صبه في البيالة المفروض إنه ما يتغير
هناك سر في الموضوع ولايمكن أن يبحث عن السر إلا أنت يالحبيب

لك شكري

أبوسفيان..

[هطليس]

اللي أعرفه إنه المويه هي اللي له دخل في تغيير اللون مثل ما قال أحد الأخوان
إذا كان من الحنفيه أو تحليه

[ببسي1]

اخوي انا دايما اذا صبيت الشاي وخليته يبرد يتغير لونه واستخدم ماء من الصنبور عادي والشاي لبتون او اي نوع واحطه في الترمس مباشره ولو خليته في الترمس برضو يتغير لونه اعتقد انه من التاكسد من الهواء وان شا الله ما يكون شي ثاني الله يستر علينا

[عاشق ماجدونا]

بس معلومة بسيطة بعيدة شوي عن الموضوع اللغز

الشاهي لاتشربه على طول من حين ينصب لك اتركه شوي ..

حتى لو كوب من البوفية كيس ليبتون اتركه شوي الين يركد

لو انشرب الشاهي مباشرة وهو خفيف وطعممه ما يسبب حرقان بالحلق وحموضة

بالنسبة للموضوع غريب جدا ...

لو قلت الكيس حق الليبتون بالبيالة يمكن اقولك ركد وصار ثقيل ..

بس انت ذقته ولا بس ناظرته يعني تاكدت ان الاسود اللي قدامك شاهي

اقولك من خبرة مستحيل هالشئ يصير ان لون الشاهي يقبل كذا

الا فية شئ ...

في الاخير انت جرب ثاني مرة وشوف ..

وغير البراد بعد كل مرة ...

الين تعرف ويش السالفة ...

انا احس ان الليبتون من فترة متغير ما هو الشاهي اللي اعرفه بصراحة

وصاير يسود بسرعة ...

اسف على الاطالة

دمتم

[الطرفاوي@]

سبحان الله الى نعرف ان الماء هو الذي له دور فيى تغير الون

[ام الجوري]

البريق هو اللي سود الشاهي بس ما ادري البريق هذا هو اول تصليحه للشاهي يعني جديد ولا قد صلحت فيه؟
اول مانشتري بريق نصب فيه مويه حاره بعدين نكبها
فأول ماتشتريه لازم تحط فيه مويه مغليه وشوية ورق شاهي بعدين تغليه شوي ثم تطفي عنه وتخليه ليما يبرد بعدين تكبه ثم تصلح فيه عادي
......
ان شاء الله اكون افدتك .

[سسته]

الشاهي طايح فية شي ...

[سعود الحربي]

نصيحه خذ ابريق ستانستيل ابن شيهون ورايح تدعي لي لكن تراه غالي

[هاوي3333]

اخي العزيز :
الشاي الليبتون كان زمان طيب اما الان فصاروا يلعبوا في تركيبته وخاصه ام فتله يعني المطحون حيث انه والله العالم يضيفوا صبغات ملونه تعطيك لون احمر فامكن الصبغة زادت شوي
ونصيحة اخوي خلك في الشاي الوررررررررررررررررررررررق اضمن وخاصه شاي ربيع على كيف كيفك

[ريح الرمث]

اخي العزيز :
الشاي الليبتون كان زمان طيب اما الان فصاروا يلعبوا في تركيبته وخاصه ام فتله يعني المطحون حيث انه والله العالم يضيفوا صبغات ملونه تعطيك لون احمر فامكن الصبغة زادت شوي
ونصيحة اخوي خلك في الشاي الوررررررررررررررررررررررق اضمن وخاصه شاي ربيع على كيف كيفك
نفس الكلام
وبالنسبة للابريق ماله دخل ( الشاهي بالبياله )
والله أحترنا الدجاجة أصل البيضة والا البيضة أصل الدجاجة ههههههه ياحليلكم :)

[حوات جده]

هو شاي بس طفش فصار ببسي

[ترهيم]

السلام عليكم

اخوي والله انا سامع باشاعه ركزوووو اشاعه ماني متاكد منها بس بجرب واشوف اليوم ان شاء الله ..

انا سامع ان فيه انواع من الشاي الي يجي في اكياس مثل لبتون وطقته انهم يضيفون كميه قليله من (( الحناء )) من اجل اللون ياجماعه اشاعه ماني متاكد منها ...

يبيلك تجيب القليل من الحناء وتضعه في مويه وتاخذ مويته فقط وتشوف بعد فتره هل تسود من حالها او لا اعتقد انه يسود وبقوه ...

انا والله ماحط بذمتي اشاعه سامعها من فتره وبعدها ماستخدم إلا ورق كامل والحمد الله اطعم ..

[رٍسِـــلآنٍ ٱلدُفُــٱع]

والله انا اشوف الموضوع دعايه للابريق الثاني

[ام الجوري]

صدقوني يا اخوان الإبريق هو السبب وانا مريت بنفس الحاله وبنفس الإبريق لازم تخدر فيه اول

[ابوعبدالهادي]

الابريق السبب

المفروض تسوي شاهي3 مرات وتطشة حتى تروح صبغة المصنع واتوقع الابريق صيني وهو سبب تتفاعل الاستيل السيء مع الماء والشاهي

[rami52]

نفس الشي صار معي في ابريق كوري الى الان اكثر من خمس مرات اخلي ام العيال تسوي الشاهي فيه ثم تكبة وكل مااللون يخف احد عنده طريقه ينفعنا فيها؟

[فنجال شاهي]

والله صارت لواحد من الربع مع شاهي لبتوووون

[العاذر]

يا أخوان الشاهي اللبيتون ما ينفع ابدا
هو للإستخدااام السريع فقط
ومضاف له نكهة والا ما ينفع
لوووووون فقط
يعني الناس ما خذين فيه مقلب
لأن دعايته قويه

[يا سلام سلم]

عينو خير ،،، وصلو على محمد ،،

كل اللي قالوا ان الابريق ماله دخل ،،، يعذروني

لان لي وجهة نظر ،،

شريت ابرق السنيدي ستيل ابو شخال ،،

وكنت ابيه للعمل ،، شافته الوالدة الله يمتع بها ،،

القت عليه نظره قلبته يمين يسار ،،

قالت تراه يقلب الشاهي ،،، ويخلي لونه اسود قلت وش لون ؟؟

قالت تمر ولون وانا علمتك ،،، قلت طيب ،،
الايام بيننا يا ام سلام سلم ،،:D

وفعلا : البريق غير الشاهي وقلب لونه اسود ،، مع العلم انه شاهي ربيع
،،،
ادري بيقولون ما خدرت فيه شاهي ،،،

خدرت فيه شاهي مدة 12 ساعة وهو يطبخ على القز الكهربائي ،،

لكن بدون فايدة ،،،

اذا طول شوي الشاهي يقلب ،، لو انه في البيالة ،،
اصب في الكوب شاهي اصفر مائل للاحمرار والقاه بيبسي مصبوب عليه شوي ماء ،،

واذا بغيتوا تجربة ابشروا عقب العيد ،،،

عندي طقم ابن شيهون ، وعندي واحد في العمل ،، لو تخلي الشاهي يومين ما سود ،،،

لكن يصير لونه ابيض بسبب الاملاح اللي في الموية ،، وهذا ماله دخل في الابريق ،،

تقبلوا المرور ،،، واعذروني على الاطالة وعلى الاخطاء ،،

كلن يعد ما واجه ،،،

[عبدالرحمن الحربي]

والله إني تفجأت إن النقاش في موضوعي هذا لازال قائم :D

لأن الموضوع منزله من سنة ترا :D

لكن الله يعطيكم العافية شباب

لكن والله المشكلة في البعض منا الله يهديه إذا لم تحصل له التجربة ولم يقف عليها

ينكرها تماماً ولا يقبل حتى فيها أدنى نقاش

وهذا شيء خطأ

[أندلسي]

انا مشكلتي غير مشكلتكم

لا صبيت كوب الشاي وتركته ما شربته فترة
قلب شاي بحليب مهوب شاي
هل هو الماء السبب؟؟
علما ان الماء ماء مصنع تحلية
:D

[abo-saleh85]

الشاهي اللي بالبراد تغير ولا بقى على نفس لونه؟؟

[الحربي حاتم]

بسم الله الرحمن الرحيم
شيئ غريب حقيقة

[خليل909]

انا مشكلتي غير مشكلتكم

لا صبيت كوب الشاي وتركته ما شربته فترة
قلب شاي بحليب مهوب شاي
هل هو الماء السبب؟؟
علما ان الماء ماء مصنع تحلية
:D

كلام سليم هذا طال عمرك تحصل في الشاي التلقيمه الحين فوح الماء على النار واذ صار الماء يغلي حط في بياله شاي ورق وكب فوقه مويه وصفي المويه في بياله ثانيه وخلها نص ساعه وشف وشلون تصير ... شاي حليب خالص .

[كاريرا]

عندي تعليق بسيط

للناس اللي يستخدمون ليبتون او ام قراطيس

نادرا ماشرب من شركة لبتن وبرضو الربيع هم نفس الانتاجية باسم ثاني

انصح الجميع بورق ابو جبل يماني من الامطار بدون مواد حافظة ولا منكهه مثل اللبتون

وين ماروح ماشرب الا ابو جبل صحيح غالي بس يكيف المزاج وتحس بنكة الشاهي وطعمة مع اني احبة وسط

بخصوص الابريق اللي يغير اللون هذي اكيد امراض انا مالي ومال التجارب اترك الستيل وخلك ع الحديد اضمن

[أندلسي]

الشاهي اللي بالبراد تغير ولا بقى على نفس لونه؟؟
لا يبقى على لونه
اللي يتغير اللي في الكاسة طال عمرك

كلام سليم هذا طال عمرك تحصل في الشاي التلقيمه الحين فوح الماء على النار واذ صار الماء يغلي حط في بياله شاي ورق وكب فوقه مويه وصفي المويه في بياله ثانيه وخلها نص ساعه وشف وشلون تصير ... شاي حليب خالص
انا طريقتي احط الماء والشاي مع بعض ثم اولع النار الهادية





عندي تعليق بسيط

للناس اللي يستخدمون ليبتون او ام قراطيس

نادرا ماشرب من شركة لبتن وبرضو الربيع هم نفس الانتاجية باسم ثاني

انصح الجميع بورق ابو جبل يماني من الامطار بدون مواد حافظة ولا منكهه مثل اللبتون

وين ماروح ماشرب الا ابو جبل صحيح غالي بس يكيف المزاج وتحس بنكة الشاهي وطعمة مع اني احبة وسط

بخصوص الابريق اللي يغير اللون هذي اكيد امراض انا مالي ومال التجارب اترك الستيل وخلك ع الحديد اضمن

اممممم بنجربه

[تكاشف ابروقها]

اشك في الابريق مليون الميه

[سفير القدس]

اليبتون لاعتبره شاهي
لملاحظتي عليه ببعض الاشياء
ومنها السواد الذي ذكرت
ومنها لو تلاحظون ان شرب شاي اليبتون على الريق يسبب حرقان اي (حمو)
وتقبلوا مروري00



صدقت يخوي البتن عبارة عن لون صناعي احذر منة تراه خطير ومضر بصحة

[ابويوسف452]

ادري ان الموضوع قديم 2009 لكن المشكله مازالت قائمه !!
انا استعمل شاي ربيع تلقيمه (تسثح ) والابريق ستيل كوري وصار طعم الشاي تحس فيه شي غريب زي اللذعه او قرصه مب نفس طعم اول والبياله اذا صبيته وخليته تبرد كم ساعه يصير شاي بالطين :no:
واخيرا لقيت الحل لكن متعب شوي .. صرت قبل ماحط الورق بالبريتز اغسل الورق بماء ضغط قووي شوي كم دقيقه والحمد للـه رجع مثل اول
يعني الزبده الشاي مغبر ولازم تغسله قبل ماتحطه