المساعد الشخصي الرقمي

مشاهدة النسخة كاملة : ألو محل الرماية السلام عليكم...!


SE.3500
26/03/2009, 03:44 PM
السلام عليكم


يا جماعة الخير لي (فوق الشهرين) وأنا أدق على الرماية


السلام عليكم


وعليكم السلام


لو سمحت وصلت مساعدات الدركسون للباترول 2008-2009


لا والله باقي لها أسبوع اسبوعين


طيب شكرا مع السلامه


وش الحل يا جماعة والله ياهم ذلونا لأن مساعد الدركسون 2007 ما ركب


على 2008و 2009


هل فيه محل غيرهم يبيعهن؟؟
ابوسليمان99
26/03/2009, 03:50 PM
الله يعينك والقهر انا قبل اربع ايام شريت مساعدات قدام ورائ طقم

بالف وثلاث وبعد ثلاثة ايام رجعت ابشتري مره ثانيه اصبحت بالف واربع بزود مائة ريال

لكن خابر عند برق الحيا وهم اتبعوا الرمايه بعد في رفع الاسعار

ويقول نزلنا بضاعة جديده وارتفعت الاسعار واذا دققت تلقاء

الاستكر القديم وين كلامهم جيبين بضاعة جديده

موقع برق الحيا في طريق الميه مخرج 15 الدائري الشرقي

اذا ماقالولك مخلصه
الله لايربحهم امين
النفوذالكبير
29/03/2009, 11:51 AM
مساء الخير اخوي se.3500
اذا رحت محلات الرماية اسأل عن هذا الرقم للمساعد omesb 01
سعرة اعتقد 325 ريال وشوف يركب معك ولا لا
محمد بن سعيد
29/03/2009, 01:33 PM
انا احتريهم يجيبون يايات فورتشنر وكل يوم يا حمد باتسر
جيبي جايزلي
29/03/2009, 01:57 PM
هاذا واحد عنده محل لوازم السيارات جيد
دق عليه وا ساله عن اللى تبي 0500005919
وبالتوفيق للجميع
ممتر البران
29/03/2009, 02:00 PM
يا ابن الحلال اطلبه طلبيه من عندهم اي شي يعجبك بالنت اطلبه
وريح نفسك قاعد تحت رحمتهم تحتريهم يجيبونه من نفسهم اطلبه وارتح
SE.3500
17/04/2009, 07:28 PM
هل فيه بديل ممتاز لمساعداتهم يا جماعة الخير؟

وش لون أطلبه يا ممتر البران؟
لاتكب البيالة
17/04/2009, 07:39 PM
يا جماعة طيب القطع ذي وراه ما تجيبونه من الامارات انا اقترح يفتح موضوع بهالقسم وتطلبون اللي تبون وواحد يتكفل يجيبهن من الامارات وتعطونه حقه
يا جماعة تصدقون واحد شاري مراوح سوبارو جديدة من الامارات ب 25 ريال للحبة وجنوط مرسدس طقم ب 300 ريال وحولة واللي تبون موجود لو تبون كفرات طيارة
فكرو برايي:d
يحيي بن حمد
17/04/2009, 07:47 PM
الله يكون بالعون
عاشق الهدد051
17/04/2009, 08:02 PM
الله يعينا عليهم يبغالهم مقاطعة
Khalid Qatar
17/04/2009, 10:03 PM
بالتوفيق ياخوي
طلحة الجودي
17/04/2009, 10:31 PM
الله يكون بعونك
طلحة الجودي
17/04/2009, 10:33 PM
بالتوفيق للجميع
عبدالسميع
18/04/2009, 12:08 AM
السلام عليكم انا توني شاريهم من الرمايه الي بالحفر 5 معاونيات بالف وسبعميه وثمانين
1780 ريال بس الأسترالي الاصلي .
نصيحه لاتشري معونيات اولد مان من الامارات لان الدقليد منتشر عندهم بكثره وماتسوى تقط فلوسك على تقليد .
جرب معوني سكان حق الاندكروزر .
ابونحت
13/09/2009, 07:52 AM
السلام عليكم ...........لاتترجاهم اذاكنت تعرف الشارع اللي عليه محل الرمايه تعده وابتل الين تجيك محطة نفط ادخل فيه محل 4*4فيه فلبيني راح يقولك انها تركب وراح تشوف بعينك انها ركبت ..واذاركبته وباقي فيه رجه خفيفه نصيحة اخو رصص عند وكالة بريجستون اللي تحت كبري الخليج120ريال وان شاء الله تشوف الفرق ..بالتوفيق(كلام مجرب)ملحوظه:الترصيص من جوا لزق .:good: :good:
بن رخيص
25/05/2012, 05:57 PM
مطلوب يايات اللفونتشر الي يقدر يخدمنا يردلي على الخاص
التعـ King ـديل
25/05/2012, 09:15 PM
السلام عليكم ...........لاتترجاهم اذاكنت تعرف الشارع اللي عليه محل الرمايه تعده وابتل الين تجيك محطة نفط ادخل فيه محل 4*4فيه فلبيني راح يقولك انها تركب وراح تشوف بعينك انها ركبت ..واذاركبته وباقي فيه رجه خفيفه نصيحة اخو رصص عند وكالة بريجستون اللي تحت كبري الخليج120ريال وان شاء الله تشوف الفرق ..بالتوفيق(كلام مجرب)ملحوظه:الترصيص من جوا لزق .:good: :good:

محل 4×4 هو نفسه الرمايه
abo naser 1
25/05/2012, 09:55 PM
محل 4×4 هو نفسه الرمايه



صحيح كلامك اخوي هو تابع للمعرض حق الرماية بس المعرض دائماً يعطونك معلومات مغلوطة وصارت معي

لآكن الفلبيني والهندي الي في ورشتهم يعطونك العلم وهم الي يركبون
Salamah.y
26/05/2012, 01:29 AM
ياخي لا تنتظرهم , عندك النت بحر ماله ساحل
ابحث عن اللي تبيه و أطلبه , أكيد بتحصله أرخص بعد

,

الله يعيننا وياك عليهم و شاكلتهم
RW7..ALBDAWA
26/05/2012, 01:37 AM
نصيحـه يآخوآن اسمعوهآ مني ترى مسآعد االدركسون الاسترآلي مآهو افضل من مسآعد الدركسون جبريآل

انآ ركبت مسآعد دركسون استرآلي ركبته على اسآس تروح الرجه اللي بـ موتري لأني مركب بآلون

المهم يوم ركبته لا والله الرجه مثل مآهي ورحت وشريت مسآعد دركسون جبريآل الا واشوف الرجه بدت تخف عن اول
قلت دآمهآ خفت خلني بدبل مسآعد دركسون جبريآل ثاني يعني يكون عندي اثنين مسآعدآت جبريآل ويوم دبلتهآ ماشاء الله صآرت الطآره تقول المآني ولا اعرف الرجه الحيـن مع اني مآرصصت ترصيص ارضي ولا اي شي بس دبلت مسآعدآت

وماشاء الله لا اله الا الله الموتر من احسن مآيكون نيصحه يآخوآن دبلو مسآعدآت جبريآل وفككوكم من الاسترآلي ولا بدآل لاتركب استرآلي ركب جبريآل ورآح تدعولي

المحل اللي دبلهآ لي صنآعيه 17 كل شي على المحل المسآعد زآئد تلحيم كرآسي بـ 180 ريآل
hamad4499
26/05/2012, 03:13 AM
يالربع انا شاري اليايات والنساعدات من الامارات بالفين ريال وعند الرمايه ب 3800 حقت الاند كروزر 2011 والله فرق ومجربها لها معي ثلاث شهور مقناص وطرد وكرف مافيهن الا العافي والله اعلم لونها مقلدات بس الكتابات الي على الكرتون تقول انها اصليه والله ماندري بس ماشالله عليها احمل العزبه واقنص واطرد مافيها الا العافيه ونا شاريها من سارع البي ام في دبي
النهر الجاري
27/05/2012, 06:40 PM
فيه محل اتوقع انه عنده اسمه 4500

الوصف العثيم مول الربوه قبله شارع سايدين ادخل منه وبتل سيده تلقاه محل صغير واللي يشتغل فيه قصيمي
Cyber
27/05/2012, 06:51 PM
الله يخلي النت
بلا رماية بلا بطيخ