المساعد الشخصي الرقمي

مشاهدة النسخة كاملة : أبي اروح للنويصر لتربيط جيب سفاري 2000


ورد الربيع
27/03/2009, 10:35 AM
يا إخوان من يدلني على ورشة تربيط صح بالرياض ابي اربط القزاز والربلات ابغيرهن
وهل عندكم نصائح للقرقعة اللي بالسيارة من تحت هل هي جلب وهل النويصر يركب ربلات
غير الوكالة لأني سمعت إنه يدعم البدي بربلات من عنده وما هي اسعار النويصر وش معنى
تربيط - تضمين وبماذا تنصحوني ابي الموتر ما يقرقع مع العلم ان قرقعته خفيفة ;)
انا من شمال المملكة وسوف اسافر بناء على ردودكم ونسيت اسال كم يوم ويخلص الموترعند النويصر
وهل هناك ورش افضل منه ؟
قاطع الفيافي
27/03/2009, 01:12 PM
هلا اخوي ور الربيع ورشة النويصر تربيطها ممتاز بس سعره غالي بس الباب الخلفي 150 ريال
يوزنه ويظبطه ظبط موقعه بالصناعية القديمة بالرياض بس كم يوم الله اعلم على حسب التربيط
اللي بتربطه انت القرقعه يمكنه من جلد مقصات معنى تربيط اي شي متخلخل هههه متعوب عليها
يربطه لكي يتماسك
لعلي افدتك
alsarm2004
27/03/2009, 01:20 PM
حياك الله اخوي ورشة النويصرسبق وان ربطت عندهم سفاري وخبري بهم شغلهم نظيف وسريع انصحك بها ان كان ماتغيروا عمالها القداما وفيه ورشات غيرها للتربيط مثل ابن مرضاخ ولكنه زحمه وله زبائن خاصين وكلهم في الصناعية القديمة خلف وكالة العيسى من الجنوب وانا حاضرأخي اي خدمة
عاشق وسم
27/03/2009, 01:28 PM
بعد إذن صاحب الموضوع


يا إخوان هل فيه أحد مجرب التربيط ؟؟

أنا رجت لكم محل في الصناعيه القديمه زقالوا لي التربيط يـ 150 - 250 في كم محل طبعآ

وهل تغير موترك بعد التربيط ولا لا ؟ (( مهم ))

لأن موتري شروكي متفكك تفكك الله يستر ترقى عيون القطط تقول المكينه بتطيح ههههههه

الله يعافي الي بيجاوبني تكفون
alsarm2004
27/03/2009, 01:41 PM
أخي العزيز التربيط مامنه ضررللسيارة وفي الورش المشهورة مثل ورشة النويصروابن مرضاخ تجيهم السارة اصفارويقومون بتضمينها فا انت لاتروح للورش العادية وينصبون عليك ويدخل تحت السيارة ويقول ربتها لك روح للورش المتخصصة في التربيط والتضمين مثل النويصروابن مرضاخ وهم عارفين شغلهم على خبري بهم وانا في الخدمة اخوي
هااااوي البر
27/03/2009, 01:53 PM
اخي الكريم انصحك تروح لورشة بن مرضاح صراحه شغلهم ممتاز انا قبل شهر
مودي سيارتي عندهم ومسوي لها تشييك كامل وسئلتهم عن التربيط قال لي 2200
وهذا رقم المهندس اسمه احمد0551413034
قنوع
27/03/2009, 05:40 PM
السلام عليكم

بالنسبة للنويصر شغلهم ماشاء الله تبارك الله

انا جربتهم قبل فتره بجيب فكسار والموتر تغير

طبعاً نظامهم يشيك على الموتر وبعدها يقول لك الموتر يبي له كذا وكذا(((((((طبعاً بعد ما تتفق معهم على قيمة التربيط.................موتري كان مفكك الصراحة واتفقنا على 1500 شغلهم...................واحتاج الموتر اصلاحات ب3500 ))))))
المراد
عندهم عدة شغلات ممتازة

تضمين الابواب.................والشمعات والانوار......والصدامات........... وحشو الربلات ..............وتسكير الفتحات اللي يخش معها الغبار
(((((( أول بعد كل كشته اصير انا وربعي كننا حفارين قبور.........وانتهت المشكله ولله الحمد))))))))

المراد ان شغلهم ممتاز واقل من بن مرضاح..........لأن عليه سوق اكثر

الموتر جلس عندهم 2أو 3 ايام ما اذكر بس لأن تصليحاته واجد

بس الحق ان الموتر جربوه اخواني قالوا هذا اكيد موترك................

واي خدمة حاضر على الخاص واذا تبي رقمهم ابشر
وسيع البنايد
27/03/2009, 08:36 PM
هذا رقم النويصر وخذ من راسه بالتوفيق

0505232097
فرغالي
27/03/2009, 08:43 PM
انا اقوله وبسراحه النويصر غالي غالي مره جبت جيب ربع قالي اربطه فوق الاف ياخوي ويييين والله لو توضيب
ورحت لم ورشه ثانيه اخذ 500 وقالي لايردك شئ وفعلن الموتر صار حصات ماشاء الله ولا صوت
BlackKnight
27/03/2009, 09:02 PM
انا معي لاندكروزر 2003 من يوم شريته ماربطته ابداً وودي اربطه وسمعت عن ورشة النويصر
بس كم بيكلفني تقريباً؟

وهل هي كويسة ام لا؟
Black VTC
27/03/2009, 11:08 PM
شف وانا اخوك النويصر اقل سعر عندهم هو 1200 ريال وطالع + سعر الشدادات والليات و الربلات و السيلكون ... الخ ..

طبعاً عشان يخفف عليك الرجة حقت البدي راح يركب لك على بين الصامولة اللي تربط ربلات البدي و الشاص ( سيور ) او قطع من سير كبير يسيمها سيور عشان يشد الموتر و يخلي الربلة شادة على البدي وتمتص الصدمات ... في اعتقادي ان الشغلة مؤقته ذي واذا تبي نصيحتي اشتر لك ربلات للبدي عدد عشر ربلات .. في الامام عند الصدام الامامي ثنتين متشابهات ... ثم يجي بعدها ثنتين شكل آخر تحت باب السائق و مساوية للقير ... ثم يجي بعدها اربع شكل آخر تكون اكثر ليونة بدون حديد ... ثم في مؤخرة الموتر ثنتين اشد واقوى من اجل التحميل ... سعر الطقم كامل بحدود 1000 ريال او يزيدن ... ويبيلك تجمعهن قبل لا تروح للنويصر لان الوكالة ما توفرهن الا بالطلبية ... هن يرجعن الموتر ناااااعم و خفيف و بدون طقطقة ...

بالنسبة لتربيط القزاز عند النويصر ما راح يرجعن زي شد البلد بدون رجة او ميلان ولكن هو يشدهن شي بسيط ...

اخيراً ممكن تلاحظ الموتر يشد شوي و يصير فيه رجة بسبب تغيير الربلات حقات الشدادات و يبي لك تمر على ميزان يضبطه لك ... و انصح بورشة البادية قريب من النويصر وهم يدلونك ...

الموتر لازم يقعد عندهم يومين اقل شي يعني يبات ليلة عندهم ... وهذا حسب الزحمة لو ما صار عندهم احد ممكن تجيبه لهم الصبح الساعة ستة و يخلص مع اذان المغرب ...

ما زلت اركز على تغيير ربلات البدي و عدم تزويدهن بسيور لان السيور مدتهن اقل و فيه خطورة على اتزان بدي الموتر ...والربلات سعرهن حدود 1000 ريال و فني النويصر ينصح بالسيور ( اقل شغل ) وانا ضدة 100% لان الربلات اخذن عمرهن وجاء وقت تقاعدهن باخرى جدد ..
BlackKnight
28/03/2009, 11:27 PM
يعني اربط عندهم ولا لا
قاصد الصمان
29/03/2009, 12:05 AM
بالنسبة لتدبيل لربلات اللي يضعوها مع الكراسي يشتكي منها الكثير انها بعد فترة يكون لها صوت
NissaN 1990
29/03/2009, 03:25 PM
أخوي ورد الربيع بالنسبه للنويصر موقعهم بالصناعيه الداخليه مخرج 17 بالرياض
وشغلهم ممتاز بس غالي
بس فيه طريقه سويتها بموتري وفرت على نفسي وقت وفلوس وهي أني أعرف يمني شايب يمني في الصناعيه متخصص في التربيط وسعره رخيص مره المهم وديت له السياره وخليته يربطها لي من تحت ويركب جلب يسمونها خنازير عنده موجوده في المحل وهي تركب مع جلب الغماره حقت وكالته وخليته يربطه لي من الصدام إلى الصدام وربط لي الكبوات وداخليه والشكمان وكل اللي تحت السياره ،،،، كل هذا بسعر 250 ريال وبعد هذا كله وديته للنويصر وأتفقت معهم على وزن الأبواب مع حشو جلب الأبواب ليات مكيف عشان ما يدخل هواء وتربيط داخلي السياره فقط والخارجي ما لهم شغل فيه وقالولي 700 ريال يعني طلع شغلي كله 950 ريال
وفيه واحد من العيال معه نفس جيبي مربطه عندهم قبلها بفتره بسيطه ماخذين عليه 2500 ريال شف كم وفرت ونفس التربيط بالظبط ،،،،
فأنصحك تربط عندهم داخلي السياره فقط وتوزن الأبواب والباقي تشوفلك ورشه زينه ورخيصه وتربط عندهم ،،،



أتمنى لك التوفيق وإذا بغيت أي شي أنا حاضر ،،
فاقد الديرة
29/03/2009, 03:45 PM
أخوي ورد الربيع بالنسبه للنويصر موقعهم بالصناعيه الداخليه مخرج 17 بالرياض

وشغلهم ممتاز بس غالي
بس فيه طريقه سويتها بموتري وفرت على نفسي وقت وفلوس وهي أني أعرف يمني شايب يمني في الصناعيه متخصص في التربيط وسعره رخيص مره المهم وديت له السياره وخليته يربطها لي من تحت ويركب جلب يسمونها خنازير عنده موجوده في المحل وهي تركب مع جلب الغماره حقت وكالته وخليته يربطه لي من الصدام إلى الصدام وربط لي الكبوات وداخليه والشكمان وكل اللي تحت السياره ،،،، كل هذا بسعر 250 ريال وبعد هذا كله وديته للنويصر وأتفقت معهم على وزن الأبواب مع حشو جلب الأبواب ليات مكيف عشان ما يدخل هواء وتربيط داخلي السياره فقط والخارجي ما لهم شغل فيه وقالولي 700 ريال يعني طلع شغلي كله 950 ريال
وفيه واحد من العيال معه نفس جيبي مربطه عندهم قبلها بفتره بسيطه ماخذين عليه 2500 ريال شف كم وفرت ونفس التربيط بالظبط ،،،،
فأنصحك تربط عندهم داخلي السياره فقط وتوزن الأبواب والباقي تشوفلك ورشه زينه ورخيصه وتربط عندهم ،،،




أتمنى لك التوفيق وإذا بغيت أي شي أنا حاضر ،،
ممكن توصفلي الورشة الي ربطت عندة مو نويصير الثاني

وشكراااا وجزاك لله خير
NissaN 1990
30/03/2009, 12:26 PM
ممكن توصفلي الورشة الي ربطت عندة مو نويصير الثاني

وشكراااا وجزاك لله خير


تم الرد على الخاص
طالب رزق الله
30/03/2009, 04:31 PM
تم الرد على الخاص


وياليت أنا بعد أنا موتري يحتاج تربيط من تحت بس
وشاكر لك ومقدر
أبوجواهر
30/03/2009, 05:15 PM
على فكرة انا معى نفس موترك سفارى مديل 2000
كان ثقيل مرة نصحنى الوالد اغير الكنداسة بكنداسة جمس او يوكون

والصراحة تغيير الموتر صار خفيف ,, وبمكن اركب له فلنجات اللى تفصل الدبل.
NissaN 1990
30/03/2009, 05:45 PM
وياليت أنا بعد أنا موتري يحتاج تربيط من تحت بس
وشاكر لك ومقدر




تم الرد على الخاص
جزلا
30/03/2009, 07:26 PM
لا هنت ممكن ترسلي الوصف جزاك الله خير
NissaN 1990
31/03/2009, 01:47 PM
وياليت أنا بعد أنا موتري يحتاج تربيط من تحت بس
وشاكر لك ومقدر





تم الرد على الخاص