المساعد الشخصي الرقمي

مشاهدة النسخة كاملة : وش رايكم بكاميرة سامسونج


محمد العبدالسلام
12/05/2004, 12:39 PM
شفت عند احد المحلات كاميرة سامسونج بالمواصفات التاليه

الزوم 3.2 ميجا بيكسل

الذاكرة 16 مدمجه بالكاميره

شاشه ال سي دي TFT

تصوير موفي على حسب الذاكره

بالنسبة للبطاريات فهي بطاريات عاديه AA

ومواصفات اخرى

وش رايكم فيها مع العلم ان سعرها 590 ريال

ولها شاحن سياره مستقل
ابو شكاع
12/05/2004, 01:36 PM
حياك الله ابن نجد

اذا تشوف الصورة اللي في توقيعي هذي من كاميره سامسونج 2 ميقا بكسل

ومعها كارت 32 ميقا بايت

وشاشة lcd بس مهيب tft لاني اللي اعرفه ان ال tft هذي خاصة بشاشات اللاب توب............. وكاميرتي تصور فديو بدون صوت ومدته 60 ثانية بكارت الذاكرة شد بلاده

سعرها من دبي ب 700 ريال قبل تقريبا 5 اشهر يعني الظاهر ان سعرها غالي بالنسبة لدبي ... اقصد المفروض انه باقل من هالسعر

لكن اللي تقول عليها سعرها حلو

مشكلة السامسونج ان بطارياتها AA عاديات ..... وبهذي الحالة ما راح تفيدك البطاريات العادية حتى لوهي الكلاين . ومن ماركات معروفة ..... لأنها تحتاج الى بطاريات ذات طاقة عالية

راح تحتاج الى بطارية قابلة للشحن قيمتها تقريبا 30ريال للحبتين مقاس AA

وشاحن للبطاريات هذي سعره تقريبا 60 ريال للنوعية الزينه يشحن خلال 7 ساعات تقريبا ويقال انه نزل نوع يشحن خلال ساعتين او ساعه منيب متأكد

عموما انا قبل كنت اركب بطاريات من نوعية ديوراسل .... وفيها تصور واحده وفيها تطفى قبل ...... لكن بعد ما سويت الخطوات اللي فوق ارتحت وصرت اقدر اصور الى 40 صورة بدون اي مشاكل

وكلامي هذا من واقع خبرة

اتمنى اني افدتك .............

من ناحية ماركة الكاميرة .............. مشكلة السامسونج اللي عندي ان الصور مظلمة في الاماكن المغلقة ........ لاحظت ان فلاشها ضعيف ........ حتى بعد تعديل وضعية الفلاش .......... في الأمكان المفتوحة وفي النهار ..... تصويرها جيد

اذا تبي نصيحتي ............... اشتر نوعية معروفة في مجال التصوير ................ حتى لو زاد عليك السعر الضعف اذا عندك امكانية بزيادة السعر

فيه موضوع شفته اليوم يتكلم عن تخفيضات على اسعار كاميرات نيكون

قارن بين الإمكانيات ....ممكن يكون الفرق بسيط

اتمنى اني افدتك والمعذرة على الإطالة

وهلابك ولاهنت
محب البر
13/05/2004, 02:20 PM
بسم الله الرحمن الرحيم
السلام عليكم ورحمة الله وبركاته

أخي ابن نجد

أجابة لسؤلك

كاميرتي الحالية سامسونج V4 أي 4 ميجا بكسل وأغلب صوري المعروضه في مكشات منها

وملاحظاتي عليها التالي

التسخين حيث أن الإستخدام المتواصل لها يجعلها تسخن ثم تطفي وتأخذ وقت حتى تبرد

تأخذ وقت في ضبط نفسها خاصة عند ضعف الإنارة

بخصوص البطاريات راجع ما كتبه أخي ابو شكاع حيث أنني متعامل بنفس الأسلوب مع البطاريات

وإذا لم أستعمل الشاشة و/أو الفلاش فالبطاريات تطول حيث تصور كامل الشريحة ذات MB256 وأنقلها للكمبيوتر ويتبقى وقت لتصوير

أشتر البطاريات القابلة لشحن نوع mAh2000 او أكبر


وعموما هي جيدة وخاصة في تصوير الفيديو لفترات طويلة صوت وصورة

على العموم أعمل بنصيحة أخي ابو شكاع ولا تتردد

مع تحيات
أبو مروان
محمد العبدالسلام
16/05/2004, 12:13 PM
احبابي اشكركم على افادتكم الوافيه

اخوتي الكرام انا اشتريت الكمره وتصويره جيد لكن المشكله بالبطاريات واذا تكرمتم وين اقدر احصل البطاريات القابله للشحن ولا يهم السعر اهم شئ الجوده
وهذه صوره من تصوير الكمره اللي ذكرت لكم
http://www.mekshat.com/pix/upload/images5/mk7850_Picture-028.jpg
ابو شكاع
17/05/2004, 12:00 AM
ابن نجد

مبروكة ان شاء الله .............. ولو ان الصورة مهيب واضحة ...... ياليت تاخذ لنا صورتين بالنهار وحده منهن تكون داخل بوسط غرفة

بالنسبة للبطاريات اتجه الى محلات الألكترونيات وتبي تحصل ان شاء الله البطاريات القابلة للشحن


خصوصا محلات الألكترونيات الكبيرة ........... أو المتخصصة ...........

ومثل ما قال محب البر اشتر النوع اللي في الحروف mAh2000

وحتى الشاحن احرص انه يكون فيه الحروف mAh

عموما انا لاقيها عندنا في الرس ......... فمن باب اولى اذا كنت مثلا في الرياض انك بتلاقيها ببساطة


هلابك

ولاهنت
محمد العبدالسلام
17/05/2004, 11:19 AM
الله يبارك بعمرك اخي ابو شكاع

واشكرك على معلوماتك اخي الحبيب

وانشاء الله قريب اعرض الصور اللي طلبت اخي

وشكرا لك
جبل رضوى
22/05/2004, 04:49 PM
اشتر بطارية تشحن عن طريق السياره او عن طريق الكهرباء
وانسى البطاريات اشتر وارم ههههه
تحياتى
جبل رضوى
22/05/2004, 04:51 PM
للمعلوميه سعرها عندنا فى ينبع 190 ريال وموجوده فى سوق النجمه بالهيئه
ابو شكاع
24/05/2004, 01:15 AM
للمعلوميه سعرها عندنا فى ينبع 190 ريال وموجوده فى سوق النجمه بالهيئه

توكد وانا اخوك ياجبل رضوى ؟

معقولة سعرها 190 ريال ؟