المساعد الشخصي الرقمي

مشاهدة النسخة كاملة : تركيب كعكات للجي ستاندرد 2008


على قد الحال
29/03/2009, 10:53 PM
السلام عليك أخواني:

عندي جيب لاندكروزر جي ستاندر، و مثل ما نتم عارفين، الجيب الجديد طامن بالحيل و ودي أرفعه و فكرت بالكعكات، ويش رايكم فيها و إيش عيوبها و ميزاتها؟ و هل هي تركب على الجي أو لا؟

نبي مشورتكم الله لا يهينكم.
سيف الظفير
30/03/2009, 09:24 AM
مر يالقرم على Arb وتلقى مطلووووووووبك
على قد الحال
30/03/2009, 09:28 AM
مشكور أخوي سيف الظفير،

بس انا حبيت أعرف، هل لها مضار على الجيب؟

في بعض الناس ما نصحوني

و شكرا لمرورك
BADER506
30/03/2009, 09:37 AM
انصحك بالياي الاسترالي ما مثله

يرفع لك الموتر وقوي ويعيش وما مثله بديل

تحصله وانا اخوك عند محلات الرمايه وبمقاسات كثيره

لا تروح للمحل لان ما عندهم خلفيه كامله..رح لورشتهم نفسها تحصل فلبيني على كيف كيفك..موقه الورشه داخل محطة نفط اللي على التخصصي ...اخر التخصصي وانت متجه شمال قبل الدائري الشمالي
خله يركبه لك وتشوف على الطبيعه ان ما جاز لك يركب لك غيره ...ولاتنسى تركب المساعدات بعد


ومن ناحيه مشاكل للسياره ما يضر الموتر ابد ان شاء الله...الا ان رفعت الموتر بدرجه خياليه ...كذا بتضر القير
انا مركب اليايات والمساعدات من 3 سنين ...وكرفتها كرف ...تقريبا رفعت الموتر 5 سم...ويمديك ترفعه اكثر(لان الياي يجي تقريبا 5 او 6 مقاسات...من 4سم الى 8 سم)
وصراحه مرتاح ولله الحمد...وانت بتجرب وبتشوف الفرق شلون احسن بواجد
واي شي حنا بالخدمه

واعذرني عالقصور
على قد الحال
30/03/2009, 09:41 AM
ما قصرت يا خوي:

بس أنا بقطر :d

عموما كم سعره عند الرماية و كم يا خذ وقت تركيب؟
BADER506
30/03/2009, 09:45 AM
ونعم بقطر واهلها


عدد 2 ياي
واربع مساعدات

تقريبا 1950 ريال سعودي

والتركيب ما ياخذ منك ربع ساعه بالضبط


ولا تخاف ولا تشيل هم ضرر ابد...توكل على الله وركب

واي فزعه انا بالخدمه
على قد الحال
30/03/2009, 09:49 AM
و النعم بحالك و ما عليك زود

ما قصرت يا خوي و تراك دورت الفكرة براسي

و السعر مناسب مرة، إنشاء الله لي زيارة للرياض بعد حول شهرين، يمكن أركبه هناك.
الشقردي
30/03/2009, 10:35 AM
لي وجهة نظر بالموضوع بعد إذنك
رفع السيارة أو تغيير الياي ممكن يزيد من قساوة مطب السيارة خاصة اذا كانت فارغة.

أنا من رأيي انت قدامك خيارين
1- اذا كان الموتر مخصص للبر وعندك غير للاستخدام اليومي أو انت اللي تركبه لحالك وشباب بدون كبار في السن أو عوائل, توكل على الله وركب هاليايات مع ملاحظة ان السيارة بيختلف عليك مطبها.

2- اذا هو موترك اليومي ومعك العائلة الكريمة أو يركب معك كبار في السن هنا أقول لك فكر في البالونات (ليست كفرات البالون), وفكرتها انك تستخدم نفس الياي الموجود شد بلد وينحط من داخل زي البالون البلاستيكي المقوى معبأ بالهواء.
واستخدامه اذا جيت تطلع البر وقبل تحمل السيارة تعبيه هواء 28 وبكذا يرتفع الموتر ولا ينزل كثير بعد التحميل واذا رجعت للديرة تنسم الهواء الى 15.
وشف الرابط
http://www.mekshat.com/vb/showthread.php?s=&threadid=8892

آمل أن يكون مفيدا
انوثة الفرس
30/03/2009, 12:37 PM
ما شا ءالله اشياء استفيد منها
بس اخوي ممكن تحط صورة الكعكات
الشقردي
31/03/2009, 07:12 AM
بالنسبة للكعكات على المدى البعيد تأثر على اليايات (تنزل), ومع التحميل تنقز السيارة بمعنى ان مطبها يكون قاسي
على قد الحال
31/03/2009, 02:37 PM
مشكور للجميع على مروره الكريم و المعلومات القيمة التي أوردها و صراحة كل ما قررت على شئ جاء واحد ثاني و إقترح حل أخر يدور الراس و هذا إن دل يدل على مدى خبرة الاعضاء جزاهم الله خير.
على قد الحال
31/03/2009, 02:51 PM
ما شا ءالله اشياء استفيد منها
بس اخوي ممكن تحط صورة الكعكات

هلا يا خوي،

هذه صورة الكعكات:

http://www.alrahalat.com/vb/uploaded1/2229_11233563158.jpg