المساعد الشخصي الرقمي

مشاهدة النسخة كاملة : فزعتكم يالنشاما افضل التوضيب ولا تسقيط مكينه...


besmile4ever
29/03/2009, 11:10 PM
السلام عليكم ورحمة الله وبركاته
عندي الجيب سلمكم الله تويوتا كبسوله شكله خبط..وناس شاروا علي بالتوضيب وناس أشاروا بإسقاط مكينة...من عنده خبره يفيدنا الله يوفقكم؟ ايهم الأفضل...
ولاهنتم وين افضل ورشة بالرياض شغلهم نظيف بالتوضيب؟
ووين القى المحركات...
اعذروني على الإطاله...
بحر القصيد
29/03/2009, 11:14 PM
بامرحبا ومسهلا اخوي

فالك طيب

تفظل ادخل على هذا الرابط فيه كل شيء تحتاجه(عن التوظيب والتبديل من التشليح)

http://www.mekshat.com/vb/showthread.php?t=196113

تحيتي لك
لن أمل من العطاء
29/03/2009, 11:28 PM
مثل ما قال اخوي بحر القصيد

ممكن الرابط يفيدك كثيييييييير
besmile4ever
29/03/2009, 11:31 PM
لك مني الدعاء يا بحر القصيد الله يوفقك أخوي..ويبيض وجهك.
موضوعك وافي...طيب تكفى يالشقردي ما خبرت لنا ورشة ممتازة وشغلهم ثقه..
بحر القصيد
29/03/2009, 11:35 PM
الله يرحم شيبانك ولايهينك وجهك ابيض يالغالي

والله كان ودي اخدمك وانا اخوك ونتجمل عند اللي مثلك وشرواك

لكن والله ماني من اهل السعوديه ..لو انك عندي هنيا كان ابشر بالورشه اللي شغلها بيض الوجه

اعطي اخواني مجال لأنهم اهل الديره وأعلم مني فيها

السموحه كان حصل قصور طال عمرك
ساري 111
30/03/2009, 01:34 AM
اتوقع ..
انتبه قلت اتوقع ..
اذا لقيت احد مضبوط وشغله مضمون وضبه لأنه بتطلع مثل الجديده
واذا ماحولك احد او ماتعرف احد تضمن شغله فا اللي اشوفه انك تسقط لك مكينه يكون موديله حديث
besmile4ever
30/03/2009, 08:35 AM
بيض الله وجيهكم جميعا..
والله يا اخوي ساري 111 ما عرف احد وهذا اللي مهبل بي....لكن انشاء الله ممكن احد الأخوة يفيدنا قريبا..
فكسه
30/03/2009, 08:50 AM
شكرا للاستاذنا بحر القصيد ولايهنون الربع ومشرفنا الغالي بدوي جنوبي ماله حس ولارس تراه فنان فى الاموروانا بشور عليك والهداء من الله اخوي بسميل اظن اسمك كذ موشرط تعرف ورشه او احد يدلك عليها كل ماعليك هو انك تلف على الورش وتشوف شغلهم وتسئلهم الورشه لي مافكته مكينه لاتاقف عليها ولاتهتم او يضيق صدرك اذا قال مافيه ضمان تدري ليه بعضعهم يقول كذ لا المكينه توه موظبه ولازم ماتعدى 80كم ويجيك خوينا ويشد عليها مما يودي الى شحط احد البساتم(توقف جزء اوكلي)او تكون السياره انبيره الحراره خبان وتمشي عليه ومن ثم اتصلب المكينه (توقف البساتم عن الحركه بسبب عدم وجود ماء)او يكنون احد الخراطيش او غطاء الاديتر ينسم وتمشي الماء يتبخر ثم اتخبط فااذا وظبت ركب اصلي انت الكسبان وفك الاديتر وشيك عليه وخراطيش الماء لوهي كويسه غيرها ولاتنسى طربه الزيت والماء والله يوفقك ارجو اني افتك واسسف على اطالتي وتقبل مروري اخوك فوكس والسلام عليكم
escape_man
30/03/2009, 08:53 AM
اذا تخبيطة الموتر مهيب من حرارة ولقيت ميكانيكي صح فالتوضيب افضل

الحرارة تلعب براس المكينة ومعاد تضبط مكينتك ابد

اما اذا المكينة سبب تخبيطها حرارة فالافضل تسقط مكينة
شمس المغيب
30/03/2009, 08:57 AM
يرجال اذا المكينه ستندر او موضبه توضيبه واحده قبل فلاتغير وضبها على يدك انت ازين لك وللموتروكل شي خله اصلي ولاحد يقلك نص عمر يمشي تجاري فك وذبه كان تبي الشغل النظيف
وخلك من كلام البعض اللى مايعرف الا فك المكينه كامله وسقط غيرها
user100
30/03/2009, 09:25 AM
في ورشة على شارع انكاس خالد بن الوليد، حي الروضة مقابل محطة ساسكو ....
اسم الورشة مركز الدمام.... الميكانيكي فلبيني اسمه جيمي ممتااااااااااااااااااااااااااااااااز وخطييييييييييييييييييير

وان شاء الله راح تدعي لي وماعمري ارسلت احد عليه الا وصار عميل عنده ....

وزود على كذا اميييييييييييييين بشكل ماتتصوره ويوضب مكائن ...

اذا تبغى رقمه ارسل لي على الخاص وابشر...
الهوى جنوبي
30/03/2009, 05:26 PM
عن تجربه عليك وانا اخوك بالتوضـــــــــــــــــيب ودور الورشه الممتازه وابعد عن التشليح تراهم نصابين تاخذ مكينه ماتدري زينها من شينها لو حلف لك مية يمين بعكس مكينة موترك تعرفها وتعرف نظافتها وش فيها وش مافيها وبالتوفيق
بو خليفه
30/03/2009, 05:50 PM
إذا كنت واحد بيستخدم التوظيب أفضل أو إذا وجدت ماكينه تعرف قليل الكيلو فهذا شئ طيب لكن يبغى التوظيب الأضمن
قناص خلاوي
30/03/2009, 06:01 PM
التوضيب أفضل ولا شك
لان مكينتك أنت خابرها وخابر وش جاها وراح تحط فيها قطع أصلية تختارها بنفسك ماهوب مثل مكاين التشاليح الله أعلم وش مر عليها من جور ومن نقص زيت ...........الخ
إذا انت بالرياض اخوي اخبر لك ورشة طيبة مجربها من 15 سنة وشغلهم ما يعلى عليهم وأسعارهم فيها زود شوي لكن الشغل الطيب يستاهل
Bader-M
30/03/2009, 07:25 PM
اذا كان المشكله بسيطة

يعني شنبر (نقص زيت) او صوت عمود كرنك
وكان الراس سليم و سلندر كذالك
فانصحك بالتوضيب

اما اذا كان
الراس خربان و السلندر مكسور فانصحك تاخذ من التشليح


على العموم هذا الرابط يفيدك


http://www.mekshat.com/vb/showthread.php?t=30226 (http://www.mekshat.com/vb/showthread.php?t=30226)


تحياتي اليك
بدوي جنوبي
30/03/2009, 10:01 PM
عليكم السلام ورحمة الله وبركاته

كيف شكله خبط ؟ :confused: