نقطه ايضاح حول عيار الزيت ؟

[فكسه]

هلا بكل الكشاته عدد حبات الرمل يااخوان ودي اتكلم فى شي ارجو من لي عنده خلفيه يوضحلي وللااخوان لاء وهي اذا رحت اتغير زيت موترك بعدالانتهاء من التغير يقولك شغل ودس على المكينه ثم يقولك طف السياره ليس الزيت بكون فى الاعلى طيب يكف يظبطه والا خلاص حفظها هذي تاخذ 8 علي وذي 4علب مع اني تضررت منهم واعتقد انه شغل ودس مايعطي قياس لاهنتو اعطونا فكره والسلام عليكم

[بدوي جنوبي]

هلا بك يا فكسه

كلامك صحيح الزيت يكون في الاعلي واثناء معايرة الزيت يكون
الزيت باقي في جدران المحرك
لان الزيت يحتاج وقت حتى النزول للقاع

طبعا سبب تشغيل المحرك هو لتعبئة السيفون في حال تغييره فقط
وما يحتاج دعس علي الابنص كثير

اما اذا كان تغيير زيت فقط ما يحتاج التشغيل ،،
والمفروض ان كل سائق يعرف كم تحتاج محرك سيارته من علب
زيت ،،

تحياتي

[سهيل تميم]

اذا غيرت الزيت بالوكاله مايقول لا دس ولا شي ..يعبي الزيت بلي مثل حق البنزين محدد كل سياره كم تحتاج تلقائياً

[أبو LAMeS]

عامل المشحمة ما يتعامل بالمليتر وما يعرف إلا ست علب ونص أو خمس علب ونص واربع علب ونص ... والنص يساوي 500 مليتر وبعض السيارات أو أغلبها تأخد أما أقل أو أكثر من 500 مليتر...
وأيضا فيه نقطة ثانية وهي إن عامل المشحمة أو البعض منهم ما يدري إن كارتير الزيت تغير حجمه يشوف السيارة ومكينتها هي هي ما تغيرت لكن ما يدري إن حجم الكارتير تغير
الوكالات الكمبيوتر يعطيهم القياس..

[الهوى جنوبي]

عند تغيير الزيت وعدم معرفة كم علبه للمحرك ممكن معرفة ذلك عن طريق عيار الزيت والنظر الى العيار بعد صب الزيت والعيار الصحيح يكون بين الخطين low و high يعني لايزيد ولاينقص اما حكايت انك تدوس بنزين بعد غيار الزيت فهذا غير صحيح ولكن بعض البناشر يساوي هذه الحركه بعد تغيير السيفون للتأكد من عدم تهريب الزيت من السيفون
وسلامة الجيع

[فكسه]

يااخوان اشكر مروركم وتعاونكم وكلاكم على متمه الاكن كيف يعاير وهوتوه مطفي المكينه وتحتاج حسب كلام المكنكيين اقل شي ثلاث ساعات على الاقل كيف يقولك شغل ادعس بنزين ثم يقول طف وعاير ويقول ناقص ويزود او زايد وينقص ولاهب واحد او اثنيين اغلبهم وكم مره اعاير من بعدهم من بكرى ولقاه مزود نص علبه وروح للي عنده شفط وخليه يشفط انا عارف كم ياخذ موتري بس انا اسئل عن هالحركه كيف تكون ام هي ضحك على الدقون واسسف على الاطاله

[Bader-M]

للحصول على معلومات اكثر دقة ارجع الى كتالوج السيارة
يوجد به بعلومات كثيرة منها كمية الزيت المحرك

مثلا انا سيارتي

يقول 3.4 لتر بدون زيت (يعني 3 علب ونص تقريبا )

3.6 لتر مع السيفون

وكذالك يذكر لك درجة لزوجه الزيت الموصى بها

تحياتي اليك

[فكسه]

انا سعيد جدا لان مشرفين اثنيين فاضلين هم بدوي وطاير اساتذه ومشرفين بس اذا سمحتولي انا عارف كم ياخذ موتري من علب زيت وش نوعيه الزيت انا اتكلم عن العيار نفسه لما يشك صديق ويسحب العيار ويقول مظبوط مظبوط كيف والموتر توه طافي تستهبل انت ام انه اسلوب اقناع باني فاهم اسفف لاني كبرت حجم الموضوع بس اريد اجابه وشكرا

[بدوي جنوبي]

لا 3 ساعات ولا يحزنون

5 دقائق كافيه لنزول الزيت ،،، والله لو انه عسل كان نزل :D

اما تشغيل المحرك مثل ما ذكرت اعلاه هي لتعبئة السيفون
في حال تغييره

اي سؤال حاضرين

تحيتي

[abumohammad99]

والله يالغالي من ناحيتي,,

اغير الزيت في تالي الليل يعني عقب العشاء واخليه الين يسرب كله تقريبا حول ساعتين اقعد عند البنشري على راسه ;)

ثمن اصب الجديد واغير السيفون.
واروح به للبيت طبعا يصير مهنا مشاوير لانك تترقد :o

اخليه على ارض(ن) متواسيه واذا قمت من النوم عايرته بيصير نازلن كله.

وسلامك..

[وسيع البنايد]

هو يقول دس عشان يشوف فيه تهريب والا لا بعد شغله

[بو محمد 2009]

موضوع جيد ويجب ان نعرف نوعية الزيت الجيد وكم كيلا يقطع للطريق الطويل وداخل المدينة وهناك نقطة هامه ربمايعرفهاالقليل وهي فلتر الهواءوتغيرالزيت للذين يستخدمون فلاترهواء تجاريه او رياضيه با لمعنى الا صح لاعطاء قوه للسياره يجب تغيير الزيت في وقت اقل حسب وضعية الون والزوجه وهناك فلترزيت للسيارات للسرعه يعطي سرعه لنتقال الزيت داخل المحرك ومن عيوبه عدم التصفيه الجيده ونحتاج تغيير بمده اقصر وسلام

[دانكن]

والمفروض ان كل سائق يعرف كم تحتاج محرك سيارته من علب
زيت ،،

انا عندي الباترول 4800

7 علب بدون سيفون

7 ونص مع السيفون ..

[فهد325]

انا عندي الباترول 4800

7 علب بدون سيفون

7 ونص مع السيفون ..
غلطان ارجع للكتالوج تلقاه 7 إلا ربع مع السيفون
و6 ونصف بدون
هذا كتالوج فتك 2008 ما اعتقد ان كتالوجك يختلف