ياهل الباترول لاتحرموني من مشورتكم ..

[سليطين باشا]

السلام عليكم ورحمة الله وبركاته ..

مساكم الله بالخير مشرفين واعضاء وزوار


ماني مطول عليكم ..


عرض علي نيسان باترول موديل 97 ماشي ميتين الف تزيد او تنقص قليلا ً ..

اللون عشبي وفضي قير عايدي مكيفين ثلاجتين كلبليتر كفرات جدد لايوجد فيه اي سمكره ولاهو مرشوش ..

محدود علي بـ 38000 :mad:

ادري انه قارصني بقيمته ابن الحلال :p

لكن بحكم خبرة الرجال اللي مثلكم وشرواكم خصوصا في هالمواتر ودي اطرح عليكم بعض النقاط ..

1- هل قيمته مبالغ فيها .. او ان قيمته فيه.. اذا كان نظيف على مايقول ..
2- هل الكبليتر في السبعه والتسعين افضل من البخاخ من ناحية العزم وماشابه ..
3- تنصحوني بتحويل الكلبليتر الى بخاخ وكم تكلفته .. او اني اخليه على ماهو ؟؟



اسلمو وسلمولي على انفسكم :)

[1988]

مساك الله بالخير اخوي سليطين اول شي السعر اشوف انه متوسط ان كان الموتر على كلامه اما بالنسبه للكربريتر والبخاخ ان كان البخاخ سلم الله ضفيرته من اللعب فهو اصفا من الكربريتر وبالنسبه لقلبالمكينه الى بخاخ تراه مكلف والله اعلم

[سليطين باشا]

8
8
8

لاهنت اخوي

اهم شي انك طمنتني نوعا ما من ناحية السعر لاني غشيم وبقوه فالسيارات ..


وننتظر مشورات اخواني الاعضاء

[طالب رزق الله]

أنا قبل يومين شاري باترول بخاخ 96 صالون خليجي ب22500 فقط
ماشي 180 ألف
والحمد لله الموتر نضيف بس البدي لك عليه وسط ووقفته حلوه
وفحصته كمبيوتر وتمام والحمد لله
أنا أشوف سعره مبالغ فيه والله أعلم

[ذيب الغداري 1]

من وجهة نظري إذا كان نظيف وعلى كلامك
ان شاء الله انه سعره مناسب
اما تحويله الى بخاخ فهو مكلف واجد
والله أعلم

[سليطين باشا]

الله لايهنك ياذيب وبيض الله وجهك وننتظر ردود الاخوان ..

[H I T L E R]

انا اقولك خذ بخااخ احسن من الكربريتر بيتعبك

[مواسي الطعوس]

ودي اطرح عليك اسئله :

س/ هل انت شجاع والا مالك رأي ((يروح بك الهرج ويجيبك )) ؟؟؟؟؟؟؟؟؟

س/ تقدر تدفع اكثر والا هذه نهايتك ؟؟؟؟؟؟؟؟؟؟؟

س/ هل استخدامك طويل والا انت راعي طواري مع الصباح والمساء ؟؟؟؟؟؟؟؟

** اذا معك فلوس بع ماكينة موترك تجيب 5 الاف واشتر ماكينه 4500 بخاخ وحاول تصير لموديل جديد وهي تركب على طول ماتغير شي ابد . والنتيجه :

1/ قوه غير طبيعيه اقرب مايكون الى 4800 الفتك (نظرا لان القير والدفرنسات مشدوده ))
2/ مركب الموتر رائع وقيادته كذلك ومع القوه لن تمله .
3/ اقوى من الباترول ال97م البخاخ المرغوب .
4/ اقوى من 98م حتى 2001م ولافيه مقارنه .
5/ لو جاء شد بلد كان تولعوا الناس فيه ومن جربه او رايح يجربه معك رايح يطلبه منك باعلى من قيمته .

[مواسي الطعوس]

ودي اطرح عليك اسئله :

س/ هل انت شجاع والا مالك رأي ((يروح بك الهرج ويجيبك )) ؟؟؟؟؟؟؟؟؟

س/ تقدر تدفع اكثر والا هذه نهايتك ؟؟؟؟؟؟؟؟؟؟؟

س/ هل استخدامك طويل والا انت راعي طواري مع الصباح والمساء ؟؟؟؟؟؟؟؟

** اذا معك فلوس بع ماكينة موترك تجيب 5 الاف واشتر ماكينه 4500 بخاخ وحاول تصير لموديل جديد وهي تركب على طول ماتغير شي ابد . والنتيجه :

1/ قوه غير طبيعيه اقرب مايكون الى 4800 الفتك (نظرا لان القير والدفرنسات مشدوده ))
2/ مركب الموتر رائع وقيادته كذلك ومع القوه لن تمله .
3/ اقوى من الباترول ال97م البخاخ المرغوب .
4/ اقوى من 98م حتى 2001م ولافيه مقارنه .
5/ لو جاء شد بلد كان تولعوا الناس فيه ومن جربه او رايح يجربه معك رايح يطلبه منك باعلى من قيمته .

[بحر القصيد]

اخوي بالنسبة للنيسان باترول اسعاره فالسعوديه مالدي خبره فيها

وانا بعطيك اللي اشوفه بالنسبة للبخاخ والكبليتر

انا مجرب النيسان باترول من مودل 89 وانت طالع

لغاااااااااااااية الـ97 مثل الكبليتر مافيه انا اقولك من واقع تجربة

البخاخ دبلة كبد وانشد مجرب والدليل البخاخ على مكينة (4200 مانزل غير في اربعة موديلات)

وهي الـ94 و95 و96 و 97 اربعة موديلات فقط!!) وبعدها غيروا المكينة بالكامل وصارت (4500 ولانجحت كثير)

تبي موتر لك وللزمن خذ كبليتر وماجاك عندي بترتاح وبيريحك (وخصوصا ً اذا كبليتره مايشكي شي)

اما البخاخ مره حساس مره الإنجكتر فيه وصخ اما كمبيوتره فصل خلك على (كبليتروبس)

يجيك ظفيره وأمرها سهل جدا ً

[ابوعراده]

اذا كلامك في محله ونظيف ومحافظ عليه اقولك انت الكسبان لأن السبعه مرغوب وجميل في شكله ويطربك ويازين شد البلد والله يطعمك من خيره ويكفيك شره

[shaheenshah]

نعم ياخوي النظيف يوصل القيمة هذي والبخاخ في الـ 4200 ما ينفع عزمه عن تجربه

[ديبو]

السلام عليكم اخوي سليطين باشا
البخاخ احسن من الكلبليتر
الكلبليتر يتوسخ ومشاكلة واجد

انا معي الآن 96 خليجي اربع ابواب شارية بالضحية ب(40.000 ) ماشي 120 الف
بخاخ ومركبلة تانكي كبير ووالله انه مايصرف بنزين وعزمة قوي واقوى من
(98 _ 2001) لآني جربت 98 فل كامل وطلع بدون عزم وقلت يمكن مهوب زين وبعتة بعد سنة لأنة ميت بالعزم
وشريت 99 وصار نفس الأول عزم ميت جلس معي سنتان وهذا ترى في الموديلات الي حطيتها بين الأقواس

** وترا اقيامهن النظيف نهن ياصل 45000 ينقص ويزيد قليلاً

[هاجر الود]

أخوي الكريم :يقولون أربط صبعك والكل ينعت لك دواء بختصار شديد أنا من مستخدمي وعشاق النيسان القديم من 88-97 فقط وليس الجديدمنه لأنه غير عملي وفي ملحوظات السيارة هذه وهذه الموديلات القديمة لن تتكرر مرة أخرى في تاريخ النيسان من خلال تجربتي وخبرتي الكبيرة فيها ولو أتكلم لك عن الفروقات الميكانيكية بين الجديد والقديم تكتشف رداءة الموديلات الجديد مع أحترمي لملاكه الكرام لذا أقولك لاتشتري غيرها وغير الكابريتر لاتاخذ ابد لأنه عملي وأقوى عزم وصيانته سهلة ومتوفرة قطع غياره ومافيه اي مشاكل اذا كان نظيف ومخبور ومع احترامي لكل من مدح البخاخ نحن اهل بر ومقناص والتجربة خير برهان اما السعر فهذه الموديلات تحكمها نظافتها وممشاها وعن خبرة فقد يتجاوز سعر 97 النظيف جدآ الى 50000 ألف تذكر دائما أن النظيف عزيز عند صاحبه وينخطب خطبه خصوصا هذا المديل لقوته وجمال شكله ورساوته وخفته العجيبة لذا اقول اشتر ولا تتردد اذا الموتر نظيف بتورثه لعيال عيالك لأنها ذات جودة في الماكينة والقير والدفرنش وماعليك من الي يقول غير الماكينة لاتغيير شي ابد وراح تدعي لي ولكم الشكر

[بواسامه]

معي اخوه
انصحك به وبقوة
خفيف كنك تسوق لك ددسن
ونشيط الكلبريتر منه وافضل من البخاخ
ومن الموديلات اللي جت بعده
وصبور وقليل طلبه للصيانه
النيسان وقف على 97