ودي اركب فرارات [الأرشيف]

مسداح مرداح

14/05/2004, 07:28 AM

السلام عليكم

يا شباب انا عندي جيب باث فيندر 2003 وابي اركب لهم فرارات وقال لي المشرف السمح وبعض الاخوان رح وركبها عند السليماني

وركب النوع الامريكي
رحت للسليماني وقالو ان الباث فيندر ما يركب عليه الامريكي ما يركب عليه الا البرازيلي مع ان البرازيلي تجاري وش تنصحوني فيه

محتاااار ولا ودي اركب التجاري

وشكرا لكم

أيمن

14/05/2004, 04:58 PM

وعليكم السلام ورحمة الله وبركاته ..
أخوي العزيز مسداح .. البرازيلي ليس بدرجة الأمريكي في التحمل، لكنه عملي أيضا وليس به بأس، يشكو منه أصحاب الشيصان ومواتر التحميل بعد فترة بخروج صوت، لكنه في مجمله مش بطال :) .. أيضا رخيص السعر .
ما أدري هل الياباني أيضا "آيسن" ما يركب؟

تحيتي

بـــدر

14/05/2004, 06:25 PM

الاخ مسداح مرداح
السلام عليكم ورحمة الله وبركاته ،،،
اذ ا كان سيارتك باثفياندر جنوط مقاس (17 بوصه) فما يركب الا الفرار البرازيلي من نوع (AVM)
لانه
:BUTT1: اولاً : متوافق مع فتحة الجنط.
:BUTT1: ثانياً : شكله من ناحية المظهر الخارجي راكب 100% يعني ما تحس انك مركب فرار مشوه الشكل الخارجي
:BUTT1: ثالثاً : قوه التحمل قوي جدا وكما تفضل اخوي المشرف أيمن هو لا يضاهي قوه
الأمريكي (WARN) والياباني (ASIAN) ولاكن لا تنسى ان محرك الجييب الشاص ماهو زي قوه محرك الباثفياندر
لذالك فرار (AVM) يفي بالغرض بالنسبه لقوة مكينة الباث فايندر وهذا من واقع التجربه.

انا مركبه من حوالي سنه وما شفت عليه خلاف، ممتاز جدا وسعره تقريباً مع التركيب (450) ريال.
وهذا صوره للي انا مركبه لونه فضي تقريبا نفس للون الجنط
http://www.mekshat.com/pix/upload/images5/mk439_AVM.jpg

أبوفيصل

15/05/2004, 08:10 AM

الأخ العزيز بدر

هل تغير عليك الموتر يوم ركبت الفرارات؟

بصراحة أنا عندي باثفايندر .. وأهلكني البنزين يشفط شفط .. وبعض الأخوان يقول ركب فرارات والبعض يقول إنحش .. ولا عرفت وش السواة؟؟

path_poth

15/05/2004, 10:04 AM

محدثكم معه باث فايندر 2003
وجربت الــ avm البرازيلي لايخفف صرف بنزين ولا حنة المكينة كلام الناس مع إحترامي ماعندك أحد كلهم يقولون زين زين وهم مايدرون وش الطبخة
المهم ركبت الفرارات ثم فكيتهن عند السليماني والحين عارضهن للبيع
وش قالوا قالوا يخففن صرفية بنزين والله حالة

بـــدر

15/05/2004, 10:31 AM

الاخ ابو فيصل الفرار:good: يخفض أستهلاك الوقود بانسبه بسيطه في السرعات العاديه اما اذ كنت من يمشون بسرعات عاليه 140 وفوق فالفرار ببين معك.
ولا تنسى قوه محرك الباثفايندر 240 حصان يعني ماراح تحس في الفرار مشبوك ولا لا.:D

:alarm:الاخ path_poth الباثفايندر الجديد ماله حنه زي باقي الجيوب;) بانسبه لتركيب الفرار مهم جداً لان نظام الجر الامامي (فريول وعكوس ) يعني فيه مفصلين ولو تلاحض نسبه ميوله تقريباَ 25 درجه تقريباً، يعني الفرار بيوفر عليك تغير العكوس الامامية لان المحاور الاماميه ما تتحرك إلا وقت الحاجه اذ شبكتهم فقط
ونا لاحظت الفرق تقريباً (50) كليو زياده.
والله اعلم

ابو ســــاره

15/05/2004, 10:47 AM

انا مركب wrn الامريكية طبعاً جنط 15 بصراحة اني صرت ما اهتم مشبوك الفرار ولا مفصول لانه ما فيه هاك الفرق بالصرف بس اعجبني كلام بــــدر يا سلام عليك يا بدر دايماً مفيد في كلامك ،،
صحيح ممكن ان الفرارات تحافظ على العكس.:rolleyes:

خوي

15/05/2004, 05:42 PM

السلام عليكم ورحمة الله وبركاته
وش رايكم في الفرارات على الهايلكس الدفرنسين البنزين ؟
هل هي تقوي الموتر ؟ ولا تخفف من الصرفية ؟:confused: :confused:

مسداح مرداح

18/05/2004, 05:29 AM

السلام عليكم

مشكورين على طرح ارائكم

بس والله احترنا بين الاخ بدر والاخ path_poth

لكن ما يمنع اننا نشوف اكثر من راي في هذا الموضوع

وجزاكم الله خير