استفسار مهم للخبراء : هل يتعشق الدبل في هذه الحالة ؟؟؟؟؟

[ابو شقط]

السلام عليكم جميعا : عندي استفسار مهم جدا وهو :

مثلا بعد غسيل السيارة واثناء العامل يقوم بتمسيح الطبلون والدركسون وبالغلط قام بلف الفرار حق الدبل( القرص الدائري ) الى وضع الدبل الخفيف او الثقيل وجيت انت وركبت السيارة وشغلت وانت منت داري عن الفرار:mad::mad: ومشيت ورحت مشاويرك داخل المدينة طبعا والسرعة متفاوته مره مسرع ومره لا فهل في هذه الحالة يتعشق الدبل ويشتغل ام لا ؟؟؟
ام الدبل يكون مفصول والسيارة ماشية بدفع ثائي فقط :no::no::no:

ايضا تحصل هذه الحالة عندما يعبث احد الابناء بفرار الدبل والسيارة طافية !!!!

[Explorer2007]

استفسار مهم وجيد ..

لا اعتقد ان السياره ستدور .. او تعمل .. بالعربي تشتغل حتى ترجع الفرار للوضع الطبيعي ..

وان اشتغلت فلن يشتغل الدبل .. لأن حسب مااعرفه الدبل لا يعمل الا على الـ N

في وضع الـ P لا يعمل .. ولا حتى في وضع الـ D

مجرد خبره بسيطه

ويعطيك العافيه على الطرح

[يوكون2666]

اخوى ابو شقط

الى اعرفه ان واحد من الشباب اخذ موترى وبالغلط يبي يشغل النور شغل الدبل على الخفيف

شوى ويتصل على يقول الموتر ثقيل وخصوصا اذا جيت بوقف كأن فرملة اليد مسحوبة

قلت تاكد من الدبل وبالفعل حصل الدبل شغال معه

تقبل مرورى بصفحتك

اخوك

يوكون2666

[الهوى جنوبي]

الوالد عنده ارمادا 2005 وقفه ونسي مايفصل الدبل وكان على ال auto واخذت الموتر بعده وما انتبهت للمبة الدبل ومشيت فيه على auto اكثر من 80كم وعلى سرعات مختلف توصل الى 120كم وما انتبهت الى بعدين ولا اثر عليه بس بالنسبه للدبل الثقيل له سرعه معينه مايمكن تتجاوزها غير ان الدبل الثقيل تحس ان الموتر ثقيل واظنه لو استخدم خطا بيأثر على الموتر وسلامة الجميع

[ابو شقط]

ياخوان انا حصلت معي كان الفرار على الثقيل وشغلت ومشيت طبعا ماني داري ( واحد من الاطفال كا ن جالس معي يلعب برجله والسيارة طافية واثره لف الفرار ) ويوم جيت للبر وجيت اعشق الدبل على الخفيف واالاقي الفرار على الثقيل ، طبعا انصدمت ودهشت وخفت في نفس الوقت لان السيارة جديدة ومامشت 20000 المهم غيرت الفرار من الثقيل للخيفيف وخرجت من البر ، لكن الى ذلحين خايف على الموتر وبالذات الدبل ، بالله افيدوني وطمنوني اذا الدبل سلم ولا لا والله الحافظ

[أبوسعد 511]

أولاً وعلى مسؤوليتي استخدم الدبل الخفيف وانت ماشي ولاتخاف ..

حتى لو انت ماشي على سرعة 100

اما الدبل الثقيل ماتقدر تمشي فيه اكثر من سرعة 10 كيلو متر في الساعه او اقل


أخوي ابو شقط صاحب الرد رقم 5 كيف مشيت على الدبل الثقيل ما أدري

يعني ماتقدر تمشي فيه اصلاً .. يمكن تقصد الخفيف مافيه ضرر

[ساري 111]

بالنسبه للأوتو ماراح يضره لأنه بيكون فاصل ويشبك وقت الحاجه ويرجع يفصل ثانيه

بالنسبه للخفيف ماعندك مشكله لو تمشي طبلون الموتر عادي (بس اهم شي لاتلف إذاكنت على اسفلت)راح يأثر على الكارونه

وبالنسبه للثقيل المفترض ماتعدى 40 كم وهو ماراح يعطيك فرصه لأن الموتر بيكون ثقيل مره

وبالنسبه لوضع N هذا يفصل القير عن العمدان نهائياً يستخدم اذا السياره تبي تجر مسافه طويله او للونش لسيارت المجهزه بونش ميكانيكي على عزم المكينه مثل الباترول القديم

[ابو شقط]

جزاكم الله خيرا اخواني على ردودكم والله يلطف بنا جميعا