المساعد الشخصي الرقمي

مشاهدة النسخة كاملة : جيب باترول و شاص


سهم الجزيرة
31/03/2009, 01:59 AM
السلام و عليكم و رحمة الله و بركاته
---------

صباح الخير و مسيتم بالنور و كلن على وقته ;)

حبيت أستفسر بـ سؤالي :

الجيب الباترول من 2005 و فوق يدخل الربع الخالي ولا يغرز ؟

و الشاص ما عليه كلام .

دمتم بود ِ
ر م ي 4 4 4
31/03/2009, 02:53 AM
يخووي على السواق

انا مثلن ادخل النفوود بكراسيدا

هههههههههههههه
مخاوى ابوه
31/03/2009, 06:17 AM
يا الغالى الدعوا على السواق والسفارى حلو فى النفود
سهيل تميم
31/03/2009, 07:26 AM
ساحبين لندكروزر مغرز قبل اسبوعين

الدعوه على السواق ولا كل جيب فيه حقه
بحر القصيد
31/03/2009, 10:31 AM
الأماكن اللي فيها تغاريز قويه ماينصح بإستعمال التيوتا من طويله فيها

والسبب معرووووووووووف الكلتش يطبق مع حرارة السياره وكثر الجور لاصارت مغرسه ومشغل الدبل الكبير او الصغير

اما النيسان ينفعه خفة وزنه ولايشكي من عيوب في الرمال القويه

تحيتي واتمنى اني وفقت في الرد على استفسارك

موفق اخوي
sameer_1798
31/03/2009, 11:01 AM
وعليكم السلام ورحمة الله وبركاته

طيب وبعدين

ما أدري أنت تسأل ولا أيش ؟
مواسي الطعوس
31/03/2009, 11:47 AM
اخوي بحر القصيد كتاباتك حلوه ومعلوماتك جيده .لكن فيه نقطه ذكرتها اكثرمن مره وهي : هل تقصد النيسان اخف وزن والا اخف نفس ؟؟؟؟؟؟؟؟؟؟؟

** ان كنت تقصد الاولى اقول لك : بحكم تحديات حصلت النيسان اثقل وزن وبكثير عن التويوتا . في جميع السيارات كل سياره مع اللي تشابهها .



اذا بغيت الاثبات والطريقه الصحيحه كل شي موجود الميزان السيارات ؟
AL-Hadbani
31/03/2009, 11:50 AM
خلونا صريحين ترى التويوتا في الخفاس ...يهلش

أما النيسان سلم لي عليه

والفورد ( سيارتي ) قوي ماعليه بدون دبل افر الدهناء فر ارنوب
بحر القصيد
31/03/2009, 12:35 PM
اخوي بحر القصيد كتاباتك حلوه ومعلوماتك جيده .لكن فيه نقطه ذكرتها اكثرمن مره وهي : هل تقصد النيسان اخف وزن والا اخف نفس ؟؟؟؟؟؟؟؟؟؟؟
** ان كنت تقصد الاولى اقول لك : بحكم تحديات حصلت النيسان اثقل وزن وبكثير عن التويوتا . في جميع السيارات كل سياره مع اللي تشابهها .
اذا بغيت الاثبات والطريقه الصحيحه كل شي موجود الميزان السيارات ؟

الوزن عامل أساسي يا اخوي

فـ لو تتكلم عن الفي اكس اللي هو الهدد هل وزنه مثل وزن ال باترول اس جي ال ؟

انا من وجهة نظري النيسان اخف ولله الشهادة ماوزنت الأثنين للأمانه

ولكن أستعلمت التيوتا واستعملت النيسان التيوتا لاغرس دبل كبدك وفاحت ريحة الكلتش وخصوصا ً مع تعشيق الدبل الكبير

ياخذ له شوي ويطبق ولاااااااااااااااااازم تخلي الموتر لين يبرد وتروح تحايله

اما النيسان بالعكس لانهزته نقز ومشى فرق واضح ياخوي ولا اتكلم من واقع تجربة سياره او ثنتين

انا مع السيارات هذي من زمااااااااان النيسان موتر ولافيه مجال إلا ان التيوتا يتغلب عليه بقوة المكينة

ولكن لاجينا للرجال اللي يبي مقطعه والرمله انا اقول النيسان مايتقارن مع اي سياره ثانيه

الهدد أبشر به في قاع حجره مافيه ازين منه (ولكن بدون مطامر لأنه يهبد على خشمه وهذا اكبر عيوبه)

والنيسان ابشر به في الرمال وحزة الطرد اما لا طار مع له مع رفعه إنسى يطب على خشمه

وهذي ميزة النيسان ولكن عيبة الوحيد(يقرقع بسرعه)
هدااج 2008
31/03/2009, 01:18 PM
النيسان وبس في الرمله وكل شي

والفورد ( سيارتي ) قوي ماعليه بدون دبل افر الدهناء فر ارنوب


هههههه قل مااشاااء الله يااهووواي علي موترك
سامي 4800
31/03/2009, 01:35 PM
اول شيء هي تعتمد على السواق بشكل كبير

بس بصراحة انا اشوف انا الباترول ما عليه كلام

والحمد لله معي باترول 2004ماقد غرز فيني يوم غراز يخليني انزل احفر
ولا اعطيه الدبل الثقيل

والشاص موتر ما عليه كلام موتر بمعنى الكلمه
أبوسعود711
31/03/2009, 02:03 PM
اخوي حنا رايحين بي 4 سيارات باترول اثنين واحد ديزل وواحد عادي ما شاء الله الديزل احسن شي بهن اما الباقيات فهن حوضين
الصمصامه
31/03/2009, 03:04 PM
شفت سيارات لسلاح الحدود في الربع الخالي قبل كم سنه وكانت من نوع نيسان باترول..ما ادري اذا هو بسبب تميزها في الرمل او لا.. عموما اذا نزلت الرمل الكفرات لازم يكون ضغطها 15 والدبل الخفيف شغال واترك بين السيارات مسافه واياك والسرعه، اذا الموتر محمل(ونيت) الضغط يكون بين 20 و 25 وكل سيارة يكون فيها كفاية زهاب..ووقود اضافي واجهزة ملاحة واتصالات شغاله ومجربه ،طبعا، غير اللي في الونيت اللي محمل المؤنة الرئيسية، سبحان الله تفترق السيارات..

ملاحظه: اعرف شباب لهم سنين ينزلون الربع الخالي مع اطفالهم من جهات الشرق حتى يصلون الخرخير حول حدود اليمن ويرجعون، عفشهم يكون على جمس ابو طاقية ،طبعا نظيف، ويسوقه طيار! تفضيلهم للجمس بسبب رساوته وطبعا اسهل صيانه وفي كل مرة يصطحبون مكانيكي ويخططون الرحلة بشكل دقيق قبل بفتره.
سهم الجزيرة
03/04/2009, 01:01 AM
مرحبا جميع
--------

- ر م ي 444 / أخوي أنا معكـ الموتر من سواقه لكن لازم تاخذ الأحتياطات , مو كل مرة الموتر يسايس و يمشي ! . شاكر لكـ مروركـ عزيزي

- مخاوي ابوه / نفس ردي على ر م ي , و حياكـ يالغالي

- سهيل تميم / و الله ياخوي مارح نقول عزم البرادو مثل الباترول ! و الأثنين فيهم عزم لكن فيه فرق . و شاكر لكـ مروركـ

- بحر القصيد / أنا معكـ النيسان و التويوتا بينهم تنافس لكن النيسان يغطي صراحة , وفـّيت يالغالي و شرفت

- Sameer / ما أظن ردو الشباب إلا أنه فيه سؤال ( ؟ ) , مر مرور الكرام ولا فلا .

- مواسي الطعوس / شرفت أخوي

- هواوي / لاهنت يالغالي حياكـ

- بحر القصيد / جواب شافي و كثر الله خيركـ و ان كان عندكـ علم عن النيسان عطنا

- ابوسهيل / حياكـ اخوي

- سامي / الله لايهينكـ رد يشفي الغليلة

- راعي قصاف / بس الديزل ( فلم هندي ) خلنا على المضمون , حياكـ اخوي

- الصمصامه / ردكـ شافي و مهما كان الموتر تنسيم الكفرات لابد منه , لكن أختلف معكـ من ناحية الجموس , الجمس حلو و قوي لكن عيبه ثـقيل . و شرفني مروكـ .

=========

دمتمـ بود يالغالين
سهم الجزيرة
03/04/2009, 01:04 AM
اخوي الكايف2 بخصوص رسالتكـ عدد مشاركاتي مايسمح أني أرسلكـ فـ أعذرني ,
أما الموتر ألي تبي أنا من عشاقه فعلا ً لكن للآسف ما باليد حيله , أتمنى أقدر أخدمكـ .
ابو ناصر2020
03/04/2009, 11:19 AM
الباترول موتر مافيه كلام

انا معي 97 صالون عليه بالون ولا احلى رمل شعيب وعر جبال كل شي ماشي ماشاء الله بدون تنسيم هواء اوقات كثير بس اهم شي السواق هو الي يحكم
سهم الجزيرة
03/04/2009, 02:33 PM
- ابو ناصر 2020 / ما شاء الله للبيع الموتر ! الله يباركـ لكـ فيه شرفت يالغالي