مشوره بخصوص رحلة في اجازة منتصف الفصل ..

[isuzu.2007]

و دنا برحلة مع بعض الشباب في الاجازه الظاهر انها بعد اسبوعين او ثلاثة و البر الظاهر انه ما يصلح راح وقته .. و في بالي بعض الاماكن و ودنا برايكم و تضيفون اللي عندكم .. اهم شي يكون الجو زين و لا يهم المسافه لكم الى 2000 كم ..

1. المدينة و ينبع
2. الشمال ( حقل , املج ........الخ )
3. جيزان ( وادي لجب و ما جاوره .. العين الحاره )
4. الحساء ( شاطئ العقير )
5. اليمن ( بس رايكم يمدي؟؟!!)

و انا افضل الشمال لانها هي الوحيده اللي ما رحت لها .. و ابي شوركم مع مراعاة وقت الاجازة(بالنسبة للطقس)

[بو عبدالله 1]

المدينة ينبع اذا لم تكن الزيارة دينية لا أنصحك بها

الاحساء الجو لان يكون مغري بهذا الوقت

تسمح لي ارشح لك جيزان موسم ربيان وحريد وجو معتدل يسبق الحر

[طير آلفلآء]

والله انا رايي
الشمال براد وساعة صدر

[نقى المطوع]

لوحصل اليمن
لكن مدة الإجازة ما تخدمك

[ابوخالد2004]

افضل تخطيط بنظري وتجربتي
( القصيم - حائل - العلا - مدائن صالح - تيماء - تبوك - حقل - البدع - مقنا - قيال - ضبا - الديسة- ينبع - المدينة - القصيم )

[isuzu.2007]

بيض الله وجيهكم يا جماعه ..

ابوخالد2004 فكرتك بالصميم .. كل منطقه نمرها لازم هناك اشياء نزورها .. ياليت أسماءها و احداثياتها ان حصل ..

[mr.hilaly]

نصيحتي لك ..

انك تروح لابها .. هذا وقتها

او الدمام

تحياتي..

[isuzu.2007]

لا زلت أطمع في المزيد من الآراء ..

[مطعوس]

الــشــمــال

[B.A]

لاتفكر ولاتحتار الشام وبس والله ثم والله ان تدعيلي
لو الاجازه يوم رح ولاتشاور

[isuzu.2007]

يقطع أبو هيك الشام مره وحده :d ..

لا يا أخوي تكفى كلش و لا ابو شكيب اليمن اصرف منها ب 1000000 مره يكفي انك تقابل رجال ..

موب كلام ناس انا رايح ..

[اح ب2267]

الشمال
احلي شي

[isuzu.2007]

بما ان الدعوى شمال .. يا ليت تقترحون على خطة سير تكون مناسبة أمر من خلالها بأفضل المناطق ..

[isuzu.2007]

يا جماعة الخير .. فيه خريطة للطرق في المملكة و عدد الكيلو مترات ..

اذا فيه يا ليت احد يعطينا اياها جزاه الله خير ..

[المهند تمير]

معليش أخوي صاحب الموضوع ...
نصيحتي لك إن كانك كارحت للشمال فلاتفوته :
وخطة السير المقترحة لك :

تمير + القصيم = 200 كلم
القصيم + حائل = 270 كلم
حائل + مفرق جبل محجة = 230كلم
مفرق محجة + الجبل = 22 كلم عن 100 كلم
محجة + تقاطع تبوك/المدينة"الجهراء" =80كلم
الجهراء+تيماء = 100كلم
تيماء + تبوك
تبوك + حقل
ثم أنزل على ولاتتعدى البحر إلى الوجه ثم يمين للعلا ثم حائل ...

طيب أنا ودي أروح للجنوب ومن جهة نجران وأطلع على جيزان ... وش تنصحوني أمر ووين أروح له ... لأن ماعندي أي خلفية إلا رحلة لوادي لجب قبل سنة ...

[ابوليان2009]

مكة المكرمة والمدينة المنورة

[isuzu.2007]

لا هنتوا يا الربع .. لا يزال في الوقت سعه ..

[الشمطري]

اقترح عليك خط سير حليو وجميل جداً

الى ينبع - ثم املج ثم الوجه ثم ضباء

ومن ضبا اتجة الى شرما المهم هنا من شرما فيه طريق جديد يقطع الى تبوك

اقضب هالخط وتمش تجيك عدة ديار او هجر منها نعمي و شقران وغيرها

شعبان وجبال في غاية الروعة واراضي بكر يحبها قلبك والجو فيها رائع
(النار يصلح شبها للتدفي ) بالليل

وبإمكانك المواصلة مع الخط الثاني من شرما الى قيال ومن قيال الى البدع

ومن البدع الى الشرف وتمسك الطريق الى تبوك

ومناظر خلابة ورائعة جداً

بالتوفيق لك في رحلتك

[isuzu.2007]

شي جميل بس الدلاله لك عليها .. بعض الاماكن ما قد جيتها ..

القارمن يكفي .. و الا اجيب خريطة الطرق السعودية ..