كوش كرفت القزم ( توجيهي قصير لكن خطير )

[راعي عنيزة]

السلام عليكم ورحمة الله وبركاته

ساستعرض لكم موديل متميز جدا من كوش كرفت هذا الموديل هو 124WB
ويتميز بحجمه الصغير جدا مقارنة بكسبه العالي

http://www.durhamradio.ca/gifs/124wb.jpg

هذا التوجيهي القزم يبلغ طوله((((( متر و 22 سم )))) ويحمل 4 ريش ويتحمل طاقه 2000 واط وكسبه 10.2 ديبي ‍‍!!

واذا علمنا ان الاستيشن 3 وصل وطوله تقريبا 3 متر كسبه 8.3 ديبي فقط ‍ ‍‍‍‍‍!!!

هذا التوجيهي الصغير يفوق ارساله ارسال اي استيشن حتى الاربع وصل(اربعه متر) كسبه 11.8 ديبي لان التوجيهي يوجه كامل الارسال نحو الجهه المراده وليس كالاستشين يوزع الاشاره

وكذلك تحمل الطاقه فالاستيشنات الدايموند لا تتحمل سوى 200 واط اي ان الامبي مع الوقت يحرق مكثفاتها
بينما التوجيهي القزم يتحمل 2000 واط يعني تشبك فيه اي امبي وانت مرتاح

طبعا هذا الاريل لا يفوق ارسال التوجيهيات الكبيره مثل 13 15.8 ديبي او 26 الدبل 18.8 ديبي ولكن اذا قارنا طول تلك التوجيهات الذي يتجاوز الاربعة امتار ونصف (فضيحه:)) بينما القزم طوله متر و22 سم وهذا يجعله الخيار الافضل لمن لا يريد اريل كبير فوق سطح المنزل


واهم ميزه في هذا االتوجيهي هو وزنه الخفيف (كيلو و36 جرام) وشكله المشابه لانتل التلفيزيون وهذا ممتاز للاخوان الي يستحون يطقون اريل طويل هبيل في البيت ;) وكذلك لمن لا يريد مشاكل مع الجهات الامنيه حيث انه من الصعب رؤيته لصغر حجمه وعدم تفريقه عن انتل التليفزيون

وكذلك بالامكان استخدامه في البر حيث انه خفيف وسهل الحمل في السياره

باختصار التوجيهي قصير لكن فعله كبير وسعره معقوله تقريبا 500 ريال

وشكرا

[معن]

شكراً لك ياراعي عنيزة .. لو سمجت سؤال تلقيدي .. اذا جبت جهاز ايكوم 8000 وهالأريل هذا .. كم كيلو أقدر اراسل .. يعني وش ابعد شي :rolleyes: :rolleyes:

[شقران]

مبرووووووووووووووووووووووووووووووووووووووووووك
وتكسسسسسسسسسسسسسسسسسسسره بالعافيه

[السمح]

مشكور أخوي راعي عنيزة على هالمعلومات القيمة والشرح الوافي .. ولكن عندي سؤال الله لا يهينك : هل جربت الأريل .. أو بمعنى آخر هل ينطبق وصف الأريل على الواقع ؟؟
إن كان الجواب : نعم ،، فألف مبروك وما أخذ وقت حتى وصلوله .. ومثل ما قال شقران ياجعلك تكسره بالعافية وانتبه له من العجاج هاليومين ..

[راعي عنيزة]

معن
هذا السؤال التقليدي وفي نفس الوقت مستحيل الحل :rolleyes:
ظروف الارسال وتجهيزات الطرف الاخر كلها تؤثر في مدى المراسله
لكن مع الوقت انشالله والتجربه استطيع احكم عليه عمليا


شقران
ربنا يبارك فيك يا خلف خلفاتهم :)
واما سالفة اني اكسره فذي توووووووف من بوقك يا راجل ما شريناه عشان نكسره :flog: :no2: :D :D


خالي السمح
مابعد جربته يا خلفهم لكن الاسبوع القادم انشالله بجربه لين يدوخ واطلع ريحته :)
لكن مواريه والتجربه المبدئيه انه مطابق لمواصفاته ويكيفك اسمه كوش كرفت ;) يعني قول وفعل

[ماكنـــتـــــوش]

راعي عنيزة مبروك عليك اولاً وبعدين الإريل انا كان عندي مشترية 700 ريال قبل سنتين وهوا ممتاز جدا خاصتاً تركيبة ووزنه وميزته انه مافيه مكثف سلك بس ورهيب .:)

[ابوحمد]

السلام عليكم
في البداية اوجه شكري لراعي عنيزة على المعلومات التي يتحفنا بها في هذا المنتدى المبارك
والذي يعتبر بحق كنز معلومات في اجهزة الاتصالات وملحقاتهاحيث انها تفيد المبتدئين والذين ليس لهم
خبرة كبيره في هذا المجال امثالي والسوال الذي اود طرحة 1-هل استطيع حمل مثل هذا الانتل مع في السيارة
في الرحلات البرية البعيدة؟2- اين اشتريه من الرياض؟3- هل يحتاج الى أضافات أخرى غير جهاز الايكوم؟
ارجو منه ومن امثاله التكرم بمساعدتنا في هذا المجال والله يحفظه من كل مكروه

[راعي عنيزة]

ماكنتوش
تو ما زادت غلات الاريل يوم صرت انت مجربه ;)
وصدقت تركيبه سهل لكن ما يذبح قلبك الا وزنة الريشتين الصغار فوق الريشه الثالثه لازم وزنتهم تكون دقيقه و بالملم وجلست ساعه كامله ويالله ظبطتها :rolleyes:


ابو حمد
مشكور يا بعدي على المجامله الرقيقه
1- تستطيع يا خلفهم حمل الاريل في السياره واستعماله في البر ولكن انتبه اثناء النقل للريش واحرص على عدم اصطدامها باي شي يتسبب في ميلانها
2- في الحقيقه لا اعلم عن مدى توفره في الرياض وحتى لو توفر يكون غالي مثل تفضل الاخ ماكنتوش بانه شراه ب 700 ريال !! ومع انتشار التقليد في السوق لا تضمن ما تشتريه
ولكن بامكانك شرائه من الانترنت كما فعلت انا من موزع معتمد لكوش كرفت في كندا وكلف مع شحنه من كندا الى القصيم 500 ريال ووصل خلال اربعة ايام فقط !
3- لا يحتاج الى اي اضافات
ولكن في حالة رغبتك زيادة ارساله بامكانك استعمال الامبليفاير
وفي حالة استخدامه ثابت في المنزل لابد من شراء الفرار لتتمكن من توجيهه بكل يسر وسهوله

[عبدالعزيز الدباسي]

الله المستعان ،،،،، والله وتطورنا ،،،،،،،، يحق لكم :D :D

وين ايام المواصير وبراميل التراب ،،، واربط لا تربط

وين ايام طلعات السطوح وميل يمين وميل يسار ،،، وين ايام م كانو الجيران متوذين منك

ايه يازمن ،،،،،

اجل كوش كرافت مره وحده ،،،،،،،،

الف الف مبروك يالغالي ،،، وعقبال ما تشحط بهالمساكين :p :p




<CENTER><P><IFRAME WIDTH=65% HEIGHT=240 SRC="http://shagrdi.jeeran.com/shegardi1.swf"></IFRAME><BR></CENTER>

[راعي عنيزة]

صيدلي يا صيدلي يا صيدلي ******** بدي دوا الها وبدا دوا الي ههههههههههههههههههههه

هلا والله بصيدلية الحزيمي بكبرها ;)
الا صدز يا حمبيلك شهادة الصيدله من وين جايبها ؟؟ في اشاعات تقول انك اخذت كورس عند الصمعاني :D :D :D

[راعي عنيزة]

بالنسبه للاخوان الي سألو عن قوة ارساله وهل هو فعلا قد مواصفاته ولا خرطي ;)

احب ابلغكم انه بالامس كان الجو فاتح في عنيزة DC ;) وراسلت الاخ شقران :heart: والاخ ابو عبدالله في الرياض
وقد راسلهم معي مجموعة من الشباب من عنيزة والمذنب وكلهم معاهم ستيشنات وامبيات ورفع من 30 متر وطالع ويستقبلون شقران بيززززززززي وانا يا محاكيكم برفعة مترين ونص وامبي ما يطلع الا 150 استقبله 7 ابراج :D تنقز للاوفر بعض الاحيان
اما ابوعبدالله مشالله لا قوة الا بالله اوفر ثابت ومع اقفال الهوا 5 ابراج

وبدون امبي استقبلني شقران بيزي وابوعبدالله 5 ابراج :dance: :dance: :dance:

[شقران]

لازم نسمع الشباب تجربة الأرسال.. ولا وش راي الأخوة.

[راعي عنيزة]

ودي احطه يابوسليمان لكن الصوت مشوش وغير واضح اطلاقا
الظاهر انك كنت مقفل الهوا او مبعد المسجل عن الجهاز :rolleyes:

[القناص]

السلام عليكم

تراكم طولتوا علينا

وين الشريط عايزين نسمع عايزين نسمع عايزين نسمع عايزين نسمع عايزين نسمع عايزين نسمع عايزين نسمع عايزين نسمع عايزين نسمع عايزين نسمع عايزين نسمع عايزين نسمع.......

شوكرن شثير

[ماكنـــتـــــوش]

هلاأخوي راعي عنيزة تسلم والله ياخوي .
اقول انا ابي دايركشن 18 دبل عن طريقك :D وأعطيك الفلوس اذا جاء بس ابي اضمن انه أصلي ورخيص توقع بكم او ابي ستيشن قوي كش كروفت . وشرايك .:D

[راعي عنيزة]

القناص خيرها في غيرها وجارك واعدنا يشتري مسجل ازين من ذا المكحكح الي عنده ;)


ماكنتوش خلفهم :D
تبيني اشتري لك دايركشن وما تعطيني القروش الا بعد ما يدخل وعلى شرط يصير رخيص واصلي الا يا بعدي وش رايك على الدرب اجي اركبه لك واراسل عنك ;) :D
يا خلفهم انا لا لي في البيع ولا في الشرا واذا تبي عنوان الشركه عطيته لك وتفاهم معهم ودبر عمرك ;)
واظنهم يبيعون الدبل بما يعادل 1400 ريال لكن ما اعرف كم يكلف الشحن

[ابوحمد]

السلام عليكم
اخي العزيز راعي عنيزة لفيت محلات الرياض كلها وما لقيت التوجيهي المذكور
الله لايهينك عطني موقع الشركة في كندا علشان أطلبه منهم ولكم مني جزيل الشكر

[راعي عنيزة]

وعليكم السلام

ابوحمد تجد العنوان مع ايميل الشركه في بريدك الخاص

[ماكنـــتـــــوش]

لا أخوي راعي عنيزة انا أبي أعطيك الفلوس هالحين وبعدين انا مادري كيف اتصرف معهم مادامك انت سبقتنا الى هالمجال انفعنا يآآآآآآآآآآآآآآآآآآآآآآآآآآآآخي اعطيك الفلوس ومتى ما جاء الإريل اجيك بعنيزة وآخذة حلو ولا موووووووووو حلو :(

[راعي عنيزة]

يا بعدي انفعك بالي اقدر عليه وهو اني اعطيك معلومات الشركه وعنوانها وارخص وسيلة شحن وانت تفاهم معهم بالطريقة الي تريحك ولو تبي نترجم لك مافيش مانع
اما بيع وشرا لا يا حبيلك مالي في ذي الامور

[شقران]

يرفع للفائده:)

[فهودي]

الف شكر اخوي راعي عنيزة على هذا الموضوع .

بصراحة كنت ابحث عن التوجيهي القزم في الرياض ولم اجده.

انا شاهدة بصراحة اصغر من هذا التوجيهي تقريباً 80 سم ولكن بقدرة 9.1 دي بي قبل اربع سنوات مع شخص ولكن لااعرف شركة هذا التوجيهي .

************************************************** *******************************************
ولكن بامكانك شرائه من الانترنت كما فعلت انا من موزع معتمد لكوش كرفت في كندا وكلف مع شحنه من كندا الى القصيم 500 ريال ووصل خلال اربعة ايام فقط !
************************************************** *******************************************

ممكن تفهمني كيفية الشراء من الموزع عن طريق الانترنت والف شكر لك اخوي راعي عنيزة .

ممكن طلب آخر اذا تعرف موقع الشركة وشكراً اخوي .

[المستحيل]

الاخ راعي عنيزة ممكن موقع الشركة وطريقة الدفع ومــــــــــا الى ذلك .

[akhan]

مشكوووووووووووور

[السامر]

اخوي راعي عنيزه

ابي لي واحد

والله لا يهينك ابيك تعلمني كيف اشتريه عن طريق النت

وابي اعرف كم سعره مع التوصيل

والله لا يهينك

انا ابيك تشرحلي كيف اشتريه

المهم ابيه وبس

تعرف؟

ومشكور

[نقا هشال]

الغالي راعي عنيزة
الف شكر

[مطرد القمري]

Originally posted by راعي عنيزة
ماكنتوش

وصدقت تركيبه سهل لكن ما يذبح قلبك الا وزنة الريشتين الصغار فوق الريشه الثالثه لازم وزنتهم تكون دقيقه و بالملم وجلست ساعه كامله ويالله ظبطتها :rolleyes:




اخي العزيز ماذا تقصد بالوزنيه .. كيف طريقتها .. اطلب منك المساعده

وهل الريشتين الصغيره تجي تحت الأريل ام فوق الأريل ..اي الريشه الثالثه تركب مثل الريش الثلاث فوق الماسوره الأم ام بعكسها تركب تحت وتثبت فيها الريشتين الصغار


انتظر ردك .. لأني اشتريت واحد واريد توجيهك


تحياتي

[ماجد 2003]

الأخ راعي عنيزة جمل الله حالك ، والأخوة الأعزاء في المنتدي

السلام عليكم ورحمة الله وبركاته،،،،،
اريد أن أعرف كيف أقدر أجيب هذا الأريل ( عنوان الشركة ، طريقة المراسلة ، طريقة الدفع وكل مايلزم ذلك ) وذلك علي الأيميل (hayef2003@yahoo.com) .
وأكون لك من الشاكرين

[أبا القور]

السلام عليكم ورحمة الله وبركاته
الانتل موجود في الرياض لدى دار البوصلة وسعر الجملة 550 ريال وسعر الانتل الواحد 600 ريال وهو مضمون كوش كرافت اصلي حسب افادة ابو وليد.
تحياتي للجميع.

[ماجد 2003]

السلام عليكم ورحمة الله وبركاته

خوي راعي عنيزة سلم الله حالك والأخوة الأعضاء والزوار في المنتدي ، أنتظزنا ردكم في المنتدي أو علي البريد الالكتروني الخاص .
علي الأستفسار اللي طرحناه وهوبخصوص ( عنوان الشركة ، وطريقة مراسلتهم والدفع وكل مايتعلق بذلك)
ولكن ما جانا الرد الي هالحين ؟
وعلي العموم ودي اراسل الشركة لغرض شراء هالأريل وإذا حبيت أي شيء غيرة من عندهم.


ألاخ العزيز أباالقور : السلام عليكم ورحمة الله وبركاته ،، ومساك الله بالخير ، سألت نفس المحل (دار البوصلة)عن الأريل اللي تقول إنه بـ(600ريال) وقالوا ان سعرة بـ(750) هل إن سعرة تغير وإلا هو من عند محل ثاني ، اللـــــــــــــــــــــــــه أعلم ،،،،،،

وغفر الله لنا ولكم ولي والدينا اجمعين ،،،،،،،،،،،،،،

[ابوذيب]

وين راعي عنيزه مايعطينا عنوان هالشركه لان دار البوصله على قولهم
قالوا :- هذي الارايل مانبيعه بالزهيد ***ليا فرعن البيض يقوى ارسالها
يقولون انه( بالضبط )شركه تدرس انتاج هذا الاريل وحقوق اللانتاج محفوظه لحوسان.

[عبدالاله]

الي اخي العزيز شقران و راعي عنيزة لدي بعض الاسئله الموجهه لكم فلقد بحثت عن الريش الخاصة لصنع توجيهي ولاكن من دون فائدة
وحتى الانتل العادي تبع التلفزيون لا تكون الريش الموجودة معه ذات الطول المناسب لصنع ذلك فما الحل برأيك
وهل يكفي او يغني صنع توجيهي بأسياخ النحاس وهل هناك فرق بين احجامها اي 3 ملم او 4 ملم لجودة الارسال والاستقبال
هذا وتقبلوا خالص شكري وتقديري ..

[m3ak]

السلام عليكم انا ضيف جديد عليكم :p
بس حبيت اسئل عن التوجهي القزم الي تقلون عنه..هل هو التوجهي 16 :confused:
واذا موب هو شنهو هالتوجهي القزم احسن من التوجهي 16 و18 ولا يجي بعدهم في القوه :o
بغيتكم تفودني اذا امكن :)

[الخبير]

أخوي التوجيهي القزم أقل من الدبل 18 في القوة

[فتى شنه]

السلام عليكم ورحمه الله وبركاته

اخوي راعي عنيزه شو اخبارك طيب انشالله تقوللي اجل شاريه من كنداء يحبيله وبخمس ميه وخلال اربع ايام اكيد على الفيدكس

اخوي راعي عنيزه الكلام اللي تقوله قبل عام 2001 والى بعده ان كان بعده مافيش امل الى عن طريق شركه تطلبه لك عن طريقها
وبعدين الجمارك في فانكوفر او تورونتو هناك ماطلعه لك الى يعرفون جهه حكوميه مرسل لها كشركه تسويق اجهزه معروفه من قبل المملكه ونفس الدوله المصدره مايدرون هم ان ماخدين الاجهزه سوالف وسعه صدر ....

بعد 2001 يخافون من الناس انها تستخدمه الى اغراض ثانيه ............

ارجوا الافاده واسفين على كثر الهرج وارجوا ان مايجي في الخاطر شي .............


والسلام

[abosgr]

ماعليش على قدم الموضوع ولاكن للفائدة ارجو وضع الرابط الي شريت منه القزم وتقبل تحياتي

[العجييب]

سلمت يداك

وياليت لو ارفقت صورة للأريل

[ابوغلاب]

سلمت يداك

وياليت لو ارفقت صورة للأريل



http://www.universal-radio.com/catalog/hamants/2905.jpg



124WB

المواصفات
التردد : 144-148 ميغاهيرتز
العناصر : 4
كسب : 10.2 dBi
عودة الجبهة إلى نسبة : 19 ديسيبل
حزمة نقل VSWR 2:1 : 4 ميغاهرتز.
السلطة : 2000 اتس PEP
اطول العنصر : 41 بوصة (1.04 م)
تحول نصف القطر : 8.8 فورنت. (2.7 م)
ازدهار الطول : 4 فورنت. (1.22 م)
الرياح السطحية : 0.34 قدما مربعا
موصل : التردد فوق العالي (SO239)
الوزن : 3 الباونات (1.6 كلغ)

[رحال الشرقية]

http://www.universal-radio.com/catalog/hamants/2905.jpg




124WB


المواصفات
التردد : 144-148 ميغاهيرتز
العناصر : 4
كسب : 10.2 dBi
عودة الجبهة إلى نسبة : 19 ديسيبل
حزمة نقل VSWR 2:1 : 4 ميغاهرتز.
السلطة : 2000 اتس PEP
اطول العنصر : 41 بوصة (1.04 م)
تحول نصف القطر : 8.8 فورنت. (2.7 م)
ازدهار الطول : 4 فورنت. (1.22 م)
الرياح السطحية : 0.34 قدما مربعا
موصل : التردد فوق العالي (SO239)

الوزن : 3 الباونات (1.6 كلغ)



يكم سعرها وين اجدة

[ابوغلاب]

يكم سعرها وين اجدة


سعره 99.95 $ =374 ريال تقريبا هذا طلبية بدون رسوم الشحن

يمكن تلقاه بإحدى المحلات اللى بالرياض مثل دار البوصلة في حدود 700 الى 550 ريال

[رحال الشرقية]

فية احد عندة مستعمل