المساعد الشخصي الرقمي

مشاهدة النسخة كاملة : الأخ بليهان 1 / مطلوب للإفادة


مرودن
02/04/2009, 02:26 PM
السلام عليكم ورحمة الله وبركاته

من غير قصورن بالربع ذوي الخبره بالشفرات والجموس القديمه ،

إلى الأخ بليهان 1 واهل الخبره

الكل يدلي بدلوه لو تكرمتوا
وبالنسبه لي ماعرف احد بهالمنتدى له خبره الا بليهان وذلك لقلة المشاركه
والعذر منكم


عندي شفر 74
وأبي إفاده تفصيليه عنه
مع العلم ان شكله نفس شكل الـ 76 و 77 و 78 و .... الخ

رفرف لكن المحركات تختلف

اذا احد عنده معلومات عن الموديل هذا ياليت يفيدني
انا مالحقت عليها ولا عرف عنها شي
هذا موتر جدي له 31 سنه واقف وتليـقـفـت وقمت اشتغل فيه ابي ارممه واحييه من جديد <<< مقرود


لكم الشكر مقدماً ،، أخوكم / ابو ناصر ،
السارحي
02/04/2009, 05:45 PM
اخوي ممكن تضيف صور للموتر عشان يفيدونك الاخوان اكثر
مرودن
02/04/2009, 07:30 PM
والله يخوك الموتر بالورشه ولا عندي صور له


للرفــع ،،

بليهان مطلوب حيّ فقط مانبيه ميت خخخ
بـلـيـهـان 1
03/04/2009, 05:24 AM
السلام عليكم ورحمه الله وبركاته

حياكـ الله أخي العزيز و يشرفني مساعده و خدمه الذي مثلك و شرواك ،

بدايه ً شفر 74 على حسب اعتقادي الكبير أن الشكل يختلف عن الرفرف 76 و فوق

البدي يختلف اختلاف بسيط و حبذا لو تتأكد و يفضل وضع صوره .

ثانيا ً المحرك على ما أعتقد انه 6 سلندر حجم 260

و يفيدك في هذه النقطه الأخ ( ابو فهيدان ) حيث أنه يملك هذا المحرك في جمسه .

من ناحيه نفض الموتر ، ضع صوره تفصيليه و نفيدك اكثر و أكثر .

تحياتي لك عزيزي
مرودن
03/04/2009, 08:38 PM
هلابك اخوي بليهان يمرحبا والله

بالنسبه للاختلافات الشكليه في البودي والله يخوك مافيه اختلافات واضحه
يمكن اهل الجموس يعرفون يعني اختلافات دقيقه

لكن عند عامة الناس ماتوقع فيه فرق

وبالنسبه للمحرك فهو زي ماذكرت الله يحفظك
6 سلندر صاجه عريض لكن شلون 260 ؟؟؟
مكينه حمرا بستم واقف طبعاً لكن انا عندي استفسارات اخرى
واذا تقول ابو فهيدان هو اللي بيفيدني ياليت تعطيه خبر عن الموضوع لاني والله ماعرفه يالذيب


تم اعفاء الأخ بليهان
والمطلوب حالياً ابو فهيدان
مرودن
03/04/2009, 08:39 PM
للرفـــــع

أبو فهيدان حظــّــر لاهنت

وبالنسبه للصور والله السياره بالورشه تجديد بويه وبعض المتطلبات
مرودن
04/04/2009, 12:37 AM
للرفـــع ،،

في انتظار ابوفهيدان


سؤال :

هل فيه فرق كبير بين المحرك 6 سلندر و المحرك 8 سلندر ؟؟
وهل لو حبيت اغير المكينه لـ 8 سلندر تركب بدال الـ 6 بدون ترهيم ؟

ارجو منك اخي ابو فهيدان اعطائي نبذه مختصره عن السياره