مرواح كهرب للباثفيندر ،،،

[ابو ســــاره]

تحيه عطره للجميع ،،،
اخواني رواد مكشات
من قد ركب مرواح كهرب للباثفيندر بصراحة تعبت وانا ادور وش الزين وشفت كثير بس ما جازلي شي الي يقول احط حساس والي يقول ترى الحساس ما يشبك والي على كيفه يقول ما تركب والثاني يقول الا تركب بصراحة دخت مره .

[BASSAM]

السلام عليكم ورحمة الله وبركاته

ابوساره وش تقصد بالمراوح (للماكينه) ؟

[ابو ســــاره]

صحيح مرواح المكينة يتم ازالتها ويركب مرواح كهربائية ويكون الموتر خفيف مره

[ابو ســــاره]

هاه ما احد عنده علم !!!

[alferis]

السلام عليكم ورحمة الله وبركاته
بالنسبة لمراوح الكهرباء أنا ركبت مراوح ماكسيما وشغلهن تمام.
وإذا جزمت على تركيب المراوح لا تركب إلا هن لانهن طابقات علي الاديتر فقط تحتاج إلى توصيلة للقاعدة من تحت.
وفيه شئ مهم ايضا هناك مراوح نفس جرم مراوح المكسيما لكن الدينموا اضعف وريش المروحة اصغر وعلي ماعتقد انهن للصني لكن تعرف مراوح المكسيما بستكر صغير يكون ملزق في جرم المروحة يكون مكتوب علية رقم 4 او 5 اما الارقام الاصغر من ذلك لاتقربك.
واهم شئ تركبهن عن كهربائى ممتاز عشان ماتبلش بعدين في البر او اي مكان اخر ومعروف إن للمروحة سرعتان فنتبه أن تضع للسرعتين كتاوت واحد فقط لانه قد لا يتحمل ولكن اجعل لكل سرعة كتاوت مستقل
ولك تحياتي

[ابو ســــاره]

تسلم والله انك رجالً وافي .
بس ما علمتني وين الكهربائي الفاهم الي تقول وصفه لي .
تراي ابركب وعجلً بالحيل .
بس اني خايف اذا جاء شهر اغسطس وجك الطيور وصرت بوسط الشعيب امشي وشابك الثقيل ومطلع راسي ومناب لم الطبلون اخاف ما يوقفني الا حرارة الموتر .
فهل مرواح الكهرب حقات الماكسيما تفي بالغرض بمثل هالمواقف.

[تبريزة]

السلام عليكم


ارجو انك تطلع على الرسائل الخاصة اخوي ابو سارة



ودمتم

[بـــدر]

السلام عليكم ورحمة الله وبركاته
معي مرسيدس محرك ديزل تيربو و دايم توصل حراره المحرك من( 90 الى 95 ) درجه قمت حذفت المروحه الميكانيكية الي شد بلد ، وركبت مروحتين حقت (هيونداي) بس صناعه (ASIAN):good: يابانية سرعه واحده فقط ( نظام سحب هواء) والحمدلله من بعدها ما توصل الحراره الى 90 يعني من 85 وتحت

فأنصح الاخوان بتركيب المرواح الكهربائية
وهذا صوره لها قل التركيب
http://www.mekshat.com/pix/upload/images5/mk439_NewStyleFan.jpg

[alferis]

اخوي ابو سارة
الكهربائى الجيد ويمدحونه اهل القصيم موجود في عنيزة وهو افغاني في الصناعية لما تدخل عنيزة من جهة الشرق (جهة الاستاذ الرياضي) اول إشارة تلف يسار هو موجود في نفس الشارع في جهة اليسار يفتح غرب
وهذا رقم جواله0507841526
وانا مركبهن عنده من شهر رمضان ولا صار اى اشكال حتي الان والحمد لله
أما هل تتحمل شدة الصيف فهذا اللى مادري عنه هل الباثفيندر يتحمل ولا لا
وسبق جربناه على باترول لكن المروحة كانت مروحه قراند شروكي ولا نفع الكتاوت ماتحمل وخرب لانه كانت علي طول شابكه المراوح طبعا في وقت الصيد في وسط الشعيب .

[ابو ســــاره]

اخوي بـــــدر الله يجزاك خير دائماً وافي في ردودك بس وانا اخوك اخاف مراوح المرسدس يبي لها كهرب قوي ولا انا اول ما طرالي حقت المرسدس بس قالو لي الدينمو حقك ما يشغلها .

اخوي alferis بصراحة احرجتنى معك ومن طيبك الله يجزاك خير وياجرك انشالله بس انا ويني ووين عنيزة:o ابي شي بالرياض الله لا يهينك .

[بـــدر]

المراوح الي انا مركبها لسيارتي ألمرسيدس مراوح ( AISAN) حقت هيونداي يبانيه الصنع 120 وات, تقريباً
والي اعرفه ان دينمو الباث قوي يتحمل
بعدين انت مر الكهربائي وهو يقيس (الوات والأمبير ) ويعلمك اذ كان سيارتك تتحمل ولا لا
والله اعلم

[ابو ســــاره]

لا تشره وانا اخوك يوم اقرى الموضوع وانا توي قايم من النوم .
بس ما قلت لي كم سعرها مراوح الهونداي ذي والله انها جازتلي .

[أبوفيصل]

مساكم الله بالخير جميعا .. أنا ما أدري عن أي موديل تتكلمون. بس أنا معي 2003.

بصراحة أنا ما أشوف له داعي إني أغير مراوح أو خلافه .. يا جماعة الخير السيارة مصممة بهذه الطريقة..
يعني هم أكيد جربوا .. الحراره والمراوح تفيد ولا ما تفيد ..
بعدين أنا ما أحس إن الموتر يصخن لدرجة إني أغير مراوح .. (( اسم الله على موتري)) ..

بصراحة .. أخاف من التعبث بغير الأشياء الجمالية (( اكسسوارات فقط)) أما المحركات والكهرباء .. فلا وألف لا .. إلا اذا فيه أحد مجرب ويقدر يقنعني.

أبوفيصل.

[alferis]

اخوي ابو فيصل
المسألة مهب مسألة حرارة وانا من خلال تجربتي مروحة البلد افضل من ناحية التبريد
لكن تغييرها من اجل ان الموتر يخف شوي وهذا يختلف من سيارة وسيارة حسب قوة المحرك وايضا التماتيك حق المروحة فبعض السيارات في اغلب الاحوال يكون التماتيك حق المروحة شابك .
وانا جربته بالباثفيندر وكان الاختلاف بسيط

[أبوفيصل]

أخوي الفارس .. ولا يهونون باقي الأخوان

تقصد بخفة السيارة بالممشى.. ولا وقت التطعيس!! أو كلاهما معاً .. ترا كلاهما .. توي متعلم عليها .. عشان كذا حبيت أجربها .. يارب تكون أوكيه. وتعتقد تنفع للـ 2003
وسلامتكم

[ابو ســــاره]

وش قصدك بالفرق بسيط يعنى مرواح الكهرب ما تفرق مع الباثفيندر من ناحية الخفة وصرف البزين تراي على جريف الغي الفكرة من راسي بس .

[أبوفيصل]

أبو ساره .. يا أخي ما أعتقد إن مراوح كهرباء .. تخفض من صرفية البنزين .. ما أظن إن فيه علاقة بين المراوح .. وصرفية البنزين .. يا شباب تكفون من عنده أي فكره لا يبخل علينا ..

ونبي وش عمل هالمراوح بالضبط.

[ابو ســــاره]

لعل خوينا alferis طول ما رد علينا ،،،،
وانا الي ادخل الموتر البيت وافك المروحة من الموتر بصراحة فكها ما اخذ دقيقتين بمفك عشرة :D ويوم طلعتها الا والله انها ثقيله بالحيل وارجع الصواميل مكانها طبعاً واشغل الموتر والله انه يعنى فيه اشوي خفه بالصوت قلت خل اباخذ لي لفه واطلع السيارة من البيت واخذ لي لفه واشغل المكيف يوم بدت الحرارة ترتفع وارجع البيت واركب المروحة .
المراد / ما لاحضت فرق يسوي فركة مروحة الشد بلد يمكن مع الباترول بس الباثفيندر ابداً ويمكن ان الخفة ما تطلع الا مع المشي بالخطوط والمشي الواجد والله اعلم.

[path_poth]

هاه وش صار على المراوح نركب ولا لا؟؟؟؟؟؟؟؟؟؟؟

عطونا المحصلة النهائية<----- ماأدري وش معناها لكن سمعت ناس جابوا طاريه قلت ياولد يمكن تقمز وتصير مثــــــــقــــــــــــف ، إلا وش معنى مثقف؟؟؟

[أبوفيصل]

ابو ساره .. جيت لك بالعلم الوكاد .. الشباب في مكشات ما يقصرون

كل ما أثير حول موضوع المراوح الكهربائية تجده هنا على هذا الرابط .. ولاتنسى صاحب الموضوع الأخ مهيلان من صالح دعاك .. ولا تنساني أيضاً.


http://www.mekshat.com/vb/showthread.php?s=&threadid=7879

[تبريزة]

السلام عليكم ورحمة الله وبركاته


بالنسبة للمراوح انا احب افيدكم باللي اعرفه وياليت من يحس انه في كلامي شيء غلط يناقشني فيه


المروحه حقت الوكالة تشتغل على سير
يعني لو فكينا مروحة الوكالة راح يكون هناك سير ملغي من المكينه
وبالتالي راح يختفي صوت المروحة
وراح تقل صرفية البنزين لأنه المكينه سوف يقل بذلها للجهد لأنها خفيفة وقد ألغي سير من السيور اللي تشغلها
وراح تقوى السيارة لأنك اول اذا مشيت
المكينة راح يضعف عملها لأن جزء من جهدها ذهب للسير حق المروحة
وبعد تركيبك للمراوح الكهرب لن يذهب هذا الجهد المهدر للسير ،،، راح تستفيد منه المكينه

واسف على الاطالة وركاكة الاسلوب بس الشكوى لله تحملوا

وياليت اكون وصلت المعلومة بأكثر قدر من الفائدة
ودمتم

اخوكم
تبريزة

[أبوفيصل]

تبريزة .. انت كذا

[ابو ســــاره]

اخوي ابو فيصل جزاك الله خير على الرابط بس تراي قبل ما اكتب الموضوع شايف موضوع اخوي مهيلان وباحث بالقوقل ولقيت مواضيع واجد بعد بس ما لقيت احد يقول انا معي باثفيندر ومركب عليه مراوح كذا وصار لي كذا فهمت وش الي ابي الله يحفظك وشاكر لك على ما سعيت لي به .

اخي العزيز تبريزه لو ان الدعوى سهله زي ما تقول ان كان كل الناس صلحو كذا بس انا بسيارتي لو عملت بتعليماتك ان كان انفصل عندي الدينمو وانفصل الكمبرسر وانفصل طرنبه المويع بعد وش رايك .
وراجع الخاص تراي مرسلك فيه .

[alferis]

السلام عليكم ورحمة الله وبركاته
اسف على التأخر بالرد
اخوي ابو فيصل الخف راح تلاحظه عند التحريك وكذلك بالتطعيس خاصة إذا شديت عزم من مكان قريب ولكن كما قلت لك إن الفرق في الباثفيند خفيف لان المحرك قوي و تماتيك المروحة مهو شابك على طول لذلك تلاحظ عند تشغيل الموتر إن فيه صوت للمروحة وبعد ذلك يخف وهذا التمكاتيك مايشبك إلا عند ارتفاع الحرارة .
وسألك اخوي ابو سارة عن الصرفية فيه اختلاف لكنه ايضا بسيط.
وعلى العموم المسألة كلها مثل ماقال اخونا تبريزة انك كنأنك الغيت سير من السيور ولكن لكى تكون المسألة اقرب اقول نه مثلها مثل طريقة عمل المكيف لما يكون الكمبروسر شابك وإذا كان غير شابك والتماتيك حق المروحة مثله لما يشبك يكون يأخذ جزء من قوة المحرك .
وابضرب مثال على السيارات التكون التماتيك غالبا شابك مثل عندك الددسن الاوله الكلبليتر لما تمر من عندك راح تسمع صوت المروحة واضح جدا فهذي لما تغير المروحة راح تختلف عليك كثير لان المحرك غير قوي وقد تحررت من شئ كان يمتص من قوت المحرك المتهالكة.
ارجو ان تكون الفكرة واضحة
ولكم تحياتي

[تبريزة]

بصراحة ماازود على اخوي alferis شيء

اتوقع ان توضيحه واضح كفاية

وبالنسبة لك اخوي ابو سارة

ترا السير حق المروحه هو اللي ينفك بس
اما باقي السيور راح تكون شغاله يعني الدينمو والكومبرسر وطرنبة المويه مالها دخل

وتراني رديت لك على الخاص