المساعد الشخصي الرقمي

مشاهدة النسخة كاملة : من افضل ورشة لتغير زيت قيرجيب النيسان الفتك


mhn-
04/04/2009, 12:14 AM
السلام عليكم معى جيب نيسان 2004 اول ماشريتة وديتة للوكالة للتشيك بعد 80 الف كم قالو لى الوكالة مايفحص القير الابعد 5سنوات انشاء الله والان كمل خمس سنوات ولا فية مشكلة الحمد لله لكن للاطمنان هل فية ورشة بالرياض تقدر تشيك لى القير مضمونة وممتازة لو تكرمتو
عنوان توضيحى مع رقم الهاتف واسمها شاكرين
محسن اليامي
04/04/2009, 12:44 AM
وعليكم السلام

والله ياخوي بوعبدالله أنا موتري 2003 وغير زيت القير كل 40 ألف

لكن غريبه الوكاله تقولك بعد 5 سنوات تغير الزيت ، وأنا أنصحك تغير بالوكاله وتقولهم عطوني ظمان واضح إذا صار بالقير شي تحملون المسؤوليه

والقرار أولا وآخرا لك أنت يابوعبدالله
هاوي الباترول
11/04/2009, 04:31 PM
وعليكم السلام

شف انا شريت باترول مديل 2003 تبرتنك (( تماتيك عادي )) وقعدة 3 شهور ونا ادور ورشه تغير الزيت مالقيت وصان راعي ورشه قال اشر زيت الماني حق ال بي ام قيمت اللتر من 70 الى 90 ريال ورح لاقرب غيار زيت وخله يفك الصره الي تحت عند القير وعبه من حق العيار يوم حسبته طلعة تغيير الزيت مع تنضيف المشخال بالوكاله نفس السعر مايفرق غيرته بالوكاله 580 ريال اهم شي عند الراحه النفسيه وتنضيف الشخال بس فيه حركه سوه قبل لاتغير الزيت بالوكاله غيره عند بنشري وخله يعبيلك الزيت حققك بعلبه ويوزنه ويعبي زيت اس دلكو وخله يومين ورح للوكاله وغيره
اخوك هاوي الباترول
لاتنسى من الدعاء لنا
جيب متشوبيشي
11/04/2009, 08:08 PM
حبيب قلبي قير الباترول الزيت حقه مايتغير ابد واسئل الوكاله وبتشوف انتبه تغيره سلام ياصاحبي
faris2006
12/04/2009, 12:12 AM
افحص القير عن الوكاله
انا كان عندي كابرس 94 وديتها عند ورشه فلبين وغير لها زيت وفلتر
وسافرت الى الطائف قبل الطائف بى 20كم خبط القير شحنتها للرياض وديتها للورشه ولا كانهم دخلت عندهم...
صاحب الورشه قالي في ورشه متخصصه في قيرات الامريكي اسمها (السيف)بالصناعيه القديمه
وغير نصف القير.

تبغى شغل مضمون (((((الوكاله))))
صلفان.نجد
12/04/2009, 11:38 AM
الرياض-الصناعيه القديمه-شارع المنتزه -اّخر الشارع وانت متجه للغرب -ورشة الحسن على يدك اليمين قبل ماينتهي الشارع.
بن فليج
12/04/2009, 12:13 PM
السلام عليكم يخوي انا معي فتك 2007 قير تماتيك عادي يوم مشا خمسين الف وديته الوكاله باغير زيت القير وقالولي انتبه زيت القير مايغير يزاد بس وحذروني اني ماأزوده في اي محل وفعلا صار كلامهم صحيح لان واحد من الربع معه زي موتري وغير في محل غيار الزيت وطق عليه القير