ما هي المشاكل المتوقعه بعد تغيير زيت الجير.؟

[السارحي]

السلام عليكم ورحمة الله وبركاته


اخواني لايخفى عليكم ان تغيير زيت الــقـير قد يجلب مشاكل للسياره خصوصا اذا كان قديم او محترق


وهنا اتمنى من اخواني اصحاب الخبره مشاركتنا بخبرتهم بهذا الموضوع



http://www.germes-online.com/direct/dbimage/50236241/Light_Vehicle_Transmission.jpg

[أبوسعد 511]

وأنا أنتظر الاجابه مثلك ..

[الهوى جنوبي]

طال عمرك وعمر المكشاتيه على الطاعه انا غيرت زيت القير لكن الكلام هذا من مبطي يعني قبل سنين والحمدالله ما عانيت من اي مشاكل وناوي اغيره ان شاء الله قريب ولو فيه اي نصايح او توجيهات ارجوا ان لايبخل بها علينا اهل الخبره
تحياتي لك وللجميع

[مكشاتي زلفاوي]

أسمحوا لي بالمشاركه
بالنسبه لزيت القير الاتوماتيك طولت ماغيرته ولاحظت على السياره أنها تتأخر بتغيير النمره خاصه بين الثاني والثالث وعلى طول غيرته ولازالت المشكله للاسف لانك اذا تأخرت بتغيير الزيت او نقص خطير انه يبووش
فلذلك النصيحه انك تغيره كل 50 الف كم
تقبل تحيتي

[مسفر الاكلبي]

والله القير العادي والدفرنس انصح بعدم تغيير زيتها

غيرت مرة زيت الدفرنس وطلع في الكرونا صوت وبعدها حرمت ولم اجد اي مشاكل

نحمدالله في سياراتي اللتي استخدمتها

[نايف292]

وعليكم السلام ورحمة الله

انا عندي نصائح لكم لاني جربت مشاكل تغيير زيت القير لاكثر من سيارة وان شاء الله افيدكم

اذا كان الزيت نظيف ومو محروق لاتغيره نهائي



واذا كان الزيت تعبان مررررره غيره من الوكاله ((بحيث انك تدخل موترك للوكاله او انك تطلب سوائل للقير او الدفرنس وتغيره عندي اي واحد ثقه)) وانتبه انك تغيره عند اي بنشري مهمت كانت الظروووووووووووووف ومهما حاول اقناعك انه اصلي

ملاحظه قيمة سوائل القير والدفرنس اللتر الواحد بخمسة وعشرين ريال بالوكاله للاندكروزر واذا سعره ارتفع الله اعلم

ان شاء الله اني افدتكم

[q.8]

بحكم خبرتي الطويله بزيت القير الاوتوماتيكي

لو كان زيت القير له مده طويله ماتغير ومحترق وتبي تبدله انتبه تبدله مره وحده حتى لو عند الوكاله

لانهم مايضمنون لك القير واحتمال يروح عليك

الطريقه الصحيحه لتبديل زيت القير المحترق :

1- اول شي تروح اقرب محطه او ورشه او بنشر تقوله اسحب من زيت القير 3 او 2 لتر انا كان عندي لاند كروزر وسحب منه 3 مدري 4 لتر المهم تسحب منه وتزيده بنفس الكميه المسحوبه بزيت جديد وتمشي عليه مده اسبوع كامل 7 ايام .
2- بعد ماتمشي اسبوع تجي مره ثانيه تكررنفس الخطوه تسحب هالمره 4 لتر وتزيده 4 لتر طبعا السحب يكون بالشفط لاتفك الكارتير ولا الفلتر حق القير وتمشي عليه اسبوع ثاني .

وبعد هالسحبتين تجي طال عمرك تفكه كامل وتبدله واحرص على ان يكون الجيب باارد وانصح بتبديل زيت القير عند الوكاله

وشكرا ,,,

[كبسولة2]

إذا كان زيت القير له فترة طويلة جداً لم يغير ومحروق وغيرته

راح يخرب عليك الكلتشات حقت القير وتظطر للتوضيب

وأفضل طريقة لتغيره هو شفط بعضه وزيادة عليه حتى يتم التجانس بين الزيت القديم

والجديد مثل طريقة الأخ p.8

[السارحي]

وأنا أنتظر الاجابه مثلك ..

حياك الله يالغالي وشاكر مشاركتك


طال عمرك وعمر المكشاتيه على الطاعه انا غيرت زيت القير لكن الكلام هذا من مبطي يعني قبل سنين والحمدالله ما عانيت من اي مشاكل وناوي اغيره ان شاء الله قريب ولو فيه اي نصايح او توجيهات ارجوا ان لايبخل بها علينا اهل الخبره
تحياتي لك وللجميع

حياك الله يالغالي وشاكر مشاركتك


أسمحوا لي بالمشاركه
بالنسبه لزيت القير الاتوماتيك طولت ماغيرته ولاحظت على السياره أنها تتأخر بتغيير النمره خاصه بين الثاني والثالث وعلى طول غيرته ولازالت المشكله للاسف لانك اذا تأخرت بتغيير الزيت او نقص خطير انه يبووش
فلذلك النصيحه انك تغيره كل 50 الف كم
تقبل تحيتي

حياك الله يالغالي شاكرلك مشاركة اخوانك بالتجربه وشكرا على النصيحه


والله القير العادي والدفرنس انصح بعدم تغيير زيتها

غيرت مرة زيت الدفرنس وطلع في الكرونا صوت وبعدها حرمت ولم اجد اي مشاكل

نحمدالله في سياراتي اللتي استخدمتها

حياك الله يالغالي اخوي من المعروف ان الجير العادي لايتغير زيته الكلام هنا عن الاوتوماتيك شاكر مرورك


وعليكم السلام ورحمة الله

انا عندي نصائح لكم لاني جربت مشاكل تغيير زيت القير لاكثر من سيارة وان شاء الله افيدكم

اذا كان الزيت نظيف ومو محروق لاتغيره نهائي



واذا كان الزيت تعبان مررررره غيره من الوكاله ((بحيث انك تدخل موترك للوكاله او انك تطلب سوائل للقير او الدفرنس وتغيره عندي اي واحد ثقه)) وانتبه انك تغيره عند اي بنشري مهمت كانت الظروووووووووووووف ومهما حاول اقناعك انه اصلي

ملاحظه قيمة سوائل القير والدفرنس اللتر الواحد بخمسة وعشرين ريال بالوكاله للاندكروزر واذا سعره ارتفع الله اعلم

ان شاء الله اني افدتكم

حياك الله يالغالي شاكر مشاركتك ونصيحتك


بحكم خبرتي الطويله بزيت القير الاوتوماتيكي

لو كان زيت القير له مده طويله ماتغير ومحترق وتبي تبدله انتبه تبدله مره وحده حتى لو عند الوكاله

لانهم مايضمنون لك القير واحتمال يروح عليك

الطريقه الصحيحه لتبديل زيت القير المحترق :

1- اول شي تروح اقرب محطه او ورشه او بنشر تقوله اسحب من زيت القير 3 او 2 لتر انا كان عندي لاند كروزر وسحب منه 3 مدري 4 لتر المهم تسحب منه وتزيده بنفس الكميه المسحوبه بزيت جديد وتمشي عليه مده اسبوع كامل 7 ايام .
2- بعد ماتمشي اسبوع تجي مره ثانيه تكررنفس الخطوه تسحب هالمره 4 لتر وتزيده 4 لتر طبعا السحب يكون بالشفط لاتفك الكارتير ولا الفلتر حق القير وتمشي عليه اسبوع ثاني .

وبعد هالسحبتين تجي طال عمرك تفكه كامل وتبدله واحرص على ان يكون الجيب باارد وانصح بتبديل زيت القير عند الوكاله

وشكرا ,,,


حياك الله يالغالي وفعلا كلام اقرب للواقع

شاكر مشاركتك لاخوانك بخبرتك


إذا كان زيت القير له فترة طويلة جداً لم يغير ومحروق وغيرته

راح يخرب عليك الكلتشات حقت القير وتظطر للتوضيب

وأفضل طريقة لتغيره هو شفط بعضه وزيادة عليه حتى يتم التجانس بين الزيت القديم

والجديد مثل طريقة الأخ p.8

حياك الله يالغالي شكرا على المشاركه

[قرم العيال]

بحكم خبرتي الطويله بزيت القير الاوتوماتيكي

لو كان زيت القير له مده طويله ماتغير ومحترق وتبي تبدله انتبه تبدله مره وحده حتى لو عند الوكاله

لانهم مايضمنون لك القير واحتمال يروح عليك

الطريقه الصحيحه لتبديل زيت القير المحترق :

1- اول شي تروح اقرب محطه او ورشه او بنشر تقوله اسحب من زيت القير 3 او 2 لتر انا كان عندي لاند كروزر وسحب منه 3 مدري 4 لتر المهم تسحب منه وتزيده بنفس الكميه المسحوبه بزيت جديد وتمشي عليه مده اسبوع كامل 7 ايام .
2- بعد ماتمشي اسبوع تجي مره ثانيه تكررنفس الخطوه تسحب هالمره 4 لتر وتزيده 4 لتر طبعا السحب يكون بالشفط لاتفك الكارتير ولا الفلتر حق القير وتمشي عليه اسبوع ثاني .

وبعد هالسحبتين تجي طال عمرك تفكه كامل وتبدله واحرص على ان يكون الجيب باارد وانصح بتبديل زيت القير عند الوكاله

وشكرا ,,,



والله معلومات جديده

بالنسبه لي


شكرا لك

[السارحي]

والله معلومات جديده

بالنسبه لي


شكرا لك

الحمد لله وهذا المقصد من الوضع الفائده

حياك الله يالغالي

[ابوطاقية]

كان عندي جمس 8100 موديل 2002 من طلعته من الوكاله ماغيرت زيت القير حتي وصل تقريبا 120 الف كيلو بعدين غيرته وعند التغيير وقعت ورقه على مسؤليتي اي خلل بالقير توكلت على الله وغيرته وبعدها استمريت بالتغيير كل 60 الف ولله الحمد ماحصل شي بالقير وكانت تغيراته ممتازه جدا جدا

[الصيلوان]

افضل تغيير لزيت الغير ماهو بس الفلتر والزيت ولكن لاتنسى انة باقي زيت في البروانة والافظل انك تنزل الغير كلة بالورشة وينظفونة من داخل بدون فك حتى ننظف من كل الزيت الموجود بالغير ثم ترجع تركبة وتعبية زيت وتتوكل على الله

[فكسه]

اذا كان عادي لاتغير غلق فقط اما اتوماتك فغير كل سته اشهر +فلتر القير

[راع الطويلات]

ياخوان من يفتينى في زيت قير الفتك لان الاقوال تعددت و الوكالات اختلفت من ياتي بالقول الفصل ؟

[q.8]

راع الطويلات اسحب عيار زيت القير وامسحه نظفه كويس بخرجه وشف مكتوب على السيخ النوع المفروض تستخدمه على القير

انا عندي لاندكورزر 2002 جي اكس ار النوع الي مكتوب على عيار الزيت اسمه داكسترن 3 يعني هو الزيت المناسب والساير يحطله طال عمرك تايب فور لين انتبهت له وقمت اعبيه داكسترن 3 ولاضره الحمدلله

[q.8]

قرم العيال العفو طال عمرك

[سيف الظفير]

بخصوص تغيير القير يا الغالي انا غيرت قير السوبربان 2500 بزيت من ACDelcoوللأماااانة السيارة كان فيها صوت طقه في الريوس واحياناً في الامام والحين صار تغيير القير سلس لكل الوضعيات وممشى الجمس عند تغيير الزيت تقريباً 64.000

[حسين السبيعي]

افضل شي تغير زيت القير والفلتر كل 50000 كيلومتر

[q.8]

بالعكس اخوي زيت القير انواع فيه التايب فور يتغير كل 40 الف كيلو

وفيه الداكسترن خفيف ويتغير كل 20 الف كيلو فقط

[دله وفنجال]

السلام عليكم...


الله يعطيك العافية اخوي على الموضوع...


اما بنسبة لي فلي مشكلتين مع القير الاوتوماتيك الاوله مع vx-r 2001 تم تغيير زيته بعد 115000 كلم مع الفلتر وبعده صار فية تفويته عند التعشيقه الثالثة وستمر على الحاله هذي الين 135000 كلم اي بعد 20000 كلم غيرته مره ثانية بنائن على كلام واحد من الربع ولا صار فية شي.. وستمرت المشكله الى ان مشا الموتر 240000 كلم بعدها صار فية لخبطة يعشق مرة ومرة مايعشق الين قال هذا مكاني ...

اما المشكله الثانية فهي مع vx-r 2007 تم تغيير زيت القير على كلام السوداني الي عند العظيب بصناعية الرياض بعد 45000 كلم مع الفلتر بعدها صار فية صوت حره بلقير وغيرته بعد 105000 كلم ولا زالت المشكله موجودة بس التغييرات سليمة وسلسة ولافيها مشاكل...


واسفين على الاطاله...

[الاتصال السريع]

انا يا اخوان غيرت زيت القير طبعا القير اتوماتيك السيارة باترول موديل 95 م وياليتني ما غيرته السيارة ما كان فيها شيئ لكن زيادة حرص قبل السفر ، وجبت له فلتر اصلي ووجه وزيوت افضل نوع ورحت لمكانيكي علشان يغيره ، المهم بعد ما غيرناه ركبت السيارة وحطيت القير على الريوس ابغى اطلع من على الحفرة وادعس بنزين ولكن بدون تتحرك السيارة ، قلت للمكانيكي انت وش سويت قال اللي شفت وبصراحة شغل المكانيكي كان نظيف
طبعا بعدما كثر الهرج بيني وبينه اتفقنا انه يجيب اخصائي قير وفعلا جبنا اخصائي القير ووضح لنا الخطأ الذي وقعنا فيه وهو انه عندما قمنا بتغيير الزيت والفلتر كان الزيت محروق واحدث ذلك مشكلة في الكلتشات وطبيعي تحدث لكثير من الناس على حسب كلامه
السيارة وديتها محل خاص بالقير ودبروا لي قير بمبلغ ( 3000 ) ريال مع التركيب والضمان وخلصت القصة وآسف على الاطالة

[البدراني11]

السلام عليكم
اراءا الاخوة بناء على ما سبق كالتالي :
- غير الزيت عند الوكالة و ناس تقول عند ورشه
- لاتغير الزيت ابد
- فضه شوي وزد عليه كثر اللي خذته
- الانواع منها :تايب فور . داكسترن 3.ACDelco
-المدة بالكيلو :50-115-45-64-120

وانا باقول مثل ما قال اخوي راعي الطويلات :

ياخوان من يفيدني في زيت قير البرادو لان الاقوال تعددت و الوكالات اختلفت... من ياتي بالقول الفصل ؟:confused: :confused:

[aaa3]

السلام عليكم
لدي برادو2005 عندما شيكة عليه عند الوكالة وهو ماشي 40الف قالو جيبه على الثمانين الف عشان نغير زيت القيرعلما أنه لم يتم تغيره على40 الف فقط

[skroOoOob]

والله يا شباب انا كنت محتار و بعد دخولي للموضوع احترت زياده ..:confused:

انا معي باجيرو 2006 تماتيك ماشي 112000 .. رحت اغير زيت المكينه كعادتي كل 8000

فقالي اليمني اشيك على زيت القير و الدفرنس .. قلت شيك .. وازعجني قال محترق و متغير لونه

ولا ادري وش اسوي من قالي .. فصرت ادور العلم .. يا ليت تفيدونا تكفون يا شباب .. على كلام بعض الشباب

الوكاله لا تغير عندها .. اذا ما غيرت عند الوكاله من اغير عنده ..؟:confused: اذا صارت الوكاله ما تضمنلي من يضمنلي ..؟

[مغلي]

انا يا اخوان غيرت زيت القير طبعا القير اتوماتيك السيارة باترول موديل 95 م وياليتني ما غيرته السيارة ما كان فيها شيئ لكن زيادة حرص قبل السفر ، وجبت له فلتر اصلي ووجه وزيوت افضل نوع ورحت لمكانيكي علشان يغيره ، المهم بعد ما غيرناه ركبت السيارة وحطيت القير على الريوس ابغى اطلع من على الحفرة وادعس بنزين ولكن بدون تتحرك السيارة ، قلت للمكانيكي انت وش سويت قال اللي شفت وبصراحة شغل المكانيكي كان نظيف
طبعا بعدما كثر الهرج بيني وبينه اتفقنا انه يجيب اخصائي قير وفعلا جبنا اخصائي القير ووضح لنا الخطأ الذي وقعنا فيه وهو انه عندما قمنا بتغيير الزيت والفلتر كان الزيت محروق واحدث ذلك مشكلة في الكلتشات وطبيعي تحدث لكثير من الناس على حسب كلامه
السيارة وديتها محل خاص بالقير ودبروا لي قير بمبلغ ( 3000 ) ريال مع التركيب والضمان وخلصت القصة وآسف على الاطالة



كيف اعرف ان الزيت محروق او لسه

قير جمس 2002

[goold6060]

فعلا يااخوة هل قير الباترول العايدي يتغير والا يزود
وهل له فلتر وكيف اعرف هل هو محروق أم لا
الفزعة يالقروم

[الادغش]

ياجماعه الخير ... اول صح كان الجير يقوم اما الان فقد تغير الحال بانسبه للسيارات الجديده من 2002 وحتى الان وخاص الفورد والشفر واليوكن وغيرها من الامريكية ... عدلو فيها والحمدلله كل شي على مايرام

[al360f]

يعطيكم العافيه على الافاده

[قمة افرست]

سلمك الله من الممكن بعد تغيير الزيت
يحدث تاخير بالتغيير
واغلب الوكالات ماتغير الزيت اذا قديم ومحروق الا بعد التوقيع لهم على الفاتورة ان تغيير الزيت على مسؤليتك
لوصار شي للقير
وهذي صارت معي بكذا سيارة عند الجميح
لانهم يقولون بعد تغيير الزيت صارت كذا حالة لبعض السيارات وهي التاخير بالتغيير بين النمر وادخلهم بمشاكل مع اصحاب تلك السيارات بمطالبتهم بتوظيب القير اوحل مشكلة التاخر بالتغيير بين النمر

وطبعا للحفاظ على القير تغيير الزيت مع الفلتر كل 60 الف كيلو

هذا بالنسبة للامريكي بجميع انواعه
الجيوب الفي اكس ار مايغير الفلتر لانه حديد تغيير الزيت فقط الجديد 2008 ماعندي خلفيه عنه اقصد موديلات 98 والمشابه لها

[مغلي]

سبق ان غيرت زيت القير والفلتر لـيوكن 2002 قبل 55 الف كم من الان بزيت Acdelco قيمة العبوه 9 ريال فقط من مركز الوعلان بالبديعه بالرياض
والحمد لله ماشي تمام .... فهل اغيره الان بنفس النوع من الزيت .... وكيف اعرف ان الزيت القديم محروق او جيد الى الان

[ن م ر]

السلام عليكم ورحمة الله وبركاته

اتمنى مداخلتي تفيد الجميع

اولا: القير العادي
القير العادي يا اخوان وحسب المتخصصين في الصيانه يجب تغيير كل 40 - 60 الف كلم واللي يقول لا تغيره ابد هذا غلطان
لان تروس القير محتاجه زيت لزوجته جيده والزيت اذا طول في القير تتغير لزوجته بسبب الحراره والاستخدام

الزيت اللي استخدمه للقير العادي في اللاندكروزر عيار 90 وهو الموصى به
نفس الكلام ينطبق على الدفرنس يجب تغييره لانه مع الاستخدام يفقد لزوجته



ثانيا : القير التماتيك

القير التماتيك زي ما تعرفون حساس ويجب تفقد زيته بواسطة العيار المخصص لذلك عندما تكون السياره واقفه وفي وضعية D أو R وتغييره كل 40 الف كلم

لتغيير زيت القير التماتيك لابد من نقاط مهمه نتبعها اللي هي :
1- لا تغير زيت القير التماتيك عند بنشري اي كلام لابد من تغييره عند ميكانيكي فاهم
2- يلزمك عند تغيير زيت القير التماتيك تغيير فلتر زيت القير
3- تنظيف كرتير جيدا بالبنزين او القاز لان طبقة من الزيت المحروق تكون لاصقه فيه
4- ايضا يلزمك تركب وجيه للكرتير وهي غالبا تكون معجون اسود اللون
يجب مراعاة نوع السياره والحرص على الزيت الملائم لكل نوع






اخيرا احرص على صيانة سيارتك باستمرار عشان ما يصير لك زي الاخوان اللي خرب عليهم القير الله يعوضهم

[فتى الفتيان]

أسمحوا لي بالمشاركه
بالنسبه لزيت القير الاتوماتيك طولت ماغيرته ولاحظت على السياره أنها تتأخر بتغيير النمره خاصه بين الثاني والثالث وعلى طول غيرته ولازالت المشكله للاسف لانك اذا تأخرت بتغيير الزيت او نقص خطير انه يبووش
فلذلك النصيحه انك تغيره كل 50 الف كم
تقبل تحيتي

نفس المشكلة ما السبب في
تأخر بتغيير النمره خاصه بين الثاني والثالث
مع العلم اني غير الفتر والزيت القير مرتين خلال سنتين

[خالد الحائلي]

وانا اقول ليش اذا مسكت خط يترفع حراره القير بشكل ملحوظ ..
اثاري المشكله من الزيت ..
لان لي سنتين ماغيرته ..
لكن ان شاء الله بغيره هاليومين ونشوف وش يصير والله يستر

[ابوفيصل9]

الله يعطيكم العافيه

[المملوح999]

بارك الله فيك

على هالمعلومات القيمه

[الموسيقار6]

بارك الله فيكم

[ib2003]

أنا اليوم عند العيسى وكيل سيارات إيسوزو ، قال لي أن تغيير القير الأتوماتيك عند 25000 الف كيلو ، وأنا خبري كل 40000 ألف كيلوا

[سيف وقلم]

بحكم خبرتي الطويله بزيت القير الاوتوماتيكي

لو كان زيت القير له مده طويله ماتغير ومحترق وتبي تبدله انتبه تبدله مره وحده حتى لو عند الوكاله

لانهم مايضمنون لك القير واحتمال يروح عليك

الطريقه الصحيحه لتبديل زيت القير المحترق :

1- اول شي تروح اقرب محطه او ورشه او بنشر تقوله اسحب من زيت القير 3 او 2 لتر انا كان عندي لاند كروزر وسحب منه 3 مدري 4 لتر المهم تسحب منه وتزيده بنفس الكميه المسحوبه بزيت جديد وتمشي عليه مده اسبوع كامل 7 ايام .
2- بعد ماتمشي اسبوع تجي مره ثانيه تكررنفس الخطوه تسحب هالمره 4 لتر وتزيده 4 لتر طبعا السحب يكون بالشفط لاتفك الكارتير ولا الفلتر حق القير وتمشي عليه اسبوع ثاني .

وبعد هالسحبتين تجي طال عمرك تفكه كامل وتبدله واحرص على ان يكون الجيب باارد وانصح بتبديل زيت القير عند الوكاله

وشكرا ,,,


الموضوع قديم لكنه مهم...

أنا سيارتي ماشيه 147 ألف كيلو إذا سويت هذه الطريقة هل أغير فلتر زيت القير معه و إلا لا.. والله يستر

وما هي أفضل الأنواع موجودة في السوق اسي دلكو - تويوتا - ميتسوبيشي - ....

[سيف وقلم]

من وين أشفط زيت القير من عيار زيت القير والا من تحت القير والا مع وين
الزيت لونه بني

سيارتي جيب روديو ايسوزو 2005- 3.5

[hassan-55]

انا يا اخوان غيرت زيت القير طبعا القير اتوماتيك السيارة باترول موديل 95 م وياليتني ما غيرته السيارة ما كان فيها شيئ لكن زيادة حرص قبل السفر ، وجبت له فلتر اصلي ووجه وزيوت افضل نوع ورحت لمكانيكي علشان يغيره ، المهم بعد ما غيرناه ركبت السيارة وحطيت القير على الريوس ابغى اطلع من على الحفرة وادعس بنزين ولكن بدون تتحرك السيارة ، قلت للمكانيكي انت وش سويت قال اللي شفت وبصراحة شغل المكانيكي كان نظيف
طبعا بعدما كثر الهرج بيني وبينه اتفقنا انه يجيب اخصائي قير وفعلا جبنا اخصائي القير ووضح لنا الخطأ الذي وقعنا فيه وهو انه عندما قمنا بتغيير الزيت والفلتر كان الزيت محروق واحدث ذلك مشكلة في الكلتشات وطبيعي تحدث لكثير من الناس على حسب كلامه
السيارة وديتها محل خاص بالقير ودبروا لي قير بمبلغ ( 3000 ) ريال مع التركيب والضمان وخلصت القصة وآسف على الاطالة


ياساتر :mad: ياليتني قريت ردكـ قبل ما اجيب العيد

اقسم بالله توني جاي من الصناعيه ومثل ما تفضلت زيادة حرص
غيرت الزيت مع الفلتر بمبلغ وقدرهـ وياليتني ما غيرته
المهم جيت اطلع من الورشه الا والموتر ثقييييل ريوس قدام :(
اسمع حنة الموتر وما يمشي
والله البلشه المهم قلت للميكانيكي اشلون وش السالفه
قبل ما غيرهـ عزمه كان اقوى ليييش
قال لي تأكد روح عن اخصائي ورحت قال لي مثل ما تفضلت يوم غيرت صارت مشكله بالكلشات
ــــــــــــــــــــــــــــــــــــــ

انا اقول يمكن الزيت ناقص والله مدري اول مرهـ حط 4 لتر
وبعدين 1 لتر ما كفى وبعدها جبت 1 لتر
المهم 6 لتر
اش رايكم يا اخوان 6 لتر كافيه ولا
كيف اعرف اعاير الزيت
ياليت يا اخوان ما تقصرون معي...

[كايد]

ادري الموضوع قديم

لكن عندي مشكلة زيت القير يسخن وتطلع لمبه (A/T oil temp) ... ومالي شهر مغير زيت القير
بس شكل الباكستاني حاط زيت مضروب ...

[سيف وقلم]

ادري الموضوع قديم

لكن عندي مشكلة زيت القير يسخن وتطلع لمبه (A/T oil temp) ... ومالي شهر مغير زيت القير
بس شكل الباكستاني حاط زيت مضروب ...

حرارة الزيت مرتفعة, وش سيارتك, و الزيت وش نوعه, يمكنك شاد على الموتر شوي أو إن الزيت ناقص.

[كايد]

هلا بك اخوي
موتري جيكسار2006

[شاد الرحال]

من الي يقول اذا صار الزيت محروق وغيرته يخرب القير؟

مع احترامي له كلامه غير صحيح ابدا

عن تجربه مني عندي باترول 98 قير اتوماتيك

له ثلاث سنين ما غيرت زيت القير والفلتر و الزيت محترق رايح اسود
وماشي عليه حول 200 الف
غيرته مره وحده مع الفلتر وﻻ اشتكى من شي بالعكس التعشيق صار سلس جدا واذا دعست له يرجع النمره بخفه ما هو مثل اول ابدا

وايضا عندي كابرس موديل 2000 ماشي حوالي 250 الف
وكارفه كرف خصوصا القير اشد عليه قومات وغيرها
ونفس الكلام الزيت محروق و اسود
وغيرت زيت القير و الفلتر مره وحده طبعا غيرتها قبل 3 شهور
يعني له 13 سنه تقريبا ما غيرت الزيت القير !

والى يومك هذا المواتر ما فيهن اﻻ العافيه

خلاصه كلامي ان القير يخرب اذا غير الزيت مره وحده هذا كلام فاضي ما احترامي لكم

و اتوقع سبب خراب القيور انكم اذا جيتو تغيرون الزيت ما تغيرون الفلتر او تنظفونه وتغركم نظافته ويسبب خراب القير
وايضا انصحكم اذا بتغير الزيت ينظف الكارتير بديزل وينفخ القير بالهواء جهه الحسساسات و مخ القير

وسلامتكم

[shh]

السلام عليكم ورحمة الله وبركاته
اليوم كنت بوكالة هوندا وعيا مهندس الصيانة اغير ألزيت الا بتوقيع اخلاء مسؤولية
والسيارة ماشية 180 الف
والقير طلع فيه زي صوت الوزه بنمره 123 واذا عشق الرابع تروح
وش رايكم اجزم اغير الزيت ولا استخير
لاني قابلت سعودي هناك وسحب العيار وشم الزيت وقالي اغديك مستخير لان الزيت قاضي
وش رايكم انقص منه او اغيره ولا اخليه

[ابوخليفه 1984]

يااخوان ان عندي الجير لمن احطه باالDتمشي يعني بالواحد تنقل الى ثاني بكل سلاسه بس معاد ينقل للثالث ولا رابع ولا خامس يبقى بثاني لوتدعس لين الصاجه لايمكن ينقل لاصوت ولا فيه شي تهدي طبيعي على مطب باشاره يرجع لا الواحد تدعس ينقل الثاني ويتمي على كذا ياليت تفيدوني تماتيك هو طبعاً كهرباء ومغير الزيت وكاله والفلتر مرتين بشهر قلت ربما تنحل المشكله ليكن بدون فايده

[عمرين العمري]

السلام عليكم ورحمة الله وبركاته
أحبتي الكرام
بخصوص زيت القير إذا ناقص عوضه ولا تتأخر ولا تحط إلا الأصلي
وإذا نويت على التغيير وكنت ماشي عليه كثير ، وهذه كثير يحددها طريقة إستخدام الموتر ومكان إستخدامه وعوامل أخري ، يعني ممكن يكون 120 ألف معقول وممكن 30 ألف أو 40 ألف ولازم تغير ، وإذا إعتمدت للتغيير سوي إحلال تدريجي للزيت ، يعني إسحب لتر وعوضه وبعد أسبوع اسحب لترين وعوضهم وبعد أسبوع غسحب ثلاثة لتر وعوضهم وهكذا حتى لو خمسة أو ستة مرات أو أكثر وبعدها تقدر تغيير زيت القير مع أو بدون الفلتر والأفضل يكون التغيير عن ورشة متخصصة بالقيور أو بالوكالة ، وسلامتكم