المساعد الشخصي الرقمي

مشاهدة النسخة كاملة : عندي صوت في دفرنس اللاندكروزر(أرجو اعطائي المشورة)


BlackKnight
11/04/2009, 10:59 PM
السلام عليكم ورحمة الله وبركاته
Vx-r نوع سيارتي

انا سويت عند العضيت تصليح الفضاوات في السيارة وبعدها طلع عندي صوت في الدفرنس (صوت واضح وقوي) ورجعته عليهم وفحصوه وقال لي لازم تغير (الكرونة)

وسعرها تقريباً 3000 ريال والمستعمل سعره 2000 مع ضمان شهر

وما ادري اشتريها ولا اخلي السيارة على صوتها!

محتار مرررررة

ارجو اعطائي النصيحة؟
ابوطاقية
11/04/2009, 11:27 PM
للاسف ماتحصل هنا احد يظبط الكرونه لان لها وزنيه دقيقه جدا
وقبل تأكد هل تروس الكرونه فيه كسر لان الصوت يجي من شيئين ياتكون التروس فيه كسر والا الرمان تعبان
صور توضح الرمان
http://www.gearinstalls.com/97fzj80rear/7.jpg

مفتاح وزن العزم للاسف ماحد يستخدمه هنا

http://www.gearinstalls.com/97fzj80rear/13.jpg

طريقة وزن البنيون مع الترس

http://www.gearinstalls.com/97fzj80rear/20.jpg

اخيرا انصحك اذا بتغير كرونه خذها جديده من الوكاله حتي لو الفرق كبير
العنقري
12/04/2009, 12:00 AM
رمان العكوس

يمكن هى السبب
gamer
12/04/2009, 12:13 AM
شف اخوي صدقني لويقيرون 100 كرونه ماتظبط

غير دفرنس كامل من التشليح وريح راسك

واذا ماغيرت تذكر كلامي
aboyagob
12/04/2009, 01:58 AM
بعض الاحيان يطلع صوت الكرونه بسبب تغيير زيت الكرونه خاصه اذا كانت السياره ماشيه فوق 60 والسبب هو ان الكرونه يسير فيها شوائف وقطع تملأ الفراغات البسيطه الموجوده داخلها الناتجه من الاحتكاك مع مرور الزمن فتغيير الزيت قد يزيزل هذه الشوائب فيطلع الصوت..

يلجئ بعض الناس الا وضع نشاره الخشب مع الزيت بقدر ملئ الكفين او دونه لملأ هذه الفراغات والله اعلم ..

اذا جزمت على تغيير الدفرنس جرب الطريقه
بدوي جنوبي
12/04/2009, 05:13 PM
والله دائما احذر من ورشة العضيب

بعدين شلون صلحوا الفضاوات ممكن تفسر
والمفروض ترجع لهم يخربوا عليك الكرونا ويقولو لك
لازم تتغير ،،
فكسه
12/04/2009, 10:25 PM
حلوووووووووووووووووووه مره رمرتين وثلاث رح لعضيب عضب الله وجه العدو والاتدري رح لشيخ الصناعه وخله يفك يفرط الكارونه واشرحله الوضح وهو بدوره يلزم الورشه اما بالتصليح او دفع قيمته كارونه طبعا وضع شيخ الصناعيه من قبل الشرطه لفصل مثله هذه المشاكل ثانيا لاتغير دفرنس كامل غير كارونه فقط تدري ليش وش عرفك يمكن الموتر مسوي حادث ومنلاح (مائل)الدفرنس اوالعكس ثالثا احتسب الاجر فى بهذله هذه الورشه عشان مايتجرى على غيرك هذ مالدي والله يرعاك
BlackKnight
13/04/2009, 12:12 AM
انا سيارتي ماشية حول الثلاثمائة الف
والدفرنس سبق ان صارت لي فيه مشكلة قبل سنة مشيت والدفرنس مافيه زيت لأنه ينقط ولا ادري عنه وصلحته عند ورشة غير رمان واشياء اخرى كلفني 1500 وراح الصوت اللي يطلع يوم كان الزيت فاضي.


وانا الآن ما ادري وش اسوي

لكن بأعطيكم اللي سويته عند العضيب
ذيب الزبارة
13/04/2009, 02:26 AM
اخوي نصيحة مني لك وهالمشكلة دوم في مواتر الشباب القطرين*_^

بدل الدفريشن احسن لك واظمن

وحاسب تتجاهل الصوت ترا والله انا صار لي حادث والسبة الكارونة اقفلت علي وانا امشي 120 وراح الموتر بدلها ابرك لك
efi4500_2002
13/04/2009, 11:29 AM
صارت معي نفس المشكله وطلع ان العمود فيه رجه وخرب الكرونه
نصيحه غير الكورنه و تاكد من العمود
ابوطاقية
13/04/2009, 11:46 AM
شف اخوي صدقني لويقيرون 100 كرونه ماتظبط

غير دفرنس كامل من التشليح وريح راسك

واذا ماغيرت تذكر كلامي

مالك لوا يالخو

اذا بتغير الكرونه من الوكاله انا اضمنها لك لاكن اذا بتغير من التشليح يمكن يكون كلامك صح
انا غيرت كرونة شاص حصلتها بالتشليح قيمتها 2000 ريال وحصلتها عند الضحيان 2400 ريال طبعا اخذت الجديده من الضحيان والحمدلله صار لها سنه ونص ماشيه تمام لاصوت ولاشي
أقلط
13/04/2009, 12:14 PM
نصيحة / اذهب الي البازعي في طريق خريص . وراح تدعي لي

الله ييسر امورك

وفقك الله
BlackKnight
14/04/2009, 06:20 PM
انا مقتنع بالبازعي وياليت اني مغير اللي في سيارتي عنده
لكن قلت خلنا نجرب العضيب اللي سمعته واصلة السما

لكن ياليتني مادخلتها عنده
Abu Saad
14/04/2009, 07:19 PM
انا مقتنع بالبازعي وياليت اني مغير اللي في سيارتي عنده
لكن قلت خلنا نجرب العضيب اللي سمعته واصلة السما

لكن ياليتني مادخلتها عنده

اخي العزيز كم موديل الفكسار؟
جيبي جايزلي
14/04/2009, 07:56 PM
العضيب شغلته ترصيص كفرات فقط لا احد يتوهق ويسوي شي غير الترصيص عندهم
BlackKnight
15/04/2009, 06:00 PM
موديل الجيب 2003

وامس وديت لهم السيارة وإلى الآن قاعدين يصلحون الكرونة

يطفشونك شوي