الليمون الاسود هالايام مهوب مضبوط

[arrow]

بسم الله الرحمن الرحيم

السلام عليكم ورحمة الله وبركاته

حيا الله الجميع كلا باسمه,,,,,اخوكم يعشق الطبخ,,ومن المقادير الرئيسية في طبخ الكبسات والمكرونة الليمون الاسود ...

قبل شهرين مريت صديقي راعي الملحمة اللي معاملة لي 12 سنة,,,اخذت منه لحمة حاشي,,ضبطت عليها كبسة,,, لاحظت ان اللحمة فيها مرارة ,,رجعت عليه وقلت له لحمتك مهيب مضبوطة امس وتراي زعلت عليك,,,,قال ابد اللحمة هي لحمة العادة ....

شكيت بالليمون وجربته بطبخة ثانية وعرفت انه من الليمون,,,,رميت هالليمون وشريت ثاني وعلى بالي متوصي.....

للاسف تبين ان الليمون الثاني نفس المشكلة يسبب مرارة قوية بالاكل.....

هذي تجربة حبيت اعرضها لكم للفائدة,,,واللي بيفيدنا كيف نشتري الليمون وكيف نعرف الزين منه لايبخل علينا ......

اسف على الاطالة .....

تحياتي للجميع..

[aaez]

فيه نوعين من الليمون فيه نوع مجفف وهو الأفضل
ونوع مطبوخ ومن ثم تم تجفيفه وهو اللذي فيه مراره أو حموضه

حسب معرفتي

[عاشق السيل]

وعليكم السلام ورحمة الله وبركاته ،،،

غريبة إنك توك تكتشف المغشوش !!

هذا الله يسلمك موجود بالسوق من زمااان تقريبا أكثر من سنة وأنا واحد من اللي تبهذلوا علشان ألقى الليمون الزين ،، لأن المنتشر مثل ماتفضلت فيه ريحة غريبة وشينة مررررررة وتخلي الأكل دماااار وخاصة الشوربة !!

عموما أنا أخيرا لقيت محل يبيع الزين وهو محل عطارة اسمه ( الرشيد ) بجنب محل ياسلام بشارع عنيزة حي الروابي شرق الرياض ،، مهب بس الليمون كل شي عنده ممتاز وخاصة البهارات المشكلة ،،،،

وإذا بغيت تعرف الليمون الزين خذ حبة وشمها وهي بيدك وتعرفها من ريحتها ،،،

آسف على الإطالة وتقبل مروري يالغالي .....

[ياعين ابوي]

السلام عليكم

مافيه زي ليمون < بافرط >معباء باكياس صحيه ونظيف جدا ومن خلال تجربتي احسن ليمون مر علي
تلقونه عند السوبرماركت بكيس اخضر
اختكم ياعين ابوي

[ابوالخل]

فعلا وتلاقيه محروق وعليه طبقه سوداء اذا مسكتها بيدك وفركتها !!!
بس فيه حل وسط وهو انك تغسلها لين ما تروح الطبقه السوداء ويظهر اللون البني وبكذا تضبط علومك

[عاشق الهجوله]

دور على اليمون العماني وتلقه في الشرقية او الحساء بكثرة ونوعية طيبه

[Y A S S E R]

شم ريحه الليمون قبل لاتشتريه وبتشوف الفرق ..

نفس مشكلتي ..

خذ لك حبه من اللي عندك الخربان ورح دور الزين وقارن :)

[سلطان بن محمد]

يعطيك العافية أخوي arrow على طرحك الموضوع

وفعلا أنا عانيت وصرت ما أحط الليمون بتاتا

اخوانا المشاركين يعطيكم العافية على التوضيح

لكم مني جزيل الشكر

[بياله شاي]

للاسف يوجد بالأسواق هذه الايام الليمون الاسود المطبوخ ومحروق بنفس الوقت

الليمــون الجــيد تحصل لونــه بني ولايتفتت اما المحموس يتفتت اذا ضغط عليه

بشـــده 00

ملاحظــه البائعون بالسوق حسوا بأن الليمون الاسود المحروق مايمشي عندهم

صاروا يدخلونه مع الليمون البني الجيد

[ابو دانه]

لا يفوتك الليمون الاسود الي عند الوطنيه لا وزياده على
ذلك عضوي يعني ما فيه كيماوي

[سعود بن صالح]

اللي اعرفه ان الليمون اللي فيه مراره امريكي والليمون الطيب هو الليمون العماني وهو موجود عندنا في الحسا بكثرة

[shaheen70]

اللي اعرفه ان الليمون اللي فيه مراره امريكي والليمون الطيب هو الليمون العماني والليمون الصومالي واللي يبي ليمون لازم يدقق في النوعية والأمريك دائماً يغشون فية

[ابو سعود !]

والله أني انغشيت فيه وتركت الليمون كله .

[شماريخ]

والله اني تركته بسبب ان خرب علي كم طبخه /بس لو ماتحطه الا قبل كبة الرز بعشر دقائق للقدر العادي وخمس دقائق لقدر الكاتم يضبط معك عشان مايذوب مع المرقه ويتفتت وتقبل مروري

[سطام vip]

مثل ما قلتم أخواني هالليمون كرهنا في الشوربه

واخذته من جيان انتبهوا منه لحد الان يبيعونه وكل من شراه يشتكي

وعلى طول اقوله من جيان يقول ايه قلت بس هذا مر

والله يعطيكم العافيه على هالنقاش وابجرب ليمون بافرط والا الوطنيه

والله يسهل الامور

دمتم بحفظ المولى

[ياهملالى]

معلومه جديده... الله يعطيكم العافيه

والله انى حاس ان الليمون تغير طعمه ولا صرت احطه فى الاكلات ..

[هدد688]

ياشباب فيه نوعين من الليمون

يجي منه حبه كبيرة هذا لا يقربك ابد، وخلك عند الحبة الصغيرة هذا النوع ممتاز ولا تدور غيرة

[عشانا]

هناك ليمون اسود غامق هج عنه
عليك باليمون الاسود الغير داكن

[VIP2020]

كل شي هالايام ماهو مضبوط ولكن
خلها على الله

[منتج رسمي]

كل شي هالايام ماهو مضبوط ولكن
خلها على الله


أهتميت بالموضوع وقرأت كل الردود حرف حرف احسنها هذا الرد أعلاه :good:

[arrow]

شكرا لكل من شارك وكل من اثرى الموضوع بمعلومة ....

[ml7_najd]

حسبي الله على الغش والغشاشيين:no:
علشان مايتعبون نفسهم وينشفونه في الشمس وو
الاسهل لهم حمسوووه الظاهر مثل المكسرات
وصار طعمه في الاكل مثل الطبخ المحترق:no:
تبي تعرف الليمون الناشف قبل الغش>>>>> حجمه صغير لونه فاتح ريحته حلوه:rolleyes:
الليمون الناشف بعد الغش>>>>>>>>>> حجمه كنه برتقال لونه اسسسسسسسسسسسسسسود ريحته مثل المحترق...:confused:

كرهوني فيه :( منه لله اللي كان السبب:mad:

[السنع كله]

عليك بالليمون الايراني هو الافضل الان كان فيما مضى الامريكي لكن تغير اشتريت مرات وارميه في الزبالة معفن مر ريحته كريهة ومن جرب تجربتي عرف معرفتي

[دهران]

والله ياأخي مالقيت هالليمون إلا في البقلات والمحطات اللي برى المدن وفعلاً تحس إنه فيه مرارة عجيبة ويتكسر ولا يجي معه ما بعد طبخه ....


عموما أنا أخيرا لقيت محل يبيع الزين وهو محل عطارة اسمه ( الرشيد ) بجنب محل ياسلام بشارع عنيزة حي الروابي شرق الرياض ،، مهب بس الليمون كل شي عنده ممتاز وخاصة البهارات المشكلة ،،،،

عز الله اللي صدق وأنا كم مرة أخذت من عندهم بهارات وطلعت :good:


http://farm1.static.flickr.com/173/462805383_2c1d6efea5.jpg

[arrow]

جربت ليمون الوطنية .... ممتاز


للفائدة ....

شكرا للجميع ..

[111الشاهي]

اولله مهوب الليمون الي حنا خبرين الله يهديه

[الفارس4465]

مساكم الله بالخير
بالنسبه لليمون الاسود
حصلت في الحساء ليمون اسود صومالي ريحته قويه ، وليس مر
جربناه في الطبخ ، وجربناه طريقه الشاي بصراحه طعم ورائحه ولونه كانه شاي ربيع ( ملاحظه لون الشوال لي وزن لنا منه شوال لونه اصفر) تحياتي

[جوبتير]

صار الليمون الأسود أو الناشف زي ما يقولون مصبوغ بصبعة سوداء لماعه اعتقد انها قطران
وهو من باب الغش وجعله يبدو جميل وجذاب وهذا اصبح منتشر للأسف وبإمكانك شم رائحة القطران فيه

وهذا من يجعل الأكل فيه مراره زائدة

[قوافي ( أم نهار )]

الليمون الزين قد شريته من العثيم بباغه خضراوتصك من فوق بسحاب بلاستك مكتوب عليه الغزال او ابو غزال

[نهار الوقت]

جربت الليمون شاريه من مكسرات الحمود الي في طيبه وقال أذا موزين ترجعه وأعطيك فلوسك وفعلنا صار حلو ونوعه جيد امريكي

[pass2love]

السلام عليكم

مافيه زي ليمون < بافرط >معباء باكياس صحيه ونظيف جدا ومن خلال تجربتي احسن ليمون مر علي
تلقونه عند السوبرماركت بكيس اخضر
اختكم ياعين ابوي

ممتاز جدا وانا اشتريه من فرع بافرط في المدينه

[kaaaatm]

العثيم عندهم نوعية حلوه

وكذلك عطارة ابو منقاش

[فهدالغيهب]

قد شريت من المهباج اعوذ بالله ريحته على قولت اخوي جوبيتر قطران او قار
واي احد يروح للمهباج اللي يكون ببنده تكفون شموه من تمسك الكيس وتشمه ريحته قطران شي عجيب غريب