والله محتاج لمساعدتكم.. صوت عند السحب بالنفود او التغريز

[الوتر الحزين]

السلام عليكم

يااخوان ابي حل تكفون
انا معي باترول99 ربع واذا شغلت الدبل الخفيف او الثقيل وصار الموتر متحمل في النفود يعني مغرز او اسحب احد يطلع لي صوت طقطقه قويه جدا مدري من وين

بعضهم يقول ان جنزير الدبل مرتخي ويبي له شد..
واذا كان هذا صحيح هل الجنزير ينشد بدون فك الدبل وكم سعره في الوكاله

وجزاكم الله الف خير

[خالد030]

يمكن كراسي المكينه قد صارت لي والله اعلم

[aljthab]

اخوي مشكلتك هي الجنزير بالفعل
وهذي علة معروفة بالباترول
مع زيادة الحمل على الدبل يظهر الصوت الي قلت علية
وهو ارتخاء في جنزير الدبل
ممكن تشد الجنزير وتنحل او يخف الصوت لكن هذا مؤقت بس
وبيرجع لك الصوت من جديد بعد فترة
انصحك تغيرة
خذ لك جنزير اصلي وركبة افضل حل واريحلك وعشان ما تتاثر التروس عندك بعدين
انا ركبتة العام الماضي ومدري عن سعرة الحين
لكن كان ب900 ريال
وشغل يد مع الزيت بياكل عليك حدود ال400 ريال
هذي مشكلة موترك باختصار

[شاص1988]

اخوي الصوت من وين من جهة الكفر الامامي
ولا

[العرّاب]

تبغى العلم الاكيد


شيك على كراسي الشكمان من البداية الى النهاية
مع العلم هذي مشكله في صوالين التويوتا والنيسان .

[فكسه]

اكيدجنزير الدبل قد صارتلي 100% لزم العلم:good:

[الوتر الحزين]

الله يجزاكم خيييير

بالنسبه للشكمان كل الكراسي مضبوطه وكل كراسي المكينه والقير بعد تمام

الظاهر مثل ماقالو الاخوان ان العله في الجنزير

اشكركم جميعا على مساعدتكم والله لايخلينا منكم

[هادي ال عمار]

جنزير دبل طال عمرك اسال مجرب ولا تسال طبيب
والوكاله خلها تولي احلق شنبي اذا لقيت عندهم دبل اقصد الجبر
روح صوب التشاليح وبدل الدبل بيعطونك ضمان شهر جربه والله يوفقك وقيمة الدبل من 1500 الى 2500 ماتزيد

[ابوسعودد]

اضم صوتي لصوت الاخوان اللي قالوا انه جنزير وانا متاكد ميه بالميه
وانا صارت لي في موتري 98 سوبر سفاري
الجنزير قيمته 900 ريال واعتقد انه ارتفع سعره حسب ماسمعت المهم مو كثير
التركيب على حسب الميكانيكي واعتقد انه يكلف من 200 الى 400 بس احرص على الميكانيكي الجيد واعطي الخباز خبزه ولو اكل نصه