من يفيدنا عن هذه السياره سانق يانق

[ابورشيد]

يا اخوان فيه سياره جديده اسمها سانق يانق وكيلها الزاهد وصناعتها كوريه المانيه
وتجي منها جيوب ديزل تيربو ويقولون ان مكينتها وقيرها مرسيدس خمسه سريندل
هل فيه احد جربها لانها رخيصه حوالي 65000 ريال
وكيف قطع غيارها اللي قالولي عنها يقولون ان عيبها انها واطيه
ويش رأيكم يا اخوان تنصحون ناخذ منها؟

[بجاش]

لا والله يا خووووووووووك انحش عنهاااااااااااااااااااااااااا

[ابوقاسم]

الاخ العزيزابورشيد بعد التحية ...............
افيدكم علما ان هذه النوعية من السيارات كانت عند الجفالي قبل كذا سنة وكا سعرها 160000 ريال ما تنقص ولا ريال لكنها ما نجحت ولا مشى سوقها وتحولت من الجفالي الى الكفاح في الشرقية وهي الان مثل ماقلت 65000 ريال فشف الفرق يعني طاحت 100000 ريال بس فرق الوكيل وانا ما اعرف عن ادائها اي شي بس معلومة وحبيت توخذ بعين الاعتبار وهذي الدنيا يوم فوق ويوم تحت............
وانت وبصرك يخوك....................

[تالي الاولين*]

.




انا مجربها وانصحك بعالي صوتي انحش

اول شي سياره غير معروفه يعني اذا نويت بيع

ماتلقى زبون لا في معارض ولا غيره

ثاني شي قطع الغيار نار .

ثالث شي تموت الحيل ويالله تمشي

كذلك خرابتها واجد وماتصبر

لدرجة اني حاولت ابيعها وجلست شهرين

اخر شي بعتها على راعي الورشه اللي يصلحها دايم

مع العلم ان اللي كان معي موديله 2000 جلس معي

سنة ونص تقريباً ماستعملته فيه الى ست شهور متفرقه

والباقي في اللورشه او عند الباب ماشلتها ...


هذا اللي عندي والخيار الاول والاخير لك انت وحدك


.

[القناص]

والله اشوفها مع احد الزملاء
وحليوه
يروح عليها هو وعياله كل سنه من الرياض لينبع ويرجع
وما قد اشتكى منها
لكن مادام مكينتها مرسدس وقيرها مرسدس فهي اصيله ولو ان عباتها كوؤريه.:)

[الضاري]

أهب يالجفالي .. مية ألف يالظالم

يا ولد لا توهق وتصير مثل واحد من الشباب .. توهق بمثل هذة السيارة..

يقول أول مرة بحياتي تسقط علي تريلة..:D

النصيحة مثل ما قالوا بعض الشباب..

أشتر تبيع.

تحياتي

[الكاسر الآسر]

والله سيارة وانعم بها وانا معي سيارة ركستون موديل 2003 وما شاء الله ماشية 100% رغم ان قطع غيارها غالية لكن سيارة على كيفك
ومع هذا كله لا تشتري غير تويوتا وبس

[هـدد]

.




انا مجربها وانصحك بعالي صوتي انحش

اول شي سياره غير معروفه يعني اذا نويت بيع

ماتلقى زبون لا في معارض ولا غيره

ثاني شي قطع الغيار نار .

ثالث شي تموت الحيل ويالله تمشي

كذلك خرابتها واجد وماتصبر

لدرجة اني حاولت ابيعها وجلست شهرين

اخر شي بعتها على راعي الورشه اللي يصلحها دايم

مع العلم ان اللي كان معي موديله 2000 جلس معي

سنة ونص تقريباً ماستعملته فيه الى ست شهور متفرقه

والباقي في اللورشه او عند الباب ماشلتها ...


هذا اللي عندي والخيار الاول والاخير لك انت وحدك


.

جزاك الله خير
احس انك مظلوم من جد وانك إذا شفته تجيك حموضة وبعته بكلب صرق اهله .
من اسمه تحس انه سلطة حشرات مب سيارة


ديزل يالله تحملنا السوزو تبينا نتمل الجلم