المساعد الشخصي الرقمي

مشاهدة النسخة كاملة : شريت جمس قطاع 10 ومحتاج فزعتكم يالربع


panorama
16/04/2009, 06:19 PM
السلام عليكم شباب

عندي استفسا بخصوص جمس حوض قطاع 10 دفنسين 6 مسامير وامل منكم المساعده .

1- افضل مساعدات يتم تكيبها علي الموتر علشان المكشات والحمل الخفيف .
2- افضل طريقه لرفع الموتر ( سمعت عن الكت لرفع الموتر هل هي عمليه وهل فيه طريقه افضل لرفع الموتر ) .
3- السياره فيها صداء ( ما هي افضل طريقه لازاله الصداء وافضل مكان تنصحون فيه لعملها ) .
4- الموتر شكمان واحد هل تنصحون بعمل شكمانين وافضل شي يمكن عمله وما ماساوه وحسناته .
5- واي اقتراح لتجهيز الموتر للبر والكشتات من ناحيه توصيل الكهرباء والشد والطباق وما تنصحوني فيه من كل نواحي التجهيزات .

ولكلم محبتي وتقدير
panorama
17/04/2009, 02:49 AM
شباب كل الزيارات ولا فيه احد يقدر يفيدني الفزعه يالنشاما
سعد777
17/04/2009, 02:54 AM
اولاً الف مبروك

ثانياً ياليت عندي اي معلومه من اللي طلبته كان ابشر بعزك


بس وشو موديله وشكلك شاريه من امريكا
صحيح
17/04/2009, 02:58 AM
والله كذا الدعوة خذ مشاهدات ولا فيه ردود في أي موضوع مو بس موضوعك
escape_man
17/04/2009, 03:18 AM
اذا موديله بالثمانينات واقدم فابشر بالفزعة

التسعينات وبعدها انا جاهل فيها
mohmad
17/04/2009, 03:47 AM
مبرووك 00000000
عاشق z71
17/04/2009, 09:51 AM
المساعدات ونا اخوك اختلفوا فيها العالم

الي يقول جبريال وهذا رائيي انا بحكم تجربتي
والي يقول مونرو وهذي مدري عنها

وللمعلوميه كنت عند النويصر قبل يومين وجلست مع صاحب الورشه

يحلف ويقول مافي مساعد مثل اي سي ديلكو الاصلي

يقول لاهو قاسي ولاهو لين مره حتى اخذني لموتره مركبها على موتره الشخصي
للمعلوميه مساعد جبريال او جبريل قاسي شوي وهذا الشي الي معجبني فيه .



طريقة رفع الموتر ونا اخوك ماذكرت انت الموديل عشان احددلك كيف ترفعه

اما الصدا والله في ورش تنظفه لك من تحت وترجع ترشه من جديد اشوف ان هذا افضل حل ولاتشيل هم ترا الصدا ماياثر بالموتر الى على المدى البعيد جدا جدا وجدا بعد

اما الشكمان الواحد اذا منت راعي تعديل وزيادة قوه بالسياره عادي خله شكمان واحد

هو صحيح ان الشكمانين اريح للسياره

عموما رحت انا لقايد عشان طلعلي شكمان ثاني عطاني سعر خيالي << قايد هذا واحد مشهور شوي بالصناعيه بالشكامين

قالي ب900 ريال بعد المكاسر

وفي الطريقه الثانيه الي انا فاظلها انك تطلب من برا كت باك الي هو كنداسه او دبه مع شكامينها يجيك شغل نظيف مجهز لموترك فك وركب ونهايات الشكامين تجي نيكل وتحدد اذا تبيها جانبيه او طالعه من تحت الصدام الخلفي يعني سيده


اما الشد والطرابيل مادري عنها والله لاني ماحب تركيبها

واي خدمه حاظرين
تيتشر
17/04/2009, 03:52 PM
الله يعطيك خيره ويكفيك شره
كم موديله بالغالي ومدام بن غيثيات جاك هنا ولا هان ابو خطاب ابشر بعزك ان كان الموتر من الثمانينات
امبراطوور
17/04/2009, 05:14 PM
مبرووك ان شاء الله
تسال عن التجهيزات ,التجهيزات تجيك حبه حبه تمخ مخ عليها
انا عندي بالمساعدات ركب مساعدت شاص ورا وقدام ربع
وياي استرالي تراه جيد يمتص المطبات
بواردي الدلم
17/04/2009, 05:19 PM
ماشاء الله تبارك الله

الله يعطيك خيره ويكفيك شره

وعلى طاري الجمس القطع عشره

عندي واحد ابي ابيعه موديله 86 حليبي دفرنسين طبعا وعليه شد ومساعداته طقم مغيرهن مثل شد البلد ومرهم شكمانين من يوم خذته ولا فيه اي مشاكل بالعكس يطربك صوته
مرووووق
17/04/2009, 05:50 PM
ماشاء الله تبارك الله

الله يعطيك خيره ويكفيك شره

وعلى طاري الجمس القطع عشره

عندي واحد ابي ابيعه موديله 86 حليبي دفرنسين طبعا وعليه شد ومساعداته طقم مغيرهن مثل شد البلد ومرهم شكمانين من يوم خذته ولا فيه اي مشاكل بالعكس يطربك صوته


هلا اخوي بواردي ..

عندي كم سؤال ؟؟؟؟؟

كم حدك في الموتر ..

هل الموتر رفارف او مصفح ..

حجم المكينه ..

القير عادي & اتماتيك

وين مكانك يابواردي ؟؟؟؟؟؟؟

وسلااااامتك
بـلـيـهـان 1
17/04/2009, 09:32 PM
بالنسبه للرفع

حط كعكات قدام في اليايات

و ورا زود السست و قوسها

( محلات التربيط و الرفع و التنزيل خبره رح هناك و قلهم أبي ارفع يبي يقولون نفس الطريقه ) بس قلهم يكون فيه توازن بين نسبه الرفع الامامي و الخلفي
ابو شهد جدة
17/04/2009, 10:36 PM
السلام عليكم شباب



عندي استفسا بخصوص جمس حوض قطاع 10 دفنسين 6 مسامير وامل منكم المساعده .


1- افضل مساعدات يتم تكيبها علي الموتر علشان المكشات والحمل الخفيف .
مونرو او جبرايل
2- افضل طريقه لرفع الموتر ( سمعت عن الكت لرفع الموتر هل هي عمليه وهل فيه طريقه افضل لرفع الموتر ) .

اذا دفرنسين فمعناه انه يجي سست
هناك طريقتين الاولى هي ثني السست
والثانية تركيب بلاطات تحت السست مع تكبير القفزان

3- السياره فيها صداء ( ما هي افضل طريقه لازاله الصداء وافضل مكان تنصحون فيه لعملها ) .

في ورش متخصصه تصنفر الصدا وترشه بمادة عازله

4- الموتر شكمان واحد هل تنصحون بعمل شكمانين وافضل شي يمكن عمله وما ماساوه وحسناته .

شكمانين افضل
و ماتكلفك 300 ريال
انا مركب خطين بالدبات ب 600 ريال
5- واي اقتراح لتجهيز الموتر للبر والكشتات من ناحيه توصيل الكهرباء والشد والطباق وما تنصحوني فيه من كل نواحي التجهيزات .
يفيدوك اهل الخبرة
ولكلم محبتي وتقدير


ولك كل الحترام والتقدير
طلحة الجودي
17/04/2009, 10:39 PM
مبروك الموتر
~EmPeRor~
18/04/2009, 02:42 PM
نفس كلام اخوي شهد جدة
بس الشكمان افرق معاه بالسعر اكثر بكثير
panorama
18/04/2009, 11:14 PM
الموديل 2002
panorama
20/04/2009, 07:23 PM
احب اشكر جميع من سا عدني واعطني من خبرته .

ياليت الي يقدر يفيدني عن التجهيزات واي اقتراح يفيدني او كل من يشاهد الموضوع يتفضل وله منا الدعاء .



والله ما قصرتواااا يا شباب


محبتي
escape_man
20/04/2009, 11:16 PM
اعذرني وانا اخوك

موديل 2002 ماعندي فيه دبرة

انت مر على رابطة الجموس الحوض وسجل بالقروب وانا متاكد انك راح تلاقي الي يفيدك واكثر

هناك نقاشات وايضاً عقد اجتماعات ولقاءات شهرية واستفدنا منها كثير بفضل الله
panorama
22/04/2009, 12:50 AM
تسلمون يا شباب

بس سؤال هل اذا صنفرت الموتر يختفي الصداء مررره او لازم كل بين فتره وفتره اصنفره

ووش افضل محل وهل اقوم بصنفرته لدي محلات التلميع او ورشه لانه عند التلميع ما يفكون البدي عن الشاص .
yfd
28/04/2009, 12:24 AM
يعطيكم العافيه استفدت انا منكم لاني برضو توي شاري قطع عشره ..