المساعد الشخصي الرقمي

مشاهدة النسخة كاملة : انوار الvxr مشكله الترميل لم اجد لها حل ؟؟؟


عآشق الحره
16/04/2009, 08:10 PM
ياشباب عندي vxr2001 مالي سنة مغير علبة النور
هو زنون ويكشف الخط ولكن
العلبه قيمتها بالوكاله 1500ريال
قلت خليني اسويلها سنفره بس طلعت قزاز
مو بلاستك يعني العلبتين بـ3000الاف:confused:
الحل؟؟؟؟؟
منصور الفايز
16/04/2009, 08:29 PM
انت من الاصل يو ركبت جدد ليش ما ركبت غطيان البلاستيك للنور ... خل الغطيان تنعدم وتغيرها كل سنه والنور يبقى جديد ....
mstr
16/04/2009, 08:31 PM
غير علبه وحده وحط لها البلاسيك الواقي والثانيه انتظر الى ان تفرج بمشيئة الله مولازم تغرهم مع بعض واترك عنك المنظر ولا يهمك احد ..... هذي وجهة نظر عموما ....بالتوفيق.
عآشق الحره
16/04/2009, 08:40 PM
طيب بالله كم قيمتهن بالوكاله وين احصلها بالرياض جربت تجاري وركبتها ماش ماهي ثابته
الربذي
16/04/2009, 09:06 PM
السلام عليكم.

سمعت فيه ورش تنظف الترميل من النور مدري تنظف النور من الترميل ..
واقعي وعقلاني
16/04/2009, 09:35 PM
سوى لها صنفره وتنظيف بعدها ركبت نظارات في الغرابي حمايه ...
سعد777
16/04/2009, 11:48 PM
على العموم اذا انت في الرياض ادلك على شخص يرجعها لك وكاله بنسبه99% إذا كانت بلاستيك بحدود سعر 130 ريال للثنتين معاُ
اما إذا كانت زجاج والله ما اعررف إلا في الدمام كذلك يرجعها لك وكاله وكذلك بسعر 180 حتى 150 ريال

على كلاُ ياشباب اللي يبي مساعده في هذا الموضوع يتصل علي اخوكم سعد القحطاني

لأن الوصف ما كل يعرفه ويمكن انسى الموضوع ما ارجع له عشان ارد عليه
المهم هاذا رقمي 0505262681
حزين سحاب
16/04/2009, 11:55 PM
الحل انك تدفع 3000
Abu Saad
17/04/2009, 12:21 AM
رح للغرابي فيه ناس يلمعون لك الزجاج .
وبالتوفيق.
VXR.2007
17/04/2009, 12:30 AM
فيه ربله تنحط من الوكاله من يوم تشتريها بس لوتبي في الغرابي كم محل يفكون القزازه وينظفونها واشتر الربله حقت النور يمكن الواحد 20 اريال والله اعلم
الرسيفر
17/04/2009, 10:46 AM
لا يا جماعة وين الحل أدفع 3000 ريال

شف وأنا أخوك واحد من ربعي سيارته كامري ,انواره قزاز مثلك لاعب فيها الترميل لعب

سأل وراح للحفر وعالجهن واضبطن بس الرقم مو عندي
بامكانك تسأل أحد ربعك بالحفر تراه مشهور وقيمة المعالجه 150 ريال فقط
المميـز
17/04/2009, 02:39 PM
مثل ماقالوا لك الشباب

فيه محلات ترجع لك النور شد بلد

وانا قد سويتها اول وهي مضمونه 100%

سويتها بالرياض عند واحد فلسطيني بشارع الغرابي

ويحط لك عليها طبقه شمعية تحفظ النور من الترميل مره ثانيه
ابوعقل
17/04/2009, 04:23 PM
لا تغيره

فيه محلات تسويله سنفره ويرجع جدييييييييد

ولا يكلف واجد بالكثير 300 ريال

وعندنا محل بالدمام اسمه ((ارمز)) والله رجع انوار الbmw جديده

وسواه بأقل من 250

اسأل وشف اللي اقربلك وتوكل على الله وسوه
امبراطوور
17/04/2009, 04:53 PM
رح لم طبيب الزجاج يلمعهن لك
ان شاء الله
~EmPeRor~
18/04/2009, 02:44 PM
انا عندي جديدة يابانية ب 500 ريال اذا لك فيها راسني على الخاص طبعا 2 بخمس مية وقزاز مو بلاستك
LEXUS 570
18/04/2009, 06:04 PM
السلام عليكم

اخي الكريم الحل بسيط جدا وأنا (واعوذ بالله من كلمه انا)سويتها على سيارتين مو سياره وحده وخلك من اللى يقول غير الغطاء او اشتر شمعات جديده.

تروح لورش السمكره وتخليهم يرشون لك الشمعات سواء بلاستيك او قزاز بماده تسمى (لكر) طبعا هي رمل مره ناعم ويضربونه وجه اخير بعد رش البويه علشان يعطي لمعه.

ولو انك فى مدينه الخرج ابشر من عيوني اوصلك الين الورشه نفسها وتراه رخيص مره ياخذ على الشمعه 40 ريال والكشافات السفليه 20 ريال ومنها تكسر الفنجال ونكسب معرفتك.

تحياتي
عآشق الحره
18/04/2009, 08:06 PM
يعطيك الف عافيه بسوي نفس الطريقه

انا من العلا ويني وين الخرج
مشكور معروفين بالرجاله وعلوم الرجال مايحتاج
ابوعبدالله9999
19/04/2009, 12:05 AM
التلميع يلمعون ويصنفرون حتى البلاستيك ... اما ملمع شمعات فورد بلاستيك وطلعت زي الجديده .... وبخمسين ريال الشمعتين .
sameer_1798
19/04/2009, 01:31 AM
والله ياخوي أني وقعت بنفس مشكلتك معي لاند 2000 والشمعات قزاز ورملت ... وكل الورش رفضوا يلمعونها لي ... واشتريت شمعات تجارية بلاستيك جديدة وكانت صيده بسعر 350 ريال للشمعتين .. والحمدلله الآن لها 4 سنوات ومن أحلى مايكون والعام رملت علي في سافي الساحل ولمعتها ورجعت جديدة .



فيه ربله تنحط من الوكاله من يوم تشتريها بس لوتبي في الغرابي كم محل يفكون القزازه وينظفونها واشتر الربله حقت النور يمكن الواحد 20 اريال والله اعلم
أخي الكريم ... ياليت تعطيني معلومات عن هذه الربلات وهل تباع في الوكالة وش أسمها .