المساعد الشخصي الرقمي

مشاهدة النسخة كاملة : عااااجل محتاج لفزعتكم يا أخوان بخصوص سيارتي الديزل


خفيف الروووح
16/04/2009, 09:16 PM
لو تكرمتوا يا أخوان لن أستغني عن آرائكم
عندي جيب 2000 ديزل جي اكس شد بلد وودي أقلبه بنزين ( ترهيم )
وش رايكم يا أخوان ؟؟؟
يعني وش يترتب عليها بالمستقبل وتكاليفها اللي عنده خبرة بهالموضوع الله يرحم والديكم
لأنه مكينته الصراحة خلاص تعبانه ويبي لها توضيب وأكيد ما تقل عن 5000 ريال
فا وش اسوي بهالحاله
او من يدلني على ورشة او تشليح ورقم تلفونهم أسألهم
ومشكورين أنتظر ردودكم
الدبل الثقيل
17/04/2009, 06:39 AM
إن شاء الله يفيدونك الإخوان ... لكن هل اشتريت الجيب جديد في وقته ؟ ولى أخذته مستعمل ؟ وترى توظيب الديزل أحيان يوصل 15الف...
بو خليفه
17/04/2009, 02:14 PM
انا اقترح عليك السيارة موديل 2000 انتهى زمانها بعها و اشتر غيرها بنزين
السنع كله
17/04/2009, 03:00 PM
العادة ان مكينة الديزل تعمر لايكون مضيق صدرك الدخان او ضعف العزم هذه ضريبة الديزل الامر الاخرالتعديل يبي ياكل عليك شيء مايخطر في بالك واصبر على حمارك لا يجيك اقرد منه او بعه بيعة كلب سرق اهله ويعوضك الله خيرا منه علاج دخان الديزل صب مع الديزل ب5ريال بنزين مرة وتشوف كيف ينقطه الداخان وان عاد عد وهي تجربتي في سيارتي الله يوفقك لمافيه سعادتك
m1m
17/04/2009, 06:29 PM
بعه واشتر غيره لأنك بتضطر لتغيير أمور كثيرة خصوصا المكاينة والرديتر .. وكل ما يتعلق بهما
عاشق الهجوله
17/04/2009, 08:10 PM
تبي تكلفك قيمه غير بسيطه لكن مثل ماقلو الشباب بيعه وشوف لك غيره
abumohammad99
17/04/2009, 08:36 PM
علاج دخان الديزل صب مع الديزل ب5ريال بنزين مرة وتشوف كيف ينقطه الداخان وان عاد عد

الدخان حله فلتر الديزل وانا اخوك غيره ويروح.
ابومدين
17/04/2009, 08:45 PM
السلام عليكم جمعآ

اخوي كان معي جي اكس ار 2004 ديزل وتضايقت من عزمه وصوته
اضف الى ذالك ارتجاج السياره عند الوقوف

حاولت اني اقلبه بنزين لكن قالولي رايح يكلفك اكثر من 8 الاف ريال

واخيرآ عرضته في هذا المنتدى وبعته ب69 الف

الله يعينك ويسير امرك
امبراطوور
17/04/2009, 09:09 PM
رح لم ورشه الغنيمان ببريده هو يقولك وش الحل مع مكينتك الديزل
اعرف عيال مركبين مكاين ديزل عنده
خفيف الروووح
17/04/2009, 09:47 PM
الله يعطيكم العافية على آرائكم وردودكم
والله يديمكم يارب

وبالنسبة للأخ اللي يسأل عن من متى معي الموتر .... تقريبا من أربع سنوات ومن يوم أشتريته ومكينته فيها تبخير بس ألحين صار يصرف زيت أكثر وعزمه ردي مرة وضعيف جدا وما ادري انا اوضبه او اقلبه بنزين
وانا صراحة ما أدري كم يجيب لي قيمه على وضعه كذا
ومشكورين جميعا
جنوبي الغاط
18/04/2009, 09:38 PM
لو تكرمتوا يا أخوان لن أستغني عن آرائكم
عندي جيب 2000 ديزل جي اكس شد بلد وودي أقلبه بنزين ( ترهيم )
وش رايكم يا أخوان ؟؟؟
يعني وش يترتب عليها بالمستقبل وتكاليفها اللي عنده خبرة بهالموضوع الله يرحم والديكم
لأنه مكينته الصراحة خلاص تعبانه ويبي لها توضيب وأكيد ما تقل عن 5000 ريال
فا وش اسوي بهالحاله
او من يدلني على ورشة او تشليح ورقم تلفونهم أسألهم
ومشكورين أنتظر ردودكم
مشكور ياخفيف الروح
نفس المشكلة ونفس المديل ومدري وش الحل كثير يقولون ركب بنزين وريح راسك من الصجة والغثى
سليمان 10
18/04/2009, 10:16 PM
الاخ العزيز موترك يبي شمبر وتغيير البخاخات وتوضيب الطرمبه عند ورشة المطرودي على طريق المطار في القصيم وبعدها انشاء الله قل لراعي البنزين الحق والتكلفه تقريبا اربعة آلاف فقط 0افضل من بيع السياره وتركبك الديون وتضيق بك الدنيا 000
حسين السبيعي
18/04/2009, 10:35 PM
اخي العزيز ارجو من الله لي ولك وجميع المسلمين التوفيق وانصحك بعدم تغيير المكينه من ديزل الي بنزين لنها سوف تكلفك المال والجهد في البحث عن القطع ولي تجربه مع هايلوكس 2002 حولت اغيرها الي بنزين ولكن كانت الشغله مكلفه جداً يقولون لازم تغيير الضفيره كامله لان الديزل تفرق عن البنزين وبعد حساب القطع والتعديل كلفة حوالي 12000 الف ريال هونت ووظبة المكينه 5600 اصلي من سنه ونصف وكل شي تمام ؟؟؟؟ ولك تحياتي
خفيف الروووح
18/04/2009, 10:47 PM
الاخ العزيز موترك يبي شمبر وتغيير البخاخات وتوضيب الطرمبه عند ورشة المطرودي على طريق المطار في القصيم وبعدها انشاء الله قل لراعي البنزين الحق والتكلفه تقريبا اربعة آلاف فقط 0افضل من بيع السياره وتركبك الديون وتضيق بك الدنيا 000
الله يجزاكم خير ويطول أعماركم على عمل صالح
أبشركم رحت للمعارض اليووووم وبعت الموتر ولله الحمد
صحاري 97
18/04/2009, 10:52 PM
ريح راسك وبيع السيارة
وخذ لك بنزين عطي الله
خفيف الروووح
20/04/2009, 12:08 AM
الأخ جنوبي الغاط المحترم
معليش ما اقدر ارسل لك عالخاص علشان عدد المشاركات
وبخصوص سؤالك // الموتر انباع بـــ 48000 ولله الحمد لأنه نظيف مررررة ما عدا مكينته فقط
وبالتوفيق ان شاء الله