يقولون البلا من رأس المكينة .. والله البلشة

[جال النفود]

السلام عليكم ورحمة الله وبركاته ..

الله يحييكم يالربع ..

السالفة وما فيها يا طويلين الأعمـار .. إن كنت امشي بالسيارة وفجأة الحرارة بدأت ترتفع بشكل مفاجئ وملحوظ .. :(
وقفت على جنب وطفيت السيارة ونزلت وأشوف الماء من يتهرب قلت عز الله ما عينا خير وأشغل السياره وازيدهـآ ماء

ومشيت وبعد فترة شوي زادت لأني كنت متجه للورشة والحرارة ترتفع بس ما وصلت للنصف ..

صلحته ..

يقولون إن رأس المكينة حصل فيه خلل .. وتعرفون رأس المكينة شي مو سهل .. :mad:

وأنا صراحة ما ارتحت لكلامهم قلت .. الكلام الفصل عند الرجال القروم أهل مكشات ..

بعد ما صلحت السيارة أشوف إن حرارة السيارة تغيرت عن قبل بحيث إن لمـا أمشي سرعة أكبر تزيد الحرارة مو زي قبل بس ما توصل للنصف ..

سؤالي هو كيف أدري إن الخلل من رأس المكينة .. ؟؟ :confused:

سيارتي باترول بخاخ ..

وسلامتكم .

[VXR.2007]

وش نوع السياره ومديل

[taag1]

ان شاء الله يفيدونك اهل الخبره او اهل النياسين .,.,.,.,

[السفيررر]

سيخ الرديتر وتنحل المشكلة ان شاء الله

[مخاوووي الليل]

أخوي جال النفود

والله ماني بذيك المعرفه
بس أخوي افتح غطاء الرديتر وهي شغاله السياره وبعدين ادعس بنزين اذا بخ الرديتر ورتفع الماء فوق في بمكن راس المكينه بس قبل لاتسوي اشغله خل الرديتر مليان ماء والحراره طبيعيه

وان شاء الله مايكون راس المكينه والاخون اعرف مني ويبون يفيدونك

[ابو شهد]

صيخ الاديتر تلقاه من ارتفاع الحرارة نافظ الوصخ ومسدد المواصير
وبعض السيارات ينصفط الخرطوش ومايخلي الماء يمشي بين الطرمبة والاديتر صح ومضبوط
وان شاء الله ان الراس مابه الا العافيه

[سلومي سار]

لا تنسى بلف الحراره شف وش وضعه لانه يسبب ارتفاع للحراره في حال تعطل ( وان شاء الله تكون شي جدا بسيط ) اتمنا لك التوفيق

[السنع كله]

لاتاخذ كلامهم بسرعه اعرضه على غيرهم

[امبراطوور]

شيك على كل قطعه متخصصه بالحراره واللي تحتاج تغيير غيرها
عندك الاديتر يهرب او لا او يحتاج تسييخ او تغيير
فيه مويه الاديترهي زينه نظيفه وانصح بمويه تويوتا مع علبه مقطر
وفي غطاء الاديتر حتى يصير منه حراره
شف الخراطيش اذا فيه تهريب او شي
بلف الحراره اذا كان موترك قديم غيره

[جال النفود]

الله يحيي كلن بآسمهـ ..

شاكر لكم يالغالين مروركم أسعدني .. الله يسعد قلوبكم الطاهرهـ ..

.....

بعد مأ دخلته الورشة قلت لهم نظفوا المواصير وكل شي وحطوآ ماء راديتر أصلي ..
يعني يمكن يكون من بلف الحرارة ..؟؟

علة السيارات الحرارة داء خطير .. الله يكفينا شره والمشكلة حنا على قبالة الصيف يالله إنك تعيننا من غثى وبلاوي هـ السيارات .

[أبوسعد 511]

اخوي صارت معي قبل يومين وانا ماشي مع خط وتصك الحراره فوق وانزل القى الأديتر يطبخ من قوة الحراره والقربه تقرقر من صوت الماء وقوة الحراره ..

الحل اني سيخت الرديتر وعبيت مويه اي سي ديلكو بـ 55 ريال .. وزدت ماء مقطر

ونظفت القربه

والحراره الآن تحت الربع ومع الخط والمكيف ...

شكراً..

[عاشق الهجوله]

لو في راس المكينة شي تلقاء صوت المكينة غير مرتاحه (يعني مختلف عن اول ) وتحس فيها رجه زايده شوي .
ولكن على كلامك ان المشكله في الحرارة بس وماذكرة شي عن المكنية خلك معي شوي .....
شوف شغل السيارة ومن ثم امسك لي الماء الي من الاديتر الى المكينة بتلقاه حار شوي رص عليه بيدك شوف هو ينرص ولا لا اذا كان ما ينرص تكون المشكله في البلف وذا كان ينرص تكون المشكله بالاديتر
وانتما تكون المشكله بسيطة

[الشاغور]

مرحبا اخوي مره حصلت معي هالسالفه اذا انت تشغل المكيفك يمكن من اللي المبرد حق الميف يهرب ماء وترتفع الحراره ولقيته بعد عناء طويل مع الورش وغيرت البلف بس مافيه فايده ويالله وبالله لقيته عن طريق الصدفه غيرته ورتحت يمكن تكون المشكله منه

[الهوى جنوبي]

مر على اكثر من ورشه ولا تاخذ بكلام ورشه واحده