من منكم شاف برج المملكة ويغطيه الغيم... ((صورة حقيقية من تصويري))

[فايز العامر]

السلام عليكم ورحمة الله وبركاته

والله يالربع انا من هواة التصوير من يوم انا بزر... واليوم عندي لكم صورة من تصويري وهي برج المملكة وقت الغيوم في احد ايام الامطار اللي جت على الرياض،، والصورة هذي حقيقية 100% ومافيها تغيير وعندي ملف فديو يثبت كلامي... لأني صورتها عشان اثبت ان عدنا ناطحات سحاب ((بس اذا جانا السحاب ونزل ))..

على العموم الكاميرا اللي عندي مثل وجهي 1 ميقا بكسل بس،، عشان كذا الصورة ماهي واضحة المعالم....


http://ftws.net/helaiwbn/free/0103_0010 copy.jpg

[ابو شكاع]

على قولة الشاعر

سحابة جدها من يم ابوها بارق ورعاد.........بغيت اسقي بها روحي لقيت الروح مشروبة

هلابك رعاد

صورة جميلة .......... وحتى وهي 1 ميقا ....جمالها في انك صورتها في الوقت المناسب يعني وقت ما يتكرر كثير

وبما انك على كلامك هاوي تصوير من زمان ......... ما فكرت تشتري كاميره بمواصفات افضل ؟

هلابك

ولاهنت

[فايز العامر]

الفكرة موجودة يابو الليد...

بإذن الله راح اشري عكّاسه جديدة قريّب بالحيل....

[تالي الاولين*]

.


صورة رائعة

يعطيك العافية اخوي رعاد


.

[صاروخ]

سلمت يداك يارعاد


وكل عام و انت تشوف مثل هذا المنظر

[بحر]

جميلة أخوي ...ومايصير ماتشتري كاميرا فخمة مادام أنك هاوي تصوير ..

والتنافس بين الشركات جعل أسعارها تنزل شوي ..وهذا من صالحنا ..

نحن بانتظار الإبداع القادم بالكاميرا الجديدة ..

محبك بحر

[المسفهل]

إي والله انهج اشر من هالعكاسات السنعة .
صورة ولا أجمل منها تسلم يمينك يالغالي .

[ناصح]

صورة مسكته لكن ليتها أقرب و أوضح

يعطيك العافية

[ولد]

صوره رائعه جدا
لكن بعيده شوي

[هبوب]

وماقصرت

[*القبطان*]

صورة جميلة جداً

يعطيك العافية

[ابوصالح*]

الله يوفقك ووقت مناسب للالتقاط لكن لو انك في طريق الملك فهد ما جبتها زين ويبدو انك في
شارع التخـــصصي .

[الضاري]

الأصل كُتب بواسطة تالي الاولين*
.


صورة رائعة

يعطيك العافية اخوي رعاد


.

[فايز العامر]

يعطيكم الله العافية

صحيح انا كنت في طريق التخصصي متجه لشغلة معينة ماقدرت اقرب للبرج اكثر...

على فكرة ترى حجم الصورة كبير مرّة يعني تصلح خلفية بس صغرته عشان تفتح بسرعة للشباب في المنتدى....