قطعة باللاند كروزر من يحلها ؟؟

[قناص خلاوي]

السلام عليكم
صبحكم / مساكم الله بالخير يالربع

واحد من الربع معه لاندكروزر gx موديل 98 وفيه قطعة غريبة
وانت ماشي يطفى فجأة ثم ينتع ويشتغل وأحيانا كود تدبل على الكلتش علشان ينتع ويمشي

الرجال حط الموتر بورشة معروفة ولا خلوا شي مافحصوه
حتى الكمبيوتر اليوم غيروه وقالوا اطلع بالموتر وجرب .
طلعت فيه أنا السواق وفصل معي يجي سبع ثمان مرات في اقل من عشرة كيلو ؟؟؟

وش تهقون العلة منه ياهل العرف ؟؟؟

[سايق الجيب]

اتمنى اني اعرف
الله يعينكم وسهل دربكم

[الوادعي 2008]

والله غريبه اول مره اسمع عن هالمشكل
الله ييسر لكم حلها من دون زود خساير

[سعود الحربي]

اخوي المفروض انهم يفحصونها كنبلوتر

وكانك من اهل القصيم مررها على ورشة الشيبان وان شاء الله يحلونها لك

[سسته]

لك رسالة على الخاص

[قناص خلاوي]

اتمنى اني اعرف
الله يعينكم وسهل دربكم

بيض الله وجهك وصل اللي عندك ياطيب



والله غريبه اول مره اسمع عن هالمشكل
الله ييسر لكم حلها من دون زود خساير

الله يجزاك خير اخوي ويرحم والديك
الخساير مخلوفة كانها بتحل المشكلة
لكن البلا لا كثر التدبير ولا انحل شي ؟؟؟



اخوي المفروض انهم يفحصونها كنبلوتر

وكانك من اهل القصيم مررها على ورشة الشيبان وان شاء الله يحلونها لك

الكنبلوتر ياخوي سبق وجربته بباترول والله انه طلع
علل القدرة والمشكلة الاساسية ماجاب خبرها
واخوك بالرياض الله يجزاك خير ويرحم من عقبك




لك رسالة على الخاص

تسلم اخوي سسته وراح يتم الرد إن شاء الله
بيض الله وجهك وغفر ذنبك

[أبو نوير]

السلام عليكم ورحمة الله وبركاته
أخي العزيز المشكلة بأذن الله من الكويلات (الي تمسك في البواجي)

المشكله قد صارت لي ولا خليت ورشة مارحتها آخر عرفنا العله

[قناص خلاوي]

السلام عليكم ورحمة الله وبركاته
أخي العزيز المشكلة بأذن الله من الكويلات (الي تمسك في البواجي)

المشكله قد صارت لي ولا خليت ورشة مارحتها آخر عرفنا العله

وعليكم السلام ورحمة الله وبركاته
يعني أخوي نغير اسلاك البواجي ؟؟
والله الظاهر ان راعي الموتر مغيرهن
لكن بسأله باكر وأشوف
جزاك الله خير ورحم الله والديك

[أبو نوير]

قول حق راعي الورشه يشيك على الكويلات و يشوفهم توصل ولا لا
هذا اهم شي وبأذن الله تكون هذي المشكلة

[ذئب عوا]

أخوي هذه سارت معاي قبل عشر سنوات تقريباً

ومابوه شيء مازينته .. في الأخير واحد من الشباب

قالي فك تانكي البنزين قلت له انت مهبول

قال فكه ونظفه منت بخسران شيء

قلت وش عليه ونفكه ونزله وغسلناه

تدري وش طلع : طلعت أكياس وماصوره بلاستيك

حتى دراهم عينت وماسح لونها من البنزين

وعقبها يارب لك الحمد الموتر زان ..

[قناص خلاوي]

قول حق راعي الورشه يشيك على الكويلات و يشوفهم توصل ولا لا
هذا اهم شي وبأذن الله تكون هذي المشكلة

إن يسر الله بقول له باكر
الله يجزاك خير اخوي الكريم ويبض وجهك دنيا وآخره

[قناص خلاوي]

أخوي هذه سارت معاي قبل عشر سنوات تقريباً

ومابوه شيء مازينته .. في الأخير واحد من الشباب

قالي فك تانكي البنزين قلت له انت مهبول

قال فكه ونظفه منت بخسران شيء

قلت وش عليه ونفكه ونزله وغسلناه

تدري وش طلع : طلعت أكياس وماصوره بلاستيك

حتى دراهم عينت وماسح لونها من البنزين

وعقبها يارب لك الحمد الموتر زان ..

والله أخوي كل شي جايز
هالاحتمال مانيب غافل عنه
إن مالقينا حل واضح راح افك التانكي ان شاء الله

لا هنت اخوي وعسى عمرك طويل على الطاعة

[suspict]

انا معي Gx موديل 98 وصار لي نفس الحاله بعض الاحيان امشي ويطفي وينتع بس اذا كبست العالي وصار اكثر من مرهـ ووديته لكهربائي قالي لازم تغير اصابع البطاريه وشريت اصابع جديده ونضفت البطاريه ولله الحمد الحين شغال تمااااااااام ومافيه اي مشكله

هذي اللي صارت معي يمكن يكون شئ من عندك مثل البطاريه او سلك كهرب يعني ان شاء الله تلقاها حاجه بسيطه


ولك تحيتي

[قناص خلاوي]

انا معي Gx موديل 98 وصار لي نفس الحاله بعض الاحيان امشي ويطفي وينتع بس اذا كبست العالي وصار اكثر من مرهـ ووديته لكهربائي قالي لازم تغير اصابع البطاريه وشريت اصابع جديده ونضفت البطاريه ولله الحمد الحين شغال تمااااااااام ومافيه اي مشكله

هذي اللي صارت معي يمكن يكون شئ من عندك مثل البطاريه او سلك كهرب يعني ان شاء الله تلقاها حاجه بسيطه


ولك تحيتي

الله لايهينك اخوي
الموتر يطفى لحاله بدون سبب لا كبس عالي ولا غيره
يطفى خير شر ماهوب يتفتف أو يناتع
واذا طفى اترك دعسة البنزين ثم أدعس ويشتغل كأن مافيه شي
وأحيانا لازم ادبل كلتش عشان ينتع ويشتغل ؟؟
البطارية أخوي ينتهي دورها بتشغيل الموتر ثم يصير الشغل كله على الدينمو ماأظن لها علاقة بطفية الموتر .

بيض الله وجهك ورحم الله والديك

[فاقد الديرة]

شيك على تربة البنزين

[زاير الغيم]

شيك على نظام البنزين يعني من التانكي وأنت ماشي هذا إحتقان بنزين..

يعني البنزين يوصل منه شئ بسيط والأكيد فيه سدد يا بالتاكي أو الطرمبة فيها مشكلة..

والشغلة مهيب كهرباء لأن الكهرباء تصير تفتفه ماتطفي السيارة

[فتى الوادي]

غير أسلاك البواجي ...

[الكونترولCONTROL]

وديته لكهربائي قالي لازم تغير اصابع البطاريه وشريت اصابع جديده
ونضفت البطاريه ولله الحمد الحين شغال تمااااااااام ومافيه اي مشكله:good:

صارت لي المشكلة و قطع علي بالطريق السريع
كم قطعة شينة لدرجة أني خفت ان القير انكسر !!!

و فعلا وجدت أني ناسي أشد الأصبع !!

[سليمان 10]

حرج على الموتر تحت الميكرفون وانشاءالله سوف تزول المشكله 0اسأل مجرب 000

[قناص خلاوي]

شيك على تربة البنزين

الطرمبة مشيك عليها
وجربت طرمبة التانكي الصغير
كلهن مافيهن خلاف

لاهنت اخوي

[قناص خلاوي]

شيك على نظام البنزين يعني من التانكي وأنت ماشي هذا إحتقان بنزين..

يعني البنزين يوصل منه شئ بسيط والأكيد فيه سدد يا بالتاكي أو الطرمبة فيها مشكلة..

والشغلة مهيب كهرباء لأن الكهرباء تصير تفتفه ماتطفي السيارة

يمكن من الليات ؟؟
لكن الاحتقان اخوي يسبب تفتفة ويقطع ثم يطفى
الموتر صافي مرة لكن تجيه حزات يطفى خير شر بدون تقطيع أو تفتفه نهائيا؟؟؟

واحتمال يكون من الكهرباء لانها لو قطعت يطفى الموتر
واحتمال يكون فيه التماس كهرب
أول ما شيك الكهرباء على الفيوز لكن ماحصل شي

جزاك الله خيرا أخوي

[قناص خلاوي]

غير أسلاك البواجي ...

إن شاء الله بغيرها واجرب باكر
لاهنت اخوي

[قناص خلاوي]

:good:

صارت لي المشكلة و قطع علي بالطريق السريع
كم قطعة شينة لدرجة أني خفت ان القير انكسر !!!

و فعلا وجدت أني ناسي أشد الأصبع !!



الموتر قطع أخوي أو طفى خير شر

على العموم البطارية تأكدت منها مافيه خلاف

جزاك الله خير

[قناص خلاوي]

حرج على الموتر تحت الميكرفون وانشاءالله سوف تزول المشكله 0اسأل مجرب 000

جزاك الله خير اخوي
الموتر لو يشوفه البعيد كان يطرش الله يكرمكم
جايه كرف وصدمات القدره
أما داخلية كأنه عشة ........ :)
مافيه شي يلفت النظر وأنا أخوك

[mohd26]

اما شغلات اسلاك البواجي فافضل حل لها انك اتشغل الموتر
في الليل يعني في مكان ظلام خرمس وتفتك الكبوت وتعطي الموتر ريس
شوي وبتشوف اذا فيها تسريبات كهربائية

[ابوالعز4800]

1- شيك على الكويلات.
2- شيك على اصابع البطارية لانها بالفعل اذا ماكانت مشدودة يطفي الموتر وانت ماشي وكثير تصير.
3- شيك على السويتش (معي هوندا كانت تطفي وانا ماشي وانا واقف وشيكت عند الكهربائي وغير السويتش وضبظت).
موفق...

[N-xterra]

السلام عليكم
صبحكم / مساكم الله بالخير يالربع

واحد من الربع معه لاندكروزر gx موديل 98 وفيه قطعة غريبة
وانت ماشي يطفى فجأة ثم ينتع ويشتغل وأحيانا كود تدبل على الكلتش علشان ينتع ويمشي

الرجال حط الموتر بورشة معروفة ولا خلوا شي مافحصوه
حتى الكمبيوتر اليوم غيروه وقالوا اطلع بالموتر وجرب .
طلعت فيه أنا السواق وفصل معي يجي سبع ثمان مرات في اقل من عشرة كيلو ؟؟؟

وش تهقون العلة منه ياهل العرف ؟؟؟


فيه أحد المشاكل التالية:
1- كهرب الكويلات فيه سلك مرتخي وغالبا من أصابع البطارية أو داخل شنطة الفيوزات
2- طرمبة البنزين تطفى وتشتغل لحظيا
3- البطارية أمبيرها إذا تحرك الموتر صار يلخبط

[ابوهيثم7771]

السلام عليكم


اخوي تاكد من كهرباء البخاخات الافياش احيان يكون الفيش متوسع ولا يوصل كهرباء فإذا ميشت واخذت مطب يتحرك ولا يوصل واذا نتعت السيارة من شدة النتعة يتحرك ويوصل شف كهربائي خله يتاكد منهن


والله اعلم ان هذه المشكلة اللي عندك لانها صارت معي قبل هالمرة

[قناص خلاوي]

اما شغلات اسلاك البواجي فافضل حل لها انك اتشغل الموتر
في الليل يعني في مكان ظلام خرمس وتفتك الكبوت وتعطي الموتر ريس
شوي وبتشوف اذا فيها تسريبات كهربائية

صدقت أخوي
والحل الأفضل إني أغيرها خير شر وأتأكد
الله لا يهينك

[قناص خلاوي]

1- شيك على الكويلات.
2- شيك على اصابع البطارية لانها بالفعل اذا ماكانت مشدودة يطفي الموتر وانت ماشي وكثير تصير.
3- شيك على السويتش (معي هوندا كانت تطفي وانا ماشي وانا واقف وشيكت عند الكهربائي وغير السويتش وضبظت).
موفق...

بحول الله وقوته راح يتم التشييك عليها كلها
واحتمال تغييرها كاملة
لاهنت اخوي

[ذيب حطابة]

حياك أخوي

مشكلتك تراها كهرب ولا دخل للبنزين فيها, تأكد من أفياش الكهرب يمكن عليها كربون وبالأخص أفياش الكويل

[الكونترولCONTROL]

الموتر قطع أخوي أو طفى خير شر , جزاك الله خير
و جزاك الله بمثله ! ليته طفى و لا قطع مثل ذاك التقطيع !! تخيل في
30 ثانية قطع 4 مرات متتابعة كل منها مدته 3 ثواني تقريبا
ثم يعود و يشتغل و كأنه يسحبه شيول و القير يرجف مع عودة الكهرباء !!
صار الوضع كأني أقفز من عقم و معي ناس نائمة !!

[قناص خلاوي]

فيه أحد المشاكل التالية:
1- كهرب الكويلات فيه سلك مرتخي وغالبا من أصابع البطارية أو داخل شنطة الفيوزات
2- طرمبة البنزين تطفى وتشتغل لحظيا
3- البطارية أمبيرها إذا تحرك الموتر صار يلخبط

الكويلات والبطارية بشيك عليها
الطرمبة شيكت وجربت طرمبة التانكي الثاني وكلهن مافيهن خلاف
جزاك الله خير اخوي

[straitlaced]

أنا صار معي التنتيع وتطفي السياره وتنتفض وترجع وتشتغل

طلع عندي فلتر البزين والكلام ذا صار معاي على هايلوكس 92

علتني وربي ورفعت ظغطي بس لله الحمد والمنه

جرب الفلتر قبل لاتفك خزان البنزين ولا تخلي أي واحد يفكه لك تأكد من الورشه

أخوي فكو لمرسدس عنده يلحمون خزان البنزين وهم يفكونه مانظفوا التامكي من

البنزين والهندي معاه لمبه وطاح البنزين عليها

وحترقة سيارته فا أنتبه ياغالي الفلتر أرحم وأسهل من التانكي

جرب وشف وأن شاء الله تطلع العله بسيطه ويعوظكم ربي خير

[ريكان]

السلام عليكم اخوي قناص مثل ماقالك ابو نوير شيك على الكويلات واذا ماهي منها افحص مجمع الفيوزات انا قد صارت معي موتري gxr 2001

[قناص خلاوي]

أنا صار معي التنتيع وتطفي السياره وتنتفض وترجع وتشتغل
طلع عندي فلتر البزين والكلام ذا صار معاي على هايلوكس 92
علتني وربي ورفعت ظغطي بس لله الحمد والمنه
جرب الفلتر قبل لاتفك خزان البنزين ولا تخلي أي واحد يفكه لك تأكد من الورشه
أخوي فكو لمرسدس عنده يلحمون خزان البنزين وهم يفكونه مانظفوا التامكي من
البنزين والهندي معاه لمبه وطاح البنزين عليها
وحترقة سيارته فا أنتبه ياغالي الفلتر أرحم وأسهل من التانكي
جرب وشف وأن شاء الله تطلع العله بسيطه ويعوظكم ربي خير

جزاك الله كل خير اخوي
الموتر صافي 100% لا تفتفه ولا تنتيع ولا شي
لكن يطفي فجأة تقول مطفيه بالمفتاح ثم ينتع من حاله أو بتدبيل الكلتش
الفلتر والبخاخات وطرمبة البنزين كلها مشيك عليها وتمام

والله يعوض أخوك على ماخسروه هالغشمان ولا يهينك اخوي

[قناص خلاوي]

السلام عليكم اخوي قناص مثل ماقالك ابو نوير شيك على الكويلات واذا ماهي منها افحص مجمع الفيوزات انا قد صارت معي موتري gxr 2001

وعليكم السلام ورحمة الله وبركاته
الكويلات تم التشييك عليها اليوم
وباكر إن شاء الله نجرب ونشوف
والفيوز أخوي اول مابدى الكهربائي بها ولا لقى بها خلاف

لاهنت وبيض الله وجهك أخوي

[قلب الأسد7E]

الله يعينك في حل

[الشنه]

اخوي رح يم البريدي في الشفاء . الرياض

رجال سعودي و اهل ثقه


اذا تبي وصفه شفه في الأعلانات في منتديات تطعيس

[الوسم]

يا ليتك تكتب ماتم في السيارة من تغيير أو تشييك مع طريقة التشييك وذكر الأول فالأول بالترتيب !!!


يمكن إن الإخوان يشوفون الموضوع بشكل أفضل وبناءً عليه يتم التشخيص الصحيح


والله يكتب الصالح المبارك لنا ولك


مع إن الموضوع قدييييييييييم وله حوالي السنه وأنت ما رديت على الموضوع سواء إنك لقيت العله أو إنك بعت السياره


فماذا تم لكي يستفيد إخوانك اللي شاركوك في الموضوع أو إطلعوا عليه ؟؟؟؟

[قمة افرست]

الله يعينك
شوف طال عمرك انت الي تحدد الخراب بعطيك معلومات تستطيع ان تقراء الخراب وتحدده ونبدا بالاسهل


دام التقطيع ماهو دايم هذا يعني اسلاك البواجي سليمة الي هي الكويلات لانه لوخربانه بتفتف على طول وحتى لوخربانه ماتطفي السيارة اذا اسلاك البواجي سليمة وخاصة سعرها غالي لاتغيرها


نجي لشغلتين مهمة


اذا صارت التفتفه هذه او التقطيعه والسيارة ماتقبل بنزين ويطلع دخان اسود
اذا كان يطلع دخان اسود ولاتقبل دعس وهي شغالة مع تفتفه نقول العطل بنزين
مبدئيا لان فحصه وتصليحه اسهل
واقترح عليك تغير صفاية اذا ماغيرت وبعدين تعبي نص التانكي الاحتياط وتحط منظف بخاخ اصلي
على التانكي الاحتياط ولايكلفك شي وتمسك خط بسرعة 140 الين 50 كيلو
الطرمبة ماراح اتكلم عنها لانك تقول متاكد انها سليمة علما اذا سخنت تعمل نفس الشي اذا كانت الطرمبة جنب المكينة زي الموديلات القديمة بتلقى حولها بنزين يدل ان فيها تنسيم وخلل


بعد كذا اذا مازبط الموتر


نجي للكهرباء


اذا كانت القطعه بعدها تدق سلف ولاتقبل بس تدق لاكن ماتشتغل هذا ياكد انه مشكلة بنزين واحتمال الكهرب سبب ضعيف



اما اذا مافيه كهربا ولاتدق تصير المشكلة كهرباء واحيانا تكون كهرباء كما ذكرنا


واحتمالات الكهرباء


اصبع البطارية الموصل بالبطارية والسلف والتوصيلا ت الي من البطارية
منظم الكويل يسمونه الاستنس مادري موجود بالجيب ولالا بس الكهربائي بيعرف
الكويل نفسه او سلك الكويل ماهو كويل الاصبع كويل موصل الكهربا للديلكو
يكون فيه مشكلة
شيك علية او نظفه اسلاكه
ماني متاكد اعتقد بالجيب جنب علبة الفيوز الي بالكبوت


موفق

[1181]

السلام عليكم
اذكر واحد من الشباب معه جيب خسر عليه اكثر من ثلاث الاف ريال واخر شي لقى راعيه الأول مركب فاصل
اقول اخوي اذا انت شاري الموتر مستعمل امل منك فحص الاسلك وانشاء الله تلقى الفاصل
وتأكد من أنك مافصلت شي من الموتر وهو شغال لانه لازم تفصل البطارية على شان يسوي الكمبيوتر رست
واسف على الاطالة
وأسأل الله ان يسهل امرك