المساعد الشخصي الرقمي

مشاهدة النسخة كاملة : اخلي الموتر شغال والا اطفيه


الهوى جنوبي
19/04/2009, 11:23 PM
اخواني الاعضاء الكرام اسعد الله اوقاتكم بكل خير عندي استفسار بسيط وارجوا المشاركه لتعم الفائده اذا كنت جاي من مشوار بعيد يعني ماشي ساعتين او ثلاث الخ ووصلت البيت هل اطفي الموتر على طول والا اخليه شغال لمدة دقيقه او دقيقتين لأن الاحظ بعض الناس يخلي الموتر شغال فتره بسيطه بعدين يطفيه وش الصح ؟
هذا علمي وسلامتكم
لن أمل من العطاء
19/04/2009, 11:33 PM
اولا على حسب الموتر

يعني الاكسنت مو مثل الجمس

ثانيا انت اذا كنت جاي من سفر ووصلت بحمد الله وسلامته

هل انت تصل مباشره لمقر سكنك اقصد بذلك تكون ماشي 140 فرضا وفجأ تصل لمنزلك ام تصل لمدينتك وتوقف عند الاشارات والزحام وداخل الحي ثم تنزل الاغراض اللي معاك بعدها تطفئ المحرك

الغرض من ذلك هو تبريد الماء في الاديتر ومنعه من الضغط على الديتر وممكن يصير فيه تهريب من زود الضغط


ان شاء الله وصلت الفكره
حيدر الو
19/04/2009, 11:54 PM
اولا على حسب الموتر

يعني الاكسنت مو مثل الجمس

ثانيا انت اذا كنت جاي من سفر ووصلت بحمد الله وسلامته

هل انت تصل مباشره لمقر سكنك اقصد بذلك تكون ماشي 140 فرضا وفجأ تصل لمنزلك ام تصل لمدينتك وتوقف عند الاشارات والزحام وداخل الحي ثم تنزل الاغراض اللي معاك بعدها تطفئ المحرك

الغرض من ذلك هو تبريد الماء في الاديتر ومنعه من الضغط على الديتر وممكن يصير فيه تهريب من زود الضغط


ان شاء الله وصلت الفكره
الاكسنت مومثل الجمس ممكن توضح يالغالي
سعد777
20/04/2009, 11:07 AM
يعني ياطويل العمر كل ماكبرت الماكينه يلزمها ترييحه شوي وعلى حسب ماقال اخي لن أمل من العطاء

يعني معك اكسنت ماكينتها صغيره مره ماله داعي تخليها شغاله ماتفرق معها

بس لو جمس او ماكينه من 6 سنردل وفما فوق يلزمك اقل شي دقيقه هذا انت جاي من سفر ولبقت عنده محطه لا تتطفيه خله اشوي وبعده طفه اما اذا انت قاصد منزلك في مدينه فأكيد انك بتوقف شوي هناوعند الأشاره شوي وعند اللفه بتهدي ويصير ضغط الماكينه والزيت ركد ونت ما وصلت بيتك على طول اطفي المحرك ما يحتاج تخليه شغال
binmussa
20/04/2009, 11:32 AM
انا عن نفسي .....لازم اخليها شوي ....اقل شي دقيقتين الى خمس

حدثت لي مشاكل اكثر من مرة لأني طفيت السيارة على طول

بس طبعا تكون جايه من خط سفر طويل
هايبر
20/04/2009, 12:07 PM
معلومه للتوضيح :
الماء يطلع من اللديتر بارد و يروح للمكينه لتبريدها و يطلع من المكينه و يرجع للديتر و يكون حار و اللديتر يبرده و يرجعه للمكينه .في حالة تكون ماشي خط و توقف على طول يفضل ما تطفي السياره الى بعد ما يطلع الماء الحر من المكينه و يخل بداله ماء بارد من اللديتر لان لو طفيتها على طول بيكون الماء الموجود في المكينه حار و تبقا المكينه حاره الى ان يبرد الماء داخل المكينه وهذي تأخذ و قت طويل لين تبرد المكينه و في حالة ترك المكينه شغاله لمده تعطي الماء الحار فرصه يطلع من المكينه و يدخل بداله ماء بارد و بعدها تقدر تطفي السياره و بتكون المكينه أقل حراره من انك تطفيها على طول.اتمنى تكون الصوره وضحت لكم

مثل ما ذكرو الاخوان في حالة و جود و قفات قبل و صولك بسبب اشارات او غيرها بتكون المكينه بارده لان الماء البارد يمديه يوصاها و بكذا تقدر تطفي على طول .
هذا مجرد راي قابل للصح و الخطاء
باثفندر
20/04/2009, 12:38 PM
الاقرب للصواب انه الحديد ساخن ومدد ، اذا دخل عليه الهواء البارد مع انقطاع مصدر حرارة المكينة يؤدي الا انكماش الحديد وقد يشعر الراس ،
اسف على الفلسفة ، بس مااظن انه عندك مشكلة في فصل الصيف ، الفرق في الشتاء والدليل اسمع اصوات الطقطقة اذا وقفت بعد مشوار في ايام البرد.
عاشق الهجوله
20/04/2009, 10:18 PM
جميع الردود جيدة لكن انا امشي من النمطقة الشرقية الى المنطقة الجنوبية شدة واحدة يعني حوالي 1600كلم تقريباً وطفي السيارة مباشرة مع العلم ان اغلب السفريات تكون بجمس ولا عندي مشكله لكن اذا سافرة بسيارة ثانيه وهي دينا ديزل لازم اخلي السيارة اقل شي ربع ساعة شغاله لن الديزل يبرد وهو شغال يعني اذا ارتفعة الحرارة وانا ماشي في طلوع اوقف وخلها شغاله تنزل حرارتها
شمس المغيب
20/04/2009, 10:52 PM
يخوي المكينه كلها جلد ومع الاستمرار بهذا الطريقه وهي اتنك طفيها وهي حاره ولاعاد ركد الماء ولا الزيت اول شي يخرب عندك جلد البلوف وشوفت الدخان واجبه ومن ثم مع الوقت وزنيت البلوف تروح ومن ثم ليات الرديتر او الراس ووو الخ
الحاصل لابد من الدقايق الثلاث او الخمس
الهوى جنوبي
20/04/2009, 10:52 PM
جميع الاخوه اشكر لكم تجاوبكم ومشاركتكم
ودمتم سالمين
سهيل تميم
21/04/2009, 01:39 AM
الاحتياط واجب ..

قبل كم سنه على ايام الكابرس 2001 كان واحد من الشباب جاي من مكه ويقول وصلت الرياض ودخلت الموتر القراش وطفيته ..ثاني يوم لقا الحوش كله زيوت من المكينة ...

ما أدري هل من سبب انه طفا السيارة مباشرة او مشكله اخرى ..؟؟ الله واعلم

لاكن الواحد مايخسر شي لاخلى الموتر شغال اقل شي دقيقتين قبل يطفيه
مقلع الرمث
21/04/2009, 09:32 AM
والله انا اقول تصبر دقيقتين الين تاخذ راحتها المكينه ووضعها الطبيعي بعدين تطفي
abumohammad99
21/04/2009, 10:52 AM
الزين عقب ما تاصل لمتسانك افتح الكبوت نص ساعه عشان يبرد وما تفسد عليك الليات والجلد.
Riyadh City
21/04/2009, 01:22 PM
والله انا لي تجربة مع الجمس

طلعنا من الرياض لحايل شده وحده ويوم وصلنا حايل طفى الموتر بخطأ تقويمه لأنه قير عادي ,, وما شفنا غير ماء الرديتر كله تحت السيارة

فالحذر لا تطفون الموتر بعد مشوار طويل بسرعه خله شوي الى ان تنزل عفشك وتريح موترك

أما المواتر الصغيرة ما قد لاحظت عليها اي مشاكل من بعد تطفيتها من عقب مشوار طويل

تحياتي
الهوى جنوبي
21/04/2009, 10:48 PM
والله انا اقول تصبر دقيقتين الين تاخذ راحتها المكينه ووضعها الطبيعي بعدين تطفي
وانا معك في هذا الرأي
تحياتي
الهوى جنوبي
21/04/2009, 10:49 PM
الاحتياط واجب ..

قبل كم سنه على ايام الكابرس 2001 كان واحد من الشباب جاي من مكه ويقول وصلت الرياض ودخلت الموتر القراش وطفيته ..ثاني يوم لقا الحوش كله زيوت من المكينة ...

ما أدري هل من سبب انه طفا السيارة مباشرة او مشكله اخرى ..؟؟ الله واعلم

لاكن الواحد مايخسر شي لاخلى الموتر شغال اقل شي دقيقتين قبل يطفيه
شكراً على النصيحه وبيض الله وجهك
الهوى جنوبي
21/04/2009, 10:54 PM
الزين عقب ما تاصل لمتسانك افتح الكبوت نص ساعه عشان يبرد وما تفسد عليك الليات والجلد.
اخاف لا أنسى الكبوت مفتوح لثاني يوم :)
تحياتي،،،،،
الهوى جنوبي
21/04/2009, 10:55 PM
والله انا لي تجربة مع الجمس

طلعنا من الرياض لحايل شده وحده ويوم وصلنا حايل طفى الموتر بخطأ تقويمه لأنه قير عادي ,, وما شفنا غير ماء الرديتر كله تحت السيارة

فالحذر لا تطفون الموتر بعد مشوار طويل بسرعه خله شوي الى ان تنزل عفشك وتريح موترك

أما المواتر الصغيرة ما قد لاحظت عليها اي مشاكل من بعد تطفيتها من عقب مشوار طويل

تحياتي
شاكر لك تجاوبك ومرورك تحياتي